خلود بنت عبدالعزيز
@kh3alkhaled • 19,114 subscribers
دعونا نتبادل المعرفة لنتطور ☘️لاننا ارواح نستحق الأفضل دائماً✨ للتواصل تلقرام : https://t.co/P02PYRp72y
Shorts
Videos
#قانون_الجذب الجذب يحتاج مطار 😂مثل ماقالت #سمية_الناصر 👇🏻 وش معنى هذا الكلام؟ لما يكون عندك هدف، مجرد إنك تقول: ✨ أنا أبغاه ✨ مو كل القصة… الهدف له 3 أركان: النية، الطلب، الاستقبال. أنت المرسل، وطلبك هو الرسالة، والطريقة اللي تعبّر فيها عن طلبك هي القناة: دعاء، تأمل، كتابة، توكيدات… لكن السؤال الأهم: بعد ما أرسلت طلبك… هل أنت جاهز تستقبله؟ 👀 سواء كان زوج، مال، وظيفة، نجاح، سفر، أو أي شيء تتمنى وصوله لحياتك… لأنك ممكن تكون واضح جدًا في طلبك، لكن داخلك مو مستعد لاستقباله. وهنا انتبه لمشاعرك وأفكارك ومعتقداتك وأنت تطلب. ✔️ مشاعرك: هل تشعر بالثقة والطمأنينة؟ أم بالخوف والقلق؟ هل تشعر أنك تستحق ما تطلبه؟ أم داخلك يقول: «مستحيل يصير لي»؟ ✔️ أفكارك: وش تقول لنفسك عن هدفك؟ هل تشوفه ممكنًا؟ أم عقلك مشغول بكل الأسباب اللي تمنع وصوله؟ ✔️ معتقداتك: وش تؤمن عن نفسك؟ وعن الحياة؟ وعن الرزق؟ وعن علاقتك بالله؟ هل تؤمن أن الخير ممكن وأنك قادر على استقباله؟ أم عندك معتقدات تخليك تتوقع الحرمان أو التأخير أو الصعوبة؟ لأنك ممكن تقول بلسانك: ✨ أنا أريد هذا الهدف ✨ بينما داخلك يقول: 🥲 أخاف منه. 🥲 ما أستحقه. 🥲 مستحيل يصير. 🥲 أخاف إذا جاء أخسره. وهنا اسأل نفسك: هل أنا فعلًا جاهز لاستقبال ما أطلبه؟ والاستقبال هنا مو معناه إنك لازم تكون إيجابي 24 ساعة، أو إنك ممنوع تخاف أو تقلق. لا. المقصود إنك تكون واعي للي يصير داخلك، وتلاحظ هل فيه انسجام بين نيتك وطلبك ومشاعرك وأفكارك ومعتقداتك وسعيك. مثل الطيارة 😂✈️ مهما كانت الرحلة واضحة، لازم يكون فيه مطار جاهز للاستقبال علشان تهبط. والأجمل أن الله سبحانه وتعالى قال: ﴿ ادْعُونِي أَسْتَجِبْ لَكُمْ ﴾ وقال: ﴿ فَإِنِّي قَرِيبٌ أُجِيبُ دَعْوَةَ الدَّاعِ إِذَا دَعَانِ ﴾ فخلك واعي… مو بس وش تطلب، لكن انتبه لك أنت. 🤍 هل قلبك مستعد؟ هل عقلك مستعد؟ هل معتقداتك تسمح لك باستقباله؟ وهل سعيك يتحرك باتجاهه؟ هل أنت جاهز؟ ✨ وعلشان كذا بعض نواياك تتحقق، وبعضها تتأخر… لأنك مو بس تحتاج تعرف وش تبي، تحتاج تكون مستعد تستقبله🥹 #القوانين_الكونية #خلود_بنت_عبدالعزيز
خلود بنت عبدالعزيز62,613 просмотров • 9 дней назад
#حقيقة_يجب_ان_تدركها رزقك مو بيد أحد. رزقك مو بيد أحد. رزقك مو بيد أحد. ﴿قُلِ اللَّهُمَّ مَالِكَ الْمُلْكِ تُؤْتِي الْمُلْكَ مَن تَشَاءُ وَتَنزِعُ الْمُلْكَ مِمَّن تَشَاءُ وَتُعِزُّ مَن تَشَاءُ وَتُذِلُّ مَن تَشَاءُ بِيَدِكَ الْخَيْرُ إِنَّكَ عَلَىٰ كُلِّ شَيْءٍ قَدِيرٌ﴾ ✨رزقك فقط وفقط وفقط بيد الله✨ لكن الناس أسباب، والفرص أسباب، والوظائف أسباب، والتجارة أسباب، والأبواب اللي تنفتح لك أسباب. لا تخلط بين السبب ومصدر الرزق. المشكلة تبدأ لما تعطي السبب سلطة أكبر من حجمه… فتخاف من خسارة وظيفة وكأن رزقك بينتهي معها، وتخاف من رفض فرصة وكأن ما عاد فيه غيرها، أو تربط رزقك بشخص يقدر يعطيك أو يمنعك. وتخاف تطالب بحقك، وتخاف تنسحب، وتخاف تحط حدود، وتخاف وتخاف 🥲… والخوف هنا يرسل لك رسالة تقول: غيرك أهم منك. أنت مو مهم. وهنا تبدأ تتعلق بوظيفة، أو شخص، أو فرصة، أو مكان، وكأن خسارتها تعني خسارتك أنت، وكأن رزقك وقيمتك ومستقبلك كلها معلقة بها. ‼️هنا يتحول الأخذ بالأسباب إلى تعلق بالأسباب‼️ والتعلق بالرزق يظهر أحيانا في صورة خوف: إذا راحت هذي الفرصة، وش بيصير؟ إذا ما قبلوني، من وين بيجيني وظيفة ثانية؟ إذا ما…. كيف ؟ ( سؤال خوف و نٌدرة وتعلق ) لكن من قال إن رزقك محصور في هذا الباب؟ أنت تشوف سبب واحد… والله فاتح لك أبواب كثيره ما شفتاها بسبب خوفك وتعلقك. خذ بالأسباب بكل قوتك، لكن لا تخلي قلبك معلق فيها. اسع، قدّم، اطلب، طوّر نفسك، افتح أبوابا جديدة، وابحث عن الفرص… وطالب بحقك، وانسحب من المكان الذي يؤذيك، وحط حدودك، وقل «لا» عندما تحتاج… لأن هذا حقك … لان 👇🏻 وظيفة تطلع منها ، بيجي غيرها الافضل منها . مشروع يتعثر، ويولد غيره. باب يقفل، ويفتح الله باب ما كان في حسابك. مصدر دخل يتوقف، ويأتي رزق من جهة ما خطرت لك. ومع التوكل والثقة، الأبواب تفتح. ليه؟ لأنك لما تتوكل على الله، ما تعود محاصر بباب واحد. تتحرك من يقين، لا من خوف. تطلب حقك وأنت تعرف أن رزقك ما هو بيد الشخص الذي أمامك. وتضع حدودك وأنت مؤمن أن الله قادر يعوضك. وتنسحب من المكان الخطأ وأنت واثق أن إغلاق باب لا يعني نهاية الرزق. ✨التوكل ما يعني إنك تترك الأسباب، التوكل يعني تأخذ بها، لكن قلبك مع الله✨ تسعى، لكن ما تنكسر إذا تأخر الطريق. تجتهد، لكن ما تبيع كرامتك خوفا من الخسارة. وتفتح يدك للفرص، لكن ما تقفل قلبك على فرصة واحدة. الرزق أوسع من توقعاتك. وأوسع من خطتك. وأوسع من الأشخاص الذين تعرفهم. وأوسع من الباب الذي تقف أمامه الآن. لا تجعل خوفك من فقدان السبب يجعلك تتصرف وكأن الله لا يملك غيره. كلما زاد تعلقك بالسبب، زاد خوفك. وكلما اتسع يقينك بمسبب الأسباب، هدأ قلبك وأصبحت ترى خيارات أكثر. قل: «يا رب، ارزقني من حيث أحتسب ومن حيث لا أحتسب، وسخّر لي الأسباب التي تحمل لي رزقي، ولا تجعل قلبي متعلقا بها، واجعل يقيني بك أكبر من خوفي من فقدانها.» رزقك مو بيد مدير. ولا عميل. ولا جهة. ولا سوق. ولا ظرف. ولا شخص. هذه كلها أسباب. أما الرزق… فبيد الله. الفيديو مليان عبر وحكم 👇🏻👇🏻 #خلود_بنت_عبدالعزيز
خلود بنت عبدالعزيز31,798 просмотров • 10 дней назад
#حقيقة_يجب_ادراكها ✨ تخيل لو أن أول 30 دقيقة من يومك ممكن تكون المفتاح اللي يغيّر شكل يومك وحياتك بالكامل! أهم أهم أهم وقت في يومك هي أول نصف ساعة بعد الاستيقاظ من النوم؛ لأن يومك يبدأ منها وينتهي منها أيضًا. شوف كيف المدرب #توني_روبنز يقول عن عاداته في الصباح لصنع حياته. طبعًا #جهازك_العصبي يحتاج احتضان وتهدئة، وهذا دورك. علشان كذا تبدأ يومك بالتنفس، وهذا اللي أنا عودت نفسي عليه لفترة طويلة إلى أن صار جزءًا من صباحي. لا تتوقع أن #عقلك_اللاواعي بيسمح لك على طول 😅 لا طبعًا، بيقاوم! بيقول لك: افتح جوالك وشوف رسايلك.. قم لا تتأخر عن دوامك.. ووو.. لكن مرة عن مرة بيخضع لك ويقبل، ولكن الاستمرار ثم الاستمرار حتى يتعود؛ لأنه هو #طفلك_الداخلي اللي يقاوم أي تغيير لأنه يشعر أنه خطر عليه التغيير . بعد #التنفس ادخل في #الامتنان؛ لأن التنفس يهدئ جهازك العصبي، وبعدها الامتنان يرفع ذبذباتك للاستقبال. والامتنان يكون لأي شيء حصل لك وشعرت بشعور طيب بسببه، وإذا ما فيه 🥹 امتنّ لصحتك، للأمان، لفراشك اللي أنت نايم عليه ✨ امتنّ لوجودك ✨ بعدها يبدأ الآن #الجذب، وهو أن تتخيل #أهدافك وكأنك عايشها صدق، أنت داخلها، وعِش شعورها.. 🙏🏻 طبّق، والله بتشوف #معجزات تحصل لك 🙏🏻 ✨ لا تستهين بأول نصف ساعة من يومك؛ يمكن تكون أبسط عادة، لكنها تكون بداية أعظم تغيير في حياتك✨ #تجلي_الاهداف #كن_واعي #طاقة_الصباح #خلود_بنت_عبدالعزيز
خلود بنت عبدالعزيز22,306 просмотров • 12 дней назад
#حقيقة_يجب_ان_تدركها #النهايات لما تنقطع علاقة بينك وبين شخص صديق، حبيب، أو حتى زوج/ زوجه (طلاق)، لكن تفكيرك فيه ما يوقف… تعيد المواقف، تتأرجح مشاعرك بين تأنيب وغضب، وبين حزن يطلع فجأة بلا موعد، وتقول بينك وبين نفسك 🙁يا ليت سويت… يا ليت ما سويت🙁 هذا ما يعني إنك ضعيف، ولا إنك تبغي الرجوع، ولا إنك فشلت في التجاوز. هذا يعني إن ✨عقلك ما اقتنع بالنهاية✨ النهاية ما كانت مكتملة داخلياً، للعقل اللاواعي ما أعطته النهاية الي صارت إحساس الإغلاق،#مشاعرياً و #فكرياً فصار يعيد المشهد ويحاول يصنع نهاية مرضية. لكن الحقيقة: العقل ما يهدأ إلا لما القلب يفهم الدرس. والإغلاق الحقيقي ما يجي من تغيير الماضي، ولا من جلد الذات، يجي من الأسئلة الصادقة 👇الي لازم تجاوب عليها علشان ينتهي الشيء داخلك اسئل نفسك: ✍🏻وش كنت أحتاجه من هذا الشخص وما قدرت أطلبه؟ ✍🏻أي شعور كان يتكرر معي في العلاقة؟ ✍🏻هل الألم من الشخص… أو من جرح قديم انفتح؟ ✍🏻أي جزء داخلي كان يحاول يثبت قيمته؟ ✍🏻وش كنت أتنازل عنه عشان تبقى العلاقة؟ ✍🏻متى سكتّ عن نفسي؟ ✍🏻وش الحد اللي ما حطيته؟ ✍🏻هل كنت أحب الشخص… أو الإحساس اللي يعطيني؟ ✍🏻لو ما رجع أبدًا، وش الشيء اللي أخاف أواجهه داخلي؟ ✍🏻وش الدرس اللي لو فهمته اليوم، ما راح أعيشه بنفس الألم مرة ثانية؟ سؤال الإغلاق العميق لو كانت هذه العلاقة رسالة…وش عنوانها؟ وش المعنى اللي أختاره أنا عشان أرتاح؟ أول ما تفهم الرسالة، العقل يهدأ، لأنه أخيرًا حصل نهاية داخلية مرضيه أعمق… وأصدق… وأرحم لان النهاية لازم تكون داخلنا علشان ننسحب من الداخل ونغلق العلاقة من الداخل ونوقف تفكير وتحليل وتانيب وووو #شفاء_العلاقات #خلود_بنت_عبدالعزيز
خلود بنت عبدالعزيز244,811 просмотров • 7 месяцев назад
