Srikanth Miryala
@miryalasrikanth • 41,503 subscribers
Doctor, often heals minds. Writer #KGHKathalu #JuniorDoctor
Videos
0:24
Sensitive content
This media may contain sensitive content.
ఏం పోయేకాలంరా మీకు!భారతీయ ఆడవాళ్ళకి అసలే ఐరన్ లోపం,అందులోనూ నెలసరికి అధిక రక్తస్రావం,దాంతో రక్తహీనత (అనీమియా), ఇప్పుడేమో ఇలాఏదో కొత్తపేరుపెట్టి ఉన్న రక్తాన్ని తీసేస్తున్నారు.చంపేస్తారేంట్రా😡.అతికొద్ది రక్త సమస్యలకి తప్ప సయాటికాకి కాదు దేనికీ రక్తం తీసేయడం వైద్యం కాదు.మేల్కోండి.
Srikanth Miryala241,257 次观看 • 1 年前
నేను క్రైస్తవుడిని కాదు, కానీ కొన్ని పద్ధతులు వాళ్ళవి నాకు ముచ్చట గొలుపుతాయి, అందులో ఒకటి అనువర్తన యోగ్యత బాగా ఉంది, ఇదేదో కొత్తపదం అర్థం కావట్లేదు అని క్వొట్లేసి ట్వీట్లెయ్యకండి. అడాప్టబిలిటీ అని అర్థం. అంటే పరిస్థితులకి అనుగుణంగా ఒదిగిపోవడం, మళ్లీ అవకాశవాదం గట్రా కాదిది. చార్లెస్ డార్విన్ ఏమన్నాడంటే బలమైంది కాదురా బుర్రలేని వెధవా, ఇలా సర్దుకుపోయే జాతి మనుగుద్ది అన్నాడు. అతను చెప్పిన పరిణామ సిద్ధాంతం అదే ఎవల్యూషన్ని వాళ్ళు ఒప్పుకోనప్పటికీ, ఈ అడాప్టబిలిటీని ఒంటబట్టించుకున్నారు. గ్రాంథికంలో కొట్టుమిట్టాడి, కాటికి కాళ్ళు చాచిన తెలుగు భాషని ఊపిరి ఊడింది గిడుగు, గురజాడలు అయితే, దాన్ని నిజంగా ఆలించి పాలించింది మాత్రం క్రైస్తవులే మొదట. ఆ హీబ్రూ లోదో లేక కింగు జేమ్స్ ఇంగ్లీషు బైబిలునో తెలుగులో మొదట వాడుక భాషలో తర్జుమా చేసుకుని ఊరూరా ప్రచారం చేసుకుంది క్రైస్తవులే. అర్థమయ్యే భాషలో దేవునికి స్తోత్రాలు రాసుకున్నారు. పనిచెయ్యని ఆదివారం పూజలు చేసుకున్నారు. ఇక్కడి సంస్కృతిని గ్రీకు అర్థోడాక్స్ చర్చిల మాదిరి రంగరించి కీర్తనలు పాడుకుని, కొబ్బరికాయలు కొట్టి, ఏసు సుప్రభాతం తో మొదలుపెట్టి క్రీస్తు గీత రాసుకున్నారు. ఇదే కాకుండా ఏసు మాలతో పాటు మారియా గుడి కట్టుకున్నారు. ఈ విధంగా ఈ అసిమిలేషన్ ప్రక్రియ ద్వారా క్రైస్తవం సాధారణ ప్రజలకి ఆమోద యోగ్యం అయింది. ఇంకా ఇలాగే జరుగుతుంది కూడా. నిజంగా స్వామి వివేకానంద చెప్పినట్లు భగవంతుడిని చేరుకోడానికి లేదా నిన్ను నువ్వు తెలుసుకోడానికి ఒక్కొక్కరిదీ ఒక్కో మార్గం, ఏదీ ఒకదాన్ని మించినది ఒకటి కాదు