رجل يتكلم بامتعاض وغضب عن عزوف الشباب عن العمل، حيث يقول: بصراحة، ما يحدث اليوم يثير الغضب والاستغراب! ومن يقول إن العمل غير موجود فهو يكذب على نفسه وعلى الشباب. العمل موجود: في المصانع، والمقاهي، والمطاعم، والمحلات التجارية، وورشات العمل، ومختلف المهن. وأصحاب هذه الأنشطة يشكون باستمرار من نقص... العمال وهروبهم. المشكلة أن بعض الشباب لا يريدون العمل إلا إذا كان الأجر كبيرًا والظروف مثالية، رغم أنهم في كثير من الأحيان لا يملكون شهادة أو خبرة أو مهارة تؤهلهم لذلك. ثم ماذا يفعل؟ ينام إلى الظهر، يقضي يومه أمام الهاتف والإنترنت، وبعدها يقول: "لا توجد خدمة!" نعم، الأجور قد تختلف، وقد تكون هناك أعمال تحتاج إلى تحسين ظروفها، لكن البداية لا تكون دائمًا براتب كبير. ابدأ، تعلّم، اكتسب الخبرة، طوّر نفسك، وبعدها ابحث عن الأفضل. العمل موجود، والفرص موجودة، لكن الذي ينقص عند البعض هو الاستعداد للعمل وقبول البداية. والله، عيب أن يفضّل شاب البطالة والانتظار على أن يعمل ويكسب رزقه بيده! اخدم، تعلّم، طوّر نفسك… ولا تجعل الكسل يبحث لك عن أعذار!show more

انتوما خصكم عبيد مشي خدامين .. خلصه بالساعة و سوريه على حساب ما تخلصه و عطيه العطل و أيام الراحة تاعه و ديرله كونطرا مفتوحة و شوف لا مخدمش .. راكم تبدلو الخدام كيما تبدلو الحذاء و تسوريه نهار في 3 أشهر تاكلو عرڤ الناس و عند الله تلتقي الخصوم

نعم، من الواجب على المشغل ما تكلمت به، لكن المشغل "استغلالي" للاسف وأنت "مزلوط" حق قهوة تتسلفه .. يماك مريضة ومكاش كيفاش تشريلها علبة باراسيتامول .. متخدمش؟

الرزق على ربي مشي عليك و لا على أي واحد ربي يبغي لي يخدم مشي لي ينذل الراجل يعرف مين يجيب خبزة الحلال بلا ما يكون لحتى بنادم كيفه ..

المشكل مش في العمل المشكل في راتب العمل كاين مؤسسات وشركات وخواص يمشو بعقلية الكهول وبراتب تاع التسعينات يحبو يحرثو على العامل ويعطوه 3 ملايين وهو 3 ملايين يخلصها في قعدة مع صحابو

لو كان الشاب قادرا على إيجاد الأفضل من حقه يرفض، المشكلة تجده قد امتدت به البطالة لسنوات حتى أصبح عاجزا عن توفير ثمن كأس قهوة.

@mourad01906863 كي نعطيك 3 ملاين معناه 1000 دج في اليوم نفرض أرقلم تقريبية 100 دج نقل يوميا 200 دج فريت اوملات 100 دج قهوة تاعو تبقى 600 دج ! يعني في اليوم ما يقدرش يشري نص دجاجة ! بلا ما نهدرو على الادوية الكراء و قضيان الدار الخ... مانخدمش بهاذ السومة لازم على الأقل 7 ملاين باش تعيش فقير

@mourad01906863 ماتخدمش= صفر دينار .. كيفاش رايح تخلص عناصر القائمة لي ذكرتهم في تعليقك؟ 🤔🙄

@mourad01906863 هاذيك القائمة تكاليف باش تروح تخدم برك و باش نعيش النافيڨي كي نروح نحمل في نصف ساعة يعطوني 1000 لي هو يعطيهالي في 8 ساعات الشعب راهو عايش بالنافيڨاج برك بيع هاذي اشري هاذي حتى ربي يفرجها

@mourad01906863 أنت تحمّل 💪.. معناها أنت تخدم، أنت عندك البديل، أنت تعرف كيفاش تنافيقي المصروف اليومي، أنت وأمثالك ماكانش معاهم مشكل 👏.. والفيديو أعلاه مايهدرش عليكم.🙂

