Godbless E.J. Lema
@godbless_lema • 1,251,469 subscribers
Politician/Activist/Member @Chadematz Member of Central Committee , Former MP Arusha Urban (2010 -2020), Shadow Minister Home Affairs, Husband and Father
Shorts
Videos
NINAENDELEA KUTAZAMA BILA HOFU. Kwanza, Kamati Kuu ya CHADEMA, mahali popote, haijawahi kujadili AJENDA ya Maridhiano tangu Oktoba 29 mpaka sasa. Pili, hakuna watu wawili, watatu au kikundi cha watu ambao wamewahi kwenda kwa Makamu Wenyeviti, Katibu Mkuu au Manaibu Katibu Wakuu kuwaomba tufanye maridhiano. Tatu, azimio la kukataa maridhiano lililosomwa na MMB , John Heche, pamoja na kutaka msuluhishi huru wa kimataifa, lilifanywa na KAMATI NDOGO YA KAMATI KUU, iliyokuwa na wajumbe wafuatao , Heche, Mnyika, Manaibu Katibu Wakuu wote wawili, Sugu, Boni Yai, Lema na Susan Lyimo. Kwa hiyo, mtu au kikundi chochote kinachotaka kuugawa msimamo huu wa CHAMA na kuuweka kwenye makundi ya watu fulani, ni mzushi na mwongo. Msimamo huu si wa mtu mmoja. Ni msimamo wa CHAMA. Na mtu au kikundi chochote kinachotaka kuaminisha umma kwamba wajumbe hao wamegeuka au kwamba msimamo huu ni wa baadhi ya watu na si wengine, kinafanya kazi ya kutugawa kwa uongo. Ukweli unabaki kuwa ukweli, hata kama kuna watu wanaotaka kuupindisha. Kuhusu familia yangu, watoto wangu wawili pamoja na mke wangu walikuja Tanzania baada ya takribani miaka sita wakiwa nje ya nchi, kwa ajili ya kusalimia kwa mwezi mmoja. Walifika tarehe 28/7/2026 na tayari walirudi nchini kwao Canada tarehe 3/9/2026. Wito , wote wanaopigana na mimi vita vya uongo , wataanza kuadhibiwa na Mungu siku sio nyingi, kwani ninamjua Mungu ninayemuamini.
Godbless E.J. Lema343,543 views • 1 month ago
Bwana Paulo, inawezekana kujenga minara mipya, lakini huwezi kujenga upya historia iliyobomolewa. London wana Big Ben, Paris wana Eiffel Tower, Roma wana Colosseum, na Tokyo wana Tokyo Tower. Miji hii inaendelea kuwa ya kisasa huku ikitunza alama zake za kihistoria, ambazo zimekuwa sehemu ya utambulisho wake na vivutio vya utalii. Mnara wa Eiffel huvutia mamilioni ya wageni na kuchochea biashara na shughuli za kiuchumi zinazouzunguka. Vivyo hivyo, Colosseum ya Roma na alama nyingine za kihistoria duniani zinaonyesha kuwa urithi wa zamani unaweza kuwa hazina kubwa ya utalii na uchumi. Miji hii haikufuta historia ili ionekane ya kisasa; imejifunza kuitunza na kuitumia kama fursa ya uchumi. Kwa nini Arusha iwe tofauti ? Mnara wa Saa, unaohusishwa na historia ya enzi za Wajerumani, na Mnara wa Mwenge ni sehemu ya utambulisho wa Arusha na historia yetu. Badala ya kuibomoa historia, tunapaswa kuitunza, kuiboresha na kuitangaza ili kuvutia watalii na kunufaisha uchumi wa jiji. Ushamba hauondolewi kwa kuiba na kushika mamlaka, mamlaka yanaweza tu kuufichua zaidi. Minara hii si samani za nyumbani kwako unazoweza kubadilisha kwa matakwa yako au kulingana na jinsi unavyojisikia siku hiyo. Minara hii ni alama za kihistoria zinazobeba utambulisho na urithi unaopaswa kuhifadhiwa kwa vizazi vijavyo. Arusha inaweza kuwa ya kisasa bila kupoteza utambulisho wake. Usasa bila historia ni majivuno yasiyo na mizizi. Historia ikibomolewa, haiwezi kujengwa upya kwa saruji na nondo! Kwa maoni yangu, ungeendelea na kazi zilezile za nyama choma, angalau huko unaonekana kuwa na kipaji kizuri cha uhamasishaji. Si kila jambo linahitaji kubomoa kilichopo ili kuonyesha kwamba umefanya jambo jipya! #Arusha #HifadhiHistoria #UrithiWetu
Godbless E.J. Lema70,813 views • 8 days ago
Kumpenda adui yako hakumaanishi kukubaliana na uovu wake, wala kusahau maumivu aliyokusababishia. Maana yake ni kukataa kuacha chuki ibadilishe moyo wako. Unaweza kusimamia ukweli, kudai haki na kupinga uovu, bila kugeuka kuwa mtu wa chuki. Huo ndio ushindi mkubwa. kumshinda adui bila kupoteza utu wako. Thank you Mwenyekiti.
