Dr.Toshima Karki
@ToshimaKarkiDr • 54,792 subscribers
Member of Parliament, Lalitpur-3 | General Surgeon & Doctor | Former State Minister for Health | Former Executive Member, Nepal Medical Council
Shorts
Videos
ललितपुर को नख्खु खोलाको यो घरको छतमा घण्टौंसम्म उद्धारको लागि पर्खिए पछि बाढीले बगाएका पाँचजना मध्ये उद्धार गरिएका राज शाह, राजु शाह र मेघ्ना शाहलाई पाटन अस्पतालमा भेटी चिकित्सकहरूसँग स्वास्थ्य अवस्था बुझेका छौं। ६ वर्षीय मेघ्ना शाहको शरीरको तापक्रम सुरुमा निकै कम रहेको थियो। राज शाह र राजु शाहको शरीरमा केही घाउचोटहरू लागेका छन्। हाल सबै सामान्य स्वास्थ्य अवस्थामा हुनुहुन्छ। अश्रुधारा बगाउँदै उहाँहरुले भन्नुभयो हामी घण्टौंसम्म गुहार गुहार मागिरहेका थियौ तर कोही आएन। बाढीले बगाइसकेको अवस्थामा आफ्नो ज्यानको जोखिम राखेर उहाँहरूको उद्धार गर्नुभएका युवा साथीलाई सम्मान भन्न चाहन्छु। सँगै बेपत्ता हुनुभएका सेतु शाह र देवराज कार्कीको खोजीकार्य जारी छ। जिल्ला प्रशासन कार्यालय सँग समन्वयमै छु। फेरि भन्छु। पूर्व तयारी, जोखिम नक्सांकन, द्रुत प्रतिकार्यको हाम्रो प्रणालीलाई सुधार्न नितान्त आवश्यक छ। यस्तो बेला सबैले एकअर्कालाई सकेको सहयोग गर्नुहोला। #DisasterResponse #Lalitpur
Dr.Toshima Karki192,421 次观看 • 1 年前
भ्रष्टाचारविरुद्ध सडकमा उत्रिएको Gen-Z को आवाजसँग हाम्रो स्पष्ट ऐक्यबद्धता रह्यो।सुशासनको माग कुनै अपराध थिएन, देशको भविष्यप्रतिको जिम्मेवार आग्रह थियो। भाद्र २३ को घटनापछि युवाको बलिदानसँग सम्झौता गर्न सकिएन। सत्ताभन्दा सत्य ठूलो हुन्छ भन्ने विश्वासका साथ त्यसबेला हत्यामा उत्रिएको सरकारको कठपुतली बनेको संसदको सांसद रहिरहन मेरो नैतिकताले दिएन र पद त्याग्ने निर्णय गरे पछि हाम्रो पार्टीले नै संयुक्त राजिनामा दियो। अब, तपाईहरुको साथ र समर्थनको अपेक्षा सहित बाहिर बसेर होईन नितिगत रुपमै भ्रष्टाचारको जालोलाई जरैबाट उखेल्ने प्रयत्न सहित घण्टी चुनाव चिन्ह लिएर पुन: चुनावी मैदानमा होमिएका छौ।
Dr.Toshima Karki19,411 次观看 • 7 个月前
संसदमा बोल्नुपर्ने कुरा के हो ? सहकारी र सुनमात्र हो ? एकअर्कामाथि छेडखानी मात्र? काठमाण्डौमा नै बीर, पाटन, कान्ति, टिचिङ लगायत अस्पतालमा आइसियु पाइएन भन्दै आम नागरीकहरुको रोदन छ।बिरामीहरूले ज्यान गुमाउनु परेको छ। परिवारमा पर्ने दुख भनिनसक्नु छ तर केहि अस्पतालका आईसीयु खाली बसेका छन्।यसबारेमा संसदमा बोल्न समय पाइदैन। नियमावली अनुसार संसदमा ढ्याप ढ्याप गरेर आकस्मिक समय माग गर्ने व्यवस्था छ। आजकल प्रत्यक्ष भेटेरै पनि समय माग गर्न सकिन्छ। मैले दुवै प्रकृयामा आकस्मिक समय माग गरेँ । तर समय दिईएन । आईसीयु नपाएका बिरामीहरुको बिजोग छ। स्थिती दिनानुदिन गम्भिर हुँदै गएको छ ।