اسمعوا الكلام اللي يشيب الرأس عن فساد الجمعيات الخيريه على لسان واحد يشتغل فيها😕😳 #فساد_الجمعيات_الخيرية

على شان كذا انا دائما اي حساب جمعية خيريه يرد بالمنشن عندي أو أصحاب الثريد اللي يقول حاله انسانيه اسوي لهم حظر مباشره هذي حسابات تستغل طيبة الناس لجمع الأموال منهم من يستغلها بالنصب ومنهم من ينشرها ويطبق قاعدة (الشرط أربعون لنا عشرون ولكم عشرون) إضافة إلى ذلك المشاهير اللي يعلنون للجمعيات نفس النظام

من جد اشتغلت شهر الفساد بعينه وعلمه والمصيبة مطاوعه رئيس الجمعية تقول صاحبتي من جماعتنا كان فقير صار رئيس جمعية سيارات آخر موديل فنادق عياله ساطرهم اعضاء بالجمعية وهم طلاب جامعة حتى موظفين الجمعية قرايب أتمنى الجمعيات تستلمها وزارة وحتى التوظيف من جدارات التفتوا لها

دام نشر مقطع اجل لازم يثبت كل كلمه قالها.... @nazaha_gov_sa

وانا ابصم على كلامه بالعشر اشتغلت في جمعيات. اللي في الكونتر ياخذ ١بالميه غير راتبه ومدير الكونترات ياخذ ٥بالميه. والمدير حقهم ياخذ ٣٠بالميه بدون الراتب في كل يوم. وانت احسب فساد غير طبيعي انصح اي شخص لايتبرع لاي جمعيه تبرع لشخص تعرفه افضل الف مره توصل دايركت بدال ماتوصل منها إلا ٢بالميه والباقي يلهطونها

انتبهوا للي في تويتر وكل يوم جايبين حاله انسانيه وخاصة حقين المساحات

اخذوا آية ( والعاملين عليها) ونهبوا السحت ونسوا آية ( ولا تقربوا مال اليتيم ) تجار وحرامية التبرعات في كل مكان لاتبرعون إلا لـ #إحسان او #فرجت او #مركز الملك سلمان للإغاثة

لكل شخص سرق اموال الناس تحت اي مسمئ دين او جمعيه او قطه او غش رجع تلك الاموال صدقني الحساب بالدنياء يسير وما نحن بالدنياء الا جنائز موقته تمشي ع الاراض الم تنسئ قول الله تعالئ (وَيْلٌ لِلْمُطَفِّفِينَ)

الجمعيات الخيرية غالباً تدعم الأجانب وكأنها تسهل لهم سبل الحياة في المملكة والتكاثر والعلاج، الضمان الإجتماعي ومنصة إحسان يجب أن تكون الوسيلة الوحيدة للتبرعات والغاء ما يسمى جمعيات (خيرية)

مايحتاج ترا اغلب الجمعيات كذا باب رزق على العاملين عليها 😂😂 اعرف جمعية الناس تحسب انها ملك لشخص ويوم مسكها كان منتف حالته حالة مسك الجمعية وجاب اولاده كلهم معه ونزل لهم رواتب وهم بعضهم موظفين كان حالهم سيء وفجأة صار عندهم اراضي وعماير وسيارات وفلوس في البنوك ومطاعم المفروض اي شخص مدير جمعية يسوون له كشف حساب له ولأولاده قبل يمسك الجمعية وبعد وقتها تعرف اذا فاسد ولا لا

فيه حركه القصمان يسوونها بين عوايلهم اسمه صندوق العايله "زكاه صدقه مساعده سداد دين. وأعانه زواج بينهم كلن يدفع ويعطون من المحتاج من العايله كل من تحت اسم عايلتهم اذكيا عارفين انه الجمعيات فيها لعب وسرق عوايل كبيره سوووها الفوزان. والسويد والرواف وغيرهم

اغلب عوايل نجد تلقى عندهم مثل هالصندوق ويدفع للمحتاج من العائله