Asad Qaiser
@AsadQaiserPTI • 1,623,024 subscribers
Former-Speaker National Assembly of Pakistan
Shorts
Videos
کل خواجہ آصف صاحب نے میرے حوالے سے ایک بات کی تھی۔ میں صرف خواجہ آصف سے پوچھنا چاہتا ہوں کہ جب آپ کے ضمیر پر اتنا بوجھ تھا تو آپ صرف اتنا بتا دیں کہ 8 فروری کے الیکشن کے حوالے سے آپ کے ضمیر پر بوجھ نہیں ہے؟ کیا یہ الیکشن آپ جیت چکے ہیں؟ جس طرح 8 فروری کے الیکشن کو رِگ کیا گیا، جس طرح الیکشن لوٹا گیا، جس طرح ہمارے لوگوں کو بٹھایا گیا، یہاں اسمبلی میں ہمارے 100 تک اراکین تھے، انہیں نااہل کرکے دوسرے لوگوں کو لایا گیا، عدالتوں کو منیج کیا گیا، الیکشن کمیشن کو منیج کیا گیا۔ ہمارے لوگوں کو اسمبلی سے نکالا گیا اور جعلی لوگوں کو لایا گیا۔ کیا اس وقت آپ کے ضمیر پر بوجھ نہیں تھا؟ آپ کے اپنے ضلع کی ریحانہ ڈار کو پولیس نے سڑکوں پر گھسیٹا، اس وقت آپ کے ضمیر پر بوجھ نہیں تھا؟ گلگت بلتستان میں جو کچھ کیا گیا، کیا اس پر بھی آپ کے ضمیر پر بوجھ نہیں ہے؟ اگر ضمیر کا بوجھ ہلکا کرنا ہے تو استعفیٰ دیں اور الیکشن کروا دیں، پھر پتہ چل جائے گا کہ آپ کی کیا حیثیت ہے۔
Asad Qaiser47,923 次观看 • 5 天前
میں جس علاقے سے تعلق رکھتا ہوں، اس علاقے میں جو سب سے زیادہ فصل ہوتی ہے وہ تمباکو ہے۔ 70 فیصد میرے علاوہ تمباکو کے کاشتکار ہیں۔ یہ کیش کراپ ہے جس کی وجہ سے ہماری اکانومی چلتی ہے۔ یہاں میرے بارے میں ایک موصوف صاحب نے کہا کہ شاید میرا تمباکو کا کاروبار یا روزگار ہے۔ میں حلفیہ کہتا ہوں کہ نہ میرا تمباکو کا کوئی کاروبار ہے نہ روزگار ہے اور میں تمباکو کے پتے کو بھی نہیں جانتا۔ لیکن میں اس حلقے کا نمائندہ ہوں جہاں تمباکو کی فصل ہوتی ہے۔ آپ نے تمباکو پر 390 ارب روپے کا ٹیکس لگایا لیکن انٹرسٹنگ بات یہ ہے کہ جب آپ نے ٹیکس لگایا، اس سے پہلے 2023-24 میں ایف بی آر کے اعداد و شمار کے مطابق آپ کی ٹیکس کلیکشن 394 ارب روپے تھی، لیکن جب یہ ٹیکس لگایا تو آپ کی ٹیکس کلیکشن گر کر 165 ارب روپے ہو گئی۔ خیبر پختونخوا کے ان اضلاع میں جہاں تمباکو کی فصل ہوتی ہے، وہاں کے کسانوں کو بالکل کرش کر دیا گیا ہے، کسان بیچارے رو رہے ہیں۔ آپ نے مارکیٹ میں کمپٹیشن ختم کر دی، آپ نے چھوٹے اور بڑے کمپنیوں پر یکساں ٹیکس لگا دیا۔ ہم مطالبہ کرتے ہیں کہ آپ تیسرا ٹیکس سلیب لے کر آئیں تاکہ کمپٹیشن میں اضافہ ہو اور کسانوں کو اپنی فصل کا اچھا نرخ مل سکے۔
Asad Qaiser45,135 次观看 • 8 天前
