مركز بيع قيور مستوردة يقول رأيه في موضوع غيار زيت القير. أقتنعت بكلامه؟

م /سلطان اي شخص يجادل في عدم تغيير زيت القيربوكس اقفل معه الحوار لانه اول منعطف مع النقاش تتضح لك هشاشه المعلومه اللي عندة مرسيدس الحديث من ضمن جدول الصيانه الدوريه يتغير زيت القيربوكس عند 45k وأهل مكه ادرى بشعابها

و لا نزيد على سمنك إلا عسل لا يُفتى و مالك في المدينة 🫡🌹

حتى المتحدث ما جاب معلومة حقيقية لكن خذ العلم من اهل العلم

كيف ماتبيه يجي جي كلاس "باترول سفاري 😃

🤣

لاتغير زيت القير نهائي خاصة الموديلات الجديدة نصيحة محب

غيرت الزيت اول مره ٧٧ الف، ١٢٠ الف، ١٨٨الف، ٢٠٠ الف، ٢٥٠ الف، ٢٨٦ الف، ٣٤٥ الف، ٣٦٥ الف، ٤١٠ الاف، ٤٤٥ الف، ٤٩٨ الف والان قريب اغيره وهي ماشية ٥١٥ الف واللهم لك الحمد ماشية الامور خصوصاً في زيوت السي في تي تراهي تعمل ٣ مهمات مهمة هيدروليك ومهمة تزييت وتبريد القير لا تستهين فيها.

ماشاءالله تبارك الله CVT اذا اهتميت في زيوته يصمل

@mR_jAl6H عندي سفيك وأغير زيته كل ٤٠ وللأسف ضرب على ٢٠٠ الف

@PassionOfMotors الله يعوض عليك يا ياغالي مادري عن هوندا اذا عندهم فلترين للقير بس حق نيسان فيه فلتر ورق وفلتر معدني

الخلاصه :مركز بيع قيور مستورده منزعج جدا البضاعه الى عنده نشبت فى حلقه ..والناس بطلت تغير زيت خوفا من الخراب وبعضهم ينقص مقدار علبه ويزيد علبه كل سنه وامورهم ماشيه لو انه صور فى ورشه او قال انا اغير اكم زيت واذا خربت اعطيكم بديل من المحل كان افضل للمصداقيه.وسلامتكم

رحت بغير زيت القير الوكيل طلع لي ورقه اوقع عليها انه لو خبط القير مو مسؤول ولا يضمن شغله قلتله خل زيتك عندك وعطني مفتاحي اذا الوكيل مو واثق بتغيير زيت القير وخايف تبيني اغيره ليش

انا سمعت رأي اللي يقولون غير الزيت في وقته واغير فلتر الزيت مع كل تغيير ومشت السيارة الى الان 230 الف الحمد لله غيرت الطنجرة ووضبت القير والقير ماعوخةينا الاول. وعندي سيارة ثانية موديل 2007 ماغيرت زيت القير ابدا ومازالت على حال الوكالة وماشية فوق 500 الف واضح ان الاخ بيمشي سوقه

ما احب نظرة الاستعلاء هذي في اي خطاب .. اول ما اسمعها اعرف ان صاحبها غير واثق، او انه ما يملك إلا هذي المعلومة.. جدول الصيانة وتعليمات المصنع تغنيك عن اي فلسفة.

أعتقد معلوماتك يشوبها نوع من عدم الصواب للسبب التالي : سيارتي الخاصة جميع صيانتها منذ إشتريتها من الجميح كل ( 10000 ) كيلو يتم صيانتها لدى الوكالة حسب جدول الصيانة طوال خمسة سنوات وفي إحدى الصيانات المجدولة كان من ضمنها تغيير زيت الجربوكس وقالوا المرة هذي راح نغير زيت الجربوكس قلت لهم طيب تمام غيروه طالما أنا بالوكالة مافي مشكلة لأن الفاتورة فيها ضمان الوكيل وراح يكون كل شيء بضمان الوكالة حسب نظام وزارة التجارة تفاجأت بإحضار ورقة تعهد يريدون مني توقيعها وإذا بها أتعهد بأن شركة الجميح غير مسئولة عن أي أضرار يحدث للجربوكس بعد تغيير الزيت وإنني أتحمل وحدي هذا الضرر عندها رفضت التوقيع ورفضت تغيير زيت الجربوكس الخلاصة : طالما الوكيل لديه تخوف بضرر الجربوكس عند تغيير الزيت في موعده فهذا يدل على إنهم تكبدوا خسائر بسبب هذا الموضوع وقاموا بعمل هذا التعهد حتى لا يلحقهم أي مسئولية وتكون المسئولية على المالك

