هل هذا مدح أو ذم ؟

البيت مدح للشيوخ اللي هو مخاويهم، ومدح لنفسه والبيت واضح هو رجل يحمل صفات طيبة بدليل ان الشيوخ اذا رافقهم يقدمونه وهو بنفس الوقت متواضع وواقعي لا يدعي شي ماهو به بدليل انه يعترف ان ماهو ولد شيخ، الرجل مدح رفاقه الشيوخ بشكل مباشر ومدح نفسه بشكل غير مباشر.

البيت اللي يخلي الناس تشك في صاحبه، ما هو شعر وأخطأ على نفسه. ولكن معنى البيت واضح وهو يفخر بفعله(ومافهموه)، قال حقيقة بان ابوه ماهو شيخ (وهذي ليست مذمة)، ولكن من طيب فعله إذا خاوى الشيوخ شيخوه عليهم لما شافوا فعله، والقيادة والشيخة يُدفع اليها الرجل ولا يصدر نفسه لها والا ذموه.

الشاعر صادق ب أبياته، مدح وكفو وابن كفوو، هو ماهو ولد شيخ والكل يعرف هالشي، لكن عنده ربع، لو يخاويهم يشيخونه يعني مطنوخ ويقدح من راسه وفعله يبيض الوجه، مع انه ماهو ولد شيخ وفعله فعل شيوخ حي عين هالشاعرر.

مادام هم شيوخ واذا خالتهم شيخوه. هذ دليل على أنه رجل فيه خير ويستاهل التقدير والشيخة لذلك انا اقول مدح. لو هو ردي ماشيخوه

مدح لانه كفو بأخلاقه مكانته تُكتسب بالصحبه والسلوك مو بالنسب الشيوخ ما يخاوونه إلا لأنه ندهم في العقل والرجوله والطناخه يقدمونه بالخوه البيت مدح واضح لخوياه ومدح مستتر لنفسسه .

اشوفها اقرب للذم اولا .. يبي يكحلها واعماها ، ذم نفسه وهو ماحس ! لأنه استنقص أصله اللي هو ابوه وافتخر انه خوي شيوخ و هو شخص (عنده معرفه) ، فالشيوخ يأمرونه على رحلتهم وترتيبها ، ويقوم بخدمتهم . شاف نفسه حتى على ابوه .

لا تسأل عن الرجل وسال عن خوياه ما يخاوي الشيوخ إلا شيخ ولا يشيخون الشيوخ إلا الكفو والرجل من قال أنا لا من قال كان ابي ليس الفتى من قال كان ابي … هذا بيت مدح وفخر واعتزاز بالذات

الشاعر يبي يمدح نفسه ولا عرف؛ يقصد إنه رغم إن أبوه مهوب شيخ، يشيخ على عيال الشيوخ إذا خاواهم.. أقرب ما يكون لمعنى البيت: ليس الفتى من قال كان أبي إنَّ الفتى من قال هآ أنا ذا

ذم وسواد وجه

ماله علاقة بالذم

قول الرجل (ماني بولد شيخ) هذا اول الغلط انت شيّخ أبوك أول قبل ماتفرح بأنهم يشيخونك طبعاً لفظ (الشيخ) لها معان متعددة كل (ن) يتمشيخ الان فليه تنفيها عن والدك اعط ابوك المشيخة وفق المعنى المناسب له

انا اقول ان الشيوخ ما يخاويهم الا الرجال الكفو ولو ماهو كفو ما خلوهم خوين لهم ...وهو يقول انا ماني شيخ يعني ماعندي شيخة عرب لا انا ولا ابوي ولكن الشيوخ وهم شيوخ اذا خاريتهم صرت شيخ عليهم من طيب راسي وفعلي ..ولا كثير الي يخاوون الشيوخ ولا يتشيخون حالهم من حال الخويا الباقين ... البيت (( مدح مافيه كلام ))

خوي الشيوخ ماهو شيخ .. قد يكون ، راوي ، او سولفجي ، او صاحب نكته او صاحب علم ومعرفه… لذلك يشيخونك معهم المراد انه ذم لنفسه . ومدح لربعه الشيوخ

هذا هو قهوجي الشيوخ وخادمهم لاهو بشيخ ولا ولد شيخ شيخوه لأن خادم القوم سيدهم يعني شيخهم

مدح له رغم انه مو شيخ ولا ولد شيخ لكن بأفعاله الطيبه و خوته مع أصحابه الشيوخ يصير شيخ عليهم فهذا مثل الي خذا الطيب بيمناه مو ورث عن أب و جد ( ليس الفتى من قال كان أبي ، أن الفتى من قال ها أنا ذا )

بنسبه لي هذا ينطبق على اذا اشتغل شخص مع عتيبه وبس لاني اشتغلت معهم وجربتهم

مدح لانه كفو

مدح ....والدليل انه صاحب رأي ومكانه وحكمة كونه اذا خاواهم جعلوه شيخ عليهم ✅

هذا الشاعر مدح نفسه بافضل ماقيل في المدح يقول أنا ماانولدت شيخ وهذا مهو عيب فهو إنسان عادي مير يقول أنا فعولي وعلومي كلها فعول شيوخ واذا خاويت شيوخ ساس من طيبي وفعولي وكذلك من طيب روسهم عاملوني معاملة الشيوخ اشهد انه جاب أقوى المدح وصح الله لسانه

مدح مدح ولكن كل شخص ومافي داخله يقول

مدح

أنا أشهد أنه عالي المدح والطيب دامك خوي شيوخ وشيخ عليهم

يمدح ربعه أنهم شيوخ وإذا راح معهم يشيخونه عليهم . لأنه يستاهل .

البيت يقصد فية مدح لهم

يمشي مع طبقه عاليه ليست من طبقته واذا مشي معهم لا يفرق احد بينهم ونعم الصحبه

مدح مادام انه مخاوي شيوخ الشيوخ مايجي من خوتهم الا الخير مثل اللي يخاوي الطيب مايجي منه إلا الطيب انظر لرجل من يخاوي

هذا سالفه ماهو بيت شعر

مدح وكفو يخويانه

هذا قهوجي يمدح عمره

مدح

مدح ويدل انه رجل فيه خير

مين الجنه

على حسب سياق الموضوع والموقف والأشخاص

لامدح ولاذم لكن إنك رجال مافيك عيب لأنك ملازم الشيوخ وتأخذ من علومهم وتكتسب من صفاتهم