جمال الفضلي | تسويق
@jamalalfadhli • 66,915 subscribers
مستشار تسويق استراتيجي وتطوير مبيعات. أضع الخطة وأنفذها مع ويكان. قاعدتي: التسويق بلا عوائد مالية وجوده مثل عدمه. تبحث عن حلول تسويقية وبيعية؟ تواصل معي بالخاص.
Shorts
Videos
المطاعم والكوفيهات في اشهر شارع بالخبر اغلبها قفلت لانها خسرت إذا عرف السبب بطل العجب🤔 السبب هو الدوار عند فندق المريديان تقاطع شارع الأمير تركي (الكورنيش) مع شارع الأمير فيصل بن فهد (البيبسي) الدوار اغلق الطريق إلى الشارع اللي فيه مطاعم وكوفيهات ويوجه السيارات إلى الواجهة البحرية بالتالي أصبحت شبه مهجورة وهذا احد اسباب خسارة اغلب المطاعم والكوفيهات.
جمال الفضلي | تسويق152,306 views • 17 days ago
شركة العثيم مسجلة اكبر خسارة بتاريخيها ١٠٧ مليون ريال وقبل ٣ سنوات كانت كسبانه مليار ريال ❗️ أنا أشوف السبب الرئيسي هو ان السوق تغير بسبب تغير سلوك المستهلكين الآن المستهلك يملك خيارات كثيره ويبحث عن الراحة والسرعة وهذه توفرها لها تطبيقات التوصيل والمستهلك اللي يبحث عن أسعار اقتصادية أيضاً لديه بدائل اخرى ولها تطبيقات مشكلة أسواق العثيم بإدارته اللي ما واكبت تغيرات السوق ولا تعرف سلوك المستهلك السعودي جيدا لانهم غير سعوديين. نصيحة من كيسي 💜 راقب سلوك المستهلك لمنتجاتك والا بتخسر مشروعك وتقفله لان السوق يمشي مع سلوك العملاء اللي فيه.
جمال الفضلي | تسويق459,493 views • 1 month ago
مع كل قدوم عيد الاضحى اغلبنا يفكر مثله نشتري راس ب ٨٠٠ ريال مع أعلافهم ممكن يوصل ١١٠٠ ريال ونبيع الرأس ب ٢٠٠٠ ريال يعني المكسب ٩٠٠ ريال إذا بعنا ٢٠٠٠ راس المكسب مليون و ٨٠٠ الف ريال اللي ما يفهم في التجارة يشوف ان تحقيق هذا الرقم سهل جدا ومنطقي وطريق للثراء واهم شي توفير راس المال حتى لو كان من قرض ولكن الواقع يختلف كثيرا
جمال الفضلي | تسويق838,246 views • 4 months ago
يقول السوق السعودي سيء وسوق الأردن ناجح لان السوق الأردني غني بالكفاءات نفرض كلامه صحيح ما فائدة الكفاءات إذا ما في طلب عليها؟ هذا كلام قديم وإنشائي اما الآن الكوادر السعودية الأفضل في الشرق الأوسط وكذلك السوق السعودي هو الأنشط في الشرق الأوسط مثل هذا يحتاج له تحديث ولا يتفلسف علينا
جمال الفضلي | تسويق77,913 views • 18 days ago
إبراز القيمة المتمايزة للمنتج من خلال تطبيق عملي خلاط إسمنت ينزل أسمنت على السيارة ولا تأثر البودي بفضل قوة المنتج وحمايته. هذه الفكرة رفعت من فيمة المنتج لانها ركزت على نقاط الألم عند العملاء المحتملين وأوجدت حل لمشكلتهم من خلال حماية السيارة من اي خدوش او تصبغات.