समाधान गर्न गार्हो विषय पनि होईन। समाधान छ। त्यसबारेमा संसदले निर्देशन दिन आवश्यक छ । यो लापरवाही आमनागरिकले पनि थाहा पाउन आवश्यक छ । यो विषयको अर्जेन्सीको कारण केहि दिन अघि र आज पनि निरन्तर आकष्मिक समय माग गरिरहँदा पनि समय पाईन । दिनदिनै डरलाग्दो भइरहेको यो स्थितीको गाम्भिर्यता र आकष्मिकताको मनन नभएकोमा दुख लाग्यो । यो समाधान नगरे समस्या झन् विकराल हुनसक्छ ।अब भोलिबाट IPU सम्मेलनका कारण १० दिन संसद नचल्ने भएको छ। तसर्थ यो विषय प्रतिनिधि सभाको सभामुख महोदय, सम्बन्धित मन्त्री र सबैमा पुगोस् भनि यहिँ राख्दैछु। ------------------------------------------------- सम्माननीय सभामुख महोदय, एक पटक यो तथ्यांक ध्यान दिएर सुन्न आग्रह गर्छु । एउटा अस्पताल जहाँ मेडिकल ICUमा ८ बेड छन् २ वटा थन्किएका छन् । सर्जिकल ICU १८ बेडमा १० प्रयोगमा छैनन् । रेस्पी ICU मा AC बिग्रेकोले बिरामीको तापक्रममा समस्या छ । न्युरो ICU ९ बेडमा ४ प्रयोगमा छैनन् । Gastro/Hepato ICU (११ बेड भएकोमा) पुरै बन्द गरी ताल्चा लगाईएको छ । CCU मा ९ बेडमा ५ बेड थन्किएका, Cardiology ward १८ बेडमा ९ प्रयोगमा छैनन्, जेष्ठ नागरीक वार्ड पुरै बन्द अवस्थामा छ ।अपरेसन कक्षहरुपनि पुर्ण सन्चालन हुनसकेका छैनन्, केहि मात्र सन्चालन भई बाँकी थन्किएका छन् । म स्वयम् प्रतक्ष त्यस असप्ताल पुगेर यो हविगत देख्दा निकै पिडा भयो ।आईसियु र भेन्टिलेटर नपाएर छटपटाईरहेका बिरामीहरुको हार गुहार र रोदन सम्झदा राज्यको अकर्मण्यता प्रति आक्रोष पनि जाग्यो। यो कहिँ दुरदराजको ठाउँ र बिरामीको अभाव भएको अस्पतालको तथ्याङ्क होइन । यो देशको सबैभन्दा पुरानो र ठूलो "बीर अस्पताल" को तथ्यांक हो । संसद भवनबाट ५ किलोमिटर भित्रै पर्छ । स्वास्थ्य मन्त्रालयबाट २ किलोमिटर भन्दा नजिक । त्यहिँ त्यस्तो छ । बिरामीको चापाचाप छ । अपरेसनका लागि महिनौँको लाइन छ तर अवस्था यस्तो छ । आईसीयु र भेन्टिलेटर नपाएर बिरामीहरू तड्पिरहेका र मरिरहेका छन् । त्यसमा अघिल्ला स्वास्थ्यमन्त्रीको नजर नपुगेको होइन । उहाँको नजर परेको मात्रै होइन, एउटा भनाई छ नि, आँखा लाग्यो भन्ने । त्यस्तो चै भयो । सेवामा के फरक पर्छ नभनी उहाँले व्यवस्थापनलाई ध्वस्त बनाइदिनु भयो। आशा छ, अहिलेका स्वास्थ्यमन्त्रीको ध्यान पुग्नेछ । त्यहाँ काम गर्न एकदमै गाह्रो पनि होइन । ८३१ दरबन्दी स्विकृत भएकोमा पदपुर्ती गरिएको छैन । त्यो गरिहाल्नुपर्नेछ । गत कार्तिकमा पूर्वस्वास्थ्यमन्त्रीले एकैपटक २७६ जना स्वास्थ्यकर्मीहरु निकालिदिनुभयो यता स्वास्थ्यकर्मी बेरोजगार छन् , उता काम गरिरहेका स्वास्थ्यकर्मी हतोत्साहित छन् । बालबच्चादेखि वृद्धसम्म यो र त्यो अस्पतालमा ICU छ कि भन्दै दौडिन पर्ने भएको छ तर भएका ICU हरु खाली अवस्थामै बन्द छन् । राज्यलाई यो तहसम्मको नालायक हुन हालका स्वास्थ्यमन्त्रीले दिनु हुन्न भन्ने आशा छ । र, स्वास्थ्यमन्त्रालयले गर्नु पर्ने सूचिमा सबै भन्दा माथि राखेर यो काम तत्काल, आज र अहिलैबाट गर्न सुरू गरियोस्, अस्पतालको ट्रलीमा, अस्पताल अगाडि एम्बुलेन्समा बिरामी राखेर ICU खोज्दै यहाँ र त्यहाँ फोन घुमाउँदै कहालिएका नागरिकहरूले थाहा पाउने गरेर यो अस्पतालमा यतिवटा आइसियु छन् यति खाली छन् भनि हेर्न मिल्ने व्यवस्था वेबसाइट मार्फत बनाइयोस् भनि स्वास्थय मन्त्रालयलाई अनुरोध गर्दछु । धन्यवाद ।
