والله هذا لا يرضي الله ، وهو من التباهي غير المحمود بالنعمة أتمنى فرض عقوبات على من يقوم بهذه التصرفات ويصورها وينشرها. حتى لو كانت تؤكل ولا يضيع منها لقمة نشرها والتباهي بها محرم ولا يجوز يا بشر يا عالم .. اعقلووووووووا

لست على استعداد للجدال مع احد وكلامي اللي قلته مقتنع فيه 100٪ والعاقل بعد مايسمع كلام الشيخ صالح العصيمي راح يقتنع بإذن الله

هذا مهرجان القرع بالقصيم وفعًليه محموده ولا يبقى شي منها لان الحضور كان عددهم كثير ، والحمد لله والشكر والله يديمها من نعمه ويحفظها من الزوال .

اتكلم على النشر والهياط في النعمة وكأنهم مسوين اختراع عالمي. والاشد أن هذه المقاطع يراها بشر في دول بعضهم لا يجدون لقمة ياكلونها لا في رمضان ولا غيره. التباهي بالنعم لا يجوز مهما كان ولا يوجد مبرر واحد

اقسم بالله يهالمقاطع تشوفها تستحي تكمل فطورك

الله يسعدك التطاول على الله بالحلف اشد من التباهي هذا ومن ناحية اخري وين التباهي مع هذا الجمع التوقع ما تكفيهم هذا الطبخه ( وللمعلومية الرد طالما نشر لتوضيع والتنبيه لنفسي اولاً وللعموم ثانيا لا نتطاول على الله ) وسامحن اذ أني مخطيء ( ولوني بمكانك حذفت التغريدة)

مع اني ما احب هالفعاليات ذي و لا احضرها بس عندك دليل على حرمتها و لا بس تحس!؟ لا تحرم ما احل الله

اللي منزعج ومتضايق من الفعالية أمره غريب الأصل تكون سعيد لاخوانك واهل ديرتك في الدول الاخرى فعاليات كثيرة للخضار واللحوم والطبخ وغيرها .. هذا توثيق بطريقة مبتكرة لحجم القرع الكبير جداً ومشاركة الناس الفرحة فلا تحجر واسع وخذ الامور ببساطة وسعادة .. وثق ان النعمة محفوظة ومكرمة.

ليت اخوي علي يكون عندك تفريق بين الهياط وحفل مهرجان والشي الثاني الحضور اعداد كبيره ربما مايكفيهم ماطيخ من الحم بينما الهياط ان يكون كل هذا الطبخ من شان شخص اوعدد قليل من الضيوف والبقيه يرما بالنفيات او البر هذا الي مايجوز‼️

، (ربنا لا تؤاخذنا بما فعل السفهاء منا) كلنا نتذكر عندما بدأوا الأتراك باللعب في نعم الله في بداية السياحة في تركيا ، وكنا نرى الطريقة التي تقدم بها المأكولات .. كنا نستغرب من هذا الفعل المشين ، حتى أبتلاهم الله بغلاء المعيشه عندهم وأصبحوا لايستطيعون شراء الوجبات الرئيسه في المطاعم والاسواق ،

كل الجمهور والعالم واذكرو الله وتصوير واخرتها قرع محشي

ما شاء الله بارك الله اول مره اشوف قمر صناعي من القرع شاهدوا التكمله في هذا المقطع 🤓👇

يأكلون ويشربون ويصورون ويستمتعون بملذات الدنيا الفانية وفى الأخره يسألون ويحاسبون لماذا تركتم فقراء المسلمين واليتامى والأرامل يينامون بلا طعام الأموال التى تكنزونها ليست أموالكم بل أموال الله تعالى الفقراء لهم فيها حق قال سيدنا رسول الله والله لتسألن عن هذا النعيم يوم القيامه

وش شفت فالمقطع عشان تستنكره طبخو اكله واكلوها !!!

لاتنسى انك نشرتها مثلهم وصعدت على الترند واول مرة اشوفها الان بسببك وتوقعت انهم حاطين مفاطيح حواشي طلع ماعندك سالفة تهاويل ، تراها قرعة ماتتجاوز 300 ريال .

هذا اللي فالحين فيه طبخ واكل وبس

المشكلة انك لا أنت فاهم أيش تقول ولا أنت فاهم أيش يقول الشيخ ولا أنت فاهم الفرق بين السؤال عن النعمة والتبذير والتباهي وتحرم وتحلل بمزاجك وتتألى وتقسم على الله عز وجل .