مع اني برى هالخلاف والقناعة عندي كل وبصره ولا تقنع احد ولا احد يقنعك عموما يقول انت معهم يوك يصنعون القير ؟ يعني حاشره وهو براسه المتحدث حسسني انه مهندس جنرال موتروز وهو حده يبيع تشليح يقول المستورد جاينا مفرغ من الزيت وما به اخس من المستورد غالبا تقربع يقول المصنع يفول غير ..

فورد اكسبيدشن ٢٠١١ اغير الزيت كل ٤٠ الف كم وبسم الله ماشاء الله عليه وطريقتي في التغيير احطه على الحفرة واخرج الزيت بطرمبة بنزين كهربائية اعتقد حقت سيارات قديمة (مازدا) وافك الكارتير واخلي الزيت ينقط من العصر للفجر ثاني يوم وطبعا لا ننسى افصل البطاريه وبعد ما يخلص التنقيط انظفه مكان وجه الكارتير واعبي الزيت الين يطفح وبعدها اشغل السيارة واعشق رويس وقدام عدة مرات وانزل اقيس الزيت والسيارة شغالة واذا احتاجت اكملها طبعا ما ننسى فلتر جديد والحمدلله الامور ماشيه (ورشتي داخل بيتي)يسلم مهندسنا سلطان🌹

عندي لكزس ٢٠١٨م من يوم اشتريته إلى اليوم ما غيرت له زيت القير وماشي حوالي خمسمائة الف كيلو متر واموره ممتازه ولله الحمد . ومل ما اجي اغير زيت مكينه يطلبوني عمال البنشر اغير زيت القير وارفض .

عندي كامري 2003 ولله الحمد ماشيه فوق المليون أغير زيت الجير وفلتر لها بانتظام ولا تشكو من شيء مع العلم دائما أطلع عقاب وبعض العقاب شديدة حتى اللي أغير عنده بعد الفك يقول ما شاء الله إيش هذي النظافة ،، دام فيه كارتير يتجمع فيه الزيت وفيه فلتر لابد من تغيير والزيوت ما تصنعت عبث

طريقتي مع الزيوت بخصوص زيت القير : غيرت زيت القير مع فلاتر أصلية مرتين مرة في ورشة بالصناعية عند سوريين والمرة الثانية عند العضيب وعزم السيارة يتحسن بعد كل تغيير وزيت المكينة كل تغييراتي زيت أبو ١٠٠٠٠ وأغيره بعد ممشى سبعة أو ثمانية آلاف مع الفلتر ، ولا أركز على زيت محدد .

سالفة تغيير زيت القير ما سمعناها الا عند الجيل الجديد من سبايك الصناعيه .. من عرفنا انفسنا ما نعرف شي اسمه تغيير زيت القير .. زيت القير اذا نقص زوده فقططط لحد يتفلسف

والله ياسلطان بعد ماغيرت زيت الجيربوكس بعد مامشت السيارة 50 الف صار فيه صوت خفيف يوم تنقل القير من D إلى N والعكس الصوت هذا ماكان موجود قبل.

غريب الكمية و نوع الزيت صحيحة؟

نوع الزيت وكالة . الكمية .. الله والعالم🤷🏻‍♂️

شيك على مستوى الزيت والطقة وقت التعشيق ممكن تكون كراسي قير

اذكر الله😓 السيارة مطلعها وكالة ماكملت سنتين

كراسي القير قطعة استهلاكية عادي بسيط تغييرها

الصوت مو عالي. نفس صوت يوم تنقل القير من وضع لوضع. لكن تعرف الواحد ادرا بسيارته مع الاستخدام فلاحظت فيه فرق بسيط جداً في صوت نقل القير من وضع لوضع.

