شل ابوك حط ابوك … حفلات #التوثيق بالنجمة لا تليق بنا … والهديه الماليه .. واخرتها 500 ريال تفخيم وتداول عبر مواقع التواصل وسلوم وعادات الحمايل والقبايل …. حنا #سعوديين يا طاق طرباق

كلامك عين الصواب و لا يختلف عليه احد ،، بس ما تبصرت إلا على هالمشهد رغم انا انتصفنا الطريق و فات ماهو اعظم من هذا بس ،، لكن الوصول المتأخر و طرح وجهات النظر افضل من خير ان لا تصل ✋🏻

اهم شيء عين الصواب يالغالي

الأستاذ والإعلامي الواعي بندر العتيبي يساهم بتوعية المجتمع برأي مستنير وتشخيص دقيق لمظاهر اجتماعية متكررة…

رفع الله قدرك زود أ. د. علي الغامدي اتعلم منك وممتن دائماً للطفك وتشجيعك 🙏

كلام في غاية الأهمية واتمنى ان تركز على اصحاب البثوث الذين يحاربون المملكة من الداخل مثلهم كمثل اعداء الخارج انقسام حاد بين ابناء القبايل وألفاظ سئية ونعرات قبليه بسببهم ان الوضع خطير ويمكن البعض منهم عميل لجهه معاديه لان طريقتهم ممنهجه ومدروسه

نحن ننبذهم كمجتمع ولهم من يراقبهم وسيحاسبهم

والله يابندر اذا هو من شانك او خاص بك تكلم وقل مالها داعي الرجال توثق مثله مثل غيره وحط حفل مثله مثل غيره والشعار الي يجي يمدح ويدور الريال لايروح يهرج عن راعي الحفل وعن مدته ونعرفهم وليتك تكلمت عنهم وعن شحايذهم وفضايحهم

السوال الأهم انت كيف صرت اعلامي ؟؟ وانت مامعك دبلوم اعلام ولا يوجد لديك خبره

بندر أحسنت واتفق معك 100% هذه من ضمن تهويل الأمور وتوجه المجتمع لتضييع مستقبل الأجيال !!

يعني الصجه اللي صارت حفل توثيق سناب

بلا ابوك يا عقاب

@2jsnl3 هههههههه والله اني احسبه متخرج بنجمة من كلية اقيم بالله

@otaibander دبلة كبد

والله انك اعطيت مافى قلوبنا يابندر توثيق نجمه 🌟 واخرتها مشتريها برسوم سنوية اشتراك يالله العجب . التوثيق الفعلى للرجال والنساء اصحاب الخبرات واصحاب التميز فى العلم اصحاب الابتكارات الى فعلا اقامت لهم المملكة حفل تكريم هذا التوثيق التوثيق للابطال الحد الجنوبي هنا التوثيق

احسنت

وانت وشدخلك !!؟ هذا انت تصور سناب وماعندك محتوى ؟؟ ولا حاسدهم

جزاك الله خير ولكن فيه توثيقات سابقه ماشفنا احد انتقد ، ونرى نقدك لم يكن في الوقت المناسب صراحه لماسبقه من حادثه عند قبيله عزيزه ، ومن الاولى انك ماتدخل في احداثها . هذا حفل صار والي ظهر اخطى بتدخله ودق الباب وجاه الجواب . للتذكير فيه مشاهير وثقوا ومرت علينا مقاطعهم ماتجمل ايضا

الحديث شامل لما سبق وما سيلحق

بيض الله وجهك ي الحصان الناس بليت بحب المظاهر والبحث عن التفاعل الله يصلح الحال

امين يارب

وينك عن سخافت غازي الذيابي وبشاير الشيباني وريم وريم عبدالله والطعن في قبيلة الشيابين خلك منصف ورنا نقد

بعيد عن كل مايدور والأشخاص مع كامل الاحترام والتقدير لهم ، حنا نكافح ظاهرة غلاء المهور وملحقاتها السلبيه الدخيلة وما قدرنا حتى الان نحجم منها وهي في تزايد حتى هذه اللحظه ، تجينا الحين حفلات توثيق "ضربتين على الراس توجع" .