صباح شفت بحث عن عاملة نظافة من 8 الى 16 8000 دج .. معنتها 250 دج لليوم .. ياكلولك لحمك على زوج دورو عندهم الحق شباب يربح صحتو ولا يمارس تجارة .. هو يدخل زوج ملاين فايدة في نهار والعامل يعطيلو زوج دورو

أنت قلت: "ولا يمارس تجارة" .. وبهذا أنت أيضا لا يعجبك البطال المزلوط والذي يرفض العمل ليريح بدنه.

نعطيك واحد معادلة ممكن تحبسلك راسك ..في بلادنا احيانا تقعد ولا تعمل تلقى روحك في مكان واحد ماتبدل فيك والو ..😂😂😂

@vivalalgerie7 ومصروفك خويا منين تضغط على والديك وتعبهم

@vivalalgerie7 اخي راني نقولك واش راهم يقولو بزاف ناس ..يقلك خدمة ولا قعدت كيف كيف وأكيد مع العمل ...العمل عبادة و راحة ورجلة .. بصح يا أخي لازم اعطاء العامل حقه ....

ماشي مكاش خدامة مراكش تعطوهم حقهم مزال تخلصوهم 3/4 ملاين لشهر وتخدمو 10 سوايع ....اولاد ناس ماشي عبيد عندكم .

المشكل أنه لم يجد الأفضل وفضَل البطالة رغم الحاجة الماسة للمال.

ايه ونتم أستغليتو حاجة ناس للمال حتي تستعبدوهم ...

@vivalalgerie7 راك غالط الخلاص يكون حسب كرينو و السوق ، اهي الصغير خدم يامات عند واحد قالي انا علاش يمدلي مليون و نص و الصانع يمدلو ثمن ملاين، المفارقة ان اخي حبيتو يتعلم و هو همو الوحيد سؤال يخلص ، و عمره 16 سنة!!!!

@vivalalgerie7 اييه علاش يعطيه مليون. ونص علي اقل يعطيه نصف. أجر .

المقال في حقائق و مغالطات،القارئ يخيل له أن الشباب هم المشكلة ،لو يتحدث عن نفسه وفقط فلا مشكله،لكن الحقيقة ان لا تغطية صحية لأغلب العمال في القطاع الخاص،واين المصانع التي توضف. ؟؟انشرها وكم العدد المطلوب،أغلب الخواص حقارين يأكل حق العامل

بالنسبة إلي، الشاب البطال والمزلوط بحيث يعيش عالة على أهله وأصدقائه وهو يرفض العمل لأن الأجرة ضعيفة نعم هو المشكلة، ونتمنى أن لا تبتلى بشاب في بيتكم كما وصفت لك.

ليس تلك الفئة التي أعني، لكني كنت يوما ما شابا،واغلب ما يعرض عليك ثمن زهيد ساعات عمل من الصباح إلى المساء ،لا تأمين لا يوم راحة،وإن وجدت من يدفع لك تأمين فيكون فيه كذب لكي لا يدفع كثير

الجيل الحالي يختلف عن السابق، الاستقالة عنده كشربة ماء، و هذا اللي ازعجكم، انه سحب البساط من تحتكم، لا تستطيعون ليّ ذراعه بإسم الظروف أو الفقر.... هذا جيل لا يكترث، همه ماذا يستفيد هو تحديداً. يفضل القعود على أن يتم إستغلاله بإسم العمل و الرجولة، أنتم في ورطة حقيقية اليوم.

الحق يقال ثلاث ملاين8والا 10ساعات قليلة راهو رابط روحو النهار كامل معندوش متنفس لو كان نص نهار ثلاث ملاين مليحة وزيد على ذلك اذا كان يدخن تخلص في الدخان منين يكسي روحو ويأكل ويتقهوى أنا خدام مدايرلو ثلاث ملاين لنص نهار فقط ولعشية يروح يرتاح وإلا يزيد يخدم خدمة أخرى الله يفتح عليه

هي "تصبيرة" لمن لم يجد عملا مطلقا حتى يمن الله تعالى بالأفضل .. هكذا يفكر العاقل! أما غيره سيرفض حتى لو عاش محروما أو بالإستدانة.

