٥٠٠ ريال تكفيني ١٥ يوما وبالتفصيل…

بغض النظر عن مبلغ ال 500 ريال اللي تطير وانت ماحطيت شي في العربيه 😰 إلا ان عنده منطق في التدبير الله يرزقناحسن التدبير ندخل نبي نشتري غرض وماندري إلا وحنا ضافين معه كومه أغراض 😡..!!!!!

ماشاءالله عليه شكل ماعنده فواتير كهرب ولا عنده فواتير نت ولا يعبي غاز ولا يعبي بنزين يومي ولا يغير زيت السياره ولا يشتري ملابس لعياله بمواسم العيد والمدارس والمناسبات العائليه ولا يشتري منظفات ولا شامبو ولا يحلق هو وعياله الا بالشهر مره !! اتوقع يخلص مشاويره ويداوم على خيل

ماريحتنا وانت متعافي ولا ريحتنا وانت مريض ترى الناس مو ناقصينك حل عن سمانا مسوي ناصح واقتصادي فك العالم من دجاجك ومن دغابيسك الله يصلحك ويهديك ويعين اهلك عليك

هذا وين عايش؟؟ الانسان بس ياكل ماعنده متطلبات ثانيه؟؟ زي ادوات عنايه شخصيه ومنظفات للبيت وصيانه للبيت و ملابس ومواصلات وترفيه والتزامات اجتماعيه ليته ساكت

يقول بنخسر لأن عندنا ضحية كلمته هذي تختصر لك طبيعة تفكيره اذا كان يجعل الفلوس اللي يقدمها لله خسارة كيف ما تبيه يستخسر النفقه على اهل بيته وعلى نفسه اللهم انا نعوذ بك من البخل اللهم انا نعوذ بك من الاسراف ديننا دين الوسطية

١٥ يوم ع عمره يمكن معه ٦ وزوجه نقول دجاجتين يومياً الدجاجه ب ١٧ يعني ٣٤ و٣ حبات طماطات وخيارات وجزرات يعني ٣ ريال و٦ كولا ب ١٠ وخبز بريالين وجبنه ب ٦ ريال وتوست ٣ ريال اتوقع وسناكات ب ١٠ ونواشف لو زيتون وتونه ١٠ يعني ٨١ كيف يكفيه طبعاً انا حاطه اقل شي المصاريف اكثر بس بخيل واضح

الله يعين من يعاشره ها البخيل المنتف اتخيل اعيش ٣ ب ١٠٠ ريال

من وين طلع لنا ذا بعد كلامه غير صحيح الا اذا انه بخيل بخل غير طبيعي غير كذا كلامه غير صحيح والله يعين اهل بيته عليه

اصرف على اهلك ترى اللي مافيه خير على اهله مافيه بركه برزقه لو انه اغنى الناس

غير صحيح شهريا تحتاج 1000 كهرباء 400 دجاج 1000 بنزين 2500 ايجار شقة 800 انترنت وفواتير جوال 800 حليب اطفال وحفايض 1500 اغراض بيت 1000 مصروفات مدرسية وسواقين المدرسه 1700 خروف 💢 المجوع 10700 ريال 💢