正在加载视频...
视频加载失败
وداعاً لصوت الإسفلت والمسامير! 🛡️🚗
77 条评论

الكفرات لازم تمر بمركز المواصفات والمقاييس عشان موضوع الامان واي تعديل فيها يأثر على السلامة لذلك اللي يسوونه هذا اسمه استهبال وتعديل يمس سلامة السيارة وراكبها

رحت لهانكوك نفسهم وعدلوا كل المشاكل بالكفرات وكانت مشاكل تخزين وعموماً كل اللي شفته بالفيديو غطيته بالتفصيل بالبرنامج الاصفر.

عزل + صرفية بنزين 😎

الموتر كهرب.

ممكن موترك انت كهرب 110 ..! اما البقيه بنزين 😎

ما فهمت، ولكن استمتع الحياة حلوه.

يسعدك ربي

كلام فاضي سنه تو سنتين يعيش معك الكفر وشوله اخسر خساير واذا دخل مسمار اقرب بنشري يالحبيب عشنا ونعيش بالمسامير

الهدف العزل بغض النظر عن المسامير.

يعني تدور عزل بكفرات صينيه ولا ايش ؟ اجل لا كانك تبي عزل ووالخ فيه شركات كبيره ومعروفه ما يبي لها كل هالضجه

حالة من الاسراف المبالغ فيه يعزلون الكفرات 😂

ليس اسراف، لها سبب والحمدلله نجحت فيه. استمتع، الحياة حلوه...

هذه كفارات يعني رجلين السيارة أي مخاطرة فيها بتكون عاليه إلا إذا وفق مواصفات ومقاييس معتمدة وشكراً للنقل 🙏🩵

إذا زاد وزن الكفر يزيد صرفية البنزين

مستحيل ما يكون له عواقب على الاذرع والمقصات وزنيه الكفرات لان كل شيء موجود

مغير حجم الجنط والكفر عن حق الوكاله وسواقة الموتر ما اختلفت.

مو الان يا سعود تاثيرها عليك مستقبلا مع الاستهلاك كان عندي جنط 20 من الوكاله وسيارة ألمانيه بهذلتني في الوزنيه بعد كل فتره ارجع اوزن حتى لو تلاحظ يكتبون وزن من الامام والخلف فما بالك لو أضفت وزن غير محسوب! انا اتمنى انه التجربه هذه بعد ثلاثه شهور الى سته شهور تعطينا انطباعك عنها

ابشر

فكرة مميزة لكن لابد مراعاة حجم الكفرات وتأثير العازل على وزنها وضغطها وانه ممكن حتى تأثر على قراءة حساس ضغط الكفرات في حال كانت موجودة وبالتوفيق لك وللجميع إن شاء الله في ما ينفع الناس

غطيت بالبرنامج الاصفر اننا جلسنا اسبوع بضغط كفرات عالي عشان الكفرات تفك ثم رجعناه للطبيعي والحمدلله الامور تمام وطبيعية.

!!!

اللي عنده قرش محيره ،، يشتري حمام ويطيره

مغير حجم الجنط والكفرات عن حقت الوكاله وفعلياً مع العزل فيه فرق واضح والحياة حلوه. لا تنسى بالفيديو قلت انها كماليات.

أنا ماهمني هذا الا الجوال وش نوعه

Galaxy Z Fold 8

ماشاء الله ربي يبارك لك فيه

امين وعقبالك. 🙏

العزل يقاس باجهزه خاصه قبل وبعد شغل احس انه ضبط ماينفع

ميب عندي ولا كان سويتها. بالنسبه لي فيه فرق وهذا المهم.

طبعاً اعرف شركات الاطارات الامريكية والالمانية واليابانية وحتى الكورية ماعرفو يحلون مشكلة المسامير وقدر يحلها درع الكفرات بشهادة ابو خميس :)

ما كان هدفي موضوع المسامير، كنت بس ابي العزل والحمدلله التجربة كانت مرضيه.

ياطيب بعد العزل صوت الكفرات وصلني من شاشة الجوال 😁

طبيعي اذا بتمشي 120 اي سيارة بيطلع لها صوت ولا تنسى الموتر تصميمه صندوقي ولكن فيه فرق بين بعد وقبل. *والصوت يزيد او يقل حسب نوع الزفلت.

ابو البندري دامك مجرب العزل يفرق بنسبه كبيره ؟ ولا شيء بسيط

فرق معي تقريباً 30% زي ما ذكرت بالفيديو.

بترج السياره كذا مع السرعه العاليه

مضبط الامور، دامني كبرت الجنط وعرضت الكفر حتى بدون الماده بيرج ولكن ولله الحمد الامور طبيعية كأنه جنط الوكاله.