پشاور کا تاجر کراچی اور لاہور کی مارکیٹ کا کیسے مقابلہ کر سکتا ہے۔ ہمارے پاس اگر ایک گنجائش ہے تو وہ افغانستان اور سینٹرل ایشیا ہے۔ آپ نے افغانستان کے ساتھ ہمارا بارڈر بند کیا، کاروبار بند کیا جس کی وجہ سے پشاور میں جو انڈسٹری ہے وہ بیٹھ رہی ہے۔ خدارا ہمارے ساتھ یہ ظلم نہ کریں، ہم سے سیاسی انتقام نہ لیں۔ آپ بھارت کے ساتھ کاروبار کرتے ہیں یا نہیں کرتے، واہگہ بارڈر کھولا ہے یا نہیں کھولا، آپ ایران کے ساتھ جنگ میں بھی کاروبار کر رہے ہیں۔ اگر امریکا اور ایران آپس میں بیٹھ کر اتنے بڑے تنازعات حل کر سکتے ہیں تو آپ ڈپلومیٹک چینل کے ذریعے اس کے ساتھ اپنا نقطہ نظر پیش کریں۔ آپ سفارتی چینل استعمال کریں، اگر وہ نہیں کر سکتے تو ہم تیار ہیں، جرگوں کے ذریعے اپنے معاملات کو حل کرتے ہیں، لیکن خدارا ہمیں کاروبار کرنے دیں، ہمیں روزگار کرنے دیں۔
Asad Qaiser36,507 次观看 • 8 天前
ایک ریاست، دو دستور — نامنظور! نامنظور! رجیم چینج کے کرداروں نے ملک کو اس نہج پر پہنچا دیا ہے کہ آج ایک ہی ریاست میں قانون اور انصاف کے الگ الگ معیار نظر آ رہے ہیں۔ اوپر ویڈیو میں خیبر پختونخوا اسمبلی کے اپوزیشن لیڈر کو سکردو پہنچنے پر شاہانہ پروٹوکول دیا جا رہا ہے، جبکہ دوسری جانب سابق اسپیکر قومی اسمبلی اسدقیصر انتخابی مہم کے سلسلے میں اسلام آباد سے اسکردو کی فلائٹ تھی۔ پنجاب پولیس نے اسلام آباد ایئرپورٹ میں داخل نہیں ہونے دیا اور ایئرپورٹ کے داخلی راستے بند کر دیے، جس کے باعث عام عوام کو شدید مشکلات کا سامنا کرنا پڑا۔ پنجاب پولیس نے مجھے پرواز کے اڑان بھرنے تک زیرِ حراست رکھا۔
Asad Qaiser87,052 次观看 • 23 天前
مرکزی رہنما پی ٹی آئی اسد قیصر کا اسلام آباد ایئرپورٹ روڈ بندش کے دوران پنجاب پولیس کے اہلکاروں سے مکالمہ روڈ آپ لوگوں نے ہماری وجہ سے بلاک کیا ہے۔ لوگوں کو کیوں عذاب دیتے ہو ہم سائیڈ پر کھڑے ہو جائیں گے، بس ہمیں بتا دیں کہ آپ نے نہیں جانا۔ عام لوگوں اور مسافروں کو تکلیف ہے۔ لوگوں کو تکلیف نہ دیں، لوگوں کو جانے دیں، ہم تو ویسے ہی عادی ہیں۔ مرکزی رہنما پی ٹی آئی اسد قیصر کو اسکردو فلائٹ روانگی تک حراست میں رکھا گیا۔
Asad Qaiser84,358 次观看 • 23 天前
میں آج عمر ایوب بھائی سے ملاقات کے لیے آیا ہوں۔ عمر ایوب حقیقی معنوں میں ہمارا بھائی ہے۔ میں بحیثیت سیکریٹری جنرل پی ٹی آئی، عمر ایوب کی خدمات کو خراجِ تحسین پیش کرتا ہوں۔ عمر ایوب نے جس ہمت اور بہادری سے آواز اٹھائی، اسے خراجِ تحسین پیش کرتا ہوں۔ پی ٹی آئی کے ساتھ کھڑے ہونے کی وجہ سے عمر ایوب پر ظلم کیا گیا۔ عمر ایوب کو 60 سال قید کی سزا سنائی گئی اور وہ اپنے حلقے سے بھی محروم ہو گئے۔ عمر ایوب، زرتاج گل، شبلی فراز اور دیگر اراکینِ پارلیمنٹ کو ناجائز مقدمات میں سزائیں دی گئیں۔ وقت ہمیشہ ایک جیسا نہیں رہتا۔ عمر ایوب جیسے لوگ اصولوں کے لیے کھڑے ہوتے ہیں۔ عمر ایوب نے عمران خان کے ساتھ وفاداری نبھائی اور ڈٹ کر کھڑے رہے۔ تمام پی ٹی آئی ورکرز جو جیلوں میں ہیں، اُن کے گھروں میں جائیں اور انہیں عید ملیں۔ ہم سب نے متحد ہو کر عزم کے ساتھ عمران خان کا ساتھ دینا ہے۔ ہم عمر ایوب صاحب کے ساتھ گزرے محبت اور رفاقت کے وقت کو خراجِ تحسین پیش کرنے آئے ہیں۔
Asad Qaiser65,146 次观看 • 27 天前
جو گلگت بلتستان میں ہوا، ہمیں موقع نہیں دیا گیا، مجھے روکا گیا، جنید اکبر کو صوبہ بدر کر دیا گیا۔ ایک کہتا ہے میری پارٹی جیت گئی، دوسرا کہتا ہے میری پارٹی جیت گئی۔ آپ دونوں ہارے ہوئے ہیں، آپ ہمیں لیول پلیئنگ فیلڈ نہیں دے سکے۔ آپ ٹائی پہن کر جمہوریت جمہوریت کرتے ہیں، یہ جمہوریت نہیں فسطائیت ہے۔ آزاد کشمیر کی صورت حال پر ہمیں تشویش ہے، دونوں طرف سے جیت کا نقصان ہوا، اس پر ہمیں افسوس ہے۔ آپس میں بیٹھ کر مذاکرات کے ذریعے مسائل حل کریں، زور زبردستی ہر مسئلے کا حل نہیں ہوتا۔
Asad Qaiser14,051 次观看 • 8 天前
میں ان کو ایک اور چیلنج کرتا ہوں، آئیں اس ہاؤس میں بحث کر لیتے ہیں کہ ہمارے دور میں معیشت، ٹیکس وصولی اور مہنگائی کی کیا صورتِ حال تھی اور آج کیا صورتِ حال ہے۔ ہم نے کتنا قرض لیا اور آپ نے کتنا لیا۔ ہم نے کتنا قرض واپس کیا اور آپ نے کتنا واپس کیا۔ ہمارے وقت میں ڈالر کا ریٹ کیا تھا اور آج کیا ہے ہمارے وقت میں پیٹرول اور بجلی کی قیمتیں کیا تھیں اور اب کیا ہیں۔ ایک شعبہ ہی بتا دیں جس میں آپ نے عوام کو ریلیف دیا ہو۔ آپ نے پنجاب کے کسان کا بھرکس نکال دیا۔ صرف گندم کی فصل میں پنجاب کے کسان کو 2.2 کھرب روپے کا نقصان ہوا، کسان تباہ و برباد ہو گیا۔ آپ نے صنعت کو تباہ و برباد کر دیا، اور پھر کہتے ہیں کہ آپ نے بہت بڑا تیر مار لیا۔ ذرا بتائیں کہ اب تک آپ ملک میں کتنی سرمایہ کاری لائے ہیں۔ 90 ملٹی نیشنل کمپنیاں ملک سے جا چکی ہیں۔
Asad Qaiser12,221 次观看 • 8 天前
منسٹر صاحب نے بہت لمبی چوڑی تقریر کی اور جس طرح انہوں نے حقائق کو مسخ کیا، جس طرح غلط بیانی کی، مجھے سمجھ نہیں آ رہی کہ یہ "منہ میں رام رام، بغل میں چھری" والی بات ہے۔ پاکستان تحریکِ انصاف نے ہمیشہ اصولوں کی بات کی ہے، قانون کی حکمرانی اور ملک میں آزاد عدلیہ کی بات کی ہے۔ ابھی یہ موصوف کہہ رہے تھے کہ آیا آپ نے آئی ایم ایف پروگرام کے خلاف کوئی خط لکھا ہے، آئی ایم ایف پروگرام کو روکنے کے لیے کوئی قدم اٹھایا ہے۔ میں ان سے پوچھنا چاہتا ہوں کہ جو خط آئی ایم ایف کو لکھا گیا ہے، کیا آپ نے خود پڑھا ہے۔ کیا اس میں کوئی ایسا لفظ ہے جو پاکستان کی ترقی، خوشحالی یا عوام کو ریلیف دینے کے حوالے سے کسی اقدام پر سمجھوتے کی بات کرتا ہو، ہم نے صرف اپنا نقطۂ نظر دیا ہے، ہم نے ہمیشہ پاکستان کی بات کی ہے۔