#دعاء #يوم_عرفة اللهم إني أنوي اليوم بكل وعي وحضور… أن أفتح أبواب الاتساع كلها في حياتي، وأن أسمح لنورك أن يتدفق إلى روحي، وقلبي، وواقعي، حتى تتغير حياتي من الداخل قبل الخارج. أنوي أن أتحرر الآن من كل فكرة قللت مني ، ومن كل خوف عطلني ، ومن كل شعور جعلني أعيش في طاقة الانتظار، أو النقص، أو التأخير. وأختار اليوم أن أتناغم مع الوفرة، واليسر، والبركة، والحظوظ المباركة التي تأتي من عندك بلطف وسلام. اللهم حمّل خلاياي الآن معنى الإتساع … ومعنى النفس التي لا تخاف لا من النور، ولا من النجاح، ولا من التوسع، ولا من الحب، واجعلني ممن تفتح له الأبواب في الوقت المناسب، ويجد القبول، والتسخير، والخير أينما نوى واتجه . يا رب… وسّع لي رزقي حتى يفيض، وسّع لي قلبي حتى يطمئن، وسّع لي أيامي حتى تمتلئ بالسعادة والسلام والنور، وسّع لي فرصي، وعلاقاتي، وحياتي، واجعلني في حالة انسجام كاملة مع كل خير كتبته لي. اللهم مكّن لي في الأرض تمكينًا مباركًا واسعًا، تمكينًا فيه قبول، وهيبة، ونور، وبركة، تمكينًا يجعلني أصل لما خُلقت له بيسر، ويجعل حضوري مباركًا، وأثري طيبًا، وأبوابي مفتوحة. أنوي اليوم أن أتحرر من كل الأحكام، والذكريات، والطاقات الثقيلة، وكل ما يمنعني من استقبال الحب النقي، والعلاقات الداعمة، والوفرة السهلة، والسلام الداخلي، والحياة التي تشبه روحي حقًا. اللهم اجعلني مغناطيس لكل ما هو جميل، وخفيف، ومتناغم معي… للأشخاص الذين يضيفون نورًا لحياتي، للفرص التي تفتح لي أبوابًا أكبر، وللتجليات التي تأتي فجأة فتغيّر حياتي بالكامل بلطفك. يا رب… أنزل عليّ اليوم بركة تغيّر مجرى أيامي، وحظًا مباركًا يفتح الأبواب المغلقة، ونورًا يوسّع بصيرتي، وسلامًا يهدّئ قلبي، ووفرة تجعلني أعيش الحياة براحة، وامتنان، ويقين. وفي يوم عرفة… أنوي أن أولد من جديد، بعقل متسع، وروح مطمئنة، وقلب ممتلئ نورًا، وحياة تتدفق فيها البركات، والحب، واليسر، والتمكين، والسعادة… كما لو أن السماء فتحت أبوابها لي دفعة واحدة. اللهم إني أستودعك هذه النية بكل يقين، وأسمح الآن لكل ما دعوت به أن يتحرك نحوي بأجمل الطرق، وفي التوقيت المناسب ، وببركة تتجاوز حدود توقعي. وقد تم… وقد اتّسع… وقد تيسّر… وقد كُتب لي من الخير أكثر مما طلب قلبي وتخيّل عقلي. الحمدلله على الأبواب التي فُتحت، وعلى البركة التي بدأت تتدفق، وعلى النور الذي عاد لروحي، وعلى الحياة التي تتشكل الآن بلطف الله كما تمنيتها وأجمل. (وَآخِرُ دَعْوَاهُمْ أَنِ الْحَمْدُ لِلَّهِ رَبِّ الْعَالَمِينَ) #عشر_مباركة #خلود_بنت_عبدالعزيز
خلود بنت عبدالعزيز95,345 просмотров • 3 месяцев назад
#رساله_لك لا تفرح ولا تطمئن لهدوء #المرأة … الهدوء هو إعلان منها للرحيل. إذا وقفت المرأة عن الجدال، وسكّرت باب الحوار، واختفى الزعل والغضب، تأكّد إنّها ما عاد تشوفك في مستقبلها. المرأة وهي تحب ما تهدأ، تعاتب، تناقش، ويمكن تغضب، لأنك مهم عندها .. ولأنها تحارب عشان البقاء عليك وعلى العلاقة . لكن يوم تهدأ فجأة،، هذا مو نضج ولا راحة، هذا تعب وصل قمّته، وعقل قرر ينسحب وقلب قال ✨كفاية✨ إذا شفتها ساكتة، ما تسأل، ما تعاتب، وتتعامل ببرود ما يشبهها، اعرف إنك خرجت من حساباتها، وصرت ذكرى مو وعد. المرأة ما تترك فجأة، هي تبتعد خطوة خطوة، لين توصل لمرحلة ما عاد يوجعها الغياب… وهنا، تبتسم بهدوء وتكمل طريقها بدون ما تلتفت… #الرجل قبل الرحيل العكس تماماً .. وهنا اتكلم عن الرجل غير المتوازن … #شفاء_انثى #حب_الذات #خلود_بنت_عبدالعزيز
خلود بنت عبدالعزيز190,838 просмотров • 7 месяцев назад
#الحدس (فَإِنَّهَا لَا تَعْمَى الْأَبْصَارُ وَلَكِنْ تَعْمَى الْقُلُوبُ الَّتِي فِي الصُّدُورِ) قالوا في الأثر : أستفتي قلبك ✨ القلب = الحدس وليس العضلة ( عضو القلب ) (مَا كَذَبَ الْفُؤَادُ مَا رَأَىٰ ) الفؤاد = منتصف الجبهه ✨الحدس الصوت الصادق عندما تُصمت ضجيج العقل✨ الأمانة =العقل ( لان العقل هو اساس الظلم والجهل في الارض بين البشر .. (إِنَّا عَرَضْنَا الْأَمَانَةَ عَلَى السَّمَاوَاتِ وَالْأَرْضِ وَالْجِبَالِ فَأَبَيْنَ أَنْ يَحْمِلْنَهَا وَأَشْفَقْنَ مِنْهَا وَحَمَلَهَا الْإِنسَانُ ۚ إِنَّهُ كَانَ ظَلُومًا جَهُولًا) عقلك ( يجعل القصة تتحكم فيك ) الفؤاد ( يجعلك المتحكم في قصتك ) #تدبر_اية #خلود_بنت_عبدالعزيز
خلود بنت عبدالعزيز225,001 просмотров • 10 месяцев назад
