هذا فقط في مدينه واحده كيف باقي المدن وهذا بنك واحد كيف بالبنوك الأخرى والوكالات وشركات التقسيط ...🤔🤔

سياره قيمتة ب 70 الف نفس المليون كله توديك لمشوارك

احسنت اهم شيء توديك وتجيبك

ترا مو كل الناس شارين سيارات فوق طاقتهم بس البعض الله يعوض يكون خسر وظيفته او مشروعه او المجال الي يشتغل فيه يكون اقفل وطلع برا السوق وعليه مافيه راتب يكفيه زي اول حتى لو معه احتياط

بعض ربعنا الله يصلحهم غصب يعيش فوق طاقته المادية سواءاً في البيوت والسيارات والسفر والمدراس الخاصة والبطاقات الائتمانية والقروض الاستهلاكية وتابي وتمارا ، وبعدها يشتكي من الضيقة اللي هو حط نفسه وعائلته فيها ! وللأسف الأمثلة أمامي كثيرة ..

سيارة فوق طاقتة استنزاف مالي وإرهاق نفسي

👍👍👍

الفقر او الغنى قدر لكن السعادة عمل ورضى وقناعه

عشان كذا فيه شيوخ حرموا الايجار المنتهي بالتمليك لأنك لو اخذت سيارة ب100 الف وقصدت 90 الف وما قدرت تسدد ال10 الباقية يسحبون منك السيارة وتروح عليك ال90 الي دفعتها

البنك المركزي مشترك معهم بذلك وسهل لهم سحب السيارات مما تسبب بضرر كبير للمواطن مع انه المفروض ان البنك المركزي جهة حكوميه تهمه مصلحة المواطن تطبيقا لتوجيهات ولاة الأمر والمفروض يستحدث انظمة لحمايه المواطن من جشع التجار وليس ان يجامل البنوك وشركات التمويل

نتيجة طبيعية للجهل بما في عقود التأجير المُنتهي بالتمليك؛ من خفايا و تدليس و غبن و خداع للمُشتري ؛ و للشروط المُجحِفة و فرض ( عقود الإذعان ) على العميل. فالبائع القوي يضع 5~6 صفحات كلها شروط و إلتزامات لحماية حقه و ضد المُشتري. بينما المُشتري لا يستطيع مناقشة أو تعديل أي شرط.!

يوم اشوف مقاطع كذا اقعد افكر ارباح البنوك وين تروح؟ ليش البنوك ماتشبع وتفك الناس من شرها؟ ليش محد يقدر يوقفهم عند حدهم؟ ليش البنوك ما تخفف من ارباحها شوي حيث شغلهم يمشي وتربح بالمعقول وفي نفس الوقت المجتمع يقدر يتنفس ويعيش مو تلععععن جدف المجتمع والناس عشان جشعهم اللي ماله نهاية

البنوك للأسف الشديد تسهل الأمر عليك في البدايه بقسط ميسر ولكن المصيدة في الدفعه الاخيره التي لا يستطيع عليها كثير من المقسطين اعانهم الله لذالك وجب تدخل وزارة التجارة والبنك المركزي

حفظ حقوق البنوك والجهات التمويلية واجب، لكن حفظ كرامة المواطن واستقرار أسرته لا يقل أهمية. فالتعثر لا يعني دائماً المماطلة، وقد تكون السيارة مصدر رزق، أو وسيلة لنقل مريض، أو أطفال إلى مدارسهم، أو أسرة في سفر. لذلك فإن سحبها يجب أن يكون آخر الحلول وليس أولها، بعد منح فرص حقيقية لإعادة الجدولة أو المعالجة. كما أتمنى أن يكون تنفيذ السحب -عند استحقاقه- وفق إجراءات نظامية وقضائية واضحة وتحت إشراف الجهات المختصة، لا أن تختلف الآليات من جهة إلى أخرى أو يُترك الحبل على الغارب ويسحب البنك السيارات . هذا رأيي الشخصي، ولله الحمد رغم اني ليس لدي أي سيارة من أي بنك، لكن همّ المواطن يهمني ويهم أي مواطن .