Asad Qaiser10,677 次观看 • 8 天前
تربیلا ڈیم کا پاور ہاؤس صوابی میں واقع ہے۔ بدقسمتی سے جس وقت تربیلا ڈیم بن رہا تھا، اُس وقت کی قیادت، جس کے پاس اختیار تھا، اُس نے درست معاہدہ نہیں کیا۔ ہمارے ضلع میں پاور ہاؤس موجود ہونے کے باوجود ہمیں وہاں سے براہِ راست بجلی فراہم نہیں کی جا رہی۔میرے ضلع میں گزشتہ چار دنوں سے بجلی بند تھی۔ وجہ کیا تھی بجلی برہان اٹک سے آ رہی ہے اور لائن کٹ گئی ہے۔ بھائی، ہم خود بجلی پیدا کر رہے ہیں، ہمارے ضلع میں اُس کا پاور ہاؤس موجود ہے، پھر ہمیں دور دراز علاقوں سے گھما پھرا کر بجلی کیوں دی جا رہی ہے۔ وولٹیج بھی انتہائی کم ہوتا ہے۔ ہمیں براہِ راست تربیلا پاور ہاؤس سے بجلی کی لائن فراہم کی جائے۔ خیبر پختونخوا میں اٹھارہ اٹھارہ گھنٹے کی لوڈشیڈنگ ہو رہی ہے۔
Asad Qaiser33,746 次观看 • 1 个月前
میں آج اپنے قوم کے ساتھ یہ بات بلکل واضع کرنا چاہتا ہوں کہ میں اپنی زندگی کے 27 سال سے زیادہ عرصہ عمران خان کے ساتھ گزارا ۔میں نے انسانیت کی بنیاد پر عمران خان کے ساتھ مل کر شوکت خانم کیلئے چندہ اکٹھا کیا . میں نے ان کے ساتھ زندگی کے جتنے اتار چڑھاؤ دیکھے 1997 کا الیکشن لڑا اور پارٹی پر جب بھی کوئی امتحان آیا انکے ساتھ رہا ۔ عمران خان کو اتنا قریب سے جانتا ہوں جتنا وہ خود کو جانتے ہیں میرا انکے ساتھ نظریے کا ایک مضبوط رشتہ ہے ۔میں حلفیہ کہتا ہوں کہ عمران خان نا انٹی اسٹیٹ ہے اور نا کبھی انہوں نے ایسے احکامات دیے ہیں ۔ عمران خان ہمیشہ امن کا اور پاکستان کے اندر قانون کی بالادستی کا علمبردار رہا ہے۔انشاء اللّه عمران خان اس مشکل وقت سے نکلیں گے اور ہم قانونی طور پر اپنے کیسز کا دفاع کریں گے اور عمران خان سرخرو ہوں گے ۔
Asad Qaiser607,818 次观看 • 2 年前
گلگت بلتستان کے عوام کا شکریہ کہ انہوں نے عمران خان کا ساتھ دیا۔ ہماری اطلاعات کے مطابق 20 تک نشستیں پی ٹی آئی جیت چکی ہے۔ ناجائز، بوگس اور مختلف حربوں اور ہتھکنڈوں کے ذریعے پی ٹی آئی کے ساتھ دوبارہ 8 فروری والا معاملہ کیا گیا۔ پی ٹی آئی کا مینڈیٹ چھینا گیا۔ عوام سے ان کا بنیادی حقِ رائے دہی چھینا گیا۔ گلگت بلتستان کے عوام کا شکریہ، آپ نے دنیا کو بتایا کہ ملک کا مقبول ترین لیڈر عمران خان ہے۔ یہ ظلم اور جبر زیادہ دیر نہیں چلے گا۔ جس طرح یہ نظام چلایا جا رہا ہے، اس طرح نہیں چلے گا۔ ملک میں حکومت نے افراتفری اور عدم استحکام پیدا کیا ہے۔ ملک میں کوئی بھی ایسا طبقہ نہیں جو متاثر نہ ہو۔ اس وقت عوام کا غصہ ایک حد تک پہنچ چکا ہے۔ تحریک انصاف اپنے عوام کی آواز بنے گی۔ گلگت بلتستان کے عوام کا مقدمہ قومی اسمبلی میں بھی لڑیں گے۔ عمران خان پورے ملک کے مقبول ترین لیڈر ہیں۔
Asad Qaiser12,918 次观看 • 13 天前
مجھے اور پرویز خٹک کو اسٹیبلشمنٹ نے مذاکرات کے لیے بلایا، لیکن وہاں پہنچنے پر ہمیں بٹھا دیا گیا اور کہا گیا کہ مذاکرات کے بجائے آپ لوگوں نے پریس کانفرنس کرنی ہے۔ یہ بات ہم نے خان صاحب کے علم میں بھی لائی کہ وہ ہم سے پریس کانفرنس کروانا چاہتے ہیں، بات چیت نہیں کرنا چاہتے۔ مجھ سے کہا گیا کہ پریس کانفرنس کرو، میں نے صاف جواب دیا کہ میری لاش جائے گی مگر اسد قیصر نہیں جائے گا۔ پھر میں نے پرویز خٹک سے بات کی تو اس نے کہا کہ میرے پاس اب کوئی اور راستہ نہیں، میرے کچھ مسائل ہیں۔ وہاں سے نکلنے کے بعد میں نے خان صاحب کو فون کیا اور عرض کیا: "خان صاحب، میں سب کچھ کر سکتا ہوں لیکن غداری اور بزدلی نہیں کر سکتا۔"
Asad Qaiser128,618 次观看 • 7 个月前
کل 7 تاریخ کو گلگت بلتستان میں الیکشن ہو رہا ہے۔ گلگت بلتستان الیکشن کو کسی صورت الیکشن نہیں کہا جا سکتا۔ تحریک انصاف کو لیول پلیئنگ فیلڈ نہیں ملی۔ تحریک انصاف کے خلاف تمام ناجائز حربے استعمال کیے گئے۔ تحریک انصاف سے نشان چھینا گیا، پابندیاں لگائی گئیں۔ یہ اپنے من پسند الیکشن کروانا چاہتے ہیں۔ ابھی سے فیصلہ ہو چکا ہے کہ کس کی کتنی سیٹیں ہوں گی۔ گلگت بلتستان کے عوام سے پوچھنا چاہتا ہوں کہ کیا یہ اختیار آپ کا ہے یا ان کا ہے۔ گلگت بلتستان کے عوام، آپ نے ووٹ عمران خان کو دینا ہے۔ آپ لوگوں نے ثابت کرنا ہے کہ ووٹ کا حق آپ کا ہے۔ کل انشاءاللہ تحریک انصاف کلین سویپ کرے گی۔ گلگت بلتستان کی عوام فاشسٹ حکومت کے خلاف ووٹ دے گی۔ لاء اینڈ آرڈر کی صورتحال خراب ہے جس کی وجہ سے معیشت تباہ ہو گئی ہے۔ حکومت کی ناکام پالیسیوں کی وجہ سے مہنگائی اور بے روزگاری ہے۔ انشاءاللہ مجھے امید ہے کل کے الیکشن میں تحریک انصاف بھاری اکثریت سے جیتے گی۔
Asad Qaiser13,505 次观看 • 16 天前
پی ٹی آئی وفد، جس میں مرکزی رہنما پاکستان تحریک انصاف و سیکریٹری جنرل تحریک تحفظ آئین پاکستان اسد قیصر، چیئرمین پی ٹی آئی بیرسٹر گوہر علی خان، صوبائی صدر خیبرپختونخوا جنید اکبر خان اور اراکینِ قومی و صوبائی اسمبلی شامل تھے، کی شہید شیخ الحدیث مولانا محمد ادریس کی رہائش گاہ آمد۔ وفد نے مرحوم کے درجاتِ بلندی کے لیے فاتحہ خوانی کی اور اہلِ خانہ سے دلی اظہارِ تعزیت کیا۔ اس موقع پر پی ٹی آئی وفد نے شہید شیخ الحدیث مولانا محمد ادریس کی دینی، سماجی اور تدریسی خدمات کو زبردست خراجِ تحسین پیش کرتے ہوئے کہا کہ اُن کے انتقال سے پیدا ہونے والا خلاء مدتوں پُر نہیں ہو سکے گا۔
