هل أرصفتنا تدعم المشي؟ لدينا في الرياض ما يزيد عن 6 شهور صالحة أجواءها للمشي.. هذا الصباح أوقفت سيارتي على بعد 300 متر عن المكتب.. احتجت أن أمر بخمس عمائر.. كل عمارة لها رصيفها الخاص بحسب مزاج المالك.. بعض الملاك يغلق امتداد الرصيف امام عمارته.. بعضهم يضيق الرصيف المهم:... انه كان مشيا مربكا.. اتنقل فيه بين الشارع.. والمواقف والرصيف حتى أصل.. لا امتداد للرصيف.. ولا انسيابيه مريحة للمشي.. ولا كود خاص بمقاس وشكل الأرصفة يا جماعة: الموضوووووع سهل جدا.. ولكن يحتاج الى عقل للتخطيط العمرانيshow more

هذا غير الدبابات والسكوترات الي تخطف يمين ويسار عالرصيف وسيارات تقفل الرصيف

وحتى الارصفه المهيئة للمشاة تشوف الهنود حقين الدبابات مستغلينها رايح جاي ولا يوجد من يوفقهم يعرضون حياة الاطفال والنساء وجميع مرتادي الرصيف للخطر وتشويه المنظر العام

ليتك تشوف جده مو ارصفه لا ازفلت طالع بعده بلاط بعده نازل وبعده سيراميك تقطر عليه المكيفات زحلق زحاليق وين البلديات مدري غير التشوه غير إعاقة الحركه

بصراحه اني اشوف المقطع واقول وش هالتخلف وكنا مثل كذا قبل سنين تعديناكم في هذه الجزئيه بمراحل في المدينة المنورة مع ان الشوارع لم تكتمل كلها والله اني ماكنت اقدر امشي الا اروح بعيد بالسياره اللان امشي وحولي الاشجار والله التغيير كبير شكرا امانة المدينة المنورة

ارصفتنا للأسف طاردة ومُعيقة وغير مشجعة للمشي ثقافة مهندسي البلديات لارصفة المشاة ما زالت معدومة الاستثناء الوحيد هو امين منطقة المدينة المنورة الذي الغى ما يسمى الممشى ويحاول ويجاهد مشكوراً ان يجعل كل الارصفة المدينة ممشى وحياة وشجر ومنظر مريح لأعين البشر

بعيداً عن الارصفه هل جونا يساعد اصلاً 😂😂 بتذوب بنص السكه

@RCRCSA @Amanatalriyadh @AlRiyadh أنسنه الاحياء هي الحل لهذه المعضله اتمنى ان تبدا الامانه بعمل خطه لا تتعدى خمس سنوات لانسنه جميع الاحياء وفرض ذلك على المخططات الخآصه الجديده @BinAyyafFaisal عاصمتنا الحبيبه بحاجه الي تطوير شامل وتعزيز جوده الحياه

@AmanaAlmadinah @fahadbuliheshi تقصد زي كذا ، على فكرة ان ماكانت كل الطرق الرئيسية في المدينة المنورة الان بهذا الشكل ، امانة المدينة تشكر على جهودها

حتى أغلب الأرصفة المطورة لم يعد المشي مناسب فيها لأسباب عدة : وقوف سيارات فيها، تمدد طاولات وكراسي الكافيهات عليها، تكسرها بسبب مرور السيارات والشاحنات عليها لوجود حفريات مستمرة في الشوارع وغيرها...

مابيها تدعم المشي ابيها تدعم الاحتياجات الخاصه مو معقوولل مو معتبرينهم بشر

الجواب، لا ما تدعم. الجواب الثاني، لا مافي عقول مفكره في الرياض. الجواب للسؤال الاهم اللي ما سالته، اللي يتخذون القرارات، ما يمشون الا في نادي، وغالبا خاص ولا يتزاحمون على مواقف، لان موقفهم محجوز قدام شغلهم وعندهم سواقين وفالي.

هذي المشكلة في أحياء شمال الرياض الجديدة لكن شف مثلا طريق الملك عبدالله رصيف واحد من جامعة الملك سعود الى طريق جابر وكذلك الامر في أحياء العليا والسليمانيه وغيرها من الأحياء المكتملة الخدمات

كل مدن السعودية باستثناء المدينة ينبع الصناعية والجبيل الصناعية تحتاج الى هيئة خاصة بانسنة الشوارع

غير صالحة و زد عليها مافيه مرور للمشاة داخل المدن إلا من إشارة إلى إشارة ياناس نسافر برا نمشي عشرات الكيلومترات وطريقنا واضح والتنقل من طريق إلى طريق سهل جداً ومن شارع إلى شارع اسهل من السهل

