في الوقت الذي يصعب على المسلمين في دول مسلمه مجاوره لقمة العيش ، يتفاخر البعض انه اشترى كرتون تمر ب ٢٠٠٠ ريال . نسأل الله السلامه ودوام النعمه

قصة الثلاثة من بني إسرائيل الابرص والاقرع والاعمى. اختبرهم الله تعالى في في شكر النعم بعد أن اغناهم وعافاهم فلم يشكر الا واحد. والبقية اعادهم الله لفقرهم وخلقتهم السابقة.ونحن مثلهم في الحياة ألله عز وجل يختبرنا في ماله الذي وهبنا هل نشكرها ام نتخوض فيها ونكفرها والعياذ بالله👋

ياخي أتعجب من بعض الناس عندهم اللقافه والانتقاد شي أساسي في حياته ماخذ من دراهمك هو اللي سواه حرام شرعا !!! دع الخلق للخالق و أنشغل بنفسك.

المهايطيه هولاء شبعانين يأخذون أموالهم من الترند والتصوير والمشاهدات اماً اللي يضحكني اللي يعزز لهم إيقاف خدمات وفقر😂😂😂😂

اترك ما لا يعنيك، ورح تبرع للمحتاجين.

ياناس مالكم شغل في احد ترا محد دراء عنكم من الدول المسلمة هم اكثر ناس تتمنى لنا ابشر واذا ماشاء الله ذابحتك الحمية روح ساعد الدول المسلمة

جوالك اللي تغرد منه قيمته ٥٠٠٠ ريال مهو إسراف هذا

رجل الله منعم عليه وبيكرم نفسه بتمر جوده عاليه انت وش عليك

شفتوا اللي شرا ب الفين ريال وتركتوا اللي يشتري ساعه ب ٣٠٠ الف او سيارة ب٥ مليون

هل حنا سبب فقر الدول المجاورة ؟ جاهم من خيرنا الكثير وحنا غير ملزمين اصلا. ربط رفاهية شعب أو قدرته الشرائية بفقر دول أخرى هو منطق معطوب ! لأن الفقر في تلك الدول ناتج عن ظروف جيوسياسية، سوء إدارة، أو فساد داخلي، وليس بسبب أن مواطناً في دولة أخرى قرر يشتري سلعة فاخرة بماله الخاص

ياخي يا لقفكم ياحقين تويتر سبحان الله !! اذا صار شاريه من جيبك وحلالك ولا متسلف منك تعال تكلم

تدور تفاعل يالاستشاري بمقطع له اكثر من سنه 😂

الدول المجاوره يا دكتور محمد يوم النعمه عندهم محد فكر فينا ولا عبرنا دام النعمه تنوكل لا تتلف والله معطيه يشتريها بالقيمه اللي يبيها

🟥 شعبوية في غير محلها ، وش دخلنا احنا في الشعوب الاخرى ياكلون والا يجوعون ، يعني هم يحبون لنا الخير ويتمنون اننا نعيش في سلام وامن ، لهم حكومات هي المسؤولة عنهم ، اذا بغيت تنتقد وضع اجتماعي اترك عنك ( النفس الشعوبي ) البليد ، انتقد بطريقه تخلي الواحد يقدر يصطف مع رأيك

يادكتور.ما تدري ان فيه ناس يشتري 🥃 خمر ب1800 ريال ويشربه بساعتين. تمر فيه رزق للمزارع الي يتعب طول السنه على اهتمامه بالنخيل. وهذا اشترى وعنده فلوس ما رح ينقص منه شي وبيهايط ويسوق للمزارع والموزع. الدول المجاوره الي تتكلم عنهم مالنا دخل فيهم يااخي رزقهم يجيهم من رب العالمين🤲🏻.

