Adam
@adam_irak • 32,686 subscribers
نبي كذاب يعمل متطوعاً بدوام جزئي لدى صديقه الرب دون تكليف رسمي (حساب ساخر)
Shorts
Videos
هذا محمد الدايخ أو محمد دايخ ممثل شيعي لبناني من الضاحية الجنوبية محمد عمره الفني أقل من ١٠ سنوات ومع ذلك يمتلك شهرة واسعة في الوطن العربي بسبب أعماله المتميزة والتي تتفوق على أعمال مئات الفنانين المتحجرين الذين لا يجيدون سوى تملف كل من حكم . محمد لم يمثل في أعمال ممولة من حزب الله بل على العكس انتقد الحزب بقسوة على تبعيته لايران. وفي ذات الوقت أنتقد محمد عنصرية المكونات اللبنانية الأخرى في مواقف كثيرة دون أن يدعي بأن مواقفه تلك منعته من العمل في الفن والكتابة. محمد عبر عن حزنه لمقتل نصر الله وأنتقد الأحتلال الأسرائيلي بشدة لقناعته الشخصية لا للحصول على دعوات من السفارة التي عبثت بلبنان لسنوات. وبذلك حافظ على أحترام حتى كارهي نصر الله وحزبه. محمد قد يعتبر "ربع ذكر" بحسب سردية ديناصورات الفن الذين يبحثون عن فتات هيئة الحشد وما شابهها في كل الدول الأسيرة لأيران .. لكن في النهاية سيحكم التاريخ لمحمد بكونه فنان مكتمل بفنونه وبمواقفه الوطنية والأنسانية .. بينما لن يصف ذات التاريخ تلك الديناصورات سوى بأعشار الفنانين. اذا كنت ممن يعملون في الفن ليكن محمد دايخ قدوتك فللأسف الشديد يبدو بان كبار السن والتاريخ قد جفت فنونهم وضمائرهم كذلك..
Adam201,648 views • 7 days ago
2:26
Sensitive content
This media may contain sensitive content.
بعد ٦ سنوات من الان راح يكون أمامك المشهد التالي .. أطباء متظاهرين من أجل فرص العمل يحملون لافتات وأعلام .. وملازمين شرطة يحملون الهراوات وأسلحة ويقمعون الأطباء .. وانت اليوم ممكن تختار مكانك بالمشهد القادم .. أكيد راح تختار تكون حامل الهراوة الي يضرب بدل أن تكون الطبيب الي ينضرب. بس يلا الحمد لله والشكر خلصنا من عسكرة المجتمع الي كان يسويهة نظام البعث.
Adam20,756 views • 19 days ago
أعتذر عن التغريدة السابقة ، يبدو أن الصورة الممزقة لم تكن للمرشد الأيراني وأنما للسيد محمد محمد صادق الصدر .. بالتالي مازلت أرى هذا البلد عجيب … حيث تقوم القوات الأمنية بأعتقال عراقي لتمزيقه صورة. هذه الصورة تعود لشخص كان لا يعاقب من يسبه ويشتمه ويقابله بهذا الموقف الأنساني الظاهر بالفديو .. بلد فيه حماية صورة السيد أهم من الأقتداء بسلوك السيد وتعامله.