جمال الفضلي | تسويق400,745 views • 3 months ago
٩٥٠ ريال ليست قيمة قهوة الاسبريسو هذا قيمة الكوب والصحن لانها من ماركة عالمية معروفة فيرزاتشي هذا سعره لانه بيعطي شعور الرفاهية المطلقة (قيمة عاطفية) الكوب والصحن ممكن تقليدها وبيعها بسعر زهيد ولكن ما تبيع الشعور المرتبط مع العلامة أنا بصراحة ما اشتريها لاني ما ابحث عن الرفاهية المطلقة ومقلي كثيرون ولكن هناك فئة تشتريه عشان تاخذ شعور الرفاهية المطلقة،
جمال الفضلي | تسويق123,147 views • 1 month ago
🔴استراتيجية الجذب عند البقالات🔴 بعض المنتجات بيعها ما فيها ارباح مجزية ولكنها مطلوبة في السوق مثلا منتجات بيبسي صاحب البقالة يضطر ينزلها لان بدونها ما يبيع اكثر فيضطر ينزلها كاش وبدون ربح وهنا ندخل في ادارة المخزون وهي قلب ادارة راس المال العامل وأي خلل في ادارتها يتسبب لخسارة فادحة التسويق افادهم من خلال دراسة احتياجات العملاء وتوقعات الطلبات في ادارتها لانهم بحثوا عن منتجات لعملائهم ووفروها كيف يربحون؟ البقالات تربح من الكماليات والمواد الغير غذائية وهي اللي تغطي العجز وترفع من الربحية اما المشروبات الغازية والألبان والخبز ما فيها ربح إلا انها تجذب الزباين للمحل وهي استراتيجية الجذب واللي تشبه SEO والإعلانات المدفوعة
جمال الفضلي | تسويق654,248 views • 7 months ago
الله لا يبيحه ولا يحلله ❗️ طقم كنب شاريته بين ٤٠ الف﷼ و ٥٠ الف﷼ وحصلته عند هيثم ب ٢٨٠٠﷼ 😇 اللي تتكلم تلعب على عاطفة الجمهور وأنها كانت ضحية لعملية استغلال😢 واللي بتسمعها تشتري الكنب الفخم ب ٢٨٠٠﷼ وتدعي عند معارفها انها اشترته ب ٥٠ الف﷼ ويقولون لها يا بختك😅 إذا نرجع للفيديو واضح انه تمثيل وهدفها رفع مبيعات أطقم كنبات هيثم من خلال رفع القيمة يعني اللي يشوف ٢٨٠٠﷼ غالي بيشوفه بعد إعلانها انه رخيص للغاية المشتري لا يشتري الكنب بل يشتري الشكل الذي يعطي انطباع انه اشترى كنب ب ٥٠ الف﷼ هذا مثل اللي يشتري شنطة تقليد لماركة عالمية مثل ديور وشانيل في الشنط التركيز على الشكل والعلامة في طقم الكنب التركيز على القماش والتصميم يعني نسخة طبق الأصل من العلامة التجارية اللي يرغبون يشترونها ولا يقدرون بسبب عدم القدرة على شراء منتجاتها باهظة الثمن الجمهور المستهدف عند هيثم هم اللي يبحثون عن المظاهر الكذابة بأقل التكاليف وهذه الشريحة تشتري بدون اي حساسية بالسعر حتى وان كان طقم الكنب ما يسوى ١٠٠٠﷼ وتعرف انها مخدوعة وتتجاهل ذلك لان اهم شي عندها ان الناس تنخدع بمظاهرات مثل ما هي خدعت نفسها هذا النوع من الترويج او البيع ما اعتبره تسويق لانه يخدع العميل وايضا التسويق بصف العميل وليس التاجر اخيرا هي ما اشترت الكنب بل اشترت شعور الفخامة والانتماء للعلامة التجارية الفخمة
جمال الفضلي | تسويق502,163 views • 6 months ago
الحياة حلوة بالوظيفة😍 إذا انت موظف وراتبك الشهري ٥٠ الف ريال لا تفكر تفتح بزنس استمر في وظيفتك وادخر جزء من راتبك لشراء عقار تستثمر فيه وفي ناس يناسبها البزنس لأنها تحب تكتب الكلام وتطبقه هذا إذا انفجر ينطلق 🤣 وغيرهم يكتب كلام يختلف عن الواقع ويش يسوي؟ هجت 😓
جمال الفضلي | تسويق620,363 views • 7 months ago