فيه أنظمة تمنع سحب السياره الا من المحكمه لكن اتوقع اغلب المشترين مايشتكون

اشوف البعض يرمي اللوم على المقترض ويحمله المسؤولية طيب بالله سؤال اش رأيك في شركة بيع سيارات مستعمله ( مفحوصة ومضمونه ) ويعطونك ضمان 6 شهور وتعتمد البنوك سياراتهم وتمولها وهذي شروطهم 1️⃣ لا يحق للمشتري فحص السيارة في مركز مستقل ولا فحصها بنفسه في موقعها 2️⃣ السيارة الممولة بنكياً لا تسترجع والشرط الادهى والأمر يقول لك ( مضمونه لمدة 6 شهور ) ولكن لو اكتشفت بعد توقيع العقد وتشغيل السيارة وخروجك من البوابة ان المكينة او القير مخبطه فهذا لا يشملها الضمان😂 ولا يحق لك المطالبة بشي الا للأعطال التي تحدث بعد ثلاثه اسابيع او 500 كيلو والشروط الاخرى هنا 👇 أسألكم بالله هل يوجد مسؤول لدية ذمة وأمانة ويهمه المواطن يقبل هذي الشروط لدينا مسؤولين لو لم يتعثر المواطن ولو لم يستغل ويتعرض للنصب والاحتيال لأوجدو وخلقوا انظمة وقانونين تسمح للنصابين والمحتالين استغلاله والنصب والاحتيال عليه 👇👇 شاهدوا 👇👇

السيارات الفخمة معروفة مين اصحابها اللي يتكشخون في الشوارع ومزاين الابل والسيارات الصغيرة العادية شباب وظفتهم شركات خاصة وماصدق راتب اشترى سيارة ثم افلست الشركة او فصلوة وحل محلة ( بص حضرتك)

كل واحد وتفكيره أنا احب اقصد سيارة قيمة القصد ١٠٠٠ ريال لمدة خمس سنوات تكون تامينً شامل مرتاح من كل شي والشخص اللي يشتري سياره كاش هذا أحسه غلطان وهذا مبدأ راي والتامين تقدر تسترده إذا ما عليك حوادث

شغل الربا وشغل المغفلين مايفرق بين حلال وحرام ولا يقراء العقد ولا يستشير احد فيه هذه نهايتها. دفع سنتين تقسيط واذا تاخر العميل لظروف يتم سحبها قال حسب العقد لانس احد البنوك عندما ماتت معلمه اخذ السياره من ابنائها ولهف نصف مستحقات الايتام بعد ايداع تصفيت امهم

نصيحة للإخوان بعد قناعة متأخرة: السيارة "وسيلة" للتنقل وليست "غاية"!! لاتحط نفسك في فخ شراء سيارة غالية فوق طاقتك وحاجتك لأنها ستكون منغص أساسي لراحتك وعيشتك ! السيارة "حاجة" وليست "كمالية" اهتم بحاجاتك الأساسية ودع الكماليات والمثاليات لا تقلد الآخرين فلن يحمل همك ومسؤولية اختياراتك وتبعاتها إلا أنت فتخير النافع لك اللي على قد حالك على قول الشاعر: ( اقصر هوى رجلك على قد ممشاك).!

ازدياد تكاليف المعيشة نتيجة سياسات تفقير المواطن التي يتبعها محمد سلمان وارتفاع سعر الوقود لأكثر من 300% والفصل الجماعي للموظفين بعد تعديله لنظام العمل واستبدال المواطن بالأجنبي هي ما تسببت في ذلك حيث لم يسهد المجتمع كهذا الحدث من قبل.

الحمد لله والشكر لله ماقد اخذت سياره جديده من بنوك ولاشركات تقسيط اشتري مستخدم كاش يخدمني فتره واغيره ولا احد يطلبني ولا اطلبه وغير ان التاجير منتهي بالتمليك ماجازوه هيئه كبار العلماء نصحيه للجميع النحشه والبعد من الربا بركه في المال والعمر اما الربا مثل النار يحرق اي شي مره

علشان كذا دايم اقول القرض الشخصي افضل من انك تاخذ السياره اجار منتهي بالتمليك

احد الاشخاص متاخر شهرين وساكتين عنه سافر من العلا الي جدة سكن الفندق نام الصباح ما حصل السيارة بلغ عنها .؟! رجعوا للكمرات حصلوا الشركة ساحبتها 🥴 طيب لي شهرين بتبوك ليش ما اتصلتم ليش ما سحبتوها ..؟! ليش غير يوم سافرة خربتوا عليه السفره والمتعه بالسفره 😠 شركات فاششششششششله 🤮