Adam13,301 views • 1 month ago
(قصة أحمد) تعالوا أحچيلكم قصة واحد أسمه أحمد .. أحمد شاب بسيط نام وهو مؤمن بفكرة وگعد لگة نفسه مؤمن بفكرة ثانية مختلفة جداً .. اذا تكدر تسأل احمد وادكلة "أبو شهاب ليش بدلت قناعاتك؟!" راح يكلك والله أني بدلت لان اني حر وافكر والتفكير يغير القناعات مرات ، كنت اشوف الصح بطريقة اهلي واخوتي وبعدين شفت الصح بطريقة ثانية .. وبالنهاية هاي افكاري الي أمنت بيهة. طبعاً هنا أني راح أصدك ابو شهاب لان بالحقيقة هو شخص ناجح وعنده منجز ثابت وحقيقي دون النظر الى افكاره وقناعاته ، ما بدل مواقفه حتى يستفاد او يحقق شي. رجل كان يلعب طوبة وصعد فريقه لكاس العالم وسجل الهدف الوحيد للعراق بال ٤٠ سنة الفاتت. طبعاً دا احجي عن احمد راضي ومالي علاقة اذا بالكم راح بعيد … ها خاب أملكم وتريدوني أحچي قصة أحمد ثاني؟ تدللون .. أكو أحمد ثاني هم نام مؤمن بفكرة وكعد مؤمن بفكرة ثانية .. كان يحچي بالحريات والحقوق والثورة ومعارضة السلطة .. وگعد وهو يتلوك ويتمسح ويگدي القبول والرضى من أي فاسد .. طبعاً هم اذا تساله ليش بدلت ابو شهاب؟! راح يكلك أني بدلت لان اني حر وافكر والتفكير يغير القناعات مرات. بس طبعاً هذا الاحمد ما اكدر اصدكة لو يوذن .. ببساطة لان هذا ما مؤمن بأي فكرة ، هذا مجرد واحد فاشل رغم كونه وجد الطريق لواحدة من اجمل دول العالم ، بس لان هو تافه مثل اي دجاجة تموت وعينهة ع الزبل ، قرر يبحث عن رزقة يم الفاسدين.. شاف هذولة منو وشنو افكارهم وراح كال اخوان اني بدلت وصرت افكر مثلكم .. الحشد زين والميليشيات تجربة عالمية ، والولائية خوش ناس والرهبر مو اخ وانما تاج راسي ، فممكن تشغلوني وتنطوني كم فلس امشي بيهم نفسي وامشيلكم كلاواتكم ع الناس؟! تافه ، لا تعب ، لا منجز ، لا افكار ، ولا حتى هدف بالمكسيك يبقى بذاكرة احد .. مجرد واحد ذل نفسه واهان كرامته ونزل من قيمته على أمل تتبناه جهة بصورة مستمرة ويحصل فد كي كارد .. وطبعاً اني دا احجي عن احمد عبد السادة الي كان عايش بلبنان حسب ما اتذكر .. هااا ! خوما هم خاب أملكم وتريدوني أحچي قصة أحمد ثالث؟ للأسف أخوان لهنا واني أعتذر منكم .. لان بصراحة أني واحد وهمي وجبان أكدر أطلع عضلاتي بس على الرجال الي من يترزل يجي هو بنفسه يتعارك وياية ويشتم ويهدد ويهوس .. اما انصاف الرجال الي من ترزلهم يختلون ويخلوك بوجه نسوانهم الي تتعارك وتسب وتشتم وتقل أدبهة بمكانهم ، هذولة كلش أخاف أحچي وياهم .. فلهنا وكافي. اما بالنسبة للفديو فمع بداية المونديال ما لكيت شي يذكرني بالمرحوم أحمد راضي افضل من فديو احمد .. وبالنهاية الله يرحم احمد الميت ويهدي احمد الطايح حظه ويوفق المنتخب بمسيرته بالمونديال. #ادم_عراق
Adam27,599 views • 4 months ago
(ما لم تذكره زينب لأخو زينب) اليوم شفت زينب ربيع ناشرة مقطع من لقاء مع نعيم العبودي وهي تسأله عن خروج جامعات العراق من تصنيف شنغهاي. للأسف الشديد زينب تلقت الجواب من نعيم بكل أذعان ولم تناقش نعيم بالمغالطات المطروحة في جوابه بما يشير الى ضعف الأعداد لهذا اللقاء .. وعليه لنوضح ما كان يجب على زينب قوله لوزير أخوة زينب 1- قال نعيم: جامعات العراق لم تكون ضمن تصنيف شنغهاي اصلاً. الحقيقة : اذا كان كلامه حقيقة ، فهل كذب علينا نعيم سابقاً عندما نشر موقع جامعة في عام 2022 بيان موجود الى الان يبارك دخول جامعة بغداد لتصنيف شنغهاي؟ الجواب نعم ، الاعلان المذكور كان كذبة من كذبات نعيم حيث دخل قسم من اقسام جامعة بغداد ضمن تصنيف فرعي ثانوي من تصنيفات شنغهاي وليس التصنيف الرئيسي الحقيقي ومع ذلك قرر الوزير حينها ان يوهم العراقيين بان العراق ضمن التصنيف. 2- قال نعيم: تقييمات تصنيف شنغهاي تتطلب وجود تدريسيين حاصلين على جائزة نوبل للسلام في الجامعة. الحقيقة: كذب نعيم ، بمراجعة طريقة تقييم التصنيف تكتشف ان التصنيف يستبعد تحديداً جائزة نوبل للسلام من تقييماته ولا يعطي الحاصلين عليها اي نقاط اصلاً. مما يؤكد ان الوزير "حافظ مش فاهم" 3- قال نعيم ؛ الحديث عن خروج جامعات العراق هو كلام فيسبوك. الحقيقة : كذب نعيم ، نعم لم يخرج العراق من التصنيف الرئيسي الذي لم يكن ضمنه اساساً. لكن الكلام عن الخروج ليس كلام فيسبوك فخلال التصنيف الاخير خرج العراق فعلياً من كل التصنيفات الفرعية والثانوية التي كان ضمنها سابقاً ولم يبقى أي ذكر للعراق في هذا التصنيف. نصيحة للعزيزة زينب ربيع اعيدي النظر بفريق أعداد برنامجك فالمعلومات المذكورة هنا لم تحتاج سوى ١٠ دقائق من البحث في المصادر المفتوحة. نصيحة لنعيم العبودي ابذل بعض الجهد في محاولة تعلم نطق "شنغهاي" و الـ "تايمز" وباقي المفردات بالطريقة الصحيحة .. أما بخصوص الكذب فأستمر عادي .. هو انت غير عصائب 😄
Adam13,200 views • 2 months ago
اني لو بمكان فجر السعيد عندي خيارين … اما ارفع عليه قضية سب وشتم واجرجره بالمحاكم واصير بطلة قومية عند العراقيين خصوصاً انه اني اول وتالي رايحة للمحاكم بقضية مشابهة رافعهة علية مديره السوداني. أو اسامحه واخلي كل العراقيين يگولون هاي فجر السعيد الي خافت من ابراهيم الصميدعي وكلشي ما سوت من گال عليهة: ١- مقززة. ٢- الحثالة. ٣- اللا انثى. ٤- الدمية المنتفخة القذرة. ٥- امقت هذا الشئ. ٦- الكيس المنتفخ من الرذيلة. ٧- متعلمة ع المال السياسي والفساد. ٨- تمدح فلان وتشتم فلان علمود الفلوس. ٩- كلامهة فاحش وكاذب. بس احنة بالعراق عدنا مثل يگول "الامام الي ما يشور يسموه أبو الخركَ" وانت يا اختي فجر السعيد 🎥 بكيفچ بعد.
Adam74,345 views • 1 year ago
ولك هااا مصطاف المطبع 😀 هاي تعليقاتك هم يشملها قانون التطبيع لو القانون حدة لمنشورات الباكلة ؟! نطالب الاخ النائب احمد شهيد مشكوراً برفع قضية ضد هذا المطبع المندس في صفوف المقاومة الالكترونية .. والشكر موصول للاخ علي لتزويدي بالفديو رغم الخلافات في وجهات النظر 😀 احمد شهيد مصطفى عماد
Adam18,524 views • 11 months ago
هذا الفديو ناشره الصدري عقيل نصر الله على صفحته المطبوعات الي ديعلگهة الأخ المحارب للفساد هي من تصميمي أيام الأنتخابات السابقة ومنشورة قبل سنتين على صفحتي ومازالت لحد الان. الأخ قرر ياخذها بلا علمي ويطبعها ويعلكهة وبعدين انتبه وشال اللوغو مالتي ونشرها بصفحته حتى باقي الاخوة الصدريين يستخدموهة. ومن اعترضت كال "بكيفي". طبعاً بكل مكان بالعالم هاي الحالة تعتبر سرقة بس بالعراق تعتبر "بكيفي" وحلوة من تريد تحارب السراق فأنت تروح تسرق شغل غيرك. ع العموم اي شي اني ناشره سابقاً فدوة لسيد مقتدى ومبري الذمة هو وتياره ، الرجال صاحب فضل على كل العراقيين وعلية أني بشكل خاص لان ياما انطاني أفكار لكاريكاتيرات ناجحة وما قصر ويانة. بس بعد لا تمسحون اللوغو عيب. 😘
Adam33,619 views • 3 years ago
