يقول عاشق ( التنظير ) هذا .. ادفع إيجار 30 الف بالسنه ولا ادفع بقرض 25 سنه طيب تعال نحسبها : 30 الف 25x سنة = 750 الف ريال دفعتها ايجار غير مسترد وذهبت لرصيد المؤجر ( على افتراض ان الايجار ثابت ولا تم رفعه خلال هذه المدة )... ما نكب بعض الناس إلا مثل هذه النصايح الخنفشارية … خذها نصيحة صحيحة مريحة : تملك على قدر إمكانياتك ( لاتمد لحافك اكثر من رجليك ) كل واحد له حالة تختلف عن الآخر .. ادرس حالتك والقاعدة واحدة اصل تملكه ولا اصل ( لغيرك ) تستأجره !! كن واقعي احيانا .. شقة أو حتي دور أو اي عقار على قدر إمكانيتك ( كسكن مرحلي ) افضل مليون مره من الايجار بالمدن التي إيجارها ملتهب .. ومتزايد واللي ينصحك ألان تستأجر باي مدينه إيجارها يرتفع سنويا هذا للأسف ( منظر ) يده في المويا ويدك في نار الايجار !!show more

ناس بعقلها تفكر 👇👇

شاهدو العقلية النظيفه وقولو ماشاء الله 👇👇

مع احترامي الشديد لك وللارقام نحن بشر ولسنا روبورت تحركنا الارقام وش فايدة اني اخذ بيت و ٦٥ ٪ من دخلي رايح للبيت ذا و٢٥ سنة عايش فقير وحالتي النفسية صفر اعيش متوسط الدخل ومرتاح نفسيا لحد مااموت اطيب لي واحسن لسنا آله نحن بشر الله يلعن بيت يضيق علي في حياتي اذا فهمتوا هذا الشيء عرفتوا ليش لو نموت مستحيل نعطيكم ٦٥٪ من دخلنا

السؤال … مالذي يجبرك تأخذ باستقطاع 65٪ من راتبك ؟؟ كل من تفكيرهم مثلك يردد هذه الاسطوانه المشروخة !! السوق مليان شقق تستقطع من راتبك 35-40٪ ومشاريع وزارة الإسكان ( اقل من السوق ب 25٪ ) ليش ما تأخذ منها ..؟؟ إلا ان كنت تبغى في شمال المدينه ( مكان الأثرياء ) فهنا هذا خطئك انك لم تمد لحافك على قد رجليك وتبغى تصور للآخرين ان الايجار افضل من التملك !!

لو شاري فيلا الان بمليون فوائدها بتكون 750 الف يعني مليون وسبع ميه وخمسين الف بأقساط شهرية حوالي 6000 ريال اجلس في إجار 2000 ريال و اعتبر ما دفعته خلال 25 سنة فوائد قرض الفيلا وأعيش حياتي انا وعائلتي اسعد الناس براتبي كامل 😎 لو اشتريت الفيلا وبعتها بعد 20 سنة ممكن ما تجيب 800 الف تكون خسران 950 الف ريال 😔

حبيت اقولك لو رحت البنك وخذيت قرض سكني ب ٧٥٠ الف تراك بترجعها مليون ونص 😂😂😂 يعني أكون مستاجر ومريح بالي أفضل من رهن ٦٥٪ من راتبي وأعيش ملك 😉

ولو رحت للوطنية للأسكان أخذت شقه على قدك بسعر اقل من السوق ب 25٪ وباستقطاع لايزيد عن 40٪ …. لحظتها وفرت قيمة الايجار وتملكت اصل لعيالك من بعدك … المسألة ( واقعية في التخطيط المالي والاختيار ) لا اقل ولا اكثر

يارجال كل اللي أعرفهم تورطوا في قروض عقارية حياتهم شحيحة ويتسلف كل شهر ليش عشان بيت العمر أعيش في ايجار ولا أحرم نفسي من متعة الحياة عشان أتملك بيت كلام فاضي

ارجع لهم واحد واحد تلاقي كل واحد من الحالات اللي ذكرت اشترى فيلا ولم يعمل ( تخطيط مالي ) لنفسه ويمد لحافه على قد رجليه .. بالمقابل هناك الكثير اشترى وساكن في بيت ملك على قد امكانياته وتخلص من دفع الايجار الذي يذهب إلى جيب المؤجر .. قليلا من الواقعية .. تأخذ قرارك الصحيح

يامهندس انت فكرك تجاري وراتبك ضخم وهذا الكلام ليس موجه لك ولا للطبقه المخمليه مثلك، هذا ينطبق على الي دخلهم على قدهم، انت تبغى واحد راتبه ١٠ الف يدفع اقساط شهريه للبنك من ٦ الى ٧ الاف ويقعد ٢٥ سنه في ضيق حال هو واسرته ب ٤٠٠٠ الاف بيت فواتير وغيرها.

راتبك 10 آلاف .. خذ لك شقة 4 غرف بوسط المدينه أو غربها أو حتى جنوبها مثل مدينة الرياض .. استقطاعك وقتها ماراح يتعدى 40٪ من راتبك يعني يتبقى لك 6000 آلاف لكن راتبك 10 آلاف وتبغى تأخذ فيلا بشمال آلمدينه هنا سوء التخطيط المالي .. كن واقعي والسوق به خيارات متعددة خذ اللي يناسبك فما يناسبك قد لا يناسب غيرك والعكس صحيح