يوم الفجعات …مايبقى لك إلا العقار … وقصة الولد اللي اشترى ارضين بحي النرجس بالرياض كم ربح فيها ؟؟ هل صحيح انه بعد خمس سنوات سيكون صعب جدا تملك فيلا بالرياض؟ الأجابة 👇👇

متوسط اسعار العقارات حاليا في الرياض أعلى بكثير من متوسط الرواتب .. بمعنى لو بتاخذ قرض عقاري على الحد الأعلى وراتبك 11000 ماراح يجيب لك قيمة أرض لذلك منطقيا وعقليا الأسعار ماراح ترتفع لأن ما احد راح يشتري ..

عندي قاعدة … اذا شفت الشعب متجه للعقار ..اتجه للاسهم واذا شفتهم قابين في الاسهم ..خذ فلوسك واشتر عقار

الإجابة 👇👇

نشعر بخوفك بعد رفع الوقف عن ٥٠ مليون متر + جوهرة القيروان + القيروان قيتس + شمس الرياض + الرفع القادم كما افاد سمو امين مدينة الرياض

ابي شقه ملك لو غرفتين وربي صعب علي😔 ابي وظيفه اخذ ملك

وش الفايدة المتر وصل بالنرجس اكثر من 6000 لكن ما حد معه فلوس يشتري😂

تقصد انت مامعك تشتري …!! بس سؤال بسيط لك : طالما انه مافيه احد يشتري ليش ارتفع من 2000 إلى 3000 آلاف ثم إلى 4000 آلاف ثم إلى ثم إلى 5000 آلاف إلى سته آلاف ؟ لانه ببساطة فيه ناس تطلب والطلب اعلى من العرض يعني الموضوع ليس رغبتك ولا رغبتي بل عرض وطلب .. وصلت

انا في دوامي دايم الجدد اللي باقي رواتبهم نظيفة و يشاوروني ف القروض اول م اشير علية خذ قرض شخصي بس رح اطراف اي مدينة زي جدة او ابها و اشتر ارضين لو ف خلا بس اهم شي تكون بصك و مو زراعي خلها لين تخلص قرضك شوف كم ارتفعت مع العلم ان م عندي ارض لكن كنت افتقد النصيحة ذي ناس اغتنو كذا و اعرفهم شخصيا

الحين صعب جدا يا ابوي ههههه تقصد بعد خمس سنوات صعب تتملك شقة

هرج برود كاست لازم يعمل فيلم ديناميكي ع أساس ينجح المقابلة دخل من هنا وخرج من هنا الله يعز حكومتنا الإسكان موجود والان بفائدة قليلة تقريباً 2.50 بالمائة … وخلي العقاري ينتظر لين الله يفرجها …