💬 مزنة المنجي - رائدة أعمال: حتى اللي كانوا يشتغلون عندي كـ مندوبين، إلى اليوم يرسّلون لي رسائل دعاء… لأن رزقهم كان من البيذام. 💬 أكثر شيء أثّر فيني لما قال: أمي تدعي لك ليل نهار بالتوفيق، لأنك خليتيني أعتمد على نفسي. ____________________ 🎙️ سميرة الحراصي سميرة الحراصية 👨🏻‍💻... أحمد الهنائي 📻 #هلا_أف_أم | مزاجك بالعربيshow more

@00sumy00 ما فيها حيله (( ملكة البيذام )) .. هذي لو تشد حيلها شوية بعد وتطَلع منتجاتها برا السلطنة كان ساهمت فالناتج القومي الغير نفطي للسلطنة ، وبيكون لها مردود على ميزانية البلد ،، وإحتمال تساهم في سداد مديونية البلد 😊😊😊 مثل هذي ثروة وطنية نتمنى الإستفادة منها وبقوة ..

@00sumy00 كفو ع المايك انه متحمل ذا الكلام كله

حقيقة ما دخل راسي المندوب يحصل 120 ريال في اليوم يعني 60 طلبيه في اليوم اي ريالين لكل طلبيه بكذا لربما يعمل 24 ساعه وكل ساعة طلبيتين الى ثلاث نسينا فارق المسافه بين كل طلبيه والزحام والانتظار لاستلام الطلبيه . وحسب علمي مكاتب نول وجيناكم وغيرها ما تحصل شهريا هذا المبلغ كمكتب .. لذا من الجيد عمل لقاء مع الذي يحصل 120 ريال يوميا حتى يعطي درس للشباب في كيفية ادارة هذا المشروع توصيل طلبات قبل تعيينه في المطار

لا أعرف لماذا كلما ظهرت قضية على السطح، خرجت لنا المنصّة بالضيفة ذاتها، وكأنها المفتاح السحري لصرف الأنظار أو تهدئة العاصفة. يتكرّر المشهد حتى أصبح الظهور نفسه جزءاً من الحدث، لا تعليقاً عليه. وأتساءل — لا من باب النقد العابر، بل من باب الدهشة — هل ما نشاهده لقاء فكري عميق تُبنَى فيه الأسئلة وتُختبَر فيه الأفكار؟ أم هو برنامج حواري تتناسل فيه الحلقات بلا رابط سوى حضور الضيفة وما يُراد الحديث عنه؟ فإذا كان الحديث عن “البيذام” وجدواه الاقتصادية، فمساحة حلقة واحدة واضحة وصريحة كانت كفيلة بأن تضع النقاط على الحروف، وتقدّم للجمهور ما يحتاجه من معلومة وفهم وتحليل. أما استهلاك الموضوع على دفعات مبعثرة، يتخللها سياق لا يشبه أصل القضية، فلا يزيد إلا ضباباً فوق ضباب. إن المنصّات لا تُقاس بعدد الضيوف، بل بنوعية الأسئلة، ولا تُحترم بكثرة الظهور، بل بقوة الطرح وعمق التناول. وما بين الضيف والموضوع، هناك خيط رفيع يفصل بين الحوار الحقيقي وبين محاولة إلهاء أنيقة لا تقول شيئاً صريحاً، لكنها تستنزف وقت المشاهد وصبره.”

@00sumy00 ما بس عاد هذي ثالث مرة نفس المنوال والتكرار ما عندكم مواضيع تفيد المواطنين أكثر

@00sumy00 المندوبين اللي كانوا يشتغلوا عندي !! طيب الحين وين راحوا المندوبين ؟ شو تغير ؟شو مصيرهم ؟ موظفين برواتب الف ريال ويمكن يشتروا ارض بعد 10 سنوات خاصة اذا كانت في مسقط سيارتين وارض ودي اصدق ! لو شد حيله شوي بيشتري حديقة القرم 😅

@00sumy00 إذاعة تبحث عن الاثارة وهاذا دليل الضعف وقلت المتابعة

@00sumy00 حاولوا ترتقون بِمحتواكم، كُنَّا نَرى فيكُم الإذاعة الرَّسميَّة الَّتي لا تَخرُج عَن رَسميَّتِها وإذ بِكُم تؤكِّدونَ لَنا أنَّنا مُخطئونَ في ذلك .. إذا كانَ لَديكُم توجّه في التَّحوّل من الرَّسميَّة إلى انعدامِها فَمِن باب المصداقيَّة الإعلام بِذلك. حتّى انتوا صار يهمكم التَّفاعل!