بارك الله فيك هذا حال العاقل المشكلة الكبيرة كاين شباب ميحبش يخدم بهاذ الأجرة ويبقى يضغط على والديه يعطوه المصروف صراحة شباب هذا الزمان تفكيرهم صعب جدا نسأل الله أن يصلحهم ويصلح حالنا جميعا

هذا الشخص إِما كَذَّاب أو يُريد خَدامين بأَسعار تافهة.. هذا الفيديوا فقط للنفاق والشيتة..

الراتب الزهيد لا يكفي لتطلعات الشباب الشاب عندو طموح و تحديات سكن سيارة تكوين أسرة و الوقت هذا الغلاء في المعيشة يتطلب راتب محترم مش تنوض من الصباح لليل على جال 4او 5 ملايين مالا مانلصقوش كلش في الشباب و نقولو مش حابيين يخدموا. لازم المسووليين يكونوا في المستوى

لكن تجقيق الطموح والتحديات لازملو العمل والحركة ماشي الرقاد والانترنت والدود يوكل فيه لانه ينتظر لسنين قدوم الاجرة المحترمة.

كنت نخدم في ضواحي العاصمة ماكانش الخدامة ب3000 دج 7 سوايع في النهار ماكل شارب بايت لقاو شوية من بجاية لاكن مايكفيوش، و تاع العاصمة يخدمو قيس قيس غير يخلص الشهرية الأولى ومن بعد يغيب 10 ايام ويطلبو المصروف كل يومين والخدمة تبدأ على 8سا وهو يجيك على 9سا ويحبس قبل الوقت بنص ساعة

هههههههههه تحشاتلنا بكري وقت الغفلة دركا ناس فاقت جورني ب 500/600/700/1000 يشدك نهار كمبلي مدير والوا في حياتك تلقا روحك عام مدرت والوا بدوك دراهم نرقد احسنلي من لي يستغلني واحد هو يدير فالدراهم لكبار و يتهنا نتا تولي تشد خدمة و هو راقد مروح يجي يتحاسب و يروح و نتا تدي البقشيش

العمل عبادة لكن هذا العمل لتخدم من السبت حتى الخميس و من الثامنة صبح حتى الرابعة و زيدلهم الوقت تاع الذهاب و الإياب ب ثلث ملاين هنا لا تصلح عيبادة و لا تقدر تعيش حياتك طبيعي و لا تربح أو تكفي روحك هذي عبودية

كهول هذو وينتا تنقرضو راكم طولتو

روحو تعطو حابين تستعبدو الناس تخدموهم نهار كامل علاجال سوندويتش، المفروض اي واحد ينشر فيديو بلي الشاب الجزائري مايحبش يخدم لازمو يحط طلب توضيف و يحط تاني الاجر لي يعطيه و لا يدخل للحبس باسكو راكم تهدرو غير بش تشوهو صورة الجزائري، حطو طلب التوضيف و الاجور و خليو الشعب يحكم

اذا لا يملك شهادة أو خبرة علاه يخدمه من الاساس!!! خلصوا الجزائري كيما الصيني و التركي و المصري و السوري... و راح يخدم و الحرڨة تحبس. أجر الاجنبي يبدأ من 1500 دولار و أنت طالع ...

اي روح تتتت ، مقلناش مكاش الخدمة قلنا مكاش خدمة اللي تحفض كرامة الانسان و يكون مدخولها مساوي للتعب لي يتبذل فيها ، انتوما باغيين عبيد يحرث و ينذل و ما يهدرش و كي يهدر تقلو مساعداتكش روح ربي يجيبلك الرزق في بلاصة اخرى ،

هذا من ناس لي ياكل حق الخدامين شغل حنا مخدمناش في الشوانط ولا البحاير نصم يسرقو ياكلو حق الخدامين مساكن

يخلي زوج ملايين لنهار و يروح يهمبر ويطيح صحتو بتلاث ملايين لشهر .؟!

