ياخي ابي اعرف سالفتها احس وراها شى الخبيوبيه هذي وليه عايشه بيت قديم مو يقولون أهلها من أكبر تجار بريده 🤍👆🏻

خبوبيه شخصيتها تذكرني بنساء اول تطبخ وتنفخ وتسوي كل شي بيدها تحب حياة البساطه وتعيش على نمط جيل زمان وكأنها جات من زمن السبعين لتحيي روح البساطه وهدوء الحياه بعيدا عن الصخب و الضجيج والعيش في المنازل الشعبيه

فعلا تحسها جايه لنا من جيل غير وبسيطه وحبوبه

لطالما هي ماقالت شي وعايشه حياته بكل احترام اتركوها بحالها .. مافي احد له شي عندها وهي مالها احد عندكم انشغلوا بأنفسكم وبحياتكم وادعوا لها بالتوفيق وانتهينا 🌹

الله يوفقها ماقالنا شي بالعكس يوم تكلمت عنها اشتهرت زياده ويمكن اني فاتحه خير عليها والكل يروح يتابعها

ما اعرفها بس الفلوس مو شرط في ناس كذا طبعهم يكونون بسيطين هذول بالذات اللي يكونون شبعانين من طلعوا على الدنيا مو حديثين النعمه زي اللي يمشون ويتفاخرون

@psoya4 مدري مااتوقع بنات الراجحي شبعانيبن وبيوتهم حلوه

صحيح كلامك #الخبوبية اهلها من أكبر وأشهر عائلات بريدة لكنهم ليسوا تجارا وليست هي الأولى من العائلة فقد سبقتها اخرى من نفس العائلة إلى بريطانيا والخبوبية عائلتها ابوها وامها واخوانها موجودين لكنها اختارت هذا الطريق برغبتها وكانت حياتها كفاح واعتماد على النفس وعدم الحاجة للآخرين حتى أنها باعت التمر يوما بالرياض وكان لها فود ترك في بريدة لكنها اختارت هذا المنزل اخيرا وتعجبني شخصيتها القوية وشجاعتها وجسارتها واعتدادها بنفسها ومن وجهة نظري ما دام إنها محافظة وملتزمة ومعتزة بدينها واخلاقها فلتختار اسلوب حياتها

كلامك منطقي بس مافيه احلى من العيشه تحت ظل اهلي اذا مو مقصرين علي

هاذي وين هلها عنها كيف بنت تعيش بروحها وتنشر انها تعيش ماتخاف من عيال الحرام ويعني جماعتها لو مايعرفوا عنها بيعرفوا من فيديوهاتها المنتشره وراها سر غريب واذا كانت بنت ناس أغنياء ليش ما يدورون عليها لو ولد بنقول عادي عايش حياته لكن هاذي بنت ينخاف عليها

يمكن المكان هذا فقط تصور فيه ويمكن امها متوفيه وابوها سايبه وش تسوي ويمكن بينهم مشاكا ويمكن اهلها معها بس ماتبي تصورهم بس ترا القصيم جدا امنه واهلها فيه خير لكن الحذر مطلوب نفس ماقلتي