التاجير المنتهي بالتمليك سواء وكالات سيارات او بنوك محلية او شركات تمويلية ذبحو العالم بالدفعات منها الاولى والاخيرة ومنها دفعات اخيرة بأرقام خيالية وحسب نوع السيارة فالكثير من العملاء لم يستطيعوا اكمال اقساط السيارات تزامناًمع كثرة الالتزامات الماليه الحل الامثل الجمعيات افضل

خلوها تحلي وتنثبر بحلوقهم والله اذا الشعب فهم اللعبة مايأخذ منهم صدقوني بيصيرون مثل الامارات بكرا يبيعونها بتراب الفلوس لابو الجشع عندهم الله لايبارك بأموالهم

والله انه خبر محزن لمّا تؤخذ منه السيارة كيف تكون حياته السياره اليوم من الضروريات الا يوجد هيئة لحلها ، والله المستعان .

الناس والمظاهر الاجتماعية ودتهم ف دهية ودوامه .. احد الاسباب الي خلتني ابعد عن كثيير من حولي لما اشتريت سيارة صينيه .. قال كلمة وقلت الله يشفيك وزعل، قال: انا ايش اقول لخوياني ان ولد عمي اشترى سيارة صينيه!!انا استغربت وقلت عشان خواينك ادخل نفسي في متاهه عشان سواد عيونك! انقلع بس

ليش البنك يسحبها من العملاء وكيف طريقة سحبه للسيارة

العاقل إذا ضروري محتاج سيارة ياخذ قرض شخصي من البنك و يشتريها كاش و يسدد البنك و تطلع السيارة بأسمه و ليس بإسم البنك و يرتاح من مشاكل التأمين الشامل و رسوم تجديد الاستمارة اللي يستقطعها البنك من راتبه مضاعفة و دفعة اولى و أخيرة و ياليت في الاخير يعطوك المفتاح السبير يقول لك ضاع.

إذا وظيفتك بالقطاع الخاص لا تشتري سياره عن طريق البنك خذلك سياره تمشيك ووتكفي حاجتك الأمان الوظيفي صفر

البنوك تاخذ ماتعطي المفروض البنوك تشارك في بناء المواطن والدولة ببناء مستشفيات وتؤثثها وتسلمها الى الدوله بناء مدارس وتسلمها لتعليم تشارك في مساعدت المعسرين . المفروض كل بنك يجبر على عمل مشروع يستفيد منه المواطن.

الشعور بالنقص يهلك الإنسان بالمظاهر الكاذبة تشتري سيارة ب 200 او 300 الف وراتبك 8000 الاف ريال وساكن ايجار بينما تستطيع شراء سيارة قسطها 800 ريال

يغرونك بسهوله الاقساط. وتاخذ النكبه وتعيش الجو ويسحبون السياره وترجع على نظام تاجير بعد استخدامك لها بنظام تمليك . ويبيعونها وتكمل باقى الاقساط والدفعات اذا ماكفت. وعالم عايشه وتاخذ حقها ادبال وانت موت بحسرتك. عرفت الشركات والبنوك حقها مكفول وبداءت بالدعايات واكلها الفقير

دفعت ١١٨ الف من اصل ١٥٠ الف كامل المبلغ وبسبب تعثر بالعمل وبعدمراجعات عدة للراجحي حتى وصلت الادارة بالرياض قالوا تفتح حساب خاص جديدللسيارة وتحط٢٤ الف وتاخذها فتحت حساب ودفعتها قاموا باعوا السيارة لكن بيني وبينهم رب العالمين والله يالراجحي ان خصمك يوم القيامه

كثير من الناس الله يعافيهم ولا يبلانا التخطيط عندهم صفر وابصم بالمليون اغلب المسحوبه سياراتهم هم اللي يسافرون بثلاثين واربعين الف ويقول استانس ماراح يدفن معك شي !

يقال الراجحي ماخذ عقود مع شركات التامين لرجيع السيارات كان بعض شركات التامين تسوي مزاد على سياراتها والراجحي كوش عليها لذلك نشوف كميات السيارات هذي