ناصر الغامدي: أرسلت لي زوجتي عند أصدقائي رسالة صوتية فسمعتها لتكون ردة فعلهم ان هذا محرم ولم نتربى عليه فصوت المرأة عورة..

بعيدا عن السالفه وهل هي عوره ام لا فرضا لو تكلمت زوجته عن أمور خاصه بينهم وهو مسمع اخوياه بالاستراحه صوتها‼️. حقيقة في بعض الأحيان يكون هناك قصور في الفهم او قصور في التعاطي مع بعض القضايا وينظر لها من زاوية ضيقه ويقاتل من اجلها والموضوع أوسع وأعمق من مجرد صوت

بغض النظر عن ان صوت المرأة عورة أو لا إنت كيف تفتح فويس من زوجتك وأنت مو حاط سماعات عند أخوياك!!! ممكن كلامها فيه غنج وكلام خاص من زوجة لزوجها….. وممكن هي مو سامحة لك تفتح فويسها عند أحد!!! ياربي وأنت ربي🙂

ياليتك ماتكلمت كل كلامك غلط وتبرير أطفال لا علم ولا دين لو صوت الحرمه مو عوره لكن عند الرجال عوره عند من يغار عوره عند من فيه مروه عوره ولا تقارن ام المؤمنين بأحد من نساء الأرض هي أم الجميع نتكلام مع الصحابه تعطيهم العلم وهي امهم افهم وكذلك الحمو النار هذا قول الرسول عليه السلام

اول شي اغلب الاشياء اللي تمس المرأه في الدين فيها تشدد شديد ( منها وجوب تغطيه الوجه وعدم اظهار الصوت) وهو طمس للمرأة بشكل كلي.. احكام اجتهد في رجل الدين الرجل، من باب الاحتراز في الدين.. لكن ادله ملموسه مافيه. الشي الثاني قلنا صوت المراه مو عوره بس مايعطيك صلاحيه تفتحه قدام اخوياك ياذكي!! طيب متأكده لو انت ارسلت لزوجتك مقطع ، هي مراح تفكه قدام خوياتها! من باب الخصوصيه. الشي الثالث تقول ابوي واخوانه وحريمهم عايشين في بيت واحد! اوكي قلنا غطاء الوجه عليه خلاف ، بس هذا مايعني انك تفلها وتعيشون جميع مع حريم اخوانكم .. ودليل انك تفنقش تموت، بجي اخوك يتزوجها ! ومسأله عيشه الاخوان سوا وكانت عند اغلب الناس اول! احسها شي كريه ولا يستصاغ.. اخوان الزوج خطر ⚠️ شئتو ام ابيتو! الناس ماتوقع في المصايب الا بسبب استبعاد الخطر !و ( مصدر الخطر)

أبو غامدي أهدأ من كذا يعني عشان أكون وسطي أخلي أخوي يدخل على زوجتي في المطبخ وهي تصلح الغداء ويدردش معها ويقول هاه وش طابخه اليوم يا فلانة؟!! استحوا على وجيهكم.. القيم لا تقربون منها وإذا بتخالفونها بكيفكم لكن لا تطبعون قلة الغيرة والدناءة.

بغض النظر عن الحكم الشرعي ولكن ماهو الغرض من ان يسمع اصدقائك صوت زوجتك

مسكين ابن العم من بقايا مطاوعة قناة بدايه شاف حالهم ويخاف يجيه مثلهم قناة الله بها عليم وده يرضي الشله الجديده في القناه ويقول أنا معكم ومالي دخل في اللي راحو خفف دقنه وقام يجيب أقوال يضنه تشفع له مثل الغراب اللي بغى يقلد مشيت الحمام وضيع مشيته

بعيداً عن سالفه هل صوت المرأة عوره أو لا ؟ هو ليه عادي زوجته يسمعون صوتها أصحابه وهي ترسل له مقطع صوتي ! وليه كأنه مبسوط فيها ومتعمد ؟ الامر الآخر مااقتنع بكلام صديقه بس اقتنع بكلام أبوة وهو يقول كنا وكنا !!! مع انهم كلهم ماجابو دليل ؟

مشكله الغيره اذا راحت تروح معه كل شي 👌🤣

اولاً السالفه يستحي الواحد يقولها في منبر إعلامي ثانياً الدين لم يتغير والفتاوى لم تتغير ولكن اهواء الناس هي الي تغيرت بعض النساء صوتها فتنه فيطمع الذي في قلبه مرض فكان التحريم بالعام للمرأة صاحبة الصوت الفتنه والي صوتها عادي نسأل الله السلامه

لا تقارن عائشه ام المؤمنين بزوجتك ابداً عائشه كانو يستفتونها وياخذون منها احاديث اما صوت زوجتك اكيد لامور خاصه بينك وبينها. فين الغيره فين الرجوله فين اللي مدري وش اقول خلاص ماعاد اتحمل غباء زايد.

