Adam
@adam_irak • 31,999 subscribers
نبي متطوع بدوام جزئي دون تكليف رسمي (حساب ساخر)
Shorts
Videos
(قصة أحمد) تعالوا أحچيلكم قصة واحد أسمه أحمد .. أحمد شاب بسيط نام وهو مؤمن بفكرة وگعد لگة نفسه مؤمن بفكرة ثانية مختلفة جداً .. اذا تكدر تسأل احمد وادكلة "أبو شهاب ليش بدلت قناعاتك؟!" راح يكلك والله أني بدلت لان اني حر وافكر والتفكير يغير القناعات مرات ، كنت اشوف الصح بطريقة اهلي واخوتي وبعدين شفت الصح بطريقة ثانية .. وبالنهاية هاي افكاري الي أمنت بيهة. طبعاً هنا أني راح أصدك ابو شهاب لان بالحقيقة هو شخص ناجح وعنده منجز ثابت وحقيقي دون النظر الى افكاره وقناعاته ، ما بدل مواقفه حتى يستفاد او يحقق شي. رجل كان يلعب طوبة وصعد فريقه لكاس العالم وسجل الهدف الوحيد للعراق بال ٤٠ سنة الفاتت. طبعاً دا احجي عن احمد راضي ومالي علاقة اذا بالكم راح بعيد … ها خاب أملكم وتريدوني أحچي قصة أحمد ثاني؟ تدللون .. أكو أحمد ثاني هم نام مؤمن بفكرة وكعد مؤمن بفكرة ثانية .. كان يحچي بالحريات والحقوق والثورة ومعارضة السلطة .. وگعد وهو يتلوك ويتمسح ويگدي القبول والرضى من أي فاسد .. طبعاً هم اذا تساله ليش بدلت ابو شهاب؟! راح يكلك أني بدلت لان اني حر وافكر والتفكير يغير القناعات مرات. بس طبعاً هذا الاحمد ما اكدر اصدكة لو يوذن .. ببساطة لان هذا ما مؤمن بأي فكرة ، هذا مجرد واحد فاشل رغم كونه وجد الطريق لواحدة من اجمل دول العالم ، بس لان هو تافه مثل اي دجاجة تموت وعينهة ع الزبل ، قرر يبحث عن رزقة يم الفاسدين.. شاف هذولة منو وشنو افكارهم وراح كال اخوان اني بدلت وصرت افكر مثلكم .. الحشد زين والميليشيات تجربة عالمية ، والولائية خوش ناس والرهبر مو اخ وانما تاج راسي ، فممكن تشغلوني وتنطوني كم فلس امشي بيهم نفسي وامشيلكم كلاواتكم ع الناس؟! تافه ، لا تعب ، لا منجز ، لا افكار ، ولا حتى هدف بالمكسيك يبقى بذاكرة احد .. مجرد واحد ذل نفسه واهان كرامته ونزل من قيمته على أمل تتبناه جهة بصورة مستمرة ويحصل فد كي كارد .. وطبعاً اني دا احجي عن احمد عبد السادة الي كان عايش بلبنان حسب ما اتذكر .. هااا ! خوما هم خاب أملكم وتريدوني أحچي قصة أحمد ثالث؟ للأسف أخوان لهنا واني أعتذر منكم .. لان بصراحة أني واحد وهمي وجبان أكدر أطلع عضلاتي بس على الرجال الي من يترزل يجي هو بنفسه يتعارك وياية ويشتم ويهدد ويهوس .. اما انصاف الرجال الي من ترزلهم يختلون ويخلوك بوجه نسوانهم الي تتعارك وتسب وتشتم وتقل أدبهة بمكانهم ، هذولة كلش أخاف أحچي وياهم .. فلهنا وكافي. اما بالنسبة للفديو فمع بداية المونديال ما لكيت شي يذكرني بالمرحوم أحمد راضي افضل من فديو احمد .. وبالنهاية الله يرحم احمد الميت ويهدي احمد الطايح حظه ويوفق المنتخب بمسيرته بالمونديال. #ادم_عراق
Adam25,885 просмотров • 12 дней назад
شكد حلو العراق وشكد حلوين العراقيين .. تخيل اكو اثنين مسلحين ببنادق ومسدسات يريدون يقتلوك .. فأنت تفتح باب سيارة شخص ما تعرفه وتصعد وياه … وبالتالي ما يگدرون يقتلوك لان صرت دخيل يم أبو السيارة .. ويجي واحد سافل يگلك نريد دولة قانون مابيهة لا سلاح ولا عشائر ولا ميليشيات حتى يحرمنا من هيجي مواقف حلوة وية العراقيين.
