ياربعنا ياللي على الفطر الشيب عز الله انه ضاع منكم وداعه رحتوا على الطاعات مثل العياسيب جيتوا وخليتوا لقلبي بضاعه خليتوا النادر بدار الاجانيب وضاقت بي الافاق عقب اتساعه يكدرن لي صافيات المشاريب وبالعون شفت الذل عقب الشجاعه ياذيب أنا بوصيك لاتاكل الذيب كم ليلة عشاك عقب المجاعه كم... ليلة عشاك حرش العراقيب كم شيخ قوم كزته لك ذراعه كفه بعدوانه شنيع المضاريب ويسقي عدوه بالوغى سم ساعه ويضحك ليا صكت عليه المغاليب ويلكد على جمع العدو باندفاعه وبيته لجيرانه يشيد على الطيب وللضيف يبني في طويل الرفاعه جرحي عطيب ولا بقى لي مقاضيب وافخت حبل الوصل عقب انقطاعه كني بعد فقده بحامي اللواهيب وكني غريب الدار مالي جماعه من عقب ذيب الخيل عرج مهاليب ياهل الرمك ماعاد فيهن طماعه قالوا تطيب وقلت وشلون ابا طيب وطلبت من عند الكريم الشفاعهshow more

@radialonazi لشالح بن هدلان في ولده ذيب رحمهم الله جميعاً

@radialonazi وقفت على مكان قتله وقبره موجوده في منطقة قبل الشعراء

@radialonazi عز الله انه فقدله ولد

@radialonazi رثاء شالح بن هدلان في ولده ذيب .. الله يغفرلهم ويرحمهم ويسكنهم فسيح جنّاته

@radialonazi رثاء يمزع عروق القلب الله لا يفجعنا في حبيب وقريب والله يرحم الشايب وولده ووالدينا وموتى المسلمين

@radialonazi تهز القلوب

@radialonazi كان رحمه غازيا على قببلة المقطه من عتيبه ل جلب طلب والده عندما طلب منه احسن انواع الابل التي لايوجد مثيلها الا مع المقطه وحول عليهم هو ومن معه من فرسان الخنافر من قحطان وهم واردين على مليه وذبحوه المقطه دفاعا عن ابلهم وهرب من كان معه بعد سقوطه رحمه الله وجميع موتى المسلمين

@radialonazi الله يغفر لهم ويرحمهم جميع والله والنعم بشالح وبولده ذيب واخوه الفديع والنعم بكل طيب وشهم وشجاع من اي قبيله كان والله يكثر من امثالهم وياحسافاه على الطيبين اينما حلو ابو سلطان العتيبي

@radialonazi الله يرحمهم جميع عز الله انهم كفو

@radialonazi القصيدة معروفة لشالح ابن هدلان من قحطان في ولده ذيب ابن شالح ابن هدلان والمناسبة او سبب القصيدة أيضا معروف...ويعرفونها بعد كبار السن ويرددونها في مجالسهم...