ملخص الجاهية اليوم من شيوخ القبائل الساعية في #عتق_رقبة_مترك_بن_عايض #عتق_رقبه_مترك_بن_عايض_المسردي في قضية مقتل أحمد القريقري رحمه الله بالقضية المعروفة بـ #مضاربة_الحمدانيه استقبلوهم اهل الشأن بعد رفض في الأيام الماضية • جمعت المقاطع من مصادر متعددة بوسائل التواصل

وش المهزله ذي … يلقي قصيدة لناس قلوبها مفطوره على غدر وضرب وطعن ابنهم !! وش المهزله ذي كل واحد يبي يطلع في الكاميرا انا فلان انا فلان والي يقول خلوني اتكلم عطوني دوري ؟؟ مالكم شيخ يتكلم عنكم !!! وش الهياط والمهزله الي صايره ذي !!

الشايب اللي اعتقد اسمه ابوسيف اللي من اولياء الشهيد أحمد الحربي كلامه يوزن بالذهب ومليء بالحكمه واسال الله ان يصلح الشأن ويتغمد الشهيد برحمته وهذي فعلاً هي سلوم العرب وردوده الطيبة وكلامه عن والد الشهيد وقال يطلب شرع الله وما سكرو بابهم ولا اغلطوا بالكلام والنعم هذا الشهيد الشجاع من نسل كرام و اكرر الله يصلح الشأن والكل مبتلى بهذه القضية اهل القاتل واهل الشهيد وهذي مصيبه حضر فيها الشيطان وابتلاء فيها العقلاء .

عندما قُتِل (كليب) قال الحارث بن عباد : "الدّية عند الكرام الاعتذار " وعندما قُتِل ابنه ( بجيرًا ) قال : "لأقتلن به عدد الحصى والنجوم والرمال " نفسك ليست هي نفسك حين تضعها مكان من وقعت عليه الحادثة .. فالذي يديه في النار ليس كمن يديه في الماء .. !! والخيرة فيما اختاره الله .. ✋🏻

اقسم بالله أن الحربي صادق تاركين الرجال لين باقي على تنفيذ القصاص كم يوم وتجونه تطلبون الصفح والتنازل والله عيب عليكم يا شيوخ القبائل يفترض من أول القضية وأنتم عنده مو باقي كم يوم على تنفيذ القصاص تجون تطلبونه أن يتنازل يا إخواني لا ننسى تراه ولدهم قتل على يد ولدكم وهم ما طلبوا شيء فقط تنفيذ شرع الله وهذا حقهم عيب تزعجون الناس عند بيوتهم بهذه الطريقة المستفزه يفترض هذه المظاهر لابد أن تتوقف بالمره وياريت الناس تتعض ولكن الشكوى لله كل يوم طالع لنا رجل ورايحين لبيته ويزعجونه علشان يتنازل ترا فيه ناس تنازلوا أقسم بالله مو راضين ولكن من كثر ضغط شيوخ القبائل الرجل واضح قالها لكم بالفم المليان يوم باقي كم يوم على تنفيذ القصاص جاييني تطلبوني أتنازل سلامات وينكم من بداية القضية يعني ولدكم أفضل من ولدهم اللي قتل الله المستعان إذا الرجال ما تنازل هذا حقه وأعتقد محد يروح يضغط عليه ويزعجونه عند بيتهم ترا عيب عليكم الله يكافينا الشر ولا يبلانا بالمصايب هذه وأتمنى الناس تتعض تكفون يا جماعة الأجهزة الأمنية في السعودية في خدمة المواطن عندك مشكلة روح إشتكي وإخذ حقك بالقانون ماله داعي تدخل مع شخص في مضاربة وبالنهاية تنتهي بجريمة قتل إتعضوا يا إخواني وخليك رجل حكيم ترا العمر غالي وسلامتكم . 🙆🏻‍♂️

بصفتي حربي. اطالب اهل الدم بتطبيق شرع الله بااسرع وقت ممكن وعدم التنازل. قلت شرع الله ماعصيت او طغيت

صارت اذبح ولدهم ونجيه بيته نطلب العفو ويالله هات اللي بعده اهم شي عياله يكونوا رجال ويعلمونهم اذا تعدى عليك اي رجال اذبحه

اخذوه غدر وعمد مارحموه يوم طاح ، الله لا يرحمهم ، الله ياخذ حقك يا أحمد ويرحمك ويجعلك في جنات الخلد

المفروض اللي حضروا للسجن طوالي لأنهم مايستحون ابد

إذا قبلو أهل الميت العفو او الدية ماهم برجال ولا يعرفوا شرع الله يوم ما كان ابنهم يصيح وهو ينضرب ومات من الضرب مافي رجل من اللي كانوا يضربوه جاهم رحمة ومن يوم ما القضية بدات مافي شيخ ولا جاهه وصلت لبيت اهل الميت عشان العفو وقبل التنفيذ بأيام توصل الشيوخ للباب لكي يعفي اب الميت ويقولوا عنه كريم وشيخ وووالخ والله بحق ابني ودمه الذي راح هدر تحت رجول عيالهم وبحق شرع الله الذي ربي حلله ما بتنازل عن حق ابني ولو جاني أكبر راس في الدولة او في العالم ما راح اكبر حد لانهم ما كبروا ابني وهو يصرخ تحت اقدامهم وانتهى