الجزائر في بلادو تمدولو زوج دورو وتشكو من نقص اليد العاملة عندهم الحق البراني يجي يخلص بالعملة الصعبة والجزائري لي جدو حارب باش يحرر هذي البلاد يعيش العبودية مايخدموش روح تلعب بعيد

نتاع البريفي حڨارين يقولو هكدا بصح الواقع حاجة اخرى ياكلو حق الخدامة ومايخلصوهمش القاضي يسمع من زوج لوكان تسقسي اللي يخدمو عند البريفي تعرف علاش الشبيبة متحبش تخدم عندهم

تشراك الفم في المكسور جناحوا أسهل شيء حل فمك يا رخيس في منحة البطالة و اللي داروها و هم عارفين النتيجة تماما انا كنت أدفع 1500 دج ل مساعد بناء كانت تساوى 15 اورو الان راهي 5 اورو اتكلم على تبون و عصابة العرب الكابالا الشياطين و مخطط تفقير و تجويع الشعب يا. طحان

تحوس علي خدام نتاع 800دج!!! أكيد تكون هناك ازمة بويسك راكم تحوسو على العبيد مشي العمال.روحو ن.م.😡👌

الناس ليست عبيد مزال لي يخلص فيهم 2 و 3 ملاين يعني يعطيهم حق التنقل من المنزل للعمل و حق ساندويتش في وقت فرعون و كان عندهم حقوق كثر خلصوهم كيما تخلصو شناوة في الشانتي و تشوف

مايحس بالجمرة غير لي كواتو مول لاباج تبانلي جامي خدمت عند الناس في حياتك...راك تدافع على فكرة بدون تجربة ولا بصيرة ربي يهديك.

شرك لغبك.. لأنك نهار تخدم نهار في قطاع الخاص.. و ترى المنكر و الحقرة.. و ماعندك حتى حق.. تهدر ايقلك بري.. ألف خاوتك ينتضرون في منصبك... الهدرى ساهلة...

المشكل ماشي ماكانش الخدامة، بصح شحال تخلص الخدامة، خلصهم مليح يخدمولك

إذا بدك عامل وتفلح عليه وبالأخير ما يكفيه الراتب حق أكل فبحب أقلك كسختك على أخت عملك... الناس فهمت لعبتكم وزمن العبودية ولى

هذا وامثاله يقول هيا نخلصك 1000 دج لليوم ب9 ساعات عمل 1000 دج خير من مريح لالا نريح افضل الخدمة معاك خصوصا رب عائلة اقل من 2000 دج تسما استعباد والراحة والمقاطعة افضل نتحدث عن الاعمال الشاقة وليس مثل حارس اي مهنة تعرق وتبذل فيها مجهود اقل من 200 استعباد تع مالي يغضبو حتى على 200

المشكلة ليست لا يوجد عمال لاكن لا يوجد منصب عمل يوفر لك ما يفرضه القانون من اجرة تفوق الاجر القاعدي وساعات عمل محددة وتأمين وعطلة اسبوعية وسنوية وتقاعد في المقهى يجبرك على العمل 8 ساعات مقابل 150 دج دون تأمين ولا تقاعد ولا يوم عطلة

انا خدمت ب 80 الف للنهار و منزيدش نعاود ان شاء الله . من 8 لل 5 و الغدا و الطرونسبور عليا حسيت روحي عبد

علابالك خطة جيت نخدم في "سوبيرات" واش قالي ؟ 4 ونص في الشهر وتخدم من الفجر حتى الطناش تع الليل نروح نقضي صباح من الجملة ونهار كامل نسير السوبيرات ومنبعد نتحاسبو في الليل خويا نفضل نخدم زبال على خدمة عبيد

التركي والاجنبي عطيه 500الف في النهار ولد بلدك عطيه200 وزيد حرث عليه وقوا له متخدمش

قال الرسول صلى الله عليه و سلم "من قال هلك الناس فهو اهلكهم " احتقار و اهباط معنوايات الشباب دون حصر المشكلة من كل اطرافها يعد تحليل عشوائي .. و الله انك اضل ممن تنضن انهم في ضلال .... لماذا لا تتكلم كيف توزع المناصب في الشركات الوطنية الكبرى مثل سونطراك. لا حول ولا قوة الا بالله

ناناك تخلصوا 150 الف لليوم وتقول كاين الخدمة. اخدم انت برك.

يحوسوا على عبيد ماشي خدامة