#حقيقة_يجب_ان_تدركها #قصة_الارض مو #قصة_اهداف هي #قصة_شعور أنت ما تدور على #المال لأنه مال… انت تدور على الشعور اللي تعتقد إن المال بيعطيك إياه… يمكن أمان… يمكن حرية… يمكن وفرة… يمكن قيمه … وما تدور على #النجاح لأنه نجاح… انت تدور على شعور الإنجاز، والثقة، والإحساس بقيمتك. وحتى لما تبحث عن علاقة… أنت بالحقيقة تبحث عن الحب، والاحتواء، والسكينة. لذلك اسأل نفسك… ✨وش الشعور اللي أنا فعلًا أبي أعيشه؟ ✨لأن أغلبنا ربط الشعور بهدف✨ نقول: إذا زاد دخلي بحس بالأمان. إذا نجحت بفرح. إذا دخل الشخص المناسب حياتي بحس بالحب. فنعيش وكأن الحياة كلها انتظار… ونؤجل شعورنا إلى ان يتحقق الهدف. ‼️لكن يمكن المعادلة من الأساس معكوسة‼️ بدل ما تنتظر الظروف تعطيك الشعور… ابدأ عش الشعور من الآن. ✔️إذا كنت تبحث عن الأمان… كن أنت مصدر الأمان لنفسك. ✔️إذا كنت تبحث عن الوفرة… وجّه انتباهك للنعم اللي حولك قبل اللي ينقصك. ✔️إذا كنت تبحث عن الحب… ابدأ أعطِ نفسك التقدير والاهتمام اللي تنتظره من غيرك. لكن فيه شعور أشوفه من أكثر المشاعر اللي تغيّر جودة الحياة… #المتعة المتعة مو جائزة بعد الوصول… المتعة هي طريقة تعيش فيها الطريق( علشان توصل )… استمتع بقهوتك… بعملك… بحديثك… بوقتك… بصحتك … ب …. امتن حتى بالأشياء البسيطة اللي كنت تمر عليها بدون ما تنتبه لها. لأننا نعيش في #عالم_مليء_بالاحتمالات وفي كل لحظة حولك #احتمالات_لا_نهائية، لكن اللي تلاحظه وتتفاعل معه غالباً يكون متوافق مع #حالتك_الداخلية كل ما عشت شعور المتعة… اتسع وعيك. وكل ما اتسع وعيك… اتسعت الاحتمالات اللي تقدر تشوفها وتتحرك باتجاهها. علشان كذا 🥹… لا تؤجل المتعة إلى أن تصل… لأنك قد تكتشف أن المتعة نفسها هي التي تجعل الطريق أقصر، وأخف، وأجمل. #تمرين الـ 48 ساعة القادمة أبي منك خلال اليومين الجاية تعيش وكأن المتعة هي ترددك الأساسي. مو متعة السفر… ولا الشراء… ولا الإنجاز… 😍متعة الحياة نفسها😍 وكل ما لقيت عقلك يرجع للخوف، أو الاستعجال، أو التفكير الزايد او القلق او … وقف واسأل نفسك: لو كنت أعيش شعور المتعة الآن… كيف بفكر؟ وكيف بتكون طاقتي؟ وكيف بتكون خطواتي؟ ثم تصرف من هذا المكان. وراقب بنفسك… كيف تتغير حالتك… وكيف تتغير نظرتك… وكيف تبدأ تلاحظ فرص واحتمالات ما كنت منتبه لها من قبل، وكيف فيه ابواب بتفاح وطرق بتتيسر واشخاص بتتسخر واحداث بتٌحل .. ✨لأننا كثير ما نرى الحياة من خلال الشعور الذي نعيش فيه✨ والسؤال الحقيقي هو… أي شعور اخترت أن تعيش منه اليوم؟ #شعور_المتعه #جذب_الاهداف #خلود_بنت_عبدالعزيز
خلود بنت عبدالعزيز26,256 просмотров • 1 месяц назад
#قانون_الانتباه #قانون_الانتباه يشتغل قبل #قانون_التجلي، لأنه هو البوابة الأولى اللي توجه طاقتك. أي شيء تعطيه #انتباهك، أنت فعليًا تعطيه جزء من #طاقتك ووعيك، ومع الوقت يبدأ يكبر في واقعك. عشان كذا انتبه وين يروح #تركيزك. لأن الانتباه مو مجرد ملاحظة، الانتباه هو بداية الخلق. كل #فكرة تكررها، وكل #شعور تعيشه، وكل شيء تركز عليه باستمرار، يبدأ يتغذى من طاقتك. و#قانون_الانتباه يشتغل جنبًا إلى جنب مع #قانون_التطابق و #قانون_الانعكاس. إذا كان اللي داخلك متوافق مع اللي تعطيه انتباهك، يصير فيه #تطابق، ومع التطابق يبدأ #التجلي ياخذ طريقه للظهور في حياتك. لهذا السبب، لا تعطِ #الخوف أو #النقص أو #المشاكل أكثر من حجمها، لأنك كل ما ركزت عليها أكثر، زدت من حضورها في وعيك. وبالمقابل، إذا وجهت انتباهك إلى #الوفرة و#الصحة و#الفرص و#الامتنان، فأنت ترفع #ذبذبتك وتفتح المجال لتجارب تشبه الحالة اللي أنت فيها. تذكر دائمًا: #طاقتك تمشي مع #انتباهك، و#انتباهك يقود #واقعك. لذلك اسأل نفسك كل يوم: وش الشيء اللي أبيه يكبر في حياتي؟ ثم أعطه انتباهك، ومشاعرك، و#اليقين، واترك #قانون_التجلي يكمل الباقي. أكيد، هذا امتداد بنفس الأسلوب الذي طلبته: خلني أعطيك مثال… أغلبنا يقول: أنا ركزت على الشيء اللي أبيه، لكن ما تجلّى! لكن لو وقفت مع نفسك شوي، بتكتشف إن انتباهك كان على الشيء اللي تبيه بعقلك، بينما شعورك كان متعلق بالشيء اللي ناقصك. مثل اللي يبي #الوفرة، لكنه طول يومه يفكر: ما عندي… متى تجي؟ ليه تأخرت؟ هو يعتقد إنه مركز على الوفرة، لكن انتباهه الحقيقي متجه إلى النقص، لأن الشعور المصاحب لفكرته هو شعور فقد واحتياج واستعجال. وقتها يصير فيه عدم انسجام بين الفكرة والشعور. الانتباه ما يشتغل بالكلمات اللي تقولها، يشتغل بالحالة اللي تعيشها. لذلك اسأل نفسك دائمًا: وش الشعور اللي يصاحب انتباهي؟ إذا كان انتباهك للهدف، لكن شعورك خوف، شك، أو قلق، فأنت ما زلت تعطي انتباهك لاحتمال عدم حدوثه أكثر من حدوثه. لهذا السبب، مجرد إنك تردد إنك تبي شيء ما يكفي. المهم من أي مساحة داخلية أنت تركز عليه. هل تركز عليه وأنت تشعر بالثقة والاطمئنان؟ أو تركز عليه وأنت تشعر أنه بعيد وصعب ومفقود؟ كل ما صار انتباهك متناغم مع شعور هادئ ومتزن، صار داخلك أكثر انسجامًا، وما عاد فيه شد وجذب بين اللي تتمناه وبين الحالة اللي تعيشها. لذلك قبل ما تسأل: ليش ما تجلّى؟ اسأل نفسك: أنا فعلًا وش كنت أعطي انتباهي؟ الرغبة… ولا الإحساس بالنقص؟ 🤍لاتنسى انت تستطيع ان تخلق ماتريد في قصتك لانك من يملكها 🤍 ✨انت الاساس والباقي كمبارس ✨ #القوانين_الكونية #خلود_بنت_عبدالعزيز