Godbless E.J. Lema224,666 views • 1 month ago
Hizi ni sehemu chache tu za mitaro ya Jiji la Arusha. Mingine imejaa taka, mingine imeziba, na mingine inatumika kuhifadhi nguzo za TANESCO. Huu ni upuuzi wa kiutendaji unaohitaji maelezo na hatua za haraka kutoka kwa mamlaka zinazohusika. Wakati TMA ikitoa tahadhari kuhusu uwezekano wa mvua kubwa zinazohusishwa na El Niño, Halmashauri ya Jiji la Arusha na taasisi nyingine zinazohusika zinafanya nini ?Mnasubiri mvua zianze kuharibu nyumba, biashara na mali za wananchi ndipo muanze kuamka? Mitaro ni miundombinu ya kuzuia maji ya mvua yasilete maafa, si dampo la taka wala ghala la kuhifadhi nguzo. TANESCO nayo inapaswa kueleza kwa nini nguzo zake zimehifadhiwa kwenye mitaro hiyo na kuhakikisha hazizuii mtiririko wa maji. Inasikitisha kuona maandalizi ya kuzuia maafa yakionekana kupuuzwa, ilhali gharama za uzembe huu zitalipwa na wananchi wasio na hatia. Ninakemea vikali hali hii na kuzitaka mamlaka zinazohusika ziamke kutoka kwenye usingizi wa kiutendaji. Safisheni mitaro, ondoeni vizuizi, kagueni mifumo yote ya kupitisha maji na wekeni wazi hatua mnazochukua. Wananchi hawahitaji visingizio baada ya maafa, wanahitaji hatua kabla ya maafa. ARUSHA HAIHITAJI MATAMKO YA BAADA YA MAFURIKO. INAHITAJI UWAJIBIKAJI SASA!
Godbless E.J. Lema22,306 views • 9 days ago
0:44
Sensitive content
This media may contain sensitive content.
Hakustahili huu unyama hata kidogo. Ukosoaji wake na utoaji wa maoni ni wa kawaida. Lakini kapigwa na kudhalilishwa kwa kiwango hiki. Kuna hasira kali sana ndani yake. Amekubali na kuridhia kupigwa picha na kuirusha huku sehemu zake za siri (matako) zikiwa uchi? Tipping point. Hii hasira ni pando linalopanda kisasi kwa jamii yote katika siku si nyingi? Kila mtu atapoteza amani na furaha. Wakati utasema. Nani kafanya unyama huu? Kundi gani? Kwa manufaa gani? Na nani anafuata? Na maumivu haya yanaweza kuvumiliwa mpaka lini? Haya ni maswali ya msingi ya kujiuliza, hasa zaidi wana CCM.
Godbless E.J. Lema65,861 views • 2 months ago
Huu Upumbavu na Ubaguzi Unapaswa Kushugulikiwa Kikamilifu Sana.
Godbless E.J. Lema232,348 views • 1 year ago
Mh Rais Nakusalimu. Tumetoka Mwananyamala Hospital , Majeruhi Rafiki Zetu Na Viongozi Wenzetu Ambao Tumewakuta Wako Tisa (9) Waliokamatwa Leo Mahakamani , Lakini Yuko Mtu Mmoja Tumeambiwa Alipigwa Sana Na Tunaambiwa Amekufa, Tumefika Mochwari Tukakuta Polisi Wanataka Kushusha Maiti. Tulikaa Pembeni Ili Wamalize Kazi Yao , Badala ya Mwili Kushushwa Ili Tuweze Kuitambua Hiyo Maiti, Badala Yake Gari Ya Polisi Ilikimbia Na Kuondoka na Mwili Wa Marehemu Wkt Tulikuta Marehemu Alikuwa Amekwisha Andikishwa Kuingia Mochwari. Nimesema Nikupe Taarifa Na Pia Nikutakia Kazi Njema Sana Na Mungu Akulinde Wewe Na Familia Yako. DAMU ITANENA.
Godbless E.J. Lema167,080 views • 1 year ago
Nina wasiwasi. Huyu mtuhumiwa anaonekana very smart, strategic na sharp. Lakini namna anavyoomba msamaha mbele ya RC… mmmh. Naguna kabisa. Pengine hakuna sinema yoyote; labda tu nimeathiriwa na movies za CIA na Mossad ambazo nimekuwa nikiziangalia sana. Maana mara nyingine unaanza kuona patterns, narratives na hidden motives kila mahali. Lakini bado, kuna kitu hakikai sawa. Mtu ambaye anaonekana composed na calculated, ghafla awe mnyenyekevu kiasi hicho mbele ya mamlaka , naturally inafanya watu waulize maswali, Je, ni hofu ya kawaida? Ni pressure? Ni survival instinct? Au kuna narrative fulani inatengenezwa? Sina majibu. Nauliza tu.
