نقد لاذع من مواطنة لوزارة التعليم بسبب تعقيداتها ونظامها الالكتروني البائس في نقل الطلاب بين المدارس❗️

@ESTIFALMAGHYADI التعليم يحتاج تعليم جميع الوزارات تتقدم الا التعليم يحتاج غربله وشراء مدد الخدمه وتسلم جيل جديد فاهم

أنا الان بنقل بنتي لاني نقلت لبيت جديد من قبل دوام الطالبات ونا من مكان لمكان تقول النظام رفض نقلها طيب أنا ماعندي مواصلات لها وهذا اقرب شي تبعد ٧ دقايق عن البيت يعني إلزامي تقبلونها تقول ماقبل النظام وربي وزارة التعليم من جرف لدحديره

فيه ايميل مباشر للوزير وفي ادارات تعليم تقدري تشتكي وبناتك راح يدروسون اذا كانوا سعودييات مهما طال بحثك اما اذا كانوا اجانب فهذا جانب اخر ولكن من صراخها وقلة ادب انها ليست سعودية ومدفوع لها عشان تقول هذا الكلام اما رسالتي لصاحب الحساب ابويمن اكتب عن اليمن وعن حكومة كاملة ماتت اليوم بقصف اسرائيلي والحوثي وفئرانه داخلين في نفق ومصدرين هولاء المساكين ليموتوا اليمن في مواضيع اهم واكبر من بنت مادرست عندك التعليم كله منهار ومدرسين ماياخذون رواتب ومباني مهدمه غير ان نسبة الامية تجاوزت ٦٠٪ اكتب عن هذا المواضيع وغير اسم الحساب الي اليمن الي اين واترك السعودية وشأنها

هذي كذابه والله إذا رفضت المدرسه تستقبل الطالبه تتوجه الي اداره التعليم قسم التوجيه وراح يعطونها خطاب بدولها المدرسه لاتصدقون هذي العينه تحب تتفلسف وتشوه سمعت المنطقه والبلد

ههههههههههههههههههه ياحليها زعلانه على بنتها اجل لو هي مدرسه اش كانت سوت قسم بالله كم اشغال كلفونا بها لاتطاق واحنا دوبنا في اول اسبوع تخبط

كثير من الأحيان يبادر بعض الموظفين بمبادرات سيئة من تلقاء أنفسهم ويسيئون لنظام العمل ويحملون المراجعين فوق طاقتهم بلا سبب ، لابد من توعية الموظفين بإجراءات المعاملات ومحاسبة المخالفين منهم

المشكله لما أحد يصور مقطع ماينتبه ان ممكن أعداء البلد الحاقدين يستخدمون المقطع لأهدافهم الخبيثه وإثارة البلبله لازم تفكر ألف مره قبل ماترفع الجوال وتصور

اسوء وزير مر على التعليم هذا الوزير اتمنى ونتمنى اقالته هذا الوزير فااااشل

راعي الحساب عدل بلدك بعدين عدل الدوله العظمي

نتمنى من وزارة التعليم متابعة مواضيع المواطنين والمقيمين ! اللي نسمع هذي وما ندري نصدق او البلى من موظفات المدارس ! تابعوا سهلتو موضوع نقل تابعوه بالمدرسه تأكدوا

بلادنا على وين عنوان يدل على نية غير جيده الله يهديك ويصلحك كل شخص كانت اولويته ابنائه تم النقل او اكثر دقه الغالبيه تم نقلهم لكن من كان اولوياته السفر وبعد السفر يفكر في نقل الاولاد هذا خطاء هو ارتكبه لابد من يتحمل نتيجة هذا الخطاء ويبحث عن وسيلة نقل لاولاده

هل راجعت مكتب الأشراف ؟ الجواب لا هل راجعت فرع الوزارة ؟ الجواب لا هل راجعت الوزارة ؟ الجواب لا بدال تصويرك وكلامك الغير مقبول واستخدام الجوال وأنتي تقودين السيارة و تعرضين نفسك والأخرين للخطر . روحي لمن يحل الموضوع لكن اجزم ان فيه خطوه لم تعرفين لها

