Yaman يمان
@YamanAmouri • 10,878 subscribers
“Independent Journalist 📰| Syrian 🇸🇾 - German 🇩🇪 | Damascene 🌸| Uncovering the stories behind the headlines to reveal the full story”
Shorts
Videos
على اعتبار إنو تغيّر العلم السوري 🇸🇾 بدون أي إجراءات دستورية، اليوم تغيّر النشيد الوطني 🎼 بالعجقة كمان. وغالباً السوريين من لاعبين ومشجعين ومشاهدين، تفاجأوا بالنشيد اللي انعزف بالمباراة بين سوريا وتونس، واتغنى بحفل الافتتاح بكأس العرب. كنت بتمنى كمواطنة سورية أعرف شو الآلية اللي اعتُمدت لاعتماد هادا النشيد، بس الإدارة الجديدة بتعرف مصلحتنا أكتر منا، وما بتعمل شي إلا لما فيه خير البلاد والعباد 🙂 #سوريا #العلم_السوري #النشيد_الوطني #كأس_العرب2025 #سوريا_تونس
Yaman يمان723,822 次观看 • 10 个月前
من كم يوم "رئيس تشخيص مصلحة النظام" موسى العمر حكى عن توقّف المنحة القطرية، واليوم "وزير" الطوارئ والكوارث -هيك اسم وزارتو مو تأفيل- رائد الصالح عم يحكي عن خذلان العالم لسوريا بموضوع إعادة الإعمار! الجماعة باعوا السوريين أوهام قريب السنتين، وبعدا طلعوا يشكوا ويبكوا ويقولوا "خذلونا"! أيمتى جاية دور "المؤامرة الكونية"؟! #سوريا
Yaman يمان35,032 次观看 • 20 天前
الصور القادمة من #دمشق فيها فوضى مُفزعة، سرقة لمقتنيات القصور الرئاسية، سذاجة في التعامل مع الإذاعة والتلفزيون، واعتباطية بإفراغ السجون! من ترك العاصمة وحدها؟! فِرق مكبلة على تخومها، وفِرق لم تصلها بعد. العاصمة تغرق بفوضى شعبوية غير مؤذية حتى الآن، لكن من يعرف إلى ماذا تتطور؟!
Yaman يمان610,178 次观看 • 1 年前
نشرت قناة الجزيرة القطرية Video لشاب من مخيم الهول، يقول فيه أنه "مدني" سوري لا ينتمي لداعش، وظهر الشاب في Video آخر على منصة صدى+ السورية، ذكر فيه أنه "طبيب". إلا أن الشخص نفسه، سبق وأن ظهر في تسجيلات قديمة تعود لشبكة الفرات ضمن صفوف تنظيم داعش. هذا ليس استسهالاً في نشر المعلومات، بل سياسة تحريرية مقصودة لدى القنوات الإعلامية الناطقة بالعربية. والحديث هنا عن الذراع الإعلامي لـ قطر "كفيل" السلطة الانتقالية، التي تقدم قاطني مخيم الهول كـ "ضحايا"، وتنفي صفة "التطرف" عنهم، وترسخ لسردية "مظلوميتهم"، بهدف جرّ المشاهدين سوريين وعرب لتعاطف غير مشروط معهم، في خطوة تحضيرية لإعادتهم إلى مجتمعاتهم دون قيود وكأن شيئاً لم يكن! اللافت أن قناة الجزيرة القطرية دأبت، خلال سنوات صعود داعش، على استخدام التسمية الرسمية للتنظيم "الدولة الإسلامية في العراق والشام"، وكانت تنفرد في بثّ رسائلهم إلى العالم، ما يُعيد طرح سؤال قديم منذ بروز تنظيم القاعدة، حول دور الخطاب الإعلامي في إعادة إنتاج التطرف، لا مجرد نقله. #سوريا #مخيم_الهول #قناة_الجزيرة
Yaman يمان259,217 次观看 • 8 个月前