كلامك صحيح نشر الطعام وكل ما يتم أكله وخصوصاً مثل الولائم هذه لا يجوز لأن لنا اخوه مسلمين جوعه فى فلسطين وغيرها من بلاد العالم وخصوصاً افريقيا فهذا حرام لأن أغلب هذه المقاطع الرقميه يتم بثه على موقع التواصل وتنتشر في العالم

انت لازم تطبق عليهم الاية في الاسراف و الاية في التبذير هل هم كذلك ام لا ولا تطلق العقوبات من راسك وكيسك في كل منطقه فعاليات وكل عائله ولا يرمى من النعم شي ويتم حفظ النعم للمستحقين من الفائظ ويوزع انتهى الله يوفقهم واعوذ بالله من الحسد وقتل المتعه

أنت شايف الموجودين وش كثرهم ؟! يعني وش الناس ماتبيها تاكل ؟! اذا فيه زواج ولا عزيمة كبيرة والموجودين بالمئات بعد ممنوع !؟ غريب والله كلامك !!

الدنيا حروب من كل جهه وهذي الاشكال ماتفكر ولا تستوعب ولا تخاف من زوال النعمه 🤢

صدقت ، و زد على ذلك من يبحث عن الغرائب فالاكل فقط لجذب المشاهدات، رايت من يذبح حصاناً و زرافه و كنغر و اكاد اجزم انها ليست من اطايب اللحوم لكن كل هذا عبثاً ، و كذلك اشكال من هم فالمقطع لو عرفوا ان المطقع يصل لأناس لا يجدون الخبز فما اجتهدوا لصنع اكبر قدر و اكبر كبسه و و الخ.

لابد لنا أن نعرف ماهو الاسراف؟ الإسراف: صرف الشيء فيما ينبغي زائدا على ما ينبغي. وهو محرم وحجة بعض المسرفين يقول( سيؤكل كله أو يصرف لمن يأكله)اهـ. فهذا لا يعفيه عن كونه إسرافاً

عزيزي ابو محمد كلامك صح الاسراف والتباهي محرم بس هذي ناس كذا عملهم ومستوا تفكيرهم الناس تتفاوت في عقولها وتفكيرها لاتدقق على الي مايعجبك بتتعب لانه زمان انتشرت فيه التفاهة والسفاهة اشناب ولحاء وكبار ويصفقون ويصايحون وكانهم يكشفون مفاعل نووي وهو قرعه طابخينها

هذولي قوم بياكلون ويوزعون ويتصدقون فيهم خير ان شاء الله الله يرزقهم شكرها وحفظها

كم انعدام الإنسانية في قلوب و عقول البشر بقي يكفي لسد عين الشمس في ناس بتقضي عشاها نوم في خيام البرد و القتل و الدم محاوطها من كل جهة لازم نراعي مشاعر الناس كفاية عليهم كم الخذلان من بني دينهم.

ناس تواجه اأمة الكفر بكل جيوشها وناس مشغولة ببطونها.. سبحان الله

عادي بكل العالم يصير هذا التباهي نعم توكل وتباع اكبر منسف اكبر بيتزا اكبر سيخ شورما اكبر صينية بقلاوة ليه عندنا حرام وعندهم واوووو الذي نرفضه ولا نويدةً كب الطعام وطبخ الاكل في الولائم ولا يوكل وتجنبه التباهي افضل

هههههههه قرع

انا منبهره بحجم القرع من وين جايوها ماشاء الله

نظف قلبك وتشوف كل حسن ..حسن .. اترك الانتقائية والحسد وحب الشر للمسلمين والاستشراف عليهم واترك الدروب الوعرة وبار الساس ، ، وكل من سب أو انتقص تحت تغريدتك اثمهم على ظهيرك ، ونصيحة تعلم كيف تقنع المتلقي بفكرتك بدون ما تحتاج تحلف وانت ماشاء الله عليك تعرف الحلال والحرام.

المصيبه محسسك انه مخترع قنبله نوويه ... وخرو وخرو

شو هاليقطينة مااكبرها🤔 ماشاءالله صحتين وهنا لكلشي أكلو

يمكن اخالف الكلام باول التغريده وانه لايرضي الله لكن السوال مالفائدة من التصوير والدعاية باعتقادي انها تفاهه ولا تعجب الا التفاهين تصوير رز ولحم وقرعه 🤷🏼‍♂️ احتاج فقط لو فائدة بسيطه منها

يقولون أن من كان همه بطنه فقيمته ما يخرج منها..... وانتم اغلبكم ممن همه بطنه.... لا تزعل هذه هي الحقيقة....

صراحة يفشلون اللي يطبخون كانهم ماهم شايفين خير وين الحكمة فالموضوع ؟.. وين الفايده ؟ السوشل ميديا والتصوير اصبحت مرض

لا تكبر الموضوع ... كلها حبة قرع واحدة والهدف نشر ثقافة الزراعة بالمجتمع واهميتها باسلوب جميل