عودة التعليم الحضوري.. مطلب تربوي

ماعوركم قلبكم عالتعليم الكورس الأول لما صارت الربكه في تغيير المناهج و تأخير الكتب؟! تدرين للحين ما اختبروا اختبارات قصيره لان ما استلموا الكتب مع ان الدراسه بدت في ٢٥ يناير قبل الحرب وسالفة التوصيل شو اعلامي ،، مو ذنب الطلبه ان في حرب و لا تحملونهم إهمال الوزاره طالب قاعد بدون كتب واونلاين تبونه يرجع حضوري و تصدمونه باختبارات تعجيزيه ومناهج دسمه و تنزلون عليهم جيش مراقبين ولعب باعصابهم ترى محد بياكلها غيرهم ومحد بيرحمهم و يراعي الظروف ،، عارفين العقليه

كل هذا عشان رسوم المدارس الخاصه ؟! لاحول ولاقوة الا بالله

من زين التعليم والله لو انه مناهج اكسفورد

ياشين الفلسفه الزايده يأختي الفضيله ترا الموضوع مو اعناد ترا التربيه مسويه خطط وهي أدرى وافهم بطريقه توزيع المنهاج وتعرف مصلحت الطالب الموضوع معقد بشكل انتي ماتفهمينه الموضوع في مستقبل ناس في الثنوي هذول الشريحه المهمه اليوم شلون يمكن قرار يستعجلون فيه يمكن ان يخرب تعب طالب متفوق

هذا ليس رأي المتخصصين للأسف حملة اعلامية موجهة لخلق رأي عام وستلقى فشلاً ذريعا ❌ ومعارضة صريحة ❌ الناس يتملكها التوتر ومراقبة الأوضاع غير المستقرة أمنياً ملاحظة: المناهج الجديدة بعضها دمار وخراب خاصة (منهج العلوم ) فوق مستوى المراحل ، لا أحد يقول تسنع والناس تشتكي منها

نتمنى صحيفة القبس كما تروج للحضوري انها تسلط الضوء على جهود المعلمين بمنصة تيمز تعاملوا مع الازمه بكل احترافيه ومهنية وبوقت قياسي وكان في انسيابيه بالتحول الى الاونلاين ومحد تأثر وايضا شرح المعلمين والبوربوينت وتفاعل الطلبه المعلمين يستاهلون الاشاده فهم اهل الميدان وادرى فيه

شلون تبين حضانات تبطل والوضع هدنه أسبوعين !؟؟ افرضي صار شي لاقدر الله ،هذيلا أطفال بروحهم متروعين من الاحداث ……دكتورة !!

🎀 الاخت اقترحت ان اللي يبي اونلاين يقعد واللي يبي حضوري يداوم! زين شلون عالمعلمين والاداره المدرسيه شلون يوزعون نفسهم حضوري ولا اونلاين ! بس تفكرون ب فلوس المدارس الخاصه والحضانات ماهمكم الطالب، ليه ماشفنا هالفيديو يوم تاخير الكتب شهر كامل ويوم اخطاء المناهج الجديده! 🎀

أنا معلم ومشتاق لطلابي وأتمنى عودة الحياة المدرسية لطبيعتها اليوم قبل باجر، لكني أميل بمثل هذه الظروف، إلى الثقة بتقدير أصحاب القرار؛ لأن المعطيات المتاحة لهم أوسع وأدق من المعطيات المتاحة لغيرهم . الكلام النظري سهل: "المدارس جاهزة للإيواء" "المدارس فيها خطط إيواء " "المدارس آمنة أكثر من المولات" المسؤول ما يتعامل مع الكلام النظري المكتوب على الورق ولا مع الصورة المثالية، بل يتعامل مع الواقع الميداني كما هو، بكل تفاصيله: مدارس مختلفة، مراحل مختلفة، أسر مختلفة، ظروف مختلفة . ثم في ظل دوام لا يتجاوز 30٪ في معظم مؤسسات الدولة، وهي جهات يعمل فيها راشدون، شلون نتوقع أن تعود المدارس الآن إلى وضعها الطبيعي؟ وهي الأعلى كثافة، وفيها الفئة الأكثر حساسية؟ الفاقد التعليمي مشكلة سنعاني منها؟ نعم، وللأسف. لكن معيار الأمن والسلامة له الأولوية. اختم بالذي بدأت به : ما أتصور أننا احرص على تعليم الطلاب أو على سلامتهم من المسؤولين وهم كذلك عندهم بيانات أكثر منا ، لذلك اسأل الله أن يوفقهم لما فيه خير البلاد والعباد .

