يقول نجم دام هو في مساره راعي اللكزس غلطان ! وش رايكم !!

كل ما اشوف هالحادث اكرره اكثر من مرة لان فيه متعة بصرية اسطورية فعلا نجم حاط الحق على اللكزس يستاهل ماجاه علشان يتعلم ان الشارع ماهو ملك ابوه

عجيب كيف التعليقات يلومون اللي ماشي صح في مساره !!! هذي نهاية كل زق يسقط ويسطى ومسوي زحيف ع الناس الله لا يبتلينا مما ابتلاه خلاص ما سمح لك انتظر اللي وراه اعطه اشاره اما نظام السطاوه ذا ما يمشي معاي

الله لا يسامح اشكالك ولا يوفقهم يوم انك تبلي العالم وش فيها لو عطيته مجال بدال ما تتسبب بموته ياخي بعض الناس الله يعافيهم ولا تبلانا

الموضوع فعلين كله 6 ثواني الي يلومون صاحب الداش والواقع اسرع مما تتخيل يستغرق من 1.5 الى 2.5 ثانية لمجرد ادراك الخطر وصاحب الكزس حقه وماجه استهتار في حلاله وحلال الناس المفروض يجرم

الي يقولون ليه ماعطيته مجال صاحين انتم؟ يحمد ربه راعي اللكزس طاح بشخص عادي لو انا وواحد بيدخل علي كذا بطلعه من سيارته وادعس وجهه

اللي عنده شك في غلط راعي اللكزس لازم يعالج عقله او يمنع من القيادة لانه مختل عقلياً وقيادته خطر على المجتمع وعلى البشرية اللي سواه راعي اللكزس ربما يتجاوز الخطأ المروري إلى ارتكاب جريمة جنائية

اللكزس خطه فاضي بس مسوي زاحف ويبي يحد راعي الداش كام واخذ نصيبه

المسار فاضي قدامه صاحب اللكزس ليش يلفلف ع الخلق

المسار الاوسط بعد الصني فاضي راعي اللكزس لعانه يبغى يدخل على راعي الداش كام وجت على راسه . هو ماصلح هالحركة الا انه متعود يسويها ويخوف المسلمين لكن هالمره طاح في واحد مايتنازل عن حقه وماهو ضعيف. . راعي الداش كام انت سويت في المسلمين خير اللي فكيتهم من شره لانه الان بيمشي عاقل

مقطع لتربية الهمج 💪🏽 القوه لا بارك الله في الضعف راعي اللكزس يستاهل وكل همجي في التعليق متعاطف مع راعي اللكزس انشاء الله يكون المقطع رباه من الهمجيه قال تعالى: وَلَا تَبْخَسُوا النَّاسَ أَشْيَاءَهُمْ وَلَا تَعْثَوْا فِي الْأَرْضِ مُفْسِدِينَ

الزعلانين من صاحب الداش هم نفسهم نفس الي بالفديو يحسب الشارع شارعه وماخذينها شخصنه وسباق، يسبب قلق للي حوله كل شوي ناط يغير مسار، بحجه ان المسار بدأ يصبر زحمه، لازم اوصل اول واحد🥺 👊

عداد السرعة الموضح في الداش كام تحت عاليمين يبين ان راعي الداش كام زود السرعة وتعمد صدم راعي اللكزس مع ان راعي اللكزس غلطان لانه تجاوز من اليمين وحد الرجال وهدا في وجهه ولكن راعي الداش كام يتحمل جزء من الخطأ لانه زاد السرعة وتعمد الصدم

هذي بسيطة. اللكزس مخالفة تغيير مسار. راعي الداش كام الشروع في القتل. مافيها واحد اثنين.

احسن جاه ما يستحق لو تلاحظون المسار الوسط مافيه ولا سيارة مسار فاضي بس هو يبغى يدخل يتملعن على راعي الداش كام

مثل هالنوع ابعد عنهم وافتح له الطريق خله يروح وينبسط انه سقط عليك لا يبتليك ولا تبتليه بحادث ممكن فيه خساير ماديه وجسديه لا قدر الله

يبدو أنها مشاحنة وعناد لكن راعى الداش كام فى مساره وقانونا ونظاما ليس عليه شئ انما أخلاقيا كان يمديه يتجنب سفاهة وتهور وانعدام التربية اللى عند راعى اللكزس لأن هذى سلوكيات متعاطين مخدرات مافى إنسان عاقل وطبيعى يغير مساره بهذه الطريقة

الثنين كلهم حمير وابتلانا الله في ذالعينات يفترض تكون العقوبه سحب الرخصه عليهم ال ٢ لمدة ٣ سنوات خلهم يتهجولون في اوبر وكريم يعرف النعمه اللي هو فيها مع خدمة مجتمعية في مدينة سلطان للخدمات الإنسانية خل يعرفون وش معنى الإعاقه ونعمة الصحة والعافية

الاشكال ذي ماينفع لها الا نفس عيناتهم. يستاهل الي جاه المروح، مساره مفتوح ويقدر يمشي فمان الله لكن الزحف قطعه. ولو خلاه يدخل (سبق وخليتهم يدخلون هالاشكال عادي) يعطيك بريكات يعني يهوش لك يخوفك. يستاهل الي جاه المفروض تُسحب رخصته سنه كامله.

