▪︎ اتفق مع الشاعرة نوره الشامسي ، هذه الحركة فعلا ما حلوه وتنرفز .. مره عزمت اشخاص وقدمت لهم سفره كاملة ومن ضمنهم شخص منعزل (ما يأكل بس يشرب قهوة) .. كل ما اقول له تفضل اكل .. يقول مسوي ريجيم وما اكل سكر وهذا فيه زيت وووو ..... قلت له لو ما اجيت اجسن .. انتو وش رأيكم بهذه النوعية ؟؟show more

"خلو الناس على راحتها" اذا عزمت شخص، وقال لك أكتفي بشرب الماء لأني حاليا في نظام حمية، فدعه على راحته.. هو لم يأت لزيارتك لأجل الأكل وإنما للقاءك والحديث معك.. الضيوف لا تأتي للأكل وإنما للقاء المستضيف والحديث معه.. من لا يحب أن يأكل فدعوه على راحته.. الأكل ليس هدفا

من #أدب_الضيافة أن يتحلّى المرء بالقبول والرضا، فلا يشترط على مضيفه، ولا يتكلف في الطلب، ولا يرد ما يُقدَّم له من خير. ولا يليق بالضيف أن يميّز بين الأطعمة فيقول: هذا أحبه وهذا لا أحبه، أو يقدح في طعامٍ فيصفه بالصلاح أو عدمه، أو يُظهر امتناعه عن القهوة أو الشاي، أو ادعاء أنه لا يأكل إلا ما اشترطه قبل دخوله بيت المضيف. وقد كان هدي النبي ﷺ أرقى الهدي وأتمه؛ يأكل مما يُقدَّم له ولا يعيب طعامًا قط، فإذا دُعي إلى طعام أجاب، وإذا قُرّب إليه أكل مما تيسّر، من غير سؤال ولا تكلّف ولا بحث عمّا يعجبه أو لا يعجبه. وذلك من كمال تواضعه، وحسن خلقه، وجميل أدبه مع الناس.

انت مريض سكر وضغط وصاحب البيت عامل اكلات ترفع السكر والضغط نقول للضيف لازم تاكل وتموت في بيتي ؟ ولا يعتذر احسن ولا يجي البيت ؟ ولا وصوله يعتبر تقدير ومعزة لصاحب البيت ؟

هل نجبر الناس على ان يجاملوننا على حساب صحتهم ويأكلون كل طعام وشراب نقدمه لهم ؟ هذا كلام غير منطقي فالنفس وماتهوى وقد يكون الشخص لديه عذر طبي يمنعه من بعض انواع الطعام والمشروبات خصوصا ونحن نعيش في عصر تنوعت فيه الامراض نسأل الله السلامه من مرض السكر الى الضغط الى القولون وغيرها

مايصير هالكلام يعني اللي ماياكل سكريات ودهون مايوجب الناس ويزورهم في أفراحهم و يوصل الرحم ،أنا كنت مسوي رجيم قبل كم سنة إذا جاب المضيف حلى أو شاي فيه سكر أقوله ما أشربه عادي مافيها إحراج كذلك يوم أرتفعت عندي الدهون الضارة لو مرضت وتعبت ماحد راح يفيدني كنت آكل مثلا مكسرات بس

الطرح فيه مبالغة كبيرة جدا فحاشى للعمانيين ان ينتقدوا ويعيبوا في بيوت الناس فلا تشوهوا العادات ثم انها ذكرت ان كل البيوت فيها المأكل والمشرب وتقول لها كذلك هناك أسر تأن من الفقر والعوز فكونوا أمناء في النقل يامعشر المغردين

استجابة الدعوة سنة مؤكدة عن أبي هريرة رضي الله عنه أن رسول الله صلى الله عليه وسلم قال: «إذا دُعِيَ أحدُكم فليُجب، فإن كان صائماً فليُصلِّ، وإن كان مُفطِراً فليَطعَم». معنى «فليُصلِّ»: ليس المقصود الصلاة، بل الدعاء لصاحب الوليمة بالخير والبركة.

فيه ناس عندهم امراض ينحرجون يقولون لكم ما اقدر يضرني لأنه تعبان فيحطها في الريجيم ،، ماتدرون عن ظروف الناس

ممكن تبلغ الي عازمك وتقوله لا تتكلف تراني ما اكل السكريات واكلي جداً خفيف ، علشان لا يتكلف بالعزيمة ، وانت اذا وصلت اذا زان لك شيء كان بها ، واذا لا اتركه وخلاص ، الموضوع بسيط

اشوف الاخت بالغت في الموضوع شوي ،،،انت جاي ضيف معك عيب اصلا اتكلم بهذا الموضوع عيب ،،الضيف لازم تحطه فوق راسك مهما صار

مو من عادات العرب وسلومهم تقول للضيف ليتك ماجيت..انت عزمت وتجمّلت لاتخربها..ياما توفر لهم طلباتهم او يكتفون بشرب القهوه ويكفي... وبالمقابل المفروض الشخص مايشترط على المضيف..ياكل الموجود ولا يكثر حتى لو لقمه ويسوي نفسه ياكل اهم شيء انه قبل الدعوة... كلهم مخطئيين الضيف والمضيف.

وليش ما تاخذوا الموضوع بنظره ايجابية الشخص الي وصل لبيتك ووجبك يدل على انك شخص عزيز وغالي وكرامتك ليس بالأكل بل بأستقبال الضيوف والترحيب بهم، نعم اتفق ان على الضيف يجب عليه ان يجلس مع الناس ويأخذ بقدره او ما يناسبه .