وقت بدن بيعملوا فزعات ونفير عام ولبّت لبّت قال مشان يحافظوا ع "الدولة" -أو اللي تقريباً دولة-! ووقت بدن بيصير عندن تارات، وبدن يشتغلو بدراعن، وببيعوا "الدولة"، وبكبّوا مي باردة لـ "الاندماج". مع الشوايا اللي كانوا مع قسد ما عندن تارات، مع شيوخ العشاير اللي كانوا مع النظام السابق هدول بيستقبلون استقبال الأبطال. سلاحن معن، بيحكموا ع اللي بدن ياه بالموت أو الحياة، وهنن بقرروا إذا هادا عنصر سابق بـ قسد، أو صار هلأ عنصر بـ "بوزارة الدفاع". لاء! وما بيحكوا إلا بـ "هيبة الدولة"… العشاير ما منن أمل، ما رح ينفع معن لا إندماج ولا اتفاق ولا مرسوم…. الخيانة بدمن، وقتل القتيل عندن متل شربة المي! #سوريا #دير_الزور #العشاير_العربية #الحسكة #عامودا #الأكراد
Yaman يمان30,004 次观看 • 1 个月前
مع إني ما شفت أي "حملات تنمّر" ع الشب (وسيم الحمام)، بس شفت (المؤسسة العامة للإعلان) عاملتلو لافتة "ترحيب" بنص ساحة الأمويين، قال شو! رداً على "حملات التنمّر" -المشكوك بوجودا أصلاً-. لاء ومدير منطقة راس العين (سري كانيه) -اللي جاية منها الشب- وقائد الأمن الداخلي عاملينلو "تكريم" رسمي! إذا بدي إحسن الظن بهيك تصرفات، بقول: "ولدنة ومراهقة سياسية"، وإذا بدي كون صادقة مع حالي، بقول: "استعراض ونفاق"… يا أوباش، ما حدا قدكن مارس العنصرية والفوقية ع الدروز بموضوع قص الشوارب وتحدى ثقافتن وتراثن، وما حدا قدكن تعصب ضد الكراد واستهزأ فيهن وقال عنن "بويجية". هي Propaganda مكشوفة، ومحاولة لتسجيل نقاط إعلامية رخيصة. التعاطف الحقيقي ما بكون انتقائي… ولا بكون جاية من عقد النقص! #سوريا #دمشق #الحسكة #رأس_العين #سري_كانيه
Yaman يمان32,543 次观看 • 1 个月前
اللي بشوف الوفد الإماراتي الطويل العريض اللي جاية ع لبنان لعقد الملتقى الاقتصادي اللبناني - الإماراتي، واللي ضم وزير التجارة الخارجية بالإمارات مع أكتر من 80 شخصية من كبار رجال الأعمال والمستثمرين الإماراتيين، بيعرف إنو كل شي صار بسوريا كان مجرّد حفلات استقبال واستهبال وضحك ع اللحى. الإماراتي إجى ع الشام لأنو أميركا قالتلو يجي ليمثّل دور بهالمسرحية، ولأنو في إلو شغل تاني غير الاقتصاد والاستثمار، واللي هو شغلو مع الإسرائيلي بشري العقارات بالشام القديمة، متل ما سبق وعمل بأورشليم. الاستعراض اللي قدمو وزير الصناعة اللبناني جو عيسى الخوري ضمن فعاليات الملتقى، بيخلي الواحد يفهم ليش الإماراتي رح يستثمر بلبنان -رغم كل البلاوي اللي فيه- بشكل جدي، ورح يجي ع الشام ليضحك علينا ويمشي. حكي قاسي، ومو طالع من قلبي إني قولو، بس هادا الواقع بدون ماكياج اللي وصلتنا لإلو سلطة غارقة بعجزا وقلة حيلتا وتدبيرا، وقبلانة تكون رهينة عند اللي اسمو سعودي وقطري وإماراتي، واللي ما رح يحطو قرش بالبلد إلا إذا دفشتن أميركا عليه، وهنن رح يسمعو كلمتا بس ليضمنوا وجودن على كراسين. سلطة من بقايا مجموعات إرهابية، عم تدير البلد بعقلية ميليشياوية، وعايشة بغير زمن، لساتا عم تحكي فيه عن بيت مال المسلمين وديوان المظالم وجهاز الحسبة والأنفال و… رح تكون بأحسن أحوالا سمسار رخيص. واللبناني عم يحكي بـ "التكنولوجيا الصناعية"، ويقلك: أنا فرصة دهبية للاستثمار… #سوريا #لبنان #الإمارات