لا يوجد منطق في الكلام ممكن لم تقفل لوجود الزبائن في كل مكان يعني ممكن تكون مركب لعميل قير ولكن اعطيته ٣ اشهر ضمان هل تتوقع حا يرجع بعد الضمان و لو كان عنده مشاكل في القير بعد ان انتهى ضمانه هل تتوقع انه يرجع يركب قير من عندك ،اغلب الزبائن تدفع في مركز ثاني السوق مليان

نعم كلامه صحيح

تغيير الزيت هو اللي يخبط السيارة ، واسمعوا كلامي لا تغيرون زيت القير ابداً ، إذا ناقص زوده وبس

لتغيير زيت القير خطوتين هذا حسب تجربتي الشخصيه * اول شي غسيل وهو مفتوح * ثاني شي يركب زيت غسيل ويمشي عليه مسافة بسيطه مع فلتر جديد * ثالث شي يقوم بتغير زيت الغسيل بزيت اثخن من الوكاله وفلتر ثاني جديد و جه جديد

الهافال 9 توصية من الشركة بعدم تغيير زيت القير

كلامه صحيح زيت القير يتغير حسب توصية المصنع وما عليك من الكلام حتى لو كان من الوكيل، مثال: سيارة مازدا ٦ الوكيل يقول لا تغير زيت القير بينما المصنع يقول انه يتغير كل ٧٠ الف. اختها الفورد فيوجن الوكيل يغير الزيت كل ٧٠ نفس كلام المصنع والسيارتين كلها واحد(فورد) فعليك بكلام المصنع.

والله من طلعت سيارتي من الوكاله والوكيل يقول كل 40 الف غير زيت القير وانا اغيره وهو باقي ماوصل 39 حتى ومشت السياره حوالي 200 الف وخبط القير ولما رحت للورش حصلت نفس موتري كثيرررررررر يوظبون القير هنا عرفت ان السيارات من تالي يصنعونها عشان تخرب وفي اسرع وقت بعد موب زي قبل

لزوجة زيت القير تختفي مع الوقت لابد تغير

أنا شفت التبديل الصحيح كالتالي لو خلط ماي اوفرهول الجير مع كلتش جديد لو تبديل زيت علي البارد و تغيير جزء جزء علي مدي شهر أفضل هذا لو مشي ضعف المسافة المعتمدة من المصنع لو حسب تبديل المصنع يبدلفلتر و زيت لكن مع مكينة خاصة للتبديل يعني اول شي ضغط لإزالة الزيت القديم بالكامل و يكمل

خذوا العلم من خبرة، زيوت القير و هي في العلبة لها تاريخ صلاحية و لكن الشركات غالبا لا تكتبه.. و سجلوها كمعلومة زيت القير أطول الزيوت عمرا. بعده الدفرنس. لكن حتى و هو جوى علبة بلاستيك لو خزنته في مكان حار يخرب و يتحلل. غير الزيت ولا تخاف خصوصا مناطق حارة ضروري تغيره.

استغرب من بعض الناس خسران اذا غيرت زيت القير كل فترة !!!

لم يحصل معي ان غيرت زيت الجيربوكس من عرفت قياده السيارات

ياحبيبي انت اللي لاتتفلسف علينا مئات الاشخاص غيرو زيت القير وضرب قيره وتكلموا عن هذا يعني نكذبهم ونصدقك انا ماراح اغير القير لين يخبط اذا كان عندي احتمالين ان اغير القير ويخبط او يعيش القير لين 300 الف او 400 الف ويخبط باختار الثانية اضمن واقل تكلفة علي هذا رايي الشخصي

فعلا لازم يتغير لان مافي زيت في العالم كله مايفقد خواصة واللزوجة بعد فترة يصير كانه موية

كلامك صحيح وهذا هو اللي صاير اناظم في التغيير مايصير معاك مشكلة تأخرت أنت وحظك

ما فيه مجال للمقارنة القيور الي عنده اكيد بيحط لها زيت جديد النقاش عن السيارات الي تمشي يغير ولا ما يغير