خلود بنت عبدالعزيز31,793 просмотров • 1 месяц назад
#حقيقة_يجب_ان_تدركها #الاكتئاب هو انك ماتبي تتحمل المسئولية.. #الصدمة هي احد اقوى الاسباب للدخول في #حالة_الرفض الي هو الاكتئاب الاكتئاب =عايش دور الضحية 100% + رفض للقصة +رفض للاعتراف بقدراتك +سخط وغضب من خالقك +غضب من الاشخاص الي حواليك انهم ماقدموا لك الي أصلاً مو لازم يقدمونه لك +انك عايش انه انت المفروض الكل يراعيك ويدللك +جسدك المشاعري ضعيف جدا +جسدك الطاقي تقريبا مفصول عنك +جسد فكري قوي جداً ( لان افكارك هي الي دخلتك في الاكتئاب.. اما #الانفصام هو رفض كااامل لك انت ( انت رافض من انت وقصتك ووجودك ) فجالس تبني قصة ثانيه غير حقيقية ( هروب من الواقع ) لانك ضعيف مشاعرياً ايضا وغير متصل طاقياً وفكرياً مليان افكار وتحليلات مغلوطه ( الجسد الفكري متحكم فيك ) وهنا بعد انت عايش دور الضحيه وبقوة بعد .. ترا #الطبيب_النفسي يعطيك حبوب وادويه وهذه الحبوب فقط تخدرك ماتعالجك لاتنسى تخدرك ( يعني تدخلك في حالة اللاحضور ) وفي النهاية ترا ماخليت شي انت بس أجلت الشيء علشان كذا خلك #شجاع وتحمل مسؤولية قصتك وعدلها وطورها للشكل الي تكون انت راضي عنها والتطور ترا مراحل مو دفعه وحده لان عندك انت اجساد تحتاج تعالجها وتخليها متوازنه مع بعضها علشان تكون انت لازم تفكر وتشعر وتقول وتنفذ وتعيش في توازن .. ✨انت طبيب نفسك ✨ مستحيل كائن من كان يعرف مكنوناتك لو جلست الف سنه تشرح لهم ، مستحيل يفهمونك الطبيب يدير المرض من خلال الاستشارت والأدوية ولكن لا يعالج المرض ✨انت فقط من يستطيع علاجك✨ #كن_شجاع #خلود_بنت_عبدالعزيز
خلود بنت عبدالعزيز136,562 просмотров • 9 месяцев назад
#لحظة مابعد #تجلي_الهدف سمعتوا بفكرة #جذب_الهدف خلال 72 #ساعة؟ 😍 الفكرة هنا مختلفة شوي… لأنها ما تعتمد على إنك تتخيل لحظة تحقيق الهدف نفسها، ولا تعيش شعوره وكأنه صار، ولا تبدأ تجهّز له من الآن. الفكرة الأذكى تسألك: وش أول شيء بسويه مباشرة بعد ما يتحقق هدفي؟ 🤔 وهنا يبدأ #السر ✨ لأنك لما تفكر بالخطوة اللي بعد #الهدف، أنت عقلك ما عاد يتعامل مع الهدف كشيء بعيد… بل يتعامل معه كأنه أمر محسوم، والتفكير انتقل من “هل بيصير؟” إلى “وش بعد ما يصير؟” وهنا يتغير شعورك بالكامل. تدخل طاقة مختلفة… #طاقة_ثقة. #طاقة_يقين. طاقة شخص داخليًا حسم #النتيجة، وبدأ يفكر بالمرحلة اللي بعدها. وهذا بالضبط اللي ينقلك من #طاقة_الترقب إلى #طاقة_الاستقبال. لأنك ما عدت تنتظر الهدف… أنت صرت تتعامل معه كأنه طبيعي، وكأنه فعلاً في طريقه لك، والآن تركيزك صار على الخطوة اللي بعده. ومن هنا يبدأ الجذب الحقيقي 🚀 لأن الشعور ما عاد شعور شخص يتمنى… صار شعور شخص واثق، جاهز، ومستعد يستقبل. ومن قوة الثقة اللي تبنيها داخلك… الأفضل تطبق اللي في الفيديو 🤝👇🏻 #طاقة_الجذب #خلود_بنت_عبدالعزيز
خلود بنت عبدالعزيز64,015 просмотров • 4 месяцев назад
#الرجل_الانثوي عجبتني مقولة تقول: (إذا ظهر في حياتك رجل بطاقة أنثوية لا تزعلين… تعلّمي منه) بس خليني أقولها لك بصراحة أقوى شوي… هو ما جاكِ بالغلط. جاكِ لأنك أنتي صرتي بداله😅 صرتِ أنتي اللي تعطين أكثر من اللازم، وتتنازلين عشان تمشين العلاقة، وتضحّين وتسكتين، وتفكرين فيه قبل نفسك، وتبرّرين له كل تقصير، وتقولين (عادي)على أشياء توجعك. لين اختلّ الميزان.. وصرتي انتي هو ،، وهو انتي طاقياً.. صار هو يستقبل…وأنتي تعطين. هو ينتظر…وأنتي تبادرين. هو يتدلّل…وأنتي تتحمّلين. مو عشان هو كذا وبس…لا ..لكن عشان تتعلمين توقفين .. تتعلمين إن العطاء بدون حدود استنزاف… وإن الطيبة بدون وعي خسارة… وإن الاستحقاق مو كلمة… الاستحقاق موقف… إذا تبين علاقة متوازنة، لازم ترجعين لمكانك الصح. مكانك تستقبلين ،، وهو يعطي تكونين انثى وهو رجل .. #سؤال ماهي طاقة #الرجل الموجود في حياتك ؟!😊 #طاقة_الانوثة #طاقة_الذكورة #خلود_بنت_عبدالعزيز