واضح بعده مامرت عليها الفئة اللي تروح بيوت الناس وماتاكل أبدا بس ماي ، هذا النوع اللي يفكر كيف طبخوه أهل البيت ؟ وهل نظيف وغيره !!!! واللي تستغرب منه ياكلوا بكل أريحية من المطاعم ويدفع مبالغ وقدرها ، وماتعرف كيف طبيعة الأكل !!؟

أتكلم عن نفسي وايد إنتقائية في الأكل ؛ لكن لو حد عزمني أطاوعهم مثل البقية ولا أتكلم إلا إذا فعلا أكل يضرني أرفضه .

رأيي ان تحترم. رغبة الضيف. الوعي بما نأكله و بالصحة أمر مهم خاصة مع التقدم بالعمر. إذا كان ضيفك يكتفي بالقهوة فاحترم رغبته. والناس لا تأتي للاكل و انما احيانا تأتي لتوجيبك و مجاملتك.

انا OCD ما بكولش برة بيتي و لو باكل في مطعم اكون زبونة عندهم و لي طريقة اكل يعرفوها . وكل اصحابي عارفين لو عاوزة اكل حاكل من غير الحاح . و لما بعزم حد يا برة البيت و هم بيحددوا المكان او بسأل كل واحد بياكل ايه علشان اعمله.اخويا مش بياكل غير مشوي او مقلي في ايرفراير او مايكولش بحترم دة .

ماذكرته #الشاعرة نورة حول الضيوف صحيح وفيه نظر طبعا #الصحة مهمة وايضاً الملاطفة إلا أن ذلك يكون حسب المستوى الاجتماعي والثقافي والميانة والحمدلله على النعمةفلم يكن #الطعام اهم شيء في #الضيافة أو #الدعوة ثم على المضيف أن يكون متوقعا وعارفا لبعض حالات ضيوفه وعاذرا لهم والأغلب كذلك

كثير حركات مب حلوه صارت الناس تسويها يروحون حفل الاعراس ما ياكلون يكونون ماكلين في بيتهم وجايين ويحرجون اللي معهم على نفس الطاولة تبي تأكل مستحي تمد يدكم لانهم ما ياكلون .. او انهم ما يتعشون قبل بس بعد العرس يمرون ماك وبتعشون

هذه الفئات المفروض يجلسوا في بيوتهم

أنا كذا و قبل لا يعزموني الكل يعرف اني اكلي صحي و ما احب الهبد و الخبص في الاكل لانه ياثر على مودي .

( حق على المضيف الإكرام ، وحق على الضيف القبول ) .

@tania_abu43800 يسعدها والله كلامها ✔️

من السنة إذا أحد عزمك تحضر حتى لو كنت صايم و وتجلس معهم بدون ما تأكل هو قدّر المعزب و استجاب لدعوته ويكفي انه يتقهوى عنده

هذا الوقت الحمية صحة وليست كماليات كل وله شأنه هذا سكر وهذا ضغط وهذا كوليسترول وهذا عامل قسطرة خلو الناس على سعتهم لا تشرط ولا الزام والناس تتزاور للقياء وليس للأكل مفهوم يجب أن يستوعب تعاونوا على صحتكم هل يعقل أن أعمل نظام غذائي صحي والناس تريدني أنعزل وما أزور أحد ؟ أو أجامل ؟

فعلا، الموضوع ينرفز احس هالنوعية مريضة بالهوس

يمكن حالتة الصحية ما تسمح لة بذاك ولا يريد الإفصاح

حسيت الضيوف ميته وماعندها اكل في بيوتها يكفي تلبية الدعوه واكلها وشربه حريته الشخصيه وهو اعرف بصحته ومصلحته عوذا من مضيف ينشب بالحلق يبغاك تشرب وتاكل اي حاجه يقدمها لك شكراً ضيافتي ابتسامتك وحسن استقبالك

يابنت الاجواد عيشي جوك الهادي والضيف عطيه من جودك وموجدك والضيف عيبه عليه ان عيب الزادي ياضيف الاجواد لاتتجاوز حدودك

وإني لعبد الضيف ما دام نازلاً وما شيمة لي غيرها تشبه العبدا إكرام النفس هواها ( رغبتها )

@KhalidxAlAli رايي انه حر ومو مجبور ياكل

ما اتفق معاها لان الهدف من العزيمه الجمعه و التقرب و الاستمتاع بالحديث مو الاكل الاكل شي اضافي و كرم من المضيف مو اهو الاساس 🤷‍♀️

بصراحة قلة ذوق هي منضغطه وغيرانه من احد .. قوم السكر لاتيون عندنا عيب الصراحة يمكن يجيها شخص مريض كولسترول وسكر! وش بتسوي ؟ ماياكل لادهون ولا سكر لو جاملها ارتفع سكره وطب عليهم وش تفيده المجاملات ؟ مثل ماهو قدرك وجا بيتك سواء يشاركك الفرح او صلة رحم احترمي رغبته عادي انا اوقات كثيره اسوي دايت واروح عزايم ماكل الا قهوه وتمر وشاهي بدون سكر انا تعبانه على نفسي ولي هدف ماراح اخلي جمعة ساعه وحده تخرب شغلي كله ! وماعمري شفت احد زعل الكل مقدر ومبسوط جايين بسعة صدر نضحك ونتطمن على بعض ونتشارك الاوقات الجميله وسلامتكم

معها حق والله عن أبي هريرة قال ما عاب النبي صلى الله عليه وسلم طعاما قط إن اشتهاه أكله وإن كرهه تركه حتى لو الشخص تظاهر انه يأكل افضل من رد المضيف واحراجه

كلامها صدق واقعي

اتفق كلامها صح مهما سوينا رجيم ضرب بالخمس يوم معزوم ثاني شي مجاني ياخي حس حس 😂