అన్న ప్రాథమిక విషయం క్రైస్తవులే ఎక్కువ పాటిస్తున్నట్లు ఉంటుంది. వినూత్నమైన కార్యక్రమాలతో, సరళతతో భగవంతుడు అనే ఆలోచనని వీళ్ళు అతి సులువుగా తీసుకెళ్లగలుగుతున్నారు. వాటిలో కొన్ని ఆమోదయోగ్యం కానివి ఉన్నాయి కానీ అన్నింట్లో ఉంటాయవి, అది ప్రస్తుత విషయం కాదు. ముఖ్యంగా కళ ద్వారా అది నృత్యం, సంగీతం, నాటకం, హాస్యం ఏదైనా కానీ జనరంజకంగా ఉంటుంది. అది నాకు నచ్చింది. నేను ఒక హిందువుని, అది నా జీవన విధానం. నా చిన్నప్పుడు రామాలయం ప్రతిష్ట అయినప్పుడు అక్కడి పంతులు గారు, ఊళ్ళో వాళ్లకి అందరికీ అర్థమయ్యే రీతిలో గ్రామీణ భాషలో రామాయణం వివరించారు. నేను మూడు రోజులు కదలకుండా విన్నాను. మళ్లీ అలా చెప్పినవాళ్ళు నాకు కనపడలేదు. ఒకసారి హిందువులుగా గుర్తించుకుంటున్న వాళ్ళందరూ కూడా ఒకసారి పరికిస్తే మనలో ఇటువంటి ఈ ధర్మాన్ని కాపాడాలని చెప్పేవాళ్ళలో ఎక్కువమంది పైన చెప్పిన వెసులుబాటు కల్పించరు. మంగళవారం గోళ్లు కత్తిరించకు, తోకలేని కొబ్బరికాయ కొట్టకూడదు, మామిడాకులు కట్టని ఇల్లు శుభం కాదు అన్నట్లు ఇది ఇలాగే చెయ్యాలి అని చెప్తుంటారు. దాంతో ఇరుకైపోయిన భావన కలుగుతుంది. అది కొన్నిసార్లు అలాగే చేయలేకపోతే అది మన ఉనికిని ప్రశ్నిస్తుంది అదో ఆందోళన మళ్లీ. కొన్ని పద్ధతుల్లో కొన్ని నిగూఢ అర్థాలు ఉన్నప్పటికీ అవి తెలిసాక వాటి పరమార్థం ఎరిగాక ఇంకా అలానే చేస్తూ, అలా చేయని వాళ్లని మనలో మనం విమర్శించటం ఎంతవరకూ సమంజసం. హిందూ మతంలో ఉపనిషత్తులు, వేదాలు చెప్పిన ఆలోచన కంటే పురాణాలలోని, ఇతిహాసాలలోని ఆచరణ ఎక్కువైపోయింది. ఈ మతాన్ని ఉద్ధరించాలి అనుకునేవాళ్లు ప్రజలను కొన్ని ఆచారాలకి మాత్రమే కట్టుబడి ఉండాలని చెప్పటం బదులు ఆలోచింపజేసే, వాళ్ళని వాళ్లు ప్రశ్నించగలిగే కొన్ని సంగతులు మాట్లాడితే బాగుంటుంది. తాత్వికతని అందరికీ అర్థమయ్యే రీతిలో బోధించాలి. గ్రాంథిక భాష సంకెళ్లు తెంచి తెలుగుని జనరంజకం చేసినట్లు, ఈ మతంలోని ఆలోచనలను పంచగలగాలి. ఇది ఒక హిందువుగా ఆత్మపరిశీలనకు రాసుకున్నది. ఏ మతాన్ని విమర్శించేది కాదు, క్రైస్తవ ప్రచారం అంతకన్నా కాదు. దీనిపై వాదోపవాదాలు, ప్రశ్న సమాధానాలు చాలా ఉంటాయి. నాకు ఓపిక ఉంది కానీ సమయం లేదు. బూతులు వాడొద్దు.
Srikanth Miryala123,370 次观看 • 1 年前