خلود بنت عبدالعزيز88,692 просмотров • 6 месяцев назад
#حقيقه_لايمكن_انكارها #المرأة_الواعية ( المتزنه طاقياً ونفسياً) تعرف أنها هي الوحيدة المسؤولة عن حدودها. هي التي تقول من البداية: هذا مقبول، وهذا غير مقبول. حدودها تعني ألا تسمح لأحد أن يتجاهلها أو يقلل من قيمتها، او يبرمجها .. وتعرف أن حدودها انكسرت( إذا شعرت بالضيق، أو فعلت شيئ غصب عنها، أو لم يُحترم كلامها، او تم التقليل منها شكلاً او مقاماً او …. وقتها تاخذ موقف فوراً وتوضح للآخر: "احترمني كما أنا ، واحترم رأيّ، احترم … . " ⛔️لان انتبهي تتغيرين علشان تعجبين احد او علشان يقبلك او يرضى عليك ⛔️ ✨الكلام افضل سلاح ، لا تقول هو بيفهم من نفسه إذا زعلت ،ولا بيتغير ويتعدل إذا تغيرت عليه وتغير أسلوبي ، لا تطولينها وهي قصيرة ، ما اعجبك سلوك او أسلوب ( اوقفي وعبري وتكلمي بأدب وبطريقة مباشرة )✨ 🍃لان من تحافظ على حدودها، تحافظ على راحتها وكرامتها، ومن هنا يكون حب الذات و #الاتزان_الداخلي 🍃 #حقيقة_يجب_ان_تدركها #حب_ذات_لامشروط #خلود_بنت_عبدالعزيز
خلود بنت عبدالعزيز127,760 просмотров • 1 год назад
#القوانين_الكونية قد سمعتوا عن #قانون_الانفصال؟! فكرته ببساطة إنك لما تتمسك بالهدف بشكل زائد، أحيانًا تدخل في طاقة خوف، استعجال، وترقب دائم… وكأن لسان حالك يقول : (أنا ما أقدر أكون بخير إلا إذا تحقق هذا الشيء.)🥲 وهنا يبدأ #التعلق، والتعلق غالبًا يثقل الطاقة ويخلي الإنسان يركز على غياب الهدف أكثر من وجوده،، وبكذا اكيد تبعد #الهدف عنك بدل ماتقربه ليه ؟ لان الحاجة #طاقة_منخفضة وعلشان تجذب لازم طاقتك تكون متوازنة .. قانون الانفصال لا يعني أنك تتخلى عن هدفك أو تنساه، بالعكس… هو يعني أنك تؤمن فيه، وتسعى له، لكن بدون ضغط أو لهفة أو ربط سعادتك فيه. بدل ما تقول: ‼️متى أتزوج؟ ‼️متى ينجح مشروعي؟ ‼️متى أحصل الوظيفة؟ حولها إلى سؤال مفتوح: ✨كيف ممكن حياتي تتغير للأفضل؟ ✨كيف يمكن أن تأتي لي فرصة أجمل مما أتوقع؟ ✨ما الذي يمكن أن يحدث اليوم ويقربني لهدفي بسهولة؟ ✨كيف يمكن أن يتحقق هذا الهدف بطريقة أفضل مما تخيلت؟ 👌لأن السؤال يفتح احتمالات… أما التعلق، فيغلقها👌 🥳ومن الأشياء الجميلة أيضًا، أنك تكتب 10 أسباب ليش هذا الهدف يحتاجك أنت( ركز يحتاجك مو تحتاجه) مثلاً الوظيفة ليه تحتاجك .. ✅لأن عندي قيمة أضيفها. ✅لأن حضوري يحدث فرق. ✅لأن عندي أفكار وقدرات يستفيدون منها. ✅لأن المكان المناسب يحتاج شخص مثلي. ولو كانت علاقة او زواج : ✅لأن عندي حب واحتواء. ✅لأنني شخص داعم وصادق. ✅لأن وجودي يضيف أمان وراحة. ✅لأن الطرف الآخر يحتاج شخصًا مثلي في حياته. 🌿هذه الطريقة تنقلك من طاقة الاحتياج إلى #طاقة_الاستحقاق🌿 ومن شعور (أنا ألاحق الهدف )إلى شعور (الهدف أيضًا يبحث عني) لما تنفصل عن التعلق، وتبقى فقط في مساحة ثقة، تبدأ الأشياء تجيك بسهولة أكثر… لأنك ما عاد تطاردها، لكن انت طاقياً وعقلياً ومشاعرياً مستعدًا لاستقبالها. ⛔️كل مره لازم تجرب ،، علشان الي يناسبك مايناسب غيرك ، والعكس صحيح ⛔️ يمكن هذا القانون يناسبك لجذب هدف بيسر وسهولة وغيرك يناسبة التقمص وغيرك يناسبه التخلي وووو 🤗جرب ماراح تخسر شيء 🤗 #جذب_الهدف #خلود_بنت_عبدالعزيز
خلود بنت عبدالعزيز57,540 просмотров • 4 месяцев назад
#الجهاز_العصبي هل جهازك العصبي متوازن ؟! طيب🤗كيف تعرف أن جهازك العصبي متوازن؟ توازن جهازك العصبي لا يعني أن حياتك خالية من الضغوط… لكن يعني أن جسدك يعرف كيف يعود لمنطقك الأمان بعد أي توتر يحدث من الخارج . إذا لقيت هذه العلامات في نفسك ، فأنت في حالة تنظيم عصبي جيد ( يعني دايم ترجع للتوازن بعد كل موقف او شخص يهز هذا #التوازن و #التناغم و #الانسجام_الداخلي ) ✅ردودك أهدأ تتوقف قبل أن تنفعل، تختار كلماتك، ولا تندفع مع أول شعور. ✅جسدك مرتاح أكثر تنفسك طبيعي، اكتافك وفكك أقل شدًّا، نومك أفضل، ومعدتك أهدأ. ✅أفكارك أقل ضجيج القلق يمر… ولا يقيم ويستمر يعلق فيك . تقدر ترجع للحظة الحالية بدل الغرق في السيناريوهات. ✅حدودك أوضح تقول نعم وأنت حاضر، وتقول لا بدون جلد ذات أو شعور مفرط بالذنب. ✅مشاعرك تتحرك ولا تحتجزك تحزن، تغضب، تفرح… ثم تواصل الحياة. تعرف تهدّي نفسك بدل ما تعتمد على إنقاذ خارجي. ✅إحساس الأمان داخلك أعلى جسمك مو في حالة قتال أو هروب أغلب الوقت، لكن في مساحة استقرار تسمح لك بالتفكير، والاختيار، والاستقبال. ‼️أما إذا كنت تعيش كثير مع: ⚡ توتر بلا سبب واضح ( تآكل أظافرك ، تهز رجولك ، ..) ⚡ شد جسدي مستمر ( في الرقبة خصوصاً والأكتاف ، القولون والمعدة ).. ⚡ تفكير زائد ( مخك يشتغل مايوقف ).. ⚡ حساسية مفرطة ( تزعل من اي كلمة او موقف ).. ⚡ إرهاق بعد النوم ( نايم وانت مو نايم ، تقوم تعبان مهما زادت ساعات نومك ).. ⚡ انسحاب أو انفجار مفاجئ ( ياتبعد ، بتتعصب وتصارخ ).. فهذه إشارات أن جهازك العصبي يحتاج عناية وتنظيم أعمق. طيب 😊 كيف تبدأ إعادة التوازن؟ 