Yaman يمان37,097 次观看 • 1 个月前
لما بدك تحكي عن #طل_الملوحي لازم تاخد بعين الاعتبار سياق قصتا، بنت فاتت ع السجن ما طبقت الـ 18 سنة، أخدت حكم قضائي 5 سنين، بس بسجون عصابة #الأسد صاروا 15 سنة! عاشت مراهقتا وشبابا وتكوين شخصيتا بين حيطان المعتقل، شافت تحقيق ومنفردات وتعذيب وعاشرت كل أنواع السجينات، ولما طلعت بعد التحرير كانت ردة فعلا الفورية هيه "الإنكار" (Denialism)، لهيك كان ظهورا الأول بهالقوة وبهالقدرة ع التعبير عن حالا والدفاع عن نفسا، مع غصّة ما قدرت تخبيها بين كل كلمة وكلمة. اتهاما بكتابة التقارير بالنزيلات السياسيات بدّو بيّنة، والبيّنة على من ادعى، بدنا شهادة الشهود، وإبراز الأدلة ما بدو عزيمة، بس كب البلا والافترا هو اللي ما لازم يكون بهالاستسهال! إطلاق الإشاعات ضمن السجن، جزء من الأذى النفسي اللي بيستخدموه هدول المجرمين لتعذيب المعتقلين والمعتقلات، ونادرين الناس اللي بينفدوا منو وبيقدروا يتعاملوا مع هيك واقع بطريقة عقلانية، كلكن بالأخير ضحايا هالعصابة، فلا تكونوا انتوا كمان على بعضكن… #سوريا #سجن_عدرا
Yaman يمان331,181 次观看 • 1 年前
يوم اللي وقف واحد علوي باستوديو منصة الجزيرة (سوريا الآن)، وقال إنو "الجيش طائفي"، اعترض أحمد الفاخوري وقلو "ما رح اسمحلك تمرّق معلومة مغلوطة"… هلأ شو رأي الفاخوري بأسئلة وزارة الدفاع لإعلان توظيف؟! وشو رأي الحضور بالاستوديو اللي صفق للفاخوري تشجيعاً وتأييداً؟! #سوريا #وزارة_الدفاع
Yaman يمان29,744 次观看 • 1 个月前
استغنى (مصطفى نصري) عن عوده بلحظاتٍ عصيبة، لكن تاجر الشرقيات الشامي الذي اشتراه عام 2013، عَزَمَ على عدم التفريط به، وعامله كـ "وديعة"، وقرر أن يُهديه لابنته (أصالة) يوماً ما، وهذا ما كان… قصة قصيرة من (باب الجابية) تُلخّص أخلاقيات التجار الشوام. العود لم يكن مجرد أخشاب وأوتار عند تاجر الشرقيات (باسل بقبوق)، ولم يكن صفقة تجارية أو فرصة للربح، بل كان قطعة من روح دمشق ونغمها الأصيل، وجزءاً من إرثها الفني الممتد لـ 100 عام، هي عمر هذا العود. نعم "التجارة شطارة"، لكنها أيضاً شهامة وأمانة وحفظ للود والإرث، وهي أشياءٌ لا تُقدّر بمال في عرف التجّار الشوام. #سوريا #دمشق #الشام #الشوام #أصالة #عودة_الأصالة
Yaman يمان20,847 次观看 • 1 个月前
