وش رأيكم بكلامه ؟ (المقطع متداول)

بالنسبه لي انا موتري والعزبه ما حب احد يتعبث فيها فلذالك انا افضل اني انا اللي اغسل وانشفها وارتبها على راحتي لو ياخذ مني 40 دقيقه عادي احيانا اشتغل واسولف على هداوه لكن ولا احب احد يساعدني مدري ليه 🌚💔 اما بالنسبه للقطه هذا اللي مستحيل اطلبها ولا افضل انك تطلبها او تقبلها انت طالع تستانس وتنبسط فلذالك اكرم نفسك وعزها وبيرزقك الله سبحانه وبيغنيك عن خلقه

الناس يختلفون ، فيه واحد ونيس بس مايحب يشتغل وواحد غثيث بس طبخه لذيذ والثاني حركته واجد ويحب الشغل وواحد دب ودك بس تسمع سوالفه بس لا تطلب منه يساعد التكاليف والقطة غالباً على الجميع الا على الضيف. . التنوع والاختلاف هو اساس المتعة وش ابي في طقم صيني كلهم نفس التفكير 😅

انا عن نفسي عزبتي وعدتي دايم معي واطلع عشان انا اغير جو اللي بيجي من الشباب حيّاه الله الاساسيات متوفرة لكن ان زاد العدد زي ماقال وزادت التكلفة على ربع (تمون عليهم) يلزم يصير في تعاون وقطة للتخفيف لأن (الكُلفة تذهب الألفة) باختصار هي لا افراط ولا تفريط سدد وقارب لكي تدوم.

كلام سليم لذلك انا من عشر سنين اكشت لحالي ومبسووووووط ومستانس بعد عقوبة سنين من الكرف والتعب انا الان في نعمة عظيمة

كلامه ✅ 💯ما أجمل روح التعاون والتكاتف، خاصة بين الأصدقاء! البر ليس فقط مكاناً للتنزه، بل هو فرصة لتقوية العلاقات وتعلّم قيم المشاركة والعمل الجماعي. عندما يتعاون الجميع في إعداد الطعام وتقاسم التكاليف، يشعر كل شخص بأنه جزء من الفريق، وهذا يزيد من المحبة والترابط بينهم. التعاون سر النجاح، والكشتات والبر يعلّمنا كيف نعيش بروح الفريق الواحد.

كلام صحيح بس احيان الواحد يستحي يطلب منهم والا والله صاحب العزبه هو الي يتعب ويتحمل مقاضي الكشته والا يجيك واحد قبل الغداء او العشاء ومعه بطيخه او جرو ثم يفلشها وياكلونها طيب والغداء او العشاء الي انا جالس اتعب عليه من ياكله هذي اكثر شي يقهرني

الكُلفة تُبعد الأُلفة وكلما كانت الاجتماعات مشاركة وبعيدة عن التكاليف المرهقةكلما دامت وزانت اتفق معه كثيرا من غيراللائق أن أجلس بلا اي مشاركةمادية وفعاليةبالترتيب وكل مايخص الاجتماع بحجةأن صاحب الطلعةكريم ورفض لأن الكريم من الطبيعي يرفض ولكن من غير الطبيعي أن تقبل عليه الخسارة!

يا زين الخف سنوات مضت ما اطلع للبر الا اقل شي 8 والان الحمدالله بالكثير 3 اشخاص وكل ما قلت زانت واواقات اطلع لحالي واشب واستانس واروق واذا جيت اشب على عشاي اتصلت على شخص واحد فقط واواقات اتصل على المدام وتجي والحمدالله الخف نعمة

اعترض على كلمة ( جنيهات ) سياقها للرجل لا تصح

من ناحية قطه اذا مافي اتفاق من اول قبل الطلعه والله مافي امل اقول قطه .. والفلوس تروح على خوي نشمي ماهي خسارة اصلاً . والشغل والمساعدة ماهي مشكلة اصلاً اللي بيشتغل ويساعد بيض الله وجهه واللي ماهو راعي شغل مافي مشكله الامر في سعه .. اهم شي الخوي الونيس يوسع الصدر