كافحوا غلاء المهور 😁 انا ما مسكتكم هاؤلاء اشد بلاء من غلاء المهور

@abuivooo511 لله درك انت تمتلك الحكمه والراي السليم👌

@abuivooo511 ما عليك زود ياسمي

فعلا ذكرونا بالجاهلية وماقبل الإسلام

وين هرجك يوم غازي الذيابي يفتح موضوع منع الحمل ولا صبون مناطق حساسه توك تفتح فمك عشان سالفت مطيري ومري

بعض الناس وش فيه متأزم اخشى واخشى وسب في كل الناس اللي يسحب بشته واللي حاضر حفل ولده واللي مسوي حفل ….. وهو لو جته دعوه …. الناس بخير وكل في مجاله يحتفل فيما حصله ان كانت المناسبه صغيره وان كانت كبيره حتى نجاح اولى ابتدائي يحتفلون ويفرحون بولدهم ويظهرون النعمه لكن الحسد اقشر

لا تتصاغر نجاح اولى ابتدائي هذا اعظم نجاح وبداية الطريق والمنهج والتربية على التاسيس والتشجيع لكن وش نعمة نجمة السناب يابونعمه

صدقت ي أستاذ بندر في كلامك بس اللي عزمو للحفل مالهم ذنب اذا دعوت فأجب يعني كلمة مهبل اشوف مالها داعي

حنا في زمن اغبر زمن كان الرسول يحذر منه (ولاتجعلو من السفها مشاهير) والمصيبه الناس العقال جاهم بلا يدورون الي يصور ويرزونه والي يقل ادبه ولا مش محترم في محتواه يقلط في صدر المجلس

كلام في الصميم لافض فوك يا بندر 🤝🤝🤝🤝

ممتن لك

أهم شي حصلت محتوى وموضوع تتكلم فيه واخشى واخشى واخشى ..... ولو ان الحفل والتوثيق صاير عند عتيبي ماكان سمعنا من هالخشخشه شي الله ربنا وربك

عشان اسمك حسين الاسم المقدس عندي تراك في حل من الرد ،،،

كلام جميل وفي محله

لله درك على الكلام الجميل

أبدعت ووصلت الفكرة بكل وضوح اخوي بندر لكن السناب ي لاحي من تلاحي والتكتوك وبثوثه الله يعافيهم ولا يبلانا الناس انجنت

نتعلم منك يابوشباب

الناس تطورت وراحت بس أنت باقي على تخلفك وتقتات من مشاكل الاخرين وعامل فيها مصلح اجتماعي .التفت حولك و خل مشاكل الاخرين.

خفف الحمرة شوي انت رجال عيب

الناس جاها بلا كلا يدور شي علشان يعرج فيه مايهمه صح والا خطا

شيوخ قبايل عليهم الكلام يجي من ديره لديره. بالله هذا شيخ الشيخ يقوم في مشاكل ربعه والارامل والمساكين. ماهو يروح يقص كيكه نجمه

صدقت اتفق معك ١٠٠% صدقت بيض الله وجهك

ذهبَ الرجالُ المُقتدى بفعالِهم والمنكرونَ لكلِّ أمرٍ مُنكرِ وبقيتُ في خَلَفٍ يُزكِّي بعضُهمُ بعضًا ليدفعَ مُعوَرٌ عن مُعوَر

هذا الكلام ههههههههههههههههه

عزالله ان ربي مااعطاك قبول ونصيحتك دايم في غير محله لانك ماتختار الكلامات الراقيه

الله يرزقني واياك ووالدينا والمسلمين القبول قل امين

يسويها عند العائله غير ذالك عيب ونقص بسبب انه فاقد شي وكثر من اخذ نجمة اغلق حسابه او اكتفاء بالخفيف نعرف ان انجمه صعبة لازم تفاعل وهذا متعب ومنقود شكراً بندر

صح لسانك اخوي بندر اصبحت مراجلهم المزيفه الكثير من هذي الفئه هي تحت انظار المتابعين اللي لايفرقون بين الصح والخطا يتابعون ويضيعون وقتهم ويسري الهياط في دماءهم حتى وصل الحال لاعادة موضوع العنصريه وربعي وربعي ولاتجي تهدي في محل ربعي والحقيقه هياط وحسد وكذب وتطبيل الاغبياء لهم