🔴زيت القير مايتغير ابد ‼️ شركات السيارات تضع استكر توضح فيه ( لاتغير الزيت الا عند الصيانة ) صاحب مركز صيانة يوضح السبب الصراحة كلامه مقنع وشرايكم يتغير او لا ⁉️

بيض الله وجهك ورحم الله والديك تبغي الخير للناس لو كان يبي دراهم كان قال العكس هذا مقطع يؤيد صدق كلامه

اعتقد كلامه فيه كثير من الصح لان الوكيل طلب مني التوقيع على تعهد تحمل المسئوليه في حالة تلف القير بعد تغيير الزيت مع ان جدول الصيانه يطلب مني تغيير زيت القير

كل الوكلات توقعت على اخلاء مسوؤلية قبل التغيير

@citizen_about هل هذا يشمل فترة الضمان بعد شراء السيارة من الوكالة أم بعد إنتهاء فترة الضمان ؟

@Stockseco خلال فترة الضمان

خذوها قاعده أي سائل كيميائي راح يفقد خواصه بعد مده مثل زيت المحرك، سائل ناقل الحركة وسائل الفرامل كلها تتأثر وتنتهي صلاحيتها. سالفته انك تسحب على تغيير زيت القير وتمشي ٣٠٠ ولا ٤٠٠ الف واذا غيرته يضرب القير طبيعي لانك مهمله سنين لكن لو انك محافظ عليه كان عاش معاك فترة أطول.

مافيه زيت يعمر طويلا..كل زيت وله صلاحية ..غير الرايش وقطع الحديد اللي تنزل بالكرتير..للأسف كلامه غير دقيق اي زيت خصوصا إذا عليه حركة وتروس(محرك.دفرنس.قير) لابد يتأثر وتقل لزوجته مع الوقت. على أقل تقدير تحتاج بعد ممشى ٢٠٠ او ٣٠٠ الف تنظف الرايش وبقايا الأوساخ المتراكمة!!!

زيت القير ضروري يتغير مع الفلتر كل 60 الي 80 الف وفيه رايش الدليل الكرتير فية مغناطيس ماوضع الا ليمسك الرايش فتغيير زيت وفلتر القير امر مهم

سالفه طويله يقدر يختصرها في نص دقيقه زيت القير التماتيك يتغير في الاستخدام الشاق زيت قير ال cvt يتغير كل 60 الف لان نوعيته تختلف وفيه فلتر لازم يتغير

كلام فاضي يتغير مثله مثل زيت المكينه سيارتي غيرته اكثر من 5مرات والامور تمام بس عند تغير الزيت لازم ترفع حراره الزيت اذا لم تغيره بالجهاز كيف ترفع حراره الزيت بعد التغير تستمر في التبديل في نمر القير كل نمره لمده 45 ثانيه لمده 15دوبعدها انطلق تمشي بعد الغيار مباشر ممكن يضرب القير

هل كيف يكون كذا !!! (زيت القير مايتغير ابد ‼️ شركات السيارات تضع استكر توضح فيه ( لاتغير الزيت الا عند الصيانة🧐)

اقولك بسالفتي انا واخوي انا وهو عندنا كل واحد كامري 11 اصفار ممشينها حول 300 الف انا منتظم بغيار زيت القير كل 80 الف وهو لا سيارتي هادية بالسواقة هو لا القير فيه نتعه وعزمها ضعيف مع اننا مطلعينها نفس السنة

لو اخوي مهندس وقال كذا مااسمع كلامه انا اغير زيت القير كل 70 الف كيلو غيرت مرتين والثالثه قريبه بحول الله ( الله ماشفناه لكن بالعقل عرفناه )

اذكروها له جيب لاندكروزر شريته عام 1436هـ كنت أغير زيت القير من ذاك اليوم إلى لأن قبل أغيره على 80 الف ولي 4 سنوات أغيره على 40 الف والتجربه خير برهان اما تترك الزيت يوصل 200 الف وثم تغيره وتقول ضرب اكيد يضرب واضب على التغيير

زيت القير في بعض السيارات لازم يتغير ومكتوب في كتيب المصنع حتى لو قالك الكتيب لاتغير فالأفضل تغير زيت القير يتغير لونه ويحترق كثير من مشاكل القير انحلت بتغيير زيت القير فورا كل واحد حر بموتره إذا تبي توفر قيمة الزيت وتغامر بالقير ويمكن تخسر قير موترك براحتك

طيب ليش فيه زيوت قير مصنعه ؟ لو مانحتاج تغيير الزيت ليش وفروه بشكل يستحيل انقطاعه عن السوق ايش ماكانت الموديلات والشركات

شركات تصنع لتبيع والشي الثاني اذا احتجت لصيانه لاي سبب مثل تهريب الصوف تحتاج زيادة زيت وغيرها من الاسباب

