معقول فيه أحد يتضايق من أحفاده وحفيداته؟‼️…

المفترض الرجل الأجودي اللي يعرف المواجيب مايرسل زوجته و عياله أو زوجته لحالها إلا والذببحة في الكرتون و المقضى الكامل و يعطي الزوجة مصروف فيمالو احتاجت مصاريف اخرى غير اللي شراها مو يرميها شهراو اقل عند أهلهاويروح حضرته يوسع صدره لأنه افتك من مصاريف عائلته هاذي قلة مروءة ومرجلة

كلامه سليم.. المفروض ان زوج البنت يعرف حاله اهلها وحتى ان كانوا ميسورين الحال يترك مصروف لعياله ويعزهم الله لايهينه إذا بيقعدون عند اهلها..! وش يمنع مايصير الزوج رجل بمعنى الكلمه .. يشتري ذبيحه جزله وكم كرتون دجاج وأرزاق ويرسلهن لبيت اهلها كهديه .. الحياة مهيب زي اول وأعبائها زادت وتكاليفها عسره .. بدلاًمن ان.. يرهق شايب دخله يادوب يكفيه ويحرجه ..!! صدق من قال.. المراجل كايده ..!!

أنا شخصياً أرى أنه ليس من الأخلاق والمرؤة و الكرامة أن تحمل أهل الزوجة مسؤولية زوجتك وأبنائك بل يفترض فيك أن تكون عزيز النفس كريم الطباع و تستأجر شقة مخدومة مدت زيارتهم يعتزون بها ويستغنون بها عن حاجة و مضايقة أهل الزوجة أضافة لذلك يفترض في الزوج شراء الأحتياجات المنزلية الضرورية مثل الخضروات والفواكه واللحوم وغيرها في كل مرة تذهب فيها زوجتك وأبنائك إلى بيت أهلها مع تزويد زوجتك بالسيولة المادية اللازمة للحالات الطارئة والضرورية و بذلك تكون زيارة زوجتك و أبنائك مرحباً بها ،،،،،

الأجداد عندهم من الكرم والشهامه اللي يخليهم يستقبلون بناتهم وأحفادهم بكل محبة وسرور ولكن الشرهه على النسيب اللي يفتقد مروءة الرجال ولا يعرف بحقوق النسب زيارة الزوجات لاهلهم امر طبيعي والواجب تعطيهم مصروفهم الخاص بزوجتك وعيالك اما الاكل والشرب ماراح تثقل على جدهم

كلامه صحيح..عيب ترسل عيالك وأمهم عند خوالهم بدون ما تعطيهم مصروف كافي لمدة شهرين مدة الإجازة..ولازم إذا جبتهم تجيب معهم ذبيحه وتموين شهر من المواد الغذائية لمدة شهر لبيت عمك وتحلف عليه وتسدد عنه فاتورة الكهرب يكفي إنهم متحملين صياح وإزعاج أولادك كل الإجازة

حديث أبو عبدالرحمن فيه الكثير من الواقع، فما يحدث في بعض البيوت أن الأحفاد والأنساب يأتون ويقيمون لأيام – بل لأسابيع – في بيت الجد أو الجدة، دون اعتبار لظروفهم الصحية أو النفسية أو المادية. هل يُعقل أن يُلام الجد أو الجدة إذا ضاقوا ذرعًا؟! بل حتى الأب أحيانًا قد يُثقل عليه أبناؤه، فكيف إذا كان كبير سن ويعيش ضائقة مالية، كما أشار أبو عبدالرحمن. صلة الرحم واجبة، نعم، لكنها لا تعني أن تترك أبناءك وبناتك أسابيع في بيت أقاربك وتعيش أنت أسعد أوقاتك. البيت ليس فندقًا، والوالدان ليسا خدمًا. من البر والرحمة أن تراعي طاقتهم، وأن تقدم لهم العون لا أن تُحملهم ما لا يطيقون. فلنراجع أنفسنا، فالحب لا يعني الاستغلال، والزيارة لا تعني الإقامة الطويلة.

كلام سليم الجد والجدة لو إستثنينا الماديات صحياً ونفسياً بحاجة للراحة للهدوء لامانع من الزيارات لكن فيما لا يتعارض مع حقهم بوقت راحتهم ومادياً المتقاعد مهما كان راتبه جيد هذه تكلفة وعبء عليه الجمعات حلوة وتتعافى الأبواب عندما يطرقها الأحباب لكن نراعي حقوقهم

إذا كانوا الأهل فيهم كبار سن، أو على قد حالهم، أو يجون هم وعيالهم يحوسون ويبهذلون، وبدون أدنى تقدير أو مساعدة (بحكم إنهم في إجازة) ويزعجون ويلخبطون نظام البيت، وخاصة الناس إللي بالأرياف (الديرة)، وأحيانًا يرمون عيالهم عند أهلهم، ويسافرون الخارج ويطولون.. أتوقع بيكون فيه مضايقه!🤷🏻

اللي يتضايق من بنته مافيه خير تاركه الدنيا وجايتك وتضايق منها ؟ هذي بنتك واللي معها عيالك قطعه منك لكن الضعيف يبقى ضعيف..! والله الواحد يوم يشوف طبايع بعض الناس يقول الحمد لله اني ماني منهم ضعف وشح الابو يحاسب ولده وبنته والاخو يحاسب اخته واخوه واعوذ بالله منها حياه وعادات .

كلام غير صحيح ولم يوفق المتحدث في رسالته الله يهديه والله إنا نتركهم عندهم الاجازه كامله واذا أتى وقت السفر للمدينه تشاهد العايله كامله في حزن وبكاء