هل هذا البيت مدح أم ذم؟…

هذا البيت مدح ولافيه شكوك وذكرتني في الابيات هذي👇 يقول عبدالله العطيفي في خويه الحربي: لي صاحبِ حربي فيه دين وكذوب كل ماعزمني على دلّه ذبح لي طلي رد عليه #نايف_اباالعون : أبشرك فيه فتوى عند كل الحروب في مثل هذي يجوز الكذب يابو علي

هجل ما سمع ابن مانعه يوم يقول كل ماجيت الدواسر وانا عابرسبيل وقفوني وعزموني لفنجال قهوه اثرفنجال قهوه يوم جيت ظهورحيل سلمهم للهيل بنّة وللحيل رغوه

مدح عظيم رفيع المستوى لانه عزيمته لك على فنجال قهوه معناته واجبك قام والعشاء او الغداء تم مافيه فكه او عذر منه هذا البيت يليق فقط بالكريم الاجودي

هههههههه هذا المطوع ماله ومال الشعر ركز على مصطلح ( احذر ) وترك المعنى للبيت هذا بيت مدح فااااخر يدل على الكرم لانهم يقدمون للضيف اكثر واكبر ممايعزمونه عليه

هذا بيت مدح بعني راح يذبحون لك ذبيحه يعشمونك بالقهوة ويذبح لك

الي يقول ذم عشان كلمة احذر غلطااان احذر يحذرك لان الناس ماتبي تكلف على احد وخصوصاً اي شخص لما تجي وتحلف عليه على ذبيحه ويرفض ؟ ليش يرفض بالبدايه ؟ لانه مايبي يكلف عليه ويقوله ذبيحتك واصله ويصير تلزيم بالموضوع البيت مدح اباً عن جد ‼️

صراحة التفسير غلط بغلط الظاهر خاف من كلمة ذبيحة بالعكس هالبيت مدح ويبين قمة الكرم بدون تباهي هو يوصف الكريم اللي ما يهايط يعني ما يبين للضيف انه راح يتكلف ومع ذلك ما يكتفي بتقديم ضيافه بسيطة وهذا قمة الكرم بدون مهايط

أنا مؤمنة بإن عقول بعض الحريم أرجح من عقول كثير من الرجال ولا تقارن !! وبعد الإجابة ذي إطمأننت لها . والحمد لله رب العالمين ...

اللي يقول ذم مايفهم عادات العرب ولا الشعر😆😅

هذا جزاله فالمدح كما قال الشاعر بن مانعه فالدواسر كل ماجيت الدواسر وانا عابرسبيل وقفوني وعزموني لفنجال قهوه اثرفنجال قهوه يوم جيت ظهورحيل سلمهم للهيل بنّة وللحيل رغوه

البيت واضح إنه مدح وهذا البيت فيه تلاعب بالألفاظ فقوله إحذر ترى قهوتهم ذبيحة عبّر عن الذبيحة بالقهوة وهذه من عيون البلاغة ويسمى باب الكناية. فيظنها غير المتبصر ذما وهي عيون المدح وذروة الكرم

هذا البيت مدح مافيها كلام ويدل على قوة الكرم والشاعر أشار إلى القهوه هنا كرمز الضيافه ولكن يعقبها كرامه اكبر ولا يقول ذم ماعنده سالفه والله احكم واعلم

مدح عظيم يجيك الواحد يعزمك على القهوة ويحذرونك ربعك منه ويقولون احرص تراك بتلتزم معه ما هي سالفة رشفة قهوة تراه بيسوّي لك كرامة و يعشيك ذبيحة

اكيد ذم ‼️ اذا قلطوك على دلة وفنجال .. قل فنجالكم مثلوم ‼️ واسلم على راس الذبيحة 🫠 🫠

هذا ما عنده سالفه وفي الباديه الاردنيه اذا قال لك حياك اشرب فنجال قهوه يعمل ذبيحه وما يقول لك تعال تغدا او تعشى يقول لك قهوه

يالمقحم البيت مدح مافيها كلام

مدح

الله المستعان :: هذا قمة المدح ومشهوين به خطلان الايدي الدواسر ولاتهون باقي القبايل 🤚

مدح مافيه كلام ،، ورد الدقن لاهو على قافيه ولا وزن حكي

هاذا ميفهم شي. البيت مدح واضح

مدح ويمثل بالكرم اھل الشمال يعزمك فنجال وتلقاھا ذبيحة

مدح واضح

البيت مدح والمطوع ضايع

غباء

هذي قمة المدح والمطوع مسوي فاهم ههههههه

بالعكس هذا قمة المدح،يحذر الشاعر تحذير فيه مدح لكرمهم ،وهو أن دعوتهم لك للقهوة نهايته ذبيحة

مدح بس الشعر الجميل دايم يكون له عدت تفسيرات والاخ فسر ترى قهوتهم ذبيحه اي ان القهوه فيها سم.. ع العموم مع أجواء الصيف كل شي يمشي ههه

هذا مدح وااااااضح ولايبي اثنين يتناقشون فيه

مدح .. بس المطوع الله بالخير .

نعم دم 🩸 لانه الذبيحه يطلع منها دم القهوة يطلع منها ذم !! والشاهي غير متوفر ياوووووو صب خالي صب

الكرم الحاتمي، مدح .

اشهد بالله من قال ذم مايعرف الشعر ولا العادات بمعني انتبه لا تكلف عليهم بالذبيحة والكلافه وتتعب معزبك

لا مدح ولا ذم. نصيحه من واحد يغليك ✅