البطاطس ليه تبيعه ب ١٨ ﷼؟❗️ جاوب عليه بندريتا بكل وضوح✔️ وانا بجاوبه بحسبة بسيطة ونفرض ان تكلفة البطاطس ٣﷼ (التكلفة المباشرة) وباقي تكاليف المطعم مليون ونص (التكلفة الغير مباشرة) كم نقطة التعادل إذا باع البطاطس ب ٨﷼؟ كم نقطة التعادل إذا باع البطاطس ب ١٨؟ إذا باع ب ٨﷼ يحتاج يبيع ٣٠٠ الف وحدة (بطاطس) بالسنة حتى يغطي تكاليفه إذا باع ب ١٨﷼ يحتاج يبيع ١٠٠ الف وحدة بالسنة حتى يغطي تكاليفه نفرض انه باع ٢٠٠٠ وحده خلال السنة إذا باح ب ٨﷼ فهو خسران نص مليون إذا باع ب ١٨﷼ فهو ربحان مليون ونص وحتى يبيع ب ١٨﷼ يحتاج إلى تسويق قوي حتى يتقبل السوق السعر مقابل القيمة والقيمة للبطاطس ارتبطت مع بندريتا اللي يملك جمهور كبير اذكر عيالي في البوليفارد انهم طلبوا مني اشتري لهم وسألتهم ليه؟ قالوا هذا بندريتا عرفت بعدها انه شخصية مفضلة لهم ومستعدين يشترون البطاطس اعلى من السعر اللي اعرضه عليهم إذا عنده مطعم سحابي بتقل التكاليف وتزيد الأرباح وهنا بيكون عنده مساحة لتقليل السعر وممكن يكون اقل بريالين او ثلاثة حتى يعظم من ارباحه ويحافظ على قيمته المرتبطة في بندريتا اخيرا استدامة اي نشاط تجاري قائمة على الأرباح واللي يدخل بدوامة الربح والخسارة مصيره النهاية ولهذا رفع السعر وربطه بالقيمة هي الطريقة الأفضل✔️💰
جمال الفضلي | تسويق585,013 views • 7 months ago
جهاز ايفون الجديد القابل للطي أسعاره تبدأ من ٩٤٩٩ ريال إلى ١٥٤٩٩ ريال. كالعادة آبل تنسب هذا الابتكار لها بالرغم ان في شركات صينية سبقتها بهذه الابتكارات. القيمة المدركة مقابل السعر مرتفعة جدا لانه براند أبل وقابل للطي ويبني مكانة اجتماعية لان ما في احد كثير يقدرون يشترونه. اي اجتمعت القيمة العاطفية والمنطقية وبالتالي الطلب بيكون عليه عالي لان ما في ناس كثير يقدرون يشتريه لهذا السعر.
جمال الفضلي | تسويق41,748 views • 20 days ago
لو ما معك فلوس وانت موظف خذ قرض ب ١٠٠ ألف﷼ واستثمره بصندوق استثماري عوائده السنوية ١٥٪ وبعد ٢٠ سنة بتكون اكثر من مليون ونص ريال💰 سألت ChatGPT لو أخذت قرض ١٠٠ ألف واستثمرته في صندوق استثماري عوائده ١٥٪ سنويا كم بيكون المبلغ ب ٢٠ سنة الرد👇 عند استثمار 100,000 ريال بعائد سنوي 15% لمدة 20 سنة: القيمة المستقبلية = 100,000 × (1.15)²⁰ ≈ 1,636,650 ريال ≈ 1.64 مليون ريال (هذا قبل أي خصومات تتعلق بالقرض أو الرسوم).
جمال الفضلي | تسويق507,543 views • 9 months ago
مطعم إيطالي في حي السويدي والمعلن روك الجبر ظاهريا ما فيه اي توافق بين المطعم والحي والمعلن يعني الإعلان بيكون فاشل 😨 بعد ما حللت وجدت ان الإعلان ناجح لان التناقض يولد الفضول واشوفه ضربة معلم 🔸السويدي فيه قوة شرائية خاملة 🔸وجود المطعم الإيطالي في الحي يوفر عليهم المسافة إلى شمال ووسط الرياض لزيارة المطاعم الإيطالية 🔸المعلن يملك قبول وكاريزما خاصة عند الجمهور المستهدف 🔸كسر الصورة النمطية لان تعودنا ان المطاعم الفاخرة تكون في الأحياء الفاخرة ولكن هنا في حي عادي في جنوب الرياض 🔸حي السويدي قبل عشرات السنين كان من الأحياء الفاخرة ولهذا الحي يمتلك سكان قوتهم الشرائية عالية اخيرا كسر القواعد يثير الفضول بالتالي التجربة تكون هي الخطوة القادمة✔️ المصدر كيسي 💜
جمال الفضلي | تسويق376,972 views • 7 months ago
أكلتي المفضلة في ماكدونالدز ماك عربي دجاج إذا جيت اطلبها الكاشير يقول تبغى مشروب وبطاطس وسط او كبير (Upselling) ما قال لي مع او بدون بل رفع الفاتورة بطريقة غير مباشرة بعدين يسأل تبغى معها حلا او سلطة (Cross selling) بهذه الطريقة الفاتورة بتكون مثلا ٤٨﷼ بدلا من ١٨﷼ وهذا هو السر في تعظيم الربحية في المتاجر والمطاعم وغالبا يعرضون المنتجات اللي ربحيتها عالية ولا عليها طلب عالي حتى يضمنون انهم يحققون ارباح سؤالين فقط يسألها الكاشير للزبون كفيلة في رفع متوسط الفاتورة وأغلبنا يطيح بالفخ ويطلب زيادة😪
جمال الفضلي | تسويق422,078 views • 8 months ago