Asad Qaiser30,622 次观看 • 1 个月前
گلگت بلتستان انتخابات میں بھی پاکستان تحریکِ انصاف کے ساتھ زیادتی کی جا رہی ہے۔ پی ٹی آئی نے گلگت بلتستان ڈیموکریٹک الائنس کے ساتھ اتحاد کیا۔ اس الائنس کو الیکشن کمیشن نے رجسٹر کیا اور باقاعدہ انتخابی نشان الاٹ کیا، لیکن جیسے ہی پی ٹی آئی نے اس الائنس کے ساتھ اتحاد کیا تو الیکشن کمیشن نے اس سے انتخابی نشان بھی واپس لے لیا اور اس پر پابندی بھی عائد کر دی۔ میں یہ پوچھنا چاہتا ہوں کہ پی ٹی آئی قومی اسمبلی میں سب سے بڑی اپوزیشن جماعت ہے، گو کہ عوام نے عمران خان کو مینڈیٹ دیا تھا، مگر ہم سے ہمارا مینڈیٹ چھین لیا گیا۔ سینیٹ اور پنجاب اسمبلی میں بھی ہم بڑی اپوزیشن جماعت ہیں، جبکہ ایک صوبے میں ہماری حکومت ہے، لیکن قانون کے تحت ہم سے ہمارا آئینی حق چھینا گیا۔ میں الیکشن کمیشن کے اس اقدام کی مذمت کرتا ہوں اور مطالبہ کرتا ہوں کہ اس نوٹیفکیشن کو واپس لے کر گلگت بلتستان ڈیموکریٹک الائنس کو لیول پلیئنگ فیلڈ فراہم کی جائے۔
Asad Qaiser27,500 次观看 • 1 个月前
سہیل آفریدی کے انتخاب کے حوالے سے قانونی طریقہ کار کے مطابق الیکشن کا اعلان ہوا۔ اسپیکر صوبائی اسمبلی نے الیکشن کی تاریخ کا تعین کیا۔ اس کے بعد مکمل قانونی طریقہ کار اختیار کیا گیا اور قانون کے مطابق تمام تقاضے پورے کیے گئے۔ مجھے یہ سمجھ نہیں آتی کہ آئینی عدالت نے اس کیس میں نوٹسز کیسے جاری کیے، جبکہ اس کی کوئی واضح قانونی بنیاد نظر نہیں آتی۔ سابق وزیر اعلیٰ کا لیٹر موجود ہے جس میں انہوں نے واضح طور پر لکھا ہے کہ وہ استعفیٰ دینا چاہتے ہیں، اور اسے گورنر نے منظور کیا۔
Asad Qaiser17,355 次观看 • 23 天前
خیبر پختونخوا ہاؤس اور پارلیمنٹ لاجز سے رکاوٹیں ختم ہونے کے بعد اراکینِ پارلیمنٹ نے پارلیمنٹ ہاؤس کا دھرنا جوائن کر لیا۔ عمران خان کے نامزد کردہ محمود خان اچکزئی اور علامہ راجا ناصر عباس کی جانب سے آئندہ کا لائحہ عمل جاری کیا جائے گا۔ ہم اب بھی اپنے مطالبے پر قائم ہیں کہ عمران خان کو ان کی فیملی اور ذاتی معالج کی موجودگی میں امراضِ چشم کے ماہرین سے طبی سہولیات فراہم کی جائیں اور جیل مینول رولز کے مطابق ان کے علاج معالجے پر فیملی اور ذاتی معالج کو اعتماد میں لیا جائے۔
Asad Qaiser71,172 次观看 • 4 个月前