نواف بن ناصر / عند الكاشير لا تتعاطف مع أحد نهائياً …. ،

كلام المتحدث خطأ وما فعله الرجل من المعروف ومن حُسن الخلق ، ولكن الناس للأسف يردون المعروف بالإساءة في كثير من الأمور ، فليس الموضوع حساب عند كشير و إنما سوء الطباع ودناءة بعض الناس ! لا تقطعوا المعروف بين الناس فيأتي يوم تتمنوا أن تجدوا من يصنعه لكم !

الحالات الشاذة لا يقاس عليها افعل المناسبة ولا عليك ، ما يسير نقطع حبل اللطف عشان موقف من واحد ما عنده أسلوب

بدت الشهامة والمروءة تقل ف المجتمع بسبب هالقصص الخايسة يطلع واحد يقول حالة شاذة من مليون ما تصير الا وحده ، لا تعطي جوالك لأحد يكلم ترا صار وصار لا تركب احد معاك لا تحاسب عن احد ، اقسم بالله نفرتو العالم بقصصكم

والله وبالله وتالله اني اعرف شخص مافيه بحسابه غير ٣٠٠ ريال تقريباً وحصل شخص بمحطه وقال أنا مقطوع ماعندي لا اكل ولا بنزين قاله خذ الصرافه هذي فبها ٣٠٠ اشتر منها ل اهلك وعب بنزين واشترى فيها ومابقى معه غير ٨ ريال يمكن .. يقول اليوم الثاني جاتني رساله انه تم تسوية المبلغ وكان عليه دين قريب ٧٠ الف هالشخص وكان مقدم ع لجنه او جمعيه ل سداد الديون وتسددت ديونه الي حول ٧٠ الف ولله الحمد ..عوضه الله بدل ال ٣٠٠ ريال ب سداد دينه ال ٧٠ الف

الله المستعان، صارو يحثون على البخل، ياخي حاسب عنه دام عندك استطاعه واتركو الكلام الفاضي هذا !

تعميم غبي مبني ع فرد ! يعني لو بتصدق على مريض وهالمريض انفجر بوجهي من وجع ولا جهل ولا أيًا يكن اوقف صدقة عن كل الناس؟؟ حدث العاقل بما يعقل ! يمكن يومه كان سيء ولا ارادي فرغ به يمكن متعرض لمليون اساءة ومجروح وربط بمخه يمكن يعاني ياخي ! استمروا بالخير ولا تسمعون لهالتفاهات هذي بلد الكرم والخير م تعودنا ع العفن .

وش هالتخبيص علشان حالة شاذه مريض ناقص عقل تمنع الخير والفزعه والشهامة ماله داعي مقطعك مابه خير

الذي يفعل فعايل الخير .. ما يحسب حساب المخاسير كان من باب أولى انك تنتقد ابو الأطفال الليم أما ما فعله الكريم فهو عمل منومس ويرفع الرأس ولا فيه شي يستحق انك تعتب عليه وانا خوك كلنا عندنا أطفال ونكرمهم ونكرم الاطفال الذي حولنا وهذا الأبو لا اكرم أطفاله ولا يبي حد يكرمهم !!

يعني واحد من الف زعل عليك لأنك تجملت خلاص نمنع مساعدة وادخال السرور للإطفاء شوية عقلانية

انتشار مثل هذي المقاطع و اللتي تُبنى على مواقف فردية ستقطع الخير و المعروف بين الناس ..

التعميم بكل الحالات عشان موقف واحد مو صح لان كثير تلاقيهم محتاجين وتدفع عنهم بكلام هذا بيقطع رزقهم ويقعدون بحاجتهم وماعاد احد يلتفت انتشار مثل هالنصايح تحرم المحتاج وربي تحرمه من عطا يفك حاجته

الأنفس صارت خبيثة من اول الشيبان اللي يسوون معنا كذا نحبهم وحنا اطفال وكنا نتذاكرهم وقت اللعب وتنشرح صدورنا بشوفتهم جانا زمن خباث النفوس كل واحد متشكك من الثاني

طيب خير ياطير حساب عنهم وين المشكلة هذه حالة شاذه ولكن بشكل عام نحن نتجمل ونحاسب عو بعضنا بعض خاصةً عند الاطفال صاحب النصيحة خبل اجل لو تشوف اللي قدام ينحرق لاتسال عنه الله ياخذ عقلك

للامانة اذا بزر ونقص عليه ريال ريالين تحز بخاطري وانا اشوفه يعد فلوسه بعدين يقول خلاص رجع ذا اكمل الباقي عنه واروح بطريقي ساعات يرفضون والله لكن اصر عليهم ويقبلون بنهاية