Dr.Toshima Karki45,091 次观看 • 2 年前
कृपया मिथ्या आरोपहरू लगाएर निरन्तर ममाथि प्रहार नगरिदिनुहोला। यो पार्टीलाई हुर्काउन, बढाउन र सबल बनाउन दुःख गरेको छु। गर्नेछु। तर पार्टीलाई थप लोकतान्त्रिक र समय सापेक्षिक रूपान्तरित बनाउने मेरो प्रयास तपाईंहरूको विचारभन्दा फरक भयो भन्दैमा सामाजिक सञ्जाल र विभिन्न माध्यमबाट निरन्तर प्रहार गरेर यो मेरो धैर्यलाई च्यालेन्ज नगरिदिनुहोला। राष्ट्रिय स्वतन्त्र पार्टीलाई समय सापेक्षिक रूपमा मध्यममार्गी मुलधारको मुख्य राजनैतिक शक्तिको रूपमा विकास गर्दै रास्वपाले वैकल्पिक शक्ति, नागरीक समाज र जेनजी सबैलाई समेट्नका लागी पार्टीमा सांगठनिक र वैचारिक पुनःगठन पुनरवलोकन आवश्यक छ भन्ने मेरो मान्यता हो। पार्टीलाई थप सबल सुदृढ बनाउन खोजिएको प्रयासलाई सभापति रवि लामिछाने विरुद्धको षड्यन्त्र जस्तो बनाएर भाष्य बनाउनुहुने तपाईंहरूको निरन्तर प्रहारले पूरा पार्टीलाई नै कमजोर बनाउने काम नगर्नुहोला मेरा अनुरोध स्पष्ट छन्। १) विस्तारीत बैठकमा सङ्गठनका साथीहरुको महत्वपूरण र सक्रिय सहभागताको लागि अनुरोध गर्दछु। २) बैठकमा प्रस्तुत हुने राजनैतिक र साङ्गठनिक प्रतिवेदनमाथि सहभागिहरुले राय राख्ने मात्र होईन प्रतिवेदनहरुलाई स्विकार्ने/अस्विकार गर्ने/ तोकिएका संसोधन सहित स्विकार्न पाउने गरी भोटिङ राईट दिईनुपर्छ। ३) Genz आन्दोलन पछिको रास्वपालाई यथास्थितिमा रहेर वैकल्पिक शक्तिहरुलाई नसमेटि आसन्न चुनावमा एक्लै जाने छुट छैन। हामी उदार हुनुपर्छ। केन्द्री सचिवालय, पदाधिकारी, समितीको संरचना र नेतृत्वमा पुनरावलोकन पुनर्गठन गरेर वैकल्पिक शक्ति सबैको साझा प्लेटफर्म बन्नुपर्छ। अब यहि कुरामा पटक पटक स्पष्टिकरण दिन वाध्य नपार्नुहोला बरु आउनुस् एक कदम अघि बढेर रिफर्मेसनका मोडालिटीमा बसह गरौँ। #RSP #DrtoshimaKarki #Against_Status_Quo #Reformation #GenzRevolution #ReBuildNepal
Dr.Toshima Karki20,243 次观看 • 10 个月前
मैले सोधे नेपाल त फर्कनुभयो अब यहाँ के गर्ने योजना छ? उहाँहरूको उत्तर थियो -- नेपालमै रोजगार हुने वातावरण दिनुस् न। हामीले ५ वर्ष क्याट्रिन गरेर आएका छौं, ६०० जना जति एउटै कम्पनीमा काम गर्थ्यौं, नेपालमा ठूला ठूला होटेल सजिलै चलाउन सक्छौं, तर खै नेपालमा आश छैन, एक दुई महिना परिवारसँग बसेपछि फेरि विदेशमै जागिर खोज्न जानुपर्ने त होला !! यो संवादले निकै संवेदनशील विषयको दर्पण गरेको छ। रोजगारी र अवसरको खोजीमा दैनिक रुपमा सयौं युवाहरूले देश छोडिरहेका छन् भने यसरी कामको contract सकिएर, थप काम गर्ने वातावरण नभएर, वा कुनै पनि कारणले आफ्नो देश फर्कने युवाहरू पनि छन् तर विडम्बना आफ्नै देशमा केहि गरौँ न त भन्नेहरुलाई