🌿 تنفس ببطء… واجعل الزفير أطول من الشهيق. وخلها عاده عندك .. 🌿 الرياضة ( خصوصاً) المقاومة ، تخلي جسمك يتحرر من الضغط المشاعري.. 🌿 تمدد ولمس الأرض( التأريض) 🌿 المساج ، اليويجا، السباحة ، الرقص ، جاكوزي حار ثم بارد جداً ( لتحرير المشاعر ).. 🌿 عبّر عن مشاعرك بدل كتمها ولكن بهدوء... 🌿 خالط ناس هاديين ( متوازنين ).. 💫الجهاز العصبي المتوازن لا يصنع حياة مثالية، بل يصنع إنسانًا قادرًا أن يهدأ… ثم يختار من جديد 💫 #التوازن #السلام_الداخلي #خلود_بنت_عبدالعزيز
خلود بنت عبدالعزيز80,726 просмотров • 7 месяцев назад
#شفاء_الطفل_الداخلي #جروح_الطفوله جرح الاب يتعلق بالجسد الفكري … وجرح الام يتعلق بالجسد المشاعري … جرح الاب مرتبط بالعار والغضب .. جرح الام مرتبط بالتأنيب والخوف … جرح الاب يؤثر على إنجازاتك الفكرية ( عمل -دراسة -…) ..جرح الام يؤثر على إنجازاتك المشاعرية ( امومة -علاقات مع ذاتك والآخرين -….) جرح الام يخليك تشحذ حب واهتمام وانتباه .. جرح الاب يخليك تشحذ نجاح وانجاز وتفوق .. جرح الام يخليك تبحث عن الاهتمام ..جرح الأب يخليك تبحث عن التقدير … جرح الاب هو مرتبط ارتباط وثيق بجرح الرفض والتخلي … جرح الام مرتبط ارتباط وثيق بجرح الهجر والإهمال … 🥲وترا ممكن تكون جاي للتجربة هذه وتحمل الجرحين 🥲 اهم علامات #جرح_الام ✨ما تعرف كيف يهدئ نفسه عند الألم أو الرفض و تبحث عن شخص آخر علشان تهديك ( دايم تفضفض وتشتكي عن داخلك لاحد قريب علشان ترتاح وتتمالك نفسك ).. ✨تكبت مشاعرك علشان لا تخذل وتُهجر وتترك ، والنتيجه تفقد القدرة على معرفة ما الذي تشعر به فعلاً. وراح تلاحظ انك قلق، مكتئب احياناً ، أو ماعندك مشاعر لان( عقلك المسيطر على مشاعرك ).. اهم علامات #جرح_الاب ✨تعتقد أن قيمتك تُكتسب فقط من النجاح أو الإنجاز، علشان كذا تلهث خلف التقدير، وتخاف من الفشل أكثر من أي شيء ثاني في الحياة … ✨عندك سعي قهري لإثبات الذات .. اهم علامات انك عندك #الجرحين ✨تكونون عايشين بين شخصيتين (بين طفل حساس وعقل ناقد صارم) الناس يشوفونك قاسي وانت تتألم من جوى بس ماتعرف تعبر .. ✨هويتك متشتته ( لا تفرح بالإنجاز ،وتبحث على انجاز اكبر علشان تشعر بتقدير لذاتك ، ولا انت عارف تقدر وتحب ذاتك ( لانك تتوقع انك بتحب ذاتك من خلال تميزك )بس للأسف لا.. #الجرح لا يزول بالإنكار، بل بالوعي والاحتواء… #التشافي لا يعني (اختفاء الماضي)، بل أن تستعيد السلطة على استجابتك له( ردات فعلك ).أي أن الألم القديم لا يتحكم بك، بل أنت من يحتويه بوعيك.. #وعي_التنظيف_المشاعري #خلود_بنت_عبدالعزيز
خلود بنت عبدالعزيز115,961 просмотров • 11 месяцев назад
#حب_الذات إذا عرفت كيف تكون صديق نفسك، الكل بيسعى يكون صديقك… إذا عرفت كيف تحب نفسك، الكل بيحبك… إذا عرفت كيف تسعد نفسك، الكل بيسعى لإسعادك… إذا عرفت كيف تقبل نفسك كما هي، الكل بيقبلك كما أنت… إذا عرفت كيف تسامح نفسك، ما راح يزعل منك أحد… إذا عرفت كيف تعتني بنفسك، الكل راح يحرص عليك ويقدّرك… إذا عرفت كيف تهتم بسلامك الداخلي، الكل بيحاول يحافظ على راحتك… إذا عرفت كيف ترفع من قيمتك بنفسك، ما راح تنتظر من أحد يثبتها لك… إذا عرفت كيف تمنح نفسك الطمأنينة، ما راح تزعزعك نظرات الناس ولا كلماتهم… إذا عرفت كيف تكون سندًا لنفسك، ما راح تخاف من الوحدة أبدًا… ابدأ من نفسك، فالعالم مرآة لداخلك. كل حب تمنحه لها، يعود إليك أضعاف و وكل سلام تغرسه في قلبك، يزهر طمأنينة في طريقك.. ✨فأنت الأصل، والخارج مجرّد انعكاس✨ #حقيقة_يجب_ان_تدركها #خلود_بنت_عبدالعزيز
خلود بنت عبدالعزيز107,262 просмотров • 10 месяцев назад
