وش عذرك يا العاطل؟…

ماحسب البنزين ماحسب وقت الطلبات ووقت مافيه طلبات ماحسب كم تاخذ منك الشركة وكم تعطيك الخ

غير صحيح تماما يبغالك تشتغل اقل شي ٤ ساعات علشان توصل ل٢٠٠ ريال وباقي بتعبي بانزين

لحد يتكلم بالسعه ويتهجم عالمساكين كل اللي قاله موب صدق ومجرد اعلان

غير صحيح.. انا جت فترة واشتغلت في توصيل طلبات شحنات في شركة بدون ذكر اسمها..وكنت اعمل من 9 الصباح الى الساعة 10 في الليل ويشهد الله على كلامي..وكان مبلغ ربحي في توصيل كل شحنة او طلبية 13 ريال..وكنت بالقوة ويالله يالله اكمل 25 شحنة او 30 شحنة في حال انك بتكمل توصيل للساعة 12 الليل.. ويشهد الله ان المبلغ الي كان يطلع لي في اغلب الايام 260 ريال وانا كنت اشتغل من الصباح الى الساعة 10 في الليل ويالله يالله اللحق اني اوصل ٢٥ طلبية او 26 طلبية.. وطلع منها 80 ريال بنزين ⛽️وايضاً طلع منها اكلك وشربك ودخانك اذا كنت مدخن ، يعني كان ربحي في اليوم 140 ريال بالكثير وانا كمان ماحسبت هلاك واستهلاك السيارة من كفرات وزيت والخ.. ويجيك واحد زي ذا والراحة باينه على وجه حتى الشمس باين انه ماشافها، ويجي يهذري على الناس في تويتر مقابل مصلحة مادية او معنوية من بعض الشركات ويسوي لك فيها انه ابو العليم 🙂 ومن كبر الكذبة يقولك ساعتين 🙂.. ياخي لاتسوي على الناس انك وانك وانك وانت باين عليك الراحة ف زُر ام ام امها الله يرحم امك ولا تجي تتفلسف على الناس الي جالسه تكد وتتعب وتعرف السوق وتجي انت تهذري بكم كلمة على الفاضي وانت في وادي و الواقع في وادي أخر.

السؤال غلط ،، ايش عذر اصحاب الشركات اللي يطلبون موظفين اجانب ؟!! ومايوظفون عيال البلد اللي جايبين افضل الشهادات

انا جلست يوم كامل اكرف يالله طلعت ١٩٠ اما ساعتين كذب والهدف تفاعل

هذا وش قاعد يقول حنا بااوبر الصباح الى الضهر ومن العصر الى العشاء يالله ٣٠٠ وهذا يقول ساعتين ٢٠٠

اكثر واحد اشتغل في البرامج خساره في خساره انصح الجميع ب الحفاظ على سلامتك وصحتك وسيارتك ك الخمر ضرره اكثر وأكبر من نفعه المستفيد صاحب الشركه المستفيد الزبون المستفيد محطة البنزين المستفيد صاحب الورشه المستفيد المرور وساهر والحكومه المستفيد المشهور يعلن وياخذ فلوسه كامله همه فلوسه تجيه المستفيد صاحب الكفرات المستفيد صاحب الزجاج المستفيد صاحب الورش فوائد الكبتن التعب الاهانه التنمر الاتهامات خساير ماليه وأي واحد يقول غير الكلام كذاب كذاب

يا ريت اي احد شغال في هذه التطبيقات يفيدنا مو يقعد يهبد من كيسه المشاهير زي هذوليك فقط يدورون مشاهدات على حساب العاطلين

وين راح ١ - البنزين ٢- زيت ٣- عمولة الشركة على كل مشوار أقل شيء ٢٥٪ هذا غير الجلسة ٦ او ٧ ساعات على مقعدة سيارة والله يجيك انواع الآلام في المنطقة السفلية و فوق هذا كله تدمر ام السيارة والله اسوء شغلة ما انصح احد يشتغل فيها ابد