أقول لـ دنا المشعان أنتِ استشارية تربوية والعودة للتعليم الحضوري أمر لايقف على تخصص التعليم والتربية بل توجد (جهات أمنية) لها دور في اتخاذ هذا القرار، فعندما يصطدم (التعليم الحضوري) بـ (سلامة الناس) فيتُقَدَّم (السلامة)! @KuwaitiCM @CGCKuwait @MOEKUWAIT @Moi_kuw @jalaltt

انتو مستوعبين انها هدنه ما انتهت الحرب ! والحصار اللي على الموانئ الايرانيه وتهديدهم لنا ؟ صراحه الكل قام يتاجر بالقضية التعليميه واللي يطالب بالحضوري هو الواعي غيره لا 😂 شي منو قالكم وقف التعليم كل شي ماشي ولا انتو بس خالف تعرف عدم احساس بالمسؤوليه وسلامة الطلبه اخر الاهتمام

ليش حبيبتي منو قالج ان احنا بايعين عيالنا عشان نخليهم يداومون فوقهم مسيرات ولا تفجيرات ؟

ولدي بالثانوي للحين ما استلم الكتب تبون حضوري عشان تسحلونهم باختبارات من كوكب المريخ و تطيحون معدلاتهم مافيكم رأفه ولا تنظرون لهم نظرة أبويه ومحد بيخلي عياله يداومون لان الله لايقوله لو يصير لهم شي محد بيردهم ولا احد بيعوض الاهل وترى ارواح الطلبه مسؤوليه واحنا بحرب مو لعب عيال

هل هذا الفيديو مدفوع الأجر؟ نسأل هذا السؤال لأنه من باب الموضوعية والمصداقية، على القبس أن تعرض وجهة النظر المقابلة! المسألة حول عودة الدراسة الطبيعية أو بقائها اونلاين هي مسألة خلافية وليست قطعية.

منو قال انه مطلب تربوي اغلب الاهالي خايفين ع عيالهم الدوله ليلحين في حاله حرب وغير الخطر الخارجي عندنا خطر داخلي كبير هو الخلايا وهذا الخطر يهدد الامن والاستقرار شلون تبون الدوام حضوري ماني فاهمه !!

تقول مدارس فيها سراديب ! هذا إقرار منها بأن الأوضاع لازالت غير آمنة ! ثم تقول مدارس لايوجد بها سراديب آمنة ! الحمدلله أن قرار حماية الشعب وأبناءه لايملكها تجار الأزمات وتجار الصحف.

مطلوب تربوي ؟ ولا عشان المدارس الخاصه ؟ 😂

المطلوب طال عمرج ان من يقرر العودة يكون من داخل الميدان وعلى وجه الخصوص من داخل اسوار المدرسه لذلك عند قرار العودة الحضورية يجب استشارة لجان من داخل المدارس رقم واحد ورقم اثنين لا تستعجلون وتندمون لأن الهدوء هذا هدوء الهدنة .. لازم تنتهي فترة الهدنة ويبين الوضع الصحيح بوضوح .. اختي الاستاذة 👍🏼

بس بفهم قبل لا تطالبون الطلبه يرجعون للمدارس مافكرتوا منو يوديهم ويجيبهم اذا الاب بالصف الامامي ؟؟؟ يعني الضغط كله بيكون على الام تشيل ٤ او ٥ اطفال ! وفوقها هم نداوم ونبصم ونجابل ! معقوله انتوا حريم مثلنا 😮 ترا زهقتونا يعني راعوا اوضاع غيركم 🫠