#النية #تجلي_الاهداف ليش نيتك لازم تٌكتب ؟ لأن النية مو مجرد كلمات تُكتب… النية شعور يُعاش، واليد ارسال والعين استقبال والمستقبل اللاواعي والرساله هو نيتك .. ✨اي رساله ترسلها تحتاج مرسل ومستقبل ورساله ووسيله ✨ وأنت تكتب نيتك، لا تكتب ما تريده فقط… اكتبها وأنت تستشعرها، لان #قصة_الارض هي #قصة_شعور تخيل نفسك داخلها،، عش تفاصيلها. تنفس شعورها.. واسأل نفسك: ليش أبي هالنية؟ وش الشي الحقيقي اللي أدور عليه من خلالها؟ وش الشعور اللي أبي أعيشه إذا تحققت؟ لأن الحقيقة أن أغلب الناس ما يبحثون عن الهدف نفسه… هم يبحثون عن المشاعر التي يظنون أن هذه الأشياء ستمنحهم إياها. فقد لا يكون الهدف هو المال… بل الحرية. ولا العلاقة… بل الأمان. ولا النجاح… بل الشعور بالقيمة والتقدير. لهذا كلما كانت نيتك مرتبطة بشعور واضح وحقيقي بداخلك، أصبحت أقرب للتجسد في واقعك. وتأكد ان النية التي لا تستطيع أن تتخيل نفسك تعيشها، ولا تستشعرها، ولا ترى تفاصيلها في داخلك… فغالبًا هي فكرة أعجبت عقلك او وعي جمعي ، وليست رغبة صدّق بها قلبك. لأن #الروح تعرف القصة كاملة… تعرف ما تتمنى بعقلك، وتعرف ما تناديه من أعماقك. ✨فالنية ليست طلبًا لما هو مفقود… بل تذكّرًا لما هو ممكن✨ لذلك لا تكتب نيتك فقط…عش شعورها من الآن…وكن الامتداد الحي لها. فالمشاعر هي اللغة التي يفهمها العقل، والصور هي اللغة التي يفهمها اللاوعي، أما الروح… 🌿🤍✨فهي تعرف الطريق قبل أن تراه عيناك. ✨🤍🌿 #خلود_بنت_عبدالعزيز
خلود بنت عبدالعزيز30,785 просмотров • 2 месяцев назад
#جذب_الاهداف سر الـ 68 ثانية… اللحظة اللي ممكن تغيّر مسارك✨ قد فكّرت إنك تقدر تغيّر #ترددك_الداخلي في أقل من دقيقة؟ وبالتالي يتغيّر نوع الفرص، والأشخاص، وحتى الأحداث اللي تظهر في حياتك؟ الفكرة أبسط مما تتخيل: أنت ما تجذب اللي تتمناه…أنت تجذب اللي تعيشه داخلياً وتصدقه. كيف تشتغل قاعدة 68 ثانية؟ عقلك ما يفرّق كثير بين: الشيء اللي تتخيله بعمق والشيء اللي تعيشه فعلياً لما تركّز على فكرة وحدة وتعيشها بمشاعر حقيقية لمدة 68 ثانية يبدأ عقلك يتعامل معها كأنها واقع تتغيّر مشاعرك بدون ما تحس سلوكك يتبدّل تلقائي وانتباهك يصير يلقط كل شيء يشبه هذا التوجّه وفجأة تبدأ تلاحظ فرص ما كانت باينة لك أشخاص بنفس وعيك مواقف تخدمك بدون ما تخطط لها #طريقة_التطبيق👇🏻 خذ 68 ثانية فقط: اختار شيء واحد تبغاه (وظيفة – مبلغ – علاقة – راحة داخلية) غمض عيونك وتخيّل كأنه صار فعلًا عِش التفاصيل وين أنت؟ مين معك؟ وش تقول؟ وش تحس؟ أهم خطوة #الشعور لا تتخيل بس… عِش الإحساس فرح طمأنينة ثقة ( اهم شيء يكون شعورك ايجابي) استمر 68 ثانية بدون تشتيت #السر اللي كثير يغفل عنه مو الـ 68 ثانية هي السحر… السحر الحقيقي في اللي بعدها بعد ما تفتح عيونك، اسأل نفسك وش الخطوة البسيطة الي أقدر أسويها الآن؟ وسوّها… حتى لو كانت صغيرة جدًا هنا يبدأ التحوّل الحقيقي👌 خلاصة الفكرة تركيزك يخلق اتجاهك شعورك يحدد قراراتك وقراراتك تصنع واقعك 😊غيّر اللي داخلك لمدة 68 ثانية وشوف كيف الواقع يبدأ يتحرّك معك، مو ضدك😊 جرب ما راح تخسر شيء 😅 #تجلي_الاهداف #قانون_الجذب #خلود_بنت_عبدالعزيز
خلود بنت عبدالعزيز54,405 просмотров • 5 месяцев назад
2:30
Sensitive content
This media may contain sensitive content.
#السؤال_الصح إسأل تعطى .. #طاقة_السؤال هي من اعظم واقوى الطاقات الكونية ، لان سؤالك مُجاب لا محاله .. الكون بأكمله يتحرك لإجابة سؤالك ✨لكن ✨ اي سؤال تطلقه من خلال ( طلب-دعاء) ايجابي او سلبي ، في وقت غضب او وقت صفاء، رغبت به او لم ترغب به 🤍سوف يتحقق 🤍 خصوصاً السؤال الذي لاترغب له ( لان مافيه تعلق ) علشان كذا انتبه ‼️ للأسف اغلبنا يدعي على نفسه او على أحبابه ثم يقول والله انها من روى قلبي ( ما اقصدها ) بس للأسف انت طلبت والكون مسخر لك انه يلبي طلبك .. والكون مايعرف انت تبي ولا (لا) هو يعرف انك طلبت ( والله سخره لك ) الكون مخلوق خلقة الله لك ( لكن ليس له عقل يفكر ويحلل ويفهم ) ..العقل فقط جسد بشري .. وفيه سؤال جداً غلط وهو ( ليش؟ ) لانه سؤال عكسي ، يجيب لك ألم لان بتشوف في واقعك ليش صار او ليش ماصار هذا الشيء مثلاً الي تقول ليش ماتزوجت وغيري تزوج ؟ ليش ماتوظفت وغيري توظف ؟ الجواب بيلخبطك لان الجواب لهذا السؤال انك بتشهد وتعيش السبب الي ما خلاك تتزوجين او تتوظفين ( لانه سؤال عكسي ) لكن #السؤال الصح : 🦋ما الطاقة والوعي والمساحة والاتساع الي تكون عليه أنا وجسدي لكي (……)؟ 🦋من هو الممكن والمتاح والمسموح لمساعدتي لتجلي (…..) في حياتي ؟ 🦋كيف اتخلص وأتحرر من معيقات (….) ؟ 🦋ماهي المشاعر والأفكار والعقود والعهود والنذور التي تقف امام (…..) وكيف اتحرر منها بيسر وسهوله ؟ #خلك_منتبهه #خلود_بنت_عبدالعزيز
خلود بنت عبدالعزيز145,706 просмотров • 1 год назад