مع كامل أحترامي لكلامه لكن صوت المرآة يكون للأشياء الضرورية في الحياة عند طبيب عند البائعين في المحلات شافت احد تبي تسأله عن شي ضروري و غيرها من الأشياء المهمة لها لكن نشغل اصوات محارمنا عند الرجال في المجلس ماهو من مروتنا ولا غيرتنا عليهن ولا تربية أهلنا و فيه تعدي لخصوصيتهن✋🏻

سود الله وجهك ان كان تشبه عائشة رضي الله عنها اللي تربت في بيت النبوة بنساء تربت على الاغاني والمسلسلات التركيه

المفتي يقول هذا ياجاهل @n_alghamdi

الاستشاهد في ام المؤمنين امناعائشة، لم يكن في محله يدل على عدم فهمه، بدليل انه لم يقل ام المؤمنين هل صوت الأم عورة مع أبناؤها؟! هناك أيضآأمور في المجتمع يتقيد بها الناس (العرف)مثل الغيرة على المحارم وفتح الجوال ومكبرالصوت في مجلس كله رجال ليس من شيم الرجال،،

بعيدا عن سالفته ، صوت المرأة ليس عورة ولكن ان اسمع مقطعها امام اصدقائي ويسمعون ماذا ارسلت لي ! هذي من الرخامة والتلاحة لنفترض طلبت حاجة خاصة او موضوع خاص بينكم، وش وجهك قدام اصدقائك! البيوت اسرار والخاص بينك وبين زوجتك يبقى خاص لا يصح نشره حتى بجوار والديك واخوتك ..!

بس من الخطأ تسمعهم الرسالة الصوتية وش الهدف من ذلك يمكن البعض يعجبه الصوت ويلقى الشيطان في إذنه شرا !!؟

انتبهوا صوت المرأة لايظهر الا لضرورة بشرط بدون خضوع. مسألة الاحتجاج بأن صوت المراة ليس بعورة احتجاج باطل لأن الاسلام لم يشرع للمرأة رفع صوتها بالتلبية مع انها شعيرة تعبدية وكذلك المراة تصفق في الصلاة للتنبيه ولا تقول سبحان الله مثل الرجل

يعني وش المطلوب من المقطع او الفائدة يعني صير ديوث و خرج محارمك بكل مكان و اكسر حاجز الخصوصية و خلي حياتك على البحري كله يشوف الله يرحم ايام النوكيا ماكنا نسمع هذا الكلام و نشوف هذي الاشكال

ما شاء الله .. تقارن زوجتك بأم المؤمنين عائشة رضي الله عنها !!! حتى لو لم يرد أنه عورة .. هذا عيب عند الرجال يظهر صوت زوجته بالمجلس وعند الرجال أحتراماً لها .. هذا ما تربينا عليه وأيضاء كونها زوجته فقد يكون هناك حديث أو كلمات خاصة .. تبي تسوي نفسك متطور غصب ..

لف من بعيييييييييد كله عشان يقول ان انا عادي اخلي اخوياي يسمعون زوجتي وهي تكلمني😒 حتي التبرير هو مجهزه عشان ماحد يهزأه اكثر من تهزيئه لنفسه وترخيص مروئته🤢

الله أكبر ياناصر وين الغيره على المحارم صرت تفتي ماشاء الله

والله ماخلي احد يسمع صوتها ولا يشوف ظفرها عاداتنا وتقاليدنا مانتركها ✋🏻

لحد يزعجنا

طيب زوجتك اذا سولفت لك تنعم صوتها ماهو عوره بس لاتسمع محادثة خاصة بينك وبين زوجتك قدام اخوياك

كان جابها معاه الاستراحة وسولف هو وياها على راحتهم وعادي لو كان باقي عنده نسبه بسيطه من الغيره تكون منقبه . هل من المرؤه والرجولة يسمعهم سوالفه هو وزوجته سواء كان الكلام فيه خصوصية او كلام عام يبدو ان ليالي العيد بانت من عصاريها المحزن الربكه والرجفه الباينه عليه. بعض السوالف

الشي الغريب والمضحك أن كثير من الأمور البديهية والطبيعة والإنسانية نتجادل في حكمها ونروح نسأل المفتي في حكمها يجوز أو مايحوز 🌚 واللي يضحك أكثر لمن يجيك واحد يقول كانت عائشة تتكلم وتروي ..!! لا والله احلف..🙂!! اول مره ادري انها تتكلم !! يا أمة ضحكت من جهلها الأمم !!👎

أولاً عائشه رضي الله عنها كانت تتكلم بأمور شرعيه أما زوجتك تسولف معك بأمور خاصة بينكم فلا يوجد مقارنه ثانياً صوت المرأه لا ينبغي أن يسمعه الرجال إلا للضروره اما انها تسولف وتضحك ويسمعها الرجال هذا الشي ما يرضاه الرجل المؤمن والرجل الغيور اما المايع عديم الغيره عادي عنده للأسف

ماهي الضرورة التي تستعدي أن يسمع الزوج مجلس رجال صوت زوجته !!!!!

سبحان الله دنيا عجيبه شوفو من اللى يتحدث في الدين وتشبه امنا عايشه رضي الله عنها ب بعض نساء اليوم كانت تعلمهم ماتعلمتة من الرسول صلى الله عليه وسلم وبعدين من الكذبه يقول رساله من امي وبعدين قلب على زوجته وش الهدف ان الشباب يسمعون صوت زوجتك وين الغيره انهو زمن الرويبضة

١ لدى الرجل تجاه زوجته شعور طبيعي ناتج عن حبه لها ورغبته في صونها وحمايتها أن لا يسمع رجل آخر صوتها ٢ ليس شك في الزوجة ولا شك في الآخرين ،لكن احتراماً وحباً لزوجته ٣ قف في السوق واطلب من الرجال وقل لهم :سمعني صوت زوجتك ،ابسمع كيف ؟ ٤ من الحشمه لزوجتك أن لا يسمع صوتها أصدقاءك

خلنا من مسألة صوت المرأة عوره أو لا! المفترض الرجل إذا جاه بالجوال رساله صوتية من زوجته يقوم من المجلس ويسمعها بعيدا عن من حوله! ليش أفتح باب وكل واحد يسمع صوت زوجتي وربما استمتع الذي في قلبه مرض! ليس تشدد إنما غيرة على المحارم.