عن عودة أصالة التي ملأت الدنيا وشغلت الناس… "عودة الأصالة" ليست حدثاً فنياً عادياً، لم تعش هذه السيدة حياةً عادية أصلاً، بل رافقها الضجيج في كل مراحل حياتها الخاصة والعامة. أصالة امرأة مختلفة، هي أولاً "شامية"، وهذه أولاً وآخراً، لأن شخصيتها الشامية سترافقها طوال مسيرتها، ابتداءً من اللهجة التي شكّلت علامتها الفارقة، والتي لم تتقن غيرها، رغم أنها شرّقت وغرّبت بغنائها ألواناً مختلفة. وفي علاقتها مع الرجال بحياتها، كانت شامية دائماً… لكن أصالة التي سطع نجمها عربياً مطلع التسعينيات بعد أن كانت معروفة في سوريا، لم تحمل سوريا في غنائها، بل آثرت الغناء باللهجة المصرية، ما ساعدها على الانتشار عربياً، ثم غنت باللهجة الخليجية، ما فتح لها أبواب الخليج، حتى حملت جواز سفر إحدى دوله. شيءٌ ما حدث مع اندلاع الحرب في سوريا، السيدة التي كانت على مسافة من بلدها، تذكرت أنها "سورية" ثانياً، وقررت حرق كل المراكب الأخرى. أخذت موقفاً واضحاً، فاللون الرمادي لا يليق بشخصية أصالة أبداً، السيدة الشرسة التي دخلت معارك فنية مع نجومٍ كُثر، لأنها لا تجامل ولا تنافق، أعلنت بوضوح أنها ضد نظام بشار الأسد. وغير صحيح أن أصالة لم تدفع ثمن موقفها، نعم هي لم تستشهد عدة مرات، ولم تسكن في الخيام، ولم تخسر أحداً من أفراد عائلتها، لم تُعتقل، لم تُخفَ قسرياً، لم تشوّه جسدياً، هي نجت، والنجاة ليست تهمة. لكنها على مدى 14 عاماً، تعرّضت لأعنف حملة تشويه سمعة واغتيال معنوي، ومن أسماء سورية كبيرة في عالم الفن، وعلى شاشات ذات مشاهدات عالية. حتى وصل الأمر لأن تشارك أختها ريم نصري بحملة مخابراتية ضدها. ثم هرب بشار في ليلةٍ كليالي القدر أواخر عام 2024، وأهدت أصالة السوريين أغنية "سوريا جنة"، في وقتٍ كان السوريون لايزالون يحلمون بأن تصبح "سوريا جنة" فعلاً. لكن الأمنيات شيء والواقع كان شيئاً آخر تماماً، خلال 22 شهراً، لم يعد هناك "سوريون" بالمعنى الوطني للكلمة، مجزرتان ضد مكوّنين طائفيين مختلفين، واستعداء لمكون عرقي، وتعميق للانقسامات المناطقية، جعلت سوريا وراء السوريين تماماً، وأغلق كلٌّ منا بابه على منطقته وطائفته. ماذا فعلت أصالة عندما قررت أن "ترجع ع الشام"؟! عندما غنّت "الألبوم السوري" لمكونات سوريا المتنوعة طائفياً ومناطقياً وتراثياً وغنائياً؟! عندما أحيت حفلة فنية مذهلة في قلب دمشق رغم أنف كل "المتطرفين"؟! هل فاجأتنا أصالة أننا لازلنا "سوريين"؟! وأنني كشامية سأبكي عندما أسمع جوفية السويدا؟! وأنني لن أُصاب بـ Trauma عندما تنطق حرف القاف بالدلعونا الطرطوسية؟! وأنني عرفت أن للاذقية تراثاً رقيقاً لا يُشبه ما قدمه "الديوك"؟! وأنني جرّبت معها الاستماع لأغنية كردية؟! وأن الـ "أشو" منها أجمل من كل تجربة إدلب التي جربوها فينا؟! أصالة الشامية أولاً وآخراً: بشجاعتها، بعنادها، باندفاعها العاطفي، بإصرارها على ملامسة الجراح السورية للطبطبة عليها،… بيلبقلك كل شي صرلك اليوم، بيلبقلك شكّ الألماس يا بنت الشام. #أصالة #عودة_الأصالة #سوريا #دمشق #الشام
Yaman يمان18,208 次观看 • 28 天前