بالمناسبة، حسب اللي أعرفه ومن خلال تجارب كثيرة مع أفضل شركات عزل هياكل السيارات، فإن نسبة التحسّن في أفضل الأحوال ما تتجاوز 8٪. أما الطريقة اللي عندك، فهذي أول مرة أشوفها، وأعتقد إنها رهيبة، خصوصًا للجنوط الكبيرة اللي كفراتها نحيفة؛ لأنها غالبًا تكون أكثر عرضة للتقطّع بسبب الحفر

مرينا يعدة مراحل بخصوص مشاكل تخزين الكفرات اللي شريتها وعدلناها ثم حطينا العزل. تواصل معهم وافهم اكثر لأن فعلياً فيه فرق والسعر يعتبر ممتاز.

بيتقطع الكفر من الجهة الداخلية لأن هي الاضعف السبب عدم تحمل الشد عند حركة اعلى الكفر قبل اسفله الملاصق للإزفلت ويكون وزن الطرف كبير جدا"

نشوف مع الوقت.

بيثقل الموتر وتصير صرفيته عالية

الموتر كهرب.

طبعاً سالفه الموتر كهرباء شماعه تعديل مواصفات الكفر على مزاجك خطر عليك وعلى رواد الطريق بس واضح انك فاضي وتبي تسوي محتوى

غير صحيح.

مالقيته بقوقل اب مدينة بالسعودية

يركبوه حق سيارات الكهرب

لجميع السيارات. لكن المحل يفحص السيارة قبل التركيب ويشوف هل ينفع او لا.

واهلاً بزيادة صرفية البنزين 😅

موتري كهرب، ابحث عن تجارب راعين البنزين. التقييمات ممتازه وبحثت عنها قبل اجرب الخدمة.

الكفر ب500 العزل ب5000

غير صحيح.

عطنا السعر طيب

موجود بالفيديو.

كفرتين ب 862 اربع ب1724

غير صحيح، الاجمالي للأربع كفرات 862.50 ريال.

اللي دفعته الإجمالي للأربع كفرات، أوريك رسالة السحب عشان ما تشغلني ؟! عيب عليك تحاول تدور اي زله، أنا صادق عند ربي وهذا يكفيني وانت خلك على ظنك بتتحاسب عليه. الله يصلحك.

السعر جنون

وده طبيب نفسي.

انا شدني نوع الجوال نفسي اعرفه!

Galaxy Z Fold 8

الله يبارك لك في مالك وحلالك

امين وياك.

مابي افتي بس كل مركبة لها معايير من وزن وحمولة وكيف تعاملها في الانعطاف صممت بما يناسبها او لا سمح الله حدث وقوف مفاجئ فالذلك اهل الاختصاص ممكن يفيدون

صحيح ولكن انا مكبر حجم الجنط ومعرض الكفر ومركز تباريز يعني موب شغل وكاله علماً ان سواقة الموتر وراحته ما اختلفت عن الوكاله.

ما شاءالله والله يعطيك خيرها ويكفيك شرها وننتظر نقل تجربتك لنا

👍

تعديل في الكفرات شي مو سهل قد يأثر في اتزان السياره اثناء السرعات العاليه وقد يتسبب في حوادث لا سمح الله تغيير في مواصفات الكفرات بالشكل هذا لا اعتقد انه صحيح

اعلان صح ؟ @MCgovSA

@MCgovSA ليس اعلان. *الفاتورة موجودة بالفيديو وبالمقابل تجربتي كاملة غطيتها بالبرنامج الاصفر. لا تشغل الوزارات بدون اثبات ودليل الله يصلحك.

الكفر والجنط والهواء لها وزن من الوكالة خفة لمف الطارة اركب عازل وكم ويكون وزنة مع الطارة مو كل كفر مطابق مع الطارة ولف الزواياء

معدل موتري عن حق الوكالة حجم الجنط اكبر والكفرات اعرض، استعرضت طل هذا بالتفصيل في البرنامج الاصفر. استمتع، الحياة حلوه.

يالله نرصص كفرات باقي نعزل كفر ؟! Oo

كنت احسبها ناقصه، شكراً عالتصحيح. 😬

عدام الاذرعه وعضلات السياره اسال مجرب ولا تسال طبيب

كلام غير صحيح وانتبهووو من تغريدات هدفها التفاعل

الكلام صحيح، والبوست ليس هدفه التفاعل وهي تجربة من حر مالي عرضتها ووريتك نتيجتها، اقتنعت او ما اقتنعت هذا شأنك ولكن تدخل في نيتي واني ابي تفاعل ؟! لي اكثر من 23 سنة انشر معرفه سهله اسوقها عليك وعلى غيرك ولكن أنا محاسب على هالشي أمام رب العالمين والدنيا ما تستاهل وما تفرق معي. خلك على ظنك وخلها بذمتك والله لا يحللك ولا يسامحك ولا يبيحك.