وزارة التعليم مالها علاقه مديرة المدرسه المسؤوله عن القبول والرفض عن طريق المنصه اكثر المشاكل والمعاناه في مدارس البنات فقط

وش تسوي لك يعني ابلشتونا بهالفنتق كلمن طلع ينبح بفيديو وينشر بالسوشل زززق عندك شيء روح لجهة الاختصاص الصياح و النياح بالسوشل تبن هذا آخر شيء تفكر فيه

ارجعي اليمن. وين المشكله

والله معها حق الله يكون في عونها اللي جرب المرمطه يعرف ان معها حق . ومن جرف في دحديره ويقلب لا تحزن

خلص الهياط وخلصت الفلوس بتنقلها حكومي 😂

كيف يدرسون صيني ياليت يعرفون عربي كتابه وقراءه عربي مايعرفون

ماشاء الله الفيديو حقي انتشر 😂

وش سالفتك انت قاط معنا ومسوي نفسك منا وكاتب بلادنا على وين يعنني هذي بلادي 🙄⁉️ وانت حدك صرصور 🪳 متشرد 🤢

حساب وهمي يعمل على نشر الاخبار الكاذبة والمعلومات المضللة لاهداف خبيثة 👎🏻

هذي يبيلها سجن وجلد الحقيره تنتقدين انتقدي ببيتك مو تصويرين ياتبن

والله العظيم انها صادقه ابغى انقل ولدي السنه اللي راحت علشان نقلت من مكاني قالو لي المدرسه لازم تطلب نقل من نور طلبت نقل ويجي تحت الدراسه وبعدها تم الرفض حاولت ومافيه فايده اشتكيت ومافيه فايده والله العظيم جلست ابني سنه كامله بدون دراسه والسبب بعد مدرسته الاوله حسبي الله وكفى

سوال ليش الاجنبي ياخذ كتب مجاني مثل المواطن🤔 ويدرس مجاني عندنا حكومتناماقصرت كذا الاجنبي يروح كشف صحي يدفع مبلغ بسيط لانه عنده تامين بالعمل طيب هناالسوال 🤔الموطن السعودي لو يطلع اي دوله عريبه يدفع فلوس تدريس وصحه كيف تعامل الاجنبي نفس المواطن🤔

طريقة النقل اللي يتغنون فيها بنظام نور مالها اي قيمه فقط اجراء الكتروني وليتهم ماتعبوا وسووه دام الشغله فالنهايه ترجع لموافقة المدير او المديره واذا ماوافقوا لو تطير وتوقع ماينقل الا اذا رحت تراكض وراهم ليل نهار في أدارة التعليم وسلامتكم الشغله عندهم مزاج

وزاراتنا أغلبها عليها ملاحظات.

ادارة التعليم تحتاج ضخ دماء جديدة

بلشنا مع المجنسين لا من الناشر ولا المنشور مو عاجبكم انقلعو من حيث اتيتو انت ياصاحب المنشور والعجوز هاذي

المشكله مو من الوزاره نقلت بنتي في غضون ثواني في نور المشكله من إداريات المدارس اللي مالهم خلق دوام فتح النقل بوقت ضيق قبل الدوام بأقل من اسبوع وخذ لك تنقلات يوميه بين المدرستين ولا نقلت رسميًا الا الاربعاء بعد ما احترقت اعصابي و لا عرفت اسجلها بمواصلات لأنها عالقه بين مدرستين

سحب الجنسيه من البعض اصبح مطلب

نفس الي صار معاي تنقلت بين الادارات ثلاث مدارس ولازال معلق ، وكل مديرة تقول ما اقدر اقبل بدون لا تنقبل بالنظام اسبوعين انتظر واسبوع راح ع بنتي بدون مدرسة ! وبالاخير دخلتها مدرسة خاصة المشكلة لازم انقلها السنة الجايه حرام والله صعب على الطفل يتنقل كل شوي معلمات وصاحبات جدد

الله يديم عز المملكة ويرد كيدك في نحرك 😜😜😜😜😜😜