اذا صح القصة، فالاب ناقص مروة ولئيم عطية الاطفال ماهي صدقة ومعرف هدية عيدية مفرح الرسول موصى بالهدية كان يكفيه يتسكر ويتعذر نفسية الاطفال تجاه ابوهم ما ينسوها وان طال به عمر بيحصد ما زرعت افعاله

شكلنا بنصير مثل الغرب ما احد عليه من أحد و ثقافة نفسي نفسي بتكون متأصلة

لاتتدخلون في اطفال غيركم ، يمكن مايبغاهم ياكلون الحلويات يمكن يبغا يعودهم على نظام معين او يربيهم تجي انت تخرب وتجيب لنفسك الكلام

يا رجال الكلام سعة أبوهم وجعان والطفل يا أخي بينزل بقالة عطهم أقل شيء يشتري له عصير لو بريال عن كل واحدأنا اليوم كنت في بوفيه وجاء طفل بيأخذ له سندويش وبيروح يداوم وقت الحساب جلس يقلب أغراضه ما معه فلوس قلت ما عليك وحطيت حسابه على حسابي ومشيت كلها ريالات بسيطة الواحد يحتسب الأجر

هذولاء يبون يقطعون المعروف بين الناس …

لاينقطع المعروف ولاينقطع فعل الخير اعقل ياصاحب المقطع ولاتخلط الامور ندري فيه الصاحي والمجنون من يوم الله خلق البشر وماقول غير الله يعين عليك انت واشكالك وكان

ابتعد عن الاطفال تحاسب له بحسن نيه وياخذ حلويات و يكون مريض سكر واهله مانعين عنه الحلويات وانت متعاطف و مستانس انك مسوي خير و تضر الطفل وحتى لو ماكان فيه مرض مالك دخل في تربيه الاخرين خل احسانك و طيبتك في اماكن تضمن فيها المعروف بدون لا تضر احد

اذكر حصلت حرمه بالبقاله، قالت ابيك تحاسب عن الاكياس هذي باللي تقدر عليه، قلت للمحاسب كم المبلغ قال 380 بغيت اهرب من الحي كله😂، لكن استخرت وسدد المبلغ كامل، ونسأل الله القبول

لا والله دايم أسويها من طيب خاطر بدون طلب منهم احسبها اجر عند الله

ويزعلون بعدين اذا الواحد صار حاله حال نفسه تسوي خير ولا معروف يرجع عليك بشر

ما أنصح أصلا بالمحاسبة عن أحد غالبا اللي يقولك نقصت فلوسي بعد ماتروح يرجع الأغراض ويأخذ الفلوس أبواب الخير موجودة والجمعيات الموثوقة موجودة أستغرب الكثير مايثق بالجمعيات ويثق بشخص حصله بالشارع ؟

قلة عقل بالغة أن الإنسان يترك خير ويأمر الناس يتركونه عشان حصل مرة موقف سيئ أو ممكن يحصل له موقف سيئ ، هذا وسوسة شيطان

المتحدث خانه التعبير ولا كان قال الموضوع اللي حصل وانكر رد والد الأطفال والله يكثر خيرك ياللي تعاطفت مع الاطفال الله لايخلينا من الطيبين ويجعل المعروف دايم بينا وما يعني اني اذا حاسبت ان أهلهم مقصرين عليهم والأفضل عدم ذكر المواقف اللي تربي على حب الذات فقط نفسي نفسي

عييب عليك.. هو سوى خير ولاعليه ملامة ولاتمنع الناس من الخير ماهو من الدين ولاتعاليم الإسلام انك تكون لئيم

وش سبب هوس بعض أهل الجنوب بأسماء أهل نجد والبدو !!نواف، فيصل، تركي، مشعل، متعب؟! الأسماء الجنوبيه بدت تندثر من محيطها، فهل هو تغير في الذوق أو نتيجة للهجره وتغير الموروث الاجتماعي، أو بسب تراجع الخصوصيه المحليه مع الانفتاح أو بسبب التنمر على بعض الاسماء الجنوبيه؟

هل الاب محق 100% ؟ وهل لا يحق لأي شخص ان يحاسب عن اطفال او نساء او بنات دون اذن وليهم؟ ربما ،، فهذه الدريهمات التي تدفع عنهم تفتح لهم ابوابا غير جيدة وتعودهم على افعال كارثية وتجرهم الى ما يدمر مستقبلهم

الله لايقطع المعروف بين الناس

هذه النوعيات تكافح المروة في الناس

اذا سمعو الناس كلامك عم الضعف وقلة المروؤه

التصرف السليم شكر الرجل لان نيته سليمه وعدم قبول ذلك يعود الأطفال ان ياخذوا من غيرهم وهذا صفه تزرع فيهم أمور غير جيده المشكله كلها في الأسلوب الاب معه حق يرفض

الأب غلطان مرتين علم عيالك يجيبون خبز ويرجعون بسرعة لايتأخرون وبعدين خلاص الرجال أكرمك هل هذا جزائه !!