لا حد يصدق كتيب الصانع يقول غير الزيت

انا احب اسأل في برامج الذكاء الاصطناعي بنفس صيغة هذا السؤال على حسب اقوال المراجعين في المنتديات العالمية ماذا يقولون في تجربتهم في غيار زيت قير السيارة هل هي ضرورية ام لا ولماذا ؟ - راح يجيب لك اقوال اغلب الاقوال التي تتكرر من اغلب الجنسيات التي تتكلم باللغة الانجليزية

زيت القير اذا تغير لونه و طلع له رائحة معناها ان الكلتشات بدت تتاكل في هالحاله لو غيرت الزيت بتنزل البراده وتقفل مجاري الزيت بعدها تبدا مرحله مشاكل القير لذلك ينصحون بعدم تغيير الزيت وبعد ممشى مابين 250 الف الى 350 غالبا بيتعطل القير سواء كنت تغير الزيت او لا هذا تحليل شخصي

اذ عرضت سيارتك للبيع وضح للمشتري غيرت زيت القير او لاء وارفق الفاتورة عند البيع. وصاحب الورشة رأيه خاص فيه يمكن يطلع سيارة جديدة واذا وصلت ممشى 200 ألف تقريبًا يبيع السيارة والمشتري كم بتمشيه السيارة على زيت خربان؟😁 اذ مايغير زيت القير معناته يستعد للصيانة وتكاليفها

طحنا بجيل الله يهديه يغير زيت قير ماعمري غيرت زيت القير وسياراتي تعدي ٢٠٠الف

لا يوجد اي سوائل في السيارة بدون تغيير الزيوت تفقد خصائصها وينصح في كتيب السيارة بتغييره غير هالكلام كله فاضي يمكن هالستيكر لشاحنات او غيرها وان كان مالك مركز صيانة لا يعني بأنه اعلم من المصنعين

قير السي في عي CVT بعد ال٤٠ الف لازم تغيره ومكتوب ف كتلوج السيارات ،، خصوصا نيسان لو ما غيرت زي القير ف هالممشى او اقل ،، الله يعنيك بعد فترة تشتري قير جديد كامل

يعني لا تقدح من دمجتك و تجرب انواع غير المحدد ياربي هذولي شلون فاتحين بيوت

كلام خرطططي زيت القير لازم يتغير وارجع لدليل المالك والكتالوج الي صنعها يقولك بالقيادة الشاقة يجب تغييره وحنا قيادتنا شاقة الشرق الاوسط كله شمس وحر وسوافي ولواهيب تذوب الحديد ماهو زيت !!

انا غيرته والله ما كمل اسبوع غير وضرب ووضبته من جديد

الله يعوضك خير

زيت القير يتأثر بالحرارة وبرادة الحديد وتقل كفاءته والدليل ان لون الزيت يتحول لاسود.

كذب لازم يتغير

الصحيح ارجع لدليل المالك إذا كانت قيادتك هادئة فغير على 80 الف كم واذا قاسي في القيادة كل 60 الف كم زيت وفلتر جيربوكس. (( لازم يكون الموتر بااارد)) اما يقلك الميكانيكي اتركها تبرد مدة فاحذر ‼️لازم نص يوم على الأقل ليبرد الجيربوكس.

كلامه صحيح .. كل اخوياي غيرو زيت القير ضرب القير أنا الحمدلله ما غيرته ثالث سياره معي انصح بغيار زيت المكينه فقط

انا مشيت عليه ٦٠ الف وبعدها ماعاد يعشق الثاني الين غيرت الزيت بغى يخبط لولا لطف ربك وصرت بعدها اغير الزيت كل ٣٥ او ٤٠ الف كحد اقصى السيارة فورد اكسبدشن وماشي ع ذا المنوال

سألت الصيانة في توكيلات الجزيرة عن زيت القير F150 فقال لي رئيس الفرع بعد ٢٤٠ الف تعال غيره

السيارات تختلف بعضها يقول لك غير وبعضها لا ارجع لكتيب الصيانة اللي جاء من المصنع واترك من هرج الدلوخ

و الله انه ظالين مظلين…حتى لو قال لك الصانع لا تغير زيت القير تراه لازم يتغير و اكبر دليل لو قريت دليل صانع القير راح تشوف انه حاط توصية بتغيير الزيت

ركزو هذا يقصد قير CVT فقط لاينطبق كلامه على قير الكلتشات

نصيحة لا تغير زيت القير الا اذا خرب لا احد يقول انت احسن من اللي صنعوا الشركات يهمها تستهلك قطع الغيار اما قير الCVT اساساً عمره الافتراضي قصير فا يحتاج صيانة دورية

عندنا بامريكا مايغيرون زيت القير

ما عنده سالفة ويهبد