هل أنت ملزم بأختك وأبنائها، أم بأختك فقط؟…

الحين يهايط الواحد بالكرم والفزعه ولو احد من اخوياه احتاج فزع لها ولو طلعو كسر طاولة المحاسب عشان يدفع الحساب عن ربعه بس عيال اخته عيال الرجاجيل الحمد لله على نعمة السعودية وآل سعود ماخلو احد يحتاج المطلقة تصرف لها راتب ولعيالها بس المنطق المنطق😷

ايوالله الله يحييها هي وعيالها وشغالتها بعد .. وعين فراش وعين غطا وبرنامج ترفيهي يخفف عليها مصيبتها .. خاصةً إذا طلع السبب .. ان الزوج ظالمهاوهو الغلطان ولها الخيار .. ببقاء ابنائها عندها او عند طليقها اوعند اهله .. غير كذا.. وش خانتك ك أخو وعضيد بهالحياة..!!؟

ماخلاهم ابوهم الا مافيه خير واذا مافيه خير حنا اللي فينا خير ان زبنت عندي تبشر هي وعيالها ولدها ولدي ونا خاله وبناتها بناتي وعيب علي ان طلبت منه نفقه حتى..

جعل الاخو الي على أخته ذرى ما يشتكي ضيم الليالي والسنين وجعل الاخو الي عن اخته ما درى يبقى مثل ظلمه أسير الظالمين الأول الله يخلف على خواته الخلف الصالح ، هي تلقاها من الطلاق ولا من أخوو زي ذا .

عشان كذا نقول وظيفتك سندك بعد الله تعزك وتعز عيالك

الا مرحبا ومسهلا وقد بزيناهم وهم عيالنا

امحق خال

عشان كذا انا مع استقطاع الراتب للاب بشكل شهري وبدون الرجوع اليه اجراء تسويه المحكمة والبنك لصالح الاطفال المحضونين مع الام عشان هالاشكال ماتطلع تمن عليهم

اختي شعرة وجهي والله لستقبلها هي وعيالها مرحبا بهم ملايين والعين اوسع مكان وهم الداخلين وانا الخارج ، الخال ثالث الوالدين ولعيال الاخت حق عليه وللخال حق عليهم ، واذا صارو الرجاجيل مهم كفو ضعوف ودشير ومطشرين لحمهم ما كبوهم اخوالهم !!

والله لاستقبلها هي وعيالها وعيال عيالها هذي اختي وشوفي ومالجأت عندي الا بعد ماتسكرت بوجها كل الابواب

انا ملزوم باختي،،من اولها لاخرها.

الاول وابو شماغ حرام عليه كلمة خال ورب الكعبة.. الا الله يحييها هي وعيالها

هذا الحوار يحكي واقع أغلب النساء للأسف..فأحد أسباب الوصول إلى هذه الحالة هو الاختيار الخاطئ أولاً، وثانياً عدم وجود مصدر دخل للمرأة، مما يضطرها بعد الانفصال للجوء إلى أهلها، وهنا تختلف التقاليد.. فمن العائلات من يتحمل أبناءها، ومنهم من يرفضهم .. لذلك، كثير من النساء صامدات في بيوتهن رغم معاناتهن مع زوج غير مسؤول بسبب عدم وجود مأوى بديل بعد الزواج سوى العودة للأهل. لذلك عزيزتي المرأة: وظيفتكِ، وعملكِ، واختياركِ للرجل المناسب، هي أهم ركائز الاستقرار والزواج الناجح ..

والله مرحبا ومسهلا والله يحييها تاج راسي، اختي وعيالها على راسي وجوا قلبي لأجل عين تكرم الف عين وتكرم الدنيا بما فيها لأجل أختي وعيالها عيالي جعلني ما اشوف فيها اي شر او سوء ابد

يامرحبا ب اختي ومجار ماجاكِ في عيني الثنتين عيالك عيالي لا والله إلا مرحبا ب عيال قرة عيني وبها ... إكرامي لأختي كرامتي لعيالها وسلامتكم

كلام اول واحد هو الصح والمنطق والدين يحث عليه العيال لأبوهم والبنت عند اهلها

اترك اختي وعيالها ع جنب شفت شغالة اختي انا ملزوم فيها بس لعيون اختي وناستها كيف عاد عيالها 👍 عسى يومي قبل يومها هذي اختي ما والله تكدر وانا حي وعيالها كرامتهم من كرامة اختي ورزقي ورزقهم ع اللي ميت العشب يحييه ماضايع عند الله شي ابد 👍😊

الله يحيي اختي وعيالها وش انا خالهم له الخال ثالث الوالدين الين يجي ابوهم او احد من اهلهم يطلبهم شرط انهم موافقين هم وامهم

ب اختي وابنائها اكيد

ان كان ابوهم فيه خير ماهو مخليهم بيرسل مصروفهم وان كان مافيه خير اختي وعيالها على راسي وعيالها عيالي وبناتها بناتي وهلا ومرحبا

حياها الله هي وأولادها كيف بترتاح عندك وأولادها مو معاها 🥲

الأول من البُخل اللي فيه انفعل متأكد انه مايصرف على عياله زين عشان يروح يصرف على عيال اخته الله لايبلانا

والله أن استقبلها وان أحطها في عيوني هي وعيالها ولا تسمع مني الجفاء مادمت حي

مدري ليه طرى ع بالي قصيدة السديري٠٠٠٠ لا خاب ظنك بالرفيق الـمـوالي مالك مشاريهً على نايد الناس - ياعل قصراً ما يجيله ظلالي ينهد من عالي مبانيه للساس لا عاد ماهو مدهلً للرجالي وملاذ للي يشكي الظيم والباس - تجعل مقره دارس العهد خالي صحصاح دوً خالي مابه اوناس

اي والله يامرحبا ويامسهلا شعرت وجهي استقبلها وستقبل عيالها الاطفال مالهم ذنب اذا ماوسعتهم الارض توسعها عيونا هي وعيالها

والله يا انه عندي الاخت الكبيره تطلقت وعندها ولدين بنت وولد والثانيه زوجها عنده مرض نفسي وصار مجنون وعندها 7 اولاد وبنات والثالثه زوجها طلقها وعندها 6 اولاد وبنات والحمد لله والله نعتبرهم اخوه لنا لدرجة ما نقدر نجلس الا مع بعض ببيت واحد كلنا والحمد لله هذول شقائق الروح يكرمو

ليه وش فرق عيال الاخو عن عيال الاخت والا عيالنا عيال البطة السوداء🥹 لازم اسال اخواني قبل لا اتزوج واجيب عيال🫰🏻❤️😅

يارجل حي اللّٰـه اختي وعيالها العشره وانا ملزوم فيهم . لكن في حكومه ومحكمه فيها العدل ربي يديمها علينا تخليه يصرف ع عياله طرررق واذا زوجها منتف . اختك وعيالها مالها الا اللّٰـه وثم انت

مثل هذه المقاطع تكشف معادن الرجال واصلهم وطيبهم في مثل هذا الموقف الظاهر أمامنا غربل المصور الرجال الذين أمامه طلع منهم الشهم وطلع منهم اللئيم ضعيف النفس والحيل

أهلا وسهلا و مرحبا بها و بعيالها و من يعز عليها.

الله لايحد أخت على أخ مثل هذا اللي يستقبلها ويطرد عيالها لاشيمة ولامرؤة

ياحياها الله ترحب تراحيب المطر هي وعيالها

الله لايحدها عليكم والله تشيلها عيوني هي وعيالها

اخوي سعود،،اذا شفت احد يقول (ابيهم) عطه سندويشة جبنة وشاهي كرك