الفراق صعب خصوصاً لو كانت السيارة كفو و راعية جمايل. 🇯🇵

سيارتي شريتها جديدة وبعد مدة مرضت والدتي الله يرحمها وكنت اخذها اوديها كثير مراجعات للمستشفى وكانت تركب جنبي وبعدها زاد عليها المرض وتوفت 2021. حاليا كل ماركبت سيارتي وتذكرت والدتي اناظر للمرتبة جنبي واقول الله يرحمك يايمه واحط يدي المرتبة ولازلت متمسك بالسيارة مع انها رخيصة سعر

الله يرحمها ويغفرلها ويسكنها فسيح جناته

هو بكى على الذكريات مو على السيارة صدقني

ياخي والله الحمدلله ماعندي التعلق هذا ، لو اطلع مشواري بسيارتي وارجع بسيارة ثانية مابتضايق دامها افضل من الي كانت معي اهم شيء اخذ اغراضي الشخصية من السيارة وخلاص ونفس الشيء ف البيوت

صدقني هو يبكي على الذكريات واللحظات اللي عاشها مع السياره ماهو على السياره نفسها

انا لو اشتري سياره واشوف صاحبها يبكي كذا والله ماخذها نهائي يكون نفسه فيها واروح في مصيبه انا وعيالي لاسمح الله!، البيع والشراء يكون سمح ويكون بنفس طيبه عشان الله يبارك للبائع والمشتري.

أحياناً تفيض العيون موب على الشيء , الشيء قد يكون مرتبط بذكريات بأشخاص بأماكن تخلي الإنسان يبكي

اشعر ان من تدمع عينه لبيع سيارته يكون سبب بيعه الحاجة

اااااااه والله استخدمت اكثر من ١٥ سيارة ولا بكيت الا على امبالا ٨٢ بعتها تشليح عام ٢٠٠٤م بعد ماكبرت في العمر وطاحت . للاسف بعتها ٨٠٠ ريال تشليح وعطيت السوداني ٢٠٠ ريال فوق قيمتها عشان تسقيط اللوحات والرسوم . أول سياره وهديه من الوالد وذكريات المراهقه والسربته والهجوله

اكثر سيارة ندمت على بيعها

اشهد ان الاكورد خصوصا موديلات 2008-2012 انها كفو

الاكورد سحر فتنة اشد من فتنة المال والنساء لاتلومه .. شفني انا عندي ازيرا 2025 وطالع في ذا الشموس على اكورد 2015 مكسره تكسير بس احبها 🤦‍♂️

حاليا انا عارض سيارتي القديمة للبيع ، يعلم الله كل ما اركبها احس بغصه وهي باقي ما انباعت 😖😭

كانت معاي مازدا بعتها مضطر بسبب وضعي المالي بعد كم شهر شفتها مع مالكها الجديد ياصابتني ضيقه وغصه ذاك اليوم وتنكدت

بالعادة سيارات اخذ مدة طويلة معهم فهم لايودعون سيارات يودعون ذكريات وقصص كانت بهذه السيارة

لاحد يلومه الاكورد عشق كانت معي واخذت كامري فرق كبير فالثبات ومتعه القياده صحيح الكامري اكثر اعتماديه وصبر لكن الأكورد غير

انا عندي سياره قديمه من كثر ماني مرتبط فيها مابعتها وشريت سياره ثانيه وهي باقي معي وماوراها الا الخساير المشكله ,بس الحب الاولي غير😁

على الدمعه واضح ضروفه اجبرته يبيعها

الله يعوضه الله يرزقه بلي احسن عند الله خزائن باقيه اهم شي الصحه والعافيه

هو مايشوف سيارة يشوف ذكريات الماضي وكل شي مرتبط فيها ، تخيل بيتك الحالي وانت خلاص بتطلع منه راح توقف وقفة تأمل وقفة بكاء على الاطلال وتقول ياما ضحكنا هنا و فرحنا وبكينا ولعبنا ماودك تنسى هالذكرى لانها جزء من وجدانك

فيه ناس يحبون السيارات ويتعلقون بها مو بيدهم

الله يرزقك بافضل منها

هو ما بكى على السيارة بل على كمية الذكريات الي فيها

ياما بعنا سيارات وسيارات فكيناها وكالة ولا ندمنا لكن اللي يظهر لي الشخص هذا له ذكريات مع موتره

سيارتي القديمة بعتها قبل سنة وحاطها خلفية جوالي عشان أشوفها كل يوم وما انساها 💔

كيف السنتينيال كانت معاك ومعوض خير منها

والله سيارة من الآخر ما شاء الله رغم اني واجهت انتقادات وقت ما اشتريتها بسبب قيمتها لكن والله ما ندمت على كل ريال حطيته فيها . تبي راحة وفخامة وعزم كلها فيها اخذتها في موديلها 2013 وبعتها 2025 طوال المدة ذي ما طلبت إلا استهلاكيات فقط صحيح سعر القطع غالية لكن تعيش وتتحمل بعتها في الأخير بسبب مشكلة مالية وممشاها كان 200 الف 💔 لكن الله يرزقني ببديلتها ال G90 🤍

ماشاءالله تبارك الله مميزة كانت و الله يرزقك ب G90

وهو صادق ،، الاكورد هذا الموديل مايتنازل عنها

اما يبكي قويه شويه السياره ابيعها وانا كارها واقول في نفسي فكه العالم صارت عندها لخبطة بالاعدادات

إذا صار الموتر ماتعبك بالخرابات ومتجمل معك صاعب فراقه

متاكد مو من السياره من الذكريات المرتبطه فيها

ما اعتقد دمعت عيونه على فراق سيارة ! شكله بايع بسبب عوز بالرغم من حاجته للسيارة النظرة و الحزن حزن قهر رجال الله يجيرنا منه الله يرزقه بالأحسن و يبارك لمن اشترى

الفراق ماهو بسبب حديد بس الذكريات الي عاشها معه مثل وضعي قبل كم يوم

عندي كيا من 2015 مقدر اتخيل نفسي من دونها 😭 السياره ذي وقفت معاي في مواقف ماقصرت ابداا ماشاءالله

هذه ما تحمل فراق موتره عاد اشلون من يغليه!! عسى الله يديم له ولنا كل عزيز وغالٍ

خذها قاعده لما تشوف شخص يبكي عاى لحظات اعرف انه رجا وفي وكفو وتذكر كل ايام حياته فيها ويمكن حتى زواجه كان في هالسياره

فيه ناس مستغربين الوضع مايدرون ان البعض يعتبر سيارته واحد من عياله ويمكن اغلى

لا تلومه لولا الحاجه ما باعها