للأسف معظم التعليقات ضد صاحب الداش كام ، وصاحب اللكزس اللوم عليه مليار فالميه لانه ما يبي يتجاوز يبي يوقف السيارة غصب المسار الأوسط فاضي تماماً !!؟ ليه يبي يصير قدام صاحب الداش ؟؟ المفروش الواحد قبل يهبد بالتعليقات يركز كويس فالمقطع ويدقق فالمسار الاوسط وقتها راح يعرف من الغلطان

راعي اللكزس غلطان وغشيم ومستهتر.. تجاوز من اليمين ثم رجع لاقصى اليسار وكان يقدر يكمل في الوسط .. ما اكتفى ودخل على راعي راعي الداش كام ويمسك بريك .. الموضوع مو خطأ مروري.. الموضوع سلوك عدواني .. حتى في سباقات السيارات ما تصير .. الله يحفظ الجميع

طيب الان لو راعي الداش كام غير تصرفه وهداء فجاءة وجا واحد مسرع من الخلف وصدمه من الخلف وفق توازن نفس اللكزيس ومات وراعي اللكزيس راح او هرب ولا صار له شي لانه شخص مستهتر ولا يرا الناس شي والي يسوي هالحركات عادتن ،يقطع اشارات ،يتخطا السرا ومتعود على الفوضي الحين ايش بيكون رايكم

نسبة الهمج الفوضويين في المنشن مرعبة جداً اجل توقفون مع الهمجي المخطيء وتلومون النظامي!! الفكر الهمجي الفوضوي اللي يدعم المخطيء هذا هو اللي اعادنا للخلف ولن نتطور بوجوده!! قُبحتم...!!

يستاهل المسار الاوسط قدامك مفتوح ويمديك تتجاوزهم الاثنين يعني الا بالغصب تبي تجي بينهم عاليسار؟ ع عناده ذا يستاهل الغلط عليه 100% وياكلها هو ياتزحف زي الناس وتتجاوزهم كلهم ولا انثبر مكانك

يبغى يدخل غصب الاهبل

بتعطيه مجال في اليوم ١٠ مرات و بتحاول تتعامل مع هذه الأشكال لعدة اسباب و مبررات (مستعجل، طواريء، عايلة، صغير ما يعرف مصلحته، أنا اكبر و اعقل منه، و غيرها من الأعذار). لكن يجي يوم ما انت طايق نفسك و مشاكل تحاصرك من بيتك للعمل للشارع و يجي هذا يسقط عليك، طيب كم يتحمل قلبك الطيب و كم تستطيع التفويت؟ على الجميع الالتزام بالأخلاق و الذوق و الادب قبل لوم الشخص المنتظم و الماشي في طريقة

المقطع ذا درس لي وللجميع الحوادث تصير في ثواني نسال الله السلامه والتمس العذر لمن يتجاوز ربما عنده مريض او ضرف من ضروف الدنيا اسال الله ان يحفظكم ويحفظ جميع المسلمين (حتى لو كان متهور ممكن مراهق او متعاطي )

طبعا اللكزس غلطان .. هم وسواقين الكامري نفس النوعيات بس ذا راتبه اعلى شوي ولا طريق مفتوح اساسا وتسوي كذا عموما زين ان طاح في احد من عينته وقلبه .. عشان ينحرق عالموتر ويعرف ان الطريق للتنقل موب للهياط

بصراحة راعي اللكزس غلطان ١٠٠٪ ليه العناد والاصرار يعني بسقط عليك وبالقوة بتخفف ، لا حبيبي النظام واضح ويحمي الكل . اذا انت مصاب بامراض عصبية لا تبلي الناس باعمراهم

يمكن يكون غشيم لازم الواحد يتحلى بالصبر ويعطي اولويه للغير ويحتسب الاجر

لو مات هو ولا كان معاه أطفال ما عليك من النظام رح تدخل في عملية تأنيب ضمير منغصة طوال حياتك قبل التصوير بدقيقة لا ندري ما الذي حصل

المفترض تهدي اشوي وتخليه يدخل المسار وشفيها لو انتظرت اقل من ثانيه بدل ما تسبب بحادث خطير وممكن يؤدي إلى وفاة بسبب عصبية ساعة !

هذول اللي يقولون عطه فرصة وخله يروح واضح ان هذي حركاتكم لكن انتبه تراك بتطيح في واحد زي هذا الكفو ويسنعك

المسار الاوسط مفتوح بعد ماتجاوز الصني لاكن ماختار انه يمشي ويروح وماهو هدفه انه يروح هو ناوي صاحب الداش كام حتى لو فتح له خط

صحيح 100% ، هذي اسمها درعمة ، سقط على راعي الداشكام ،. اذا اللكزس مستعجل الله لايهينه يشغل السيفتي او الفلشر