لاتكن مثاليا اكثر من اللازم !!؟ بكل دول العالم هناك مزايدات على النوادر وتباع ب اضعاف اثمانها حتى لو كانت قرع او يقطين هذا حراك جيد للسوق . ثم مادخلنا بالمسلمين هل نحن الوحيدون المسئولين عنهم ، اجدادنا ماتوا من الجوع لم تتصدق عليهم اي دولة اسلامية

ليه ما تنتقد إللي يدفعون أكثر من ٢٠٠٠ ريال لحضور حفلة غنائية ويسمعون أغاني موجودة في اليوتيوب

خلصنا من هياط الابل والغنم وتقديم القعدان مبركه على الصحون وصب السمن والعسل على اليدين والتغسيل بالعود جاء مهايط التمر ما نقول حسبي الله ونعم الوكيل ارتفعت اسعار اللحوم وكل شي بسبب هذي النوعيه

هذولا مثل تجار العقار يتفاخرون بهالاسعار عشان يرفعون سعر التمر تسويق رخيص

اصبح الجهر بالبطر والهياط اسلوب حياة !!!! اشتري الكرتون ب٢٠ الف ماحد له دخل ولكن بالطريقة هذه ترا في عوايل ماتصرف الف ريال مقاضي اساسية لبيتهم وهذا واشكاله حق النوتيلا يهايطون بالنعمة بشكل مستفز !!! الله اكبر اللهم لا تؤاخذنا بما فعل السفهاء منا .

دكتور كلامك جميل ولكن لم توفق في ارفاق المقطع اولا سيجير الكلام على من في المقطع ثانيا وهذا الأهم هل تعرفه ؟ هل تعرف أعماله الخيرية ؟ هل تعرف بذله للصدقات ومساعدة الناس ؟ وكما ذكر غيري من المعلقين اين انت ممن ينفق على التوافه بل والمحرم للجميع... فكر قبل ان تغرد

من ودكم ذا المره ينسجن الأب ؟

الصقعي من قديم، اردى الانتاج سعره لا يقل عن ٢٠٠ كيف عاد الطيب؟ الحاسد بالارض والرازق بالسماء

المزايدات على الناس موضة قديمة وش دراك وش بينه وبين ربه وبالفين والا بعشرة الاف هل من جيبك ريال هل خسرت من ثروتك شي طاح من وزنك شي علشان تزعل اتركوا الناس في حالها وخلوا اللقافة

ب الفين ب عشره وش علاقتك ياخي فيه ناس فيهم لقافه غريبه اتمنى ان يرفع عليك قضيه تشهير انت وكل واحد يتدخل في شؤون الآخرين ماخذ من جيبك وشاريه

هياط

تغريدتك ناقصه ليش ما طالبت بمعاقبته بأشد العقوبات

لابد من وزارة التجاره التدخل ماهي المميزات اللي تخليه بهذا الارقام الفلكي بالامس كانو الاغلب يحربون ليه الخيل او الابل بهذا السعر اليوم جاء دور التمر والله اعلم وش بعده @MCgovSA

الله يهديهم ويصلحهم يارب العالمين والله الوالد رحمه الله يروي لنا قصص عن الجوع والمرض توفي وعمره ٩٥ سنة

الحسد المغلف

ظاهرة شراء رطب بثمن عال جدا؛ تتكرر في كل موسم حتى صارت مستهلكة مكشوفة، لا يوجد رطب يصل هذا السعر لأن مثله متوفر بالسعر الطبيعي، وما وصل كذب وتمثيل لأجل الظهور أو أن المشتري مغفل. مجرد فشخرة وطهبلة وهياط وسفه.

والله لو جاك مريض من الدول المجاورة حتى كشف ماتكشف عليه مجانا بالذات انتم سنين يكذبون علينا يسمونها مهنة انسانية وهي مادية بحتة

حرام تبذير وفشخره

ربنا لاتؤاخذنا بمافعل السفهاء منا .. اظن ان النقم علينا جميعا لايجلبها ويصبها فوق رؤوسنا صبا الا امثال هؤلاء .. البعض سيقول للاستعراض امام كاميرات المؤثرين ولكن هذا لايبرر سوء فعلهم .. اتمنى ان ينبري لمثل هؤلاء نخبة من المحامين الغيورين على بلدهم واهلهم لمقاضاتهم وردعهم بالشرع

هذولا شريطيه مثل شريطية السيارات بس عشان يرفعون السعر