المشكلة انك لا شددت عليهم قاموا يصيحون انك تقيد حريتهم بتزيين واجهة المحل وان عطيتهم وجه قاموا يسوون كذا، حلك الوحيد هي انك تجبر كل اللي في الشارع على تخصيص جزء من الرصيف كمعبر مشاه وانه المعبر يكون متصل بينهم كلهم مع اختلاف التصاميم والتشجير الخ

عاد يوم بدت البلدية تخطط وتحط ارصفه صالحه للمشي..ودك انهم ماخططوا كبروا الرصيف تكبير فقط بدون مايخلونها صالحه للمشي وحاسوا مواقف السيارات

المشكلة أن الموضوع للآن يتكرر يعني ودك تعذرهم وتقول مشكلة قديمة والآن شغالين على إنهم ما يطيحوا فيها مرة ثانية، ولكن الحال على ما هو للأسف

مسؤولية الجهة المختصة في امانة منطقة الرياض .

بل ٩ اشهر صالحة للمشي نهار وليل و ١٢ شهر بالليل فقط مع ذلك عساك تروح للمسجد بدون ما تشارك السيارات في مسارهم

المفروض الرصيف يكون ملك للدولة عشان نرتاح من اجتهادات المجتهدين

هناك مشكلة في الأرصفة خاصة عند العمائر التجارية تفاوت عرض ومنسوب الأرصفة مداخل القبو لبعض العمارات تأخذ الرصيف كاملا مضخات المياه الخارجية دبابات التوصيل تمر بسرعة مخيفة على أرصفة المشاه

الموضوع يحتاج الى عقل للتخطيط العمراني.. وللاسف لا يوجد عقل، امارة الرياض كلها شياب الخدمة المدينة مبتلشين فيهم، وهيئة تطوير الرياض نصها موظفين قطاع خاص فالحين يتنقلون بين الشركات ويفاوضون على رواتب بالرغم انهم داجين ولا يهتمون بمدينة الرياض

والله ياليتك بعد النقد البناء منشنت الأمانه او البلدية الحقيقه يستحق الالتفاته للموضوع

في كل العالم هناك علاقه مصلحيه بين موظف البلديه والتاجر فموظف البلديه مسؤول عن تطبيق النظام علي التاجر الذي يهمه مخالفه الانظمه لمصالحه ولذلك لابد من وجود مجلس بلدي يراقب اضافه الي الصحافه التي تحاسب رئيس البلديه غير ذلك سنصبح مثل القاهره او الخرطوم وباقي مدن العالم الثالث

لو فكرت يوما تمشي

من أكثر الأشياء العشوائية في تخطيط المدينة لا رصيف مشاة و لا تشجير كافي . مثلا شي بسيط : الحارة و ترصيفها من أسوء مايكون .

البلديه تعطي تصريح توسع وحفر مشكلتنا كبيره من 47سنه التخطيط بناء على صاحب المخطط ولا تخطيط بلديه او الامانه الهيئه الملكيه الجبيل عمرة 1400هـ قبل 47سنه تقريبا والتخطيط راقي جدا ونظيف ومسيال وتصريف مجاري وكهرباء وماء100% الحل قشع مهندسين البلديه من الكبير حتى اصغر مهندس شيله بيله

اخلاص المهندسين معدوم، طبيعي لان غالبيتهم ليسوا من ابناء البلد الي هم فيه ،

يحتاج احسان وعقل مدرك لما يقوم به وينفذه

قريب لدوامي محطة متروا ، تبعد 500 متر ، يوجد رصيف مخصص للمشي من المحطة لمقر الأدارة ولكن لا نستطيع المشي على الرصيف ونمشي على الطريق الرئيسي بسبب وقوف السيارات على طول الرصيف ، من قبل الموظفين ومرتادي المتروا .

طريق المدينة الي المفروض انه مزينينه للمشي مسوين مشكلة عند المحلات الي عليها زحمه وشارع عرض عمارة وبعده بمحلين رصيف هذا حجمه 🤏🏻 ويوم تقول حلوا زحمة المدينة يقول لك ( أنسنة ) .

@ehabamri لأن شغلهم بربسة و ليس أنسنة ما يبيلها عبقرية و نموذج و معيار و تجربة و تعميم عندك أوروبا أفضل نماذج و تجارب الأنسنة هناك خذ لك 5 دول و شف تجربتهم و تواصل معهم و طبق و لا توظف أحد خريج بلد يعاني من العشوائية و لا يفقه بالانسنة لأنه ما جربها و تبيه يطبقها عندنا!

مانبي رصيف يضيقون الشارع وتقل المواقف

للأسف لا تصلح إما للأسباب التي ذكرتها أو لأنها تحولت لمواقف سيارات.