फेरी विदेश नै जान वाध्य बनाउने हाम्रो सामाजिक, आर्थिक र राजनैतिक प्रणाली बनेको छ। प्रत्येक देशमा रहेको नेपाल एम्बेसीले नेपाली श्रमजीवीहरु कहाँ छन्, कुन अवस्थामा छन्, proper data मेन्टेन गर्ने र कुनै पनि सहयोग र सहजीकरण चाहिएको अवस्थामा भरपर्दो अभिभावकको भुमिका खेल्ने गरी अग्रसर हुनु अनुरोध गर्दछु। साथै, नेपाल फर्किएका युवाहरूले प्रवासमा सिकेर भोगेर देखेर आफू सँगै ल्याएका सिप सिकाई दक्षता र अनुभवलाई स्वदेशमै उपयोग गर्न सक्ने वातावरण बनाउने हो भने उहाँहरू लगायत अरु थुप्रैलाई देशमै रोजगारी सिर्जना गर्न सकिन्छ। #निलो_क्रान्ति #मेरोबिदा_मेरोदेशको_लागि #RSP #देश_बनाऔँ_अभियान #drtoshimakarki #YouthEmpowerment #Employment #WeAreYouth #WeCanGive #Doha #Qatar #USA #nepalinewspaper
Dr.Toshima Karki23,999 次观看 • 1 年前
विशेष ध्यानाकर्षण : Stop Violence Against Health Professionals !! काँपेका हातहरुले उपचार गर्न सक्दैनन्| डराएका हातहरुले सेवा दिन सक्दैनन्| अस्पतालहरु शान्तिक्षेत्र हुनुपर्छ| यसरी डाक्टरहरुमाथी, नर्सहरु माथी, स्वास्थ्य कर्मीमाथी हातपात गर्ने, कुट्ने मार्ने धम्की दिने, सांघेतिक हमला गर्ने ... अनि खै कसरी हामीले गाउँ गाँउमा डाक्टर नर्सहरु पठाउने ?? जब सम्म डर त्रास असुरक्षाले पिरोलिरहन्छ तबसम्म उपचार गाउँ गाउँ कसरी पुग्ला र खै ? केहि असन्तुष्टी भए उजुरी दिने, कानुनी उपचार खोज्ने गर्नुपर्छ, यसरी स्वास्थ्यकर्मी कुट्नेलाई तुरन्तै कारवाही होस्| दृष्य : हेटौँडाको सन्चो अस्पतालमा, राउण्डमा भएका २जना डाक्टरहरुलाई राउण्डबाटै तानेर २०-२५ जनाको हुलले हातपात गरि घाईते भएका छन्| #JailwithoutBail #savemedicalfraternitymovement
Dr.Toshima Karki45,843 次观看 • 3 年前
आखिरमा आधिकारिक कुरो के हो, सरकारले आम जनतालाई स्पष्ट पार्न सक्नुपर्छ। यसरी सामाजिक अभियानताहरु आन्दोलनमा र महिला अधिकार अभियानताहरु आमरण अनसनमा अनि अधिवक्ताहरु अदालतमा जाने क्रम सुरु भईसकेको छ अनि सन्चार माध्यमहरुमा खलबलि छ। तर मस्यौदा के हो कसो हो सार्वजनिक भएको छैन।के कसो हो, आधिकारिक रुपमा म बुझ्जु भनेको छु। यो भन्दै गर्दा पुरुष प्रधान समाजले मुलुकी संहिता ऐन विपरित, संविद्यान विपरीत र महिला हक अधिकार विपरीत महिला माथी दमन गर्ने खालको कुनै पनि निती बनाउने भूल नगरोस्। तपाई हामी सबै सजग चाहिँ हुनैपर्छ। #DrToshimaKarki #RSP #BuildNationwithJustice
Dr.Toshima Karki14,118 次观看 • 1 年前
सुदूरपश्चिम धनगढी को गेटामा ७५ बिगा जग्गामा ६०० सैया अस्पताल र मेडिकल कलेज बनाउन अरबौँ खर्च गरेर निर्माण भएका भवन र संरचनाहरू वर्षौंदेखि अलपत्र छन्। त्यहाँ पूर्णरूपले अस्पताल सञ्चालन गरी तत्कालै सुदूरपश्चिमका नागरिकहरूका लागि गुणस्तरीय स्वास्थ्य सेवा को वातावरण बनाउनुपर्ने धारणा संसद मार्फत सरकार समक्ष राखेको छु। #Geta #MedicalUniversity #Hospital #MECAct
Dr.Toshima Karki19,572 次观看 • 2 年前