أنا مادري ليش البعض ميتين على عودة التعليم هل عندهم مدراس خاصه ؟

إلى تجار المدارس الخاصه خوفكم من الخساره مو مبرر إنكم تناشدون حضور الطلبه بهالظروف! احنا للحين بوسط حرب وانتو تنادون بالدوام الحضوري بدل الأونلاين؟ انا ام عايشه بخوف وقلق وقلة نوم من بداية الحرب ما طلعتهم مجمعات واماكن عامه، شلون تبوني أوديهم مدرسه؟ ارواح عيالنا مو مشروع استثماري

انتوا من صجكم يعني احنا ما نتمنى الحياة ترد طبيعية !! ترى ما خلصت الحرب تخيلوا تصفر الصفارة وقت المدارس ؟ شنو راح يصير بس تخيلوا الربكة الي بتصير كورس واحد ما راح يضر عيالنا !

أنا خايفه على عمري دكتوره مابي اداوم صراحه بعيش عمري بتخرج بتوظف ماني بايعه روحي عشان حضوري لاحقين

للأسف مجتمع كامل من أولياء أمور ومدرسين وطلبة كلهم آخر همهم التعليم!! ومقارنات غريبة عجيبة! يقارنون دوام الحكومة ٣٠٪ مع دوام الطلبة عالإقل اسمه دوام وفيه شغل يتم انجازه وللعلم أغلب موظفي الحكومة عبء على الدولة وعدد كبير جدا مانحتاجهم يعني حتى الاستشهاد غلط خصوصا أن الحكومة معاملاتها تتم بشكل رقمي ( جزء كبير منها) ولكن التعليم شلون تبيه يتم عن بعد!! وكلما شفنا نتايجه الكارثية وتخريج أعداد لا يعرفون يقرون ولا يكتبون! كلنا قاعدين نطلع ونروح مجمعات ومقاهي وغيرها شمعنى المدارس؟ عالأقل يتم تدريس المواد الأساسية حضورياً والباجي يتم إلغاءهم وإن كان ولابد يدامون طلبة الثانوي فقط والباجي يكملون أونلاين. التعليم مهم فاتقوا الله بمصير الكويت!

اهم شي البيزات اتركوا عنكم التعليم اولياء الامور اولى بمصلحة عيالهم منكم

اي مثال لبنان وعندهم ضحايا بالآلاف وهم شعب عايش بحالة حرب ليش المجازفة؟ وللعلم الاون لاين هو المستقبل يجب تثقيف الشعب وتنويع أساليب التعليم التكنلوجي تعاند نرد الحياة طبيعيه والأوضاع غير مستقرة وباقي آخر شهر على السنة الدراسية لاتتخبطون خلكم على قراركم اون لاين

التربوي لازم يطالب بسلامة الطالب والمعلم اولا. لو حصل طارىء انتي قادره على الاخلاء؟ هل يوجد ملاجئ؟ المعلم/المعلمة قادرين على اخلاء ما لا يقل عن ٢٥ طالب متكدس في فصل؟ انتم لا تملكون ما تملكه الحكومه من معلومات. والحكومه مو مضطره تبرر ليييييش! هم فقط يفكرون بال... the tuition!

ارجو عدم الاستعجال حتى لا تتكرر المأساة في دولة أخرى إيران – مدرسة ميناب للبنات في 28 فبراير 2026 صاروخ يصيب مدرسة ابتدائية خلال الحرب، ما أدى إلى مقتل نحو 150–180 طالبة.

سكتي بس واللي يعافيج سكتي يعني مؤثره و كلامج مقنع ،طرشولها ماعرف اكاونتها

كل هاذا عشان عندج حضانه وماتبين تخسرين الله يهديج بس

اصبرو شهر عالاقل احتياط وبعدين ردو

المدارس الخاصه 😉

👎🏻👎🏻همكم كله الدينار ماتبونه يروح عبث

نحن تحت مظلة وزارة التربية.. وهي من تقرر أن التعليم يستمر عن بعد ، أم العودة، وقت ما تراه مناسباً بالشراكة مع بقية وزارة الدولة . #طلبتنا_ثروة_وطن شعار أطلقته وزارة التربية منذ زمن يلخص الرؤية الحالية و المستقبلية. حفظ الله الكويت و أميرها وولي عهده وشعبها من كل مكروه🇰🇼

المدارس الخاصة تريد العودة الحضوري للمادة