Adam124,072 просмотров • 1 год назад
اني لو بمكان فجر السعيد عندي خيارين … اما ارفع عليه قضية سب وشتم واجرجره بالمحاكم واصير بطلة قومية عند العراقيين خصوصاً انه اني اول وتالي رايحة للمحاكم بقضية مشابهة رافعهة علية مديره السوداني. أو اسامحه واخلي كل العراقيين يگولون هاي فجر السعيد الي خافت من ابراهيم الصميدعي وكلشي ما سوت من گال عليهة: ١- مقززة. ٢- الحثالة. ٣- اللا انثى. ٤- الدمية المنتفخة القذرة. ٥- امقت هذا الشئ. ٦- الكيس المنتفخ من الرذيلة. ٧- متعلمة ع المال السياسي والفساد. ٨- تمدح فلان وتشتم فلان علمود الفلوس. ٩- كلامهة فاحش وكاذب. بس احنة بالعراق عدنا مثل يگول "الامام الي ما يشور يسموه أبو الخركَ" وانت يا اختي فجر السعيد 🇰🇼🎥 بكيفچ بعد.
Adam73,836 просмотров • 1 год назад
ولك هااا مصطاف المطبع 😀 هاي تعليقاتك هم يشملها قانون التطبيع لو القانون حدة لمنشورات الباكلة ؟! نطالب الاخ النائب احمد شهيد مشكوراً برفع قضية ضد هذا المطبع المندس في صفوف المقاومة الالكترونية .. والشكر موصول للاخ علي لتزويدي بالفديو رغم الخلافات في وجهات النظر 😀 احمد شهيد مصطفى عماد
Adam18,434 просмотров • 6 месяцев назад
نعوف زبوك القنوات الفضائية سيف الخياط او سلام عادل .. ونروح لزبوك التيك توك والانستغرام حيدر الفيلي … هي خطة العمل كالتالي تحجي على الاسلام وتسب الولائية حتى تاخذ اقامة بأوربا .. بعدهة من تحصل الأقامة ترجع تصير شيعي وتحرض ع الطائفية حتى تقبض فلوس من نفس الولائية الي كنت تسبهم قبل الاقامة 😀
Adam16,322 просмотров • 1 год назад
اقتحام مقر لحيدر الملا بعد خلاف مع محمد الحلبوسي في مجموعة واتساب
Adam15,496 просмотров • 1 год назад
فديو مهم حول كيفية أنقاذ الأمام الرضا من الذوبان وتحويل اللايك الى رصاصة والدراسات الولائية حول شخصية ترامب.
Adam10,468 просмотров • 1 год назад
يعني بالوقت الي الامريكان يقتلون الصدريين ويحاصرون النجف والضرب مشتغل المهندس كان يفتر بالهليكوبترات والمدرعات الامريكية! زين اذا كبير المقاومين هيجي كانت علاقته بالامريكان لعد صغار المقاومين شكانوا يسوون! وجايين هسة تريدوهم يقاتلون وية الفلسطينيين! والله انتوا بطرانين
Adam10,783 просмотров • 2 лет назад
Больше нет контента для загрузки