@00sumy00 تو وش جاب الطاري الناس في هم و اف ام في البيذام😂😂

@00sumy00 غطيتو مواضيع المسرحين والباحثين عن عمل وقطع الماء والكهرباء عنهم ومئات المواضيع اللي تهم المواطن ماحصلتو غير اثارة الناس بموضوع البيذام مره ثانيه حتى انا اصبحت مديوندير من الزراعه مااستضفتوني ترا اخواني مهم جدا الارتقاء في الطرح واختيار المواضيع الهادفه ولاخايفين الاغلاق ؟؟

@00sumy00 العالم في تطور صناعي وتكنولوجي وانتوا في البيذام وفي بطاطس عمان وكيف تطمح ان تتوظف كمندوب هذا اخر طموحاتكم ؟؟؟؟

@00sumy00 السلام عليكم نرجوا من المختصين زراعة البيذام على الطرق العامة من مسندم الى ظفار بدل عن اشجار الشريش والغاف لما له من أهمية كبيرة من الجدوى الاقتصادية

@00sumy00 أتفهم لو كان الحساب شخصي ويتم فيه (حلب) السالفة لجذب الانتباه وزيادة التفاعل، لكن منصة إذاعية محترمة مثلكم وتعيدون وتزيدون في نفس القصة؟ هذي تعتبر مبالغة وغير مهنية.

@00sumy00 زين صوروا لنا مزرعة البيذام او غابة البيذام هذي نريد نشوفها...

@00sumy00 وشجرة البيذام ماتصيف معك كل وقتها تثمر ع شان تجيبلك كل هالمبلغ انتي والمناديب مالك

@00sumy00

@00sumy00 أطالب بإقالة المرشدي وتعيين مزنة المنجي رئيسة جهاز الاستثمار واستبدال البيذام بدل النفط والغاز ليكون مصدر دخل الرئيسي للدولة

@00sumy00 يعني هلا أف ام نعدمن السوالف إستضيفوا ناس تتكلم عن علم ناس تتكلم عن تتطور ناس تتكلم عن إصلاح احوال حشى ما صار علينا ذا البيذام وياريت الناس تحبه بعد!!

@00sumy00 الشداغ مثل البذام

@00sumy00 ليش التركير ع هالمواضيع يعني المندوب يوصل في اليوم 60 طلبيه كل طلبيه بريالين بمعدل طلبيه كل ساعتين ونص لو اشتغل 25 يوم. بيوصل راتبه 3 الف حدث العاقل بما يعقل.

@00sumy00 لوعتونا ترا

@00sumy00 سددي العجز مال الدوله عوشوه

@00sumy00 أصبحنآ اضحوكه سالفة البيذام الغاف والله يستر عن تطلع لنا سالفه أنا عندي جعد ولا قادر اطعمهن خلوها راعية البيذام تعطيني ورق البيذام حتى اطعمه الجعد عل وعسى يكون فيه بركه

@00sumy00 في مواضيع اهم وطرحها افضل اعادة موضوع تم تداوله عدة مرات اتوقع يكفي واذا القناة حابه تبحث عن مشاهدات وتفاعل فوضع القناة عليه تعجب معاكم عدة مواضيع تهم كافة شرائح المجتمع غلاء الفواتير الغلاء المعيشي جودة القطاع الصحي

@00sumy00 بصراحه هذا الموضوع لين هنا مفروض يوقف يعني الحين ماشي غير سالفه البيذام وبصراحه المذيعه بعد تسلك ليها ماشاء الله الحين انتي تعيلي أسر؟

@00sumy00 ونص البيذام فيه دود ، انا اقول ركزوا على قضايا اهم بارك الله فيكم اخوانكم المسرحين و الباحثين عن عمل اهم من البيذام و الفندال .

@00sumy00 من صدقها!! ما سدتها المصخرة اللي تمصخرت فيها قبل واللي قدامها كيف متحملة؟ والا جالسة تمشيها

@00sumy00 استغرب من إعطاء هذا الموضوع مساحة كبيرة في وسائل التواصل الاجتماعي كأن هذا البيذام منجم ذهب المشاريع الناجحه تتحدث عن نفسها ولم نسمع عن هذا المشروع إلا بعدما اثير في وسائل التواصل الاجتماعي خلاص قد تنحل قضية الباحثين والمسرحين من العمل من خلال الاتجار بالبيذام

@00sumy00 مع كل الاحترام والتقدير ل هلا اف ام مثل هذا الموضوع لا يصدقه المغفل ولا يستصيغه العاقل. العتب وكل العتب على المذيع الذي لا يعلم كيف يستخرج الحقيقة ام هو مجرد لقاء فقط لإكمال برامج الإذاعة

@00sumy00 قايلكم أقصها ايدي اذا صدق

@00sumy00 اين تشتغل هي حاليا السؤال الذي يجيب على هالسؤال✋

@00sumy00 يشتغلوا عندي... يشتغلوا معك ما عندك.

@00sumy00 خلفان الجعلاني بعد اشترى حمار من العامرات

@00sumy00 ما اعرف ليش كل التعليقات سلبيه و ما مقتنعين بكلام هذي البنت

@00sumy00 صراحة يوم تسمع اذاعات دول الخليجية الاخرى تستفيد منها ، اما اذاعتنا كلها اغاني وحوارات سطحية جدا جدا