Godbless E.J. Lema60,568 views • 5 months ago
Sikutilia maanani sana hizi video mwanzoni. Lakini nilianza kuziangalia kwa uzito zaidi pale nilipogundua kuwa maudhui ktk video hii yaliwekwa kwenye ukurasa wa Instagram wa gazeti la Habari Leo, gazeti la serikali, na baadaye yakaondolewa. Na haya ni maneno ya Makamu wenu wa Rais. Kinachonishangaza ni kwamba maudhui yaliyomo yanalenga kukemea ufisadi wa fedha za umma na viongozi kuacha kujinufaisha. Swali la msingi linaanzia hapa, kama maneno ya aina hii yanaweza kuonekana mabaya kiasi cha kuondolewa, basi wale wananchi wote wenye akili na mapenzi ya nchi wanapaswa kujiuliza kwa kina mwelekeo wa zaidi tunaokwenda. Je, ni rahisi kwa mhariri kuamua kuondoa maudhui yanayomhusu kiongozi wenu wa juu namna hiyo bila maelekezo kutoka juu? Na huko juu ni wapi ? Kuna hadithi moja huko Italia , askari wa barabarani alisimamisha gari , alipokuwa anakagua, akagundua kuwa aliyekuwa anaendesha alikuwa PAPA , ghafla alianza kukimbia kwa speed kali huku akitokwa jasho !! Wenzake walimuona na kumfuata na kumuuliza , nini kimekupata ? Alijibu , nimesimamisha gari nikakuta PAPA anaendesha akiwa na abiria mmoja , akaendelea kusema , nafikiri huyo abiria lazima atakuwa YESU !! Tafakari. Huyu ni Makamu wa Rais wa serikali yenu mliyopata kupitia uchaguzi uliokuwa na maumivu makubwa kwa taifa. Mnaondoa video kama hii ktk kurasa zenu, meseji kwa umma ni moja , Amkeni sasa na sio baadae, maana Cartels wako RADA. Nina hofu kuhusu kesho ya Tanzania. Si kwa sababu hakuna watu wenye uwezo, bali kwa sababu ukimya unapokuwa kawaida, hata mambo yasiyostahili yanaendelea kuonekana ya kawaida. Hapo ndipo hatari kubwa. CCM, mnapaswa kutafakari kwa kina. Historia ina tabia ya kurudia matokeo yake pale pale makosa yanapopuuzwa. Hii si wakati wa kiburi, bali ni wakati wa kurekebisha mwelekeo kwa ajili ya taifa. Kila maumivu mliyowapatia wa Tanzania , mtalipa na Nchi itaharibika sana. Maisha ya Nchi sio ushabiki wa michezo.
Godbless E.J. Lema63,512 views • 6 months ago
Siku moja niliona umeandika mtandaoni kuwa unachukizwa sana na watu wanaoisema familia yako vibaya, hususani ulivyokuwa uki-post picha ya mtoto wako huku watu wakikejeli kuwa mtoto wako ameshiba kodi zetu. Sasa, Mwigulu, ulishawahi ku-imagine namna, mke au watoto wa Ally Kibao huwa wanajisikia baada ya baba yao kuuwawa kikatili ? Au Ben Saanane au familia ya Msafiri Mbwambo aliyeuwawa kwa kuchinjwa kwa chain saw wkt ule wa uchaguzi mdogo Arumeru Mashariki wewe ulipokuwa unaratibu kampeni za CCM ? Mna mchapa mtu halafu akilia, mna mchapa tena kwa nini analia ? Very Narcissist personality. Chama chenu kimejenga chuki kubwa sana ktk jamii. Hata tofauti ya watu safi na wabaya ndani yenu haionekani tena hata kama wamo. Na hatari yake kila mtu anavuna kejeli ya collective responsibility. Pigeni U Turn Acheni Kiburi ! Mnashangaa watu kufurahia matatizo yenu lakini hamhuzunishwi na watu wanaopotea na kufa bila miili hata miili yao kupatikana ? Mnafikiri nyie mnapaswa kuishi kwa starehe tu lakini the rest waishi maisha ya wasiwasi ? Anyway, unakumbuka mjadala wangu Mimi na wewe wkt ule ukiwa Waziri wa Mambo ya Ndani na Mimi Waziri Kivuli kuhusu mawuaji na utekaji ? Leo nitaishia hapa. Pigeni U Turn Acheni Kiburi. Mmeumiza sana watu na Nchi , mateso yamegeuka hasira na hasira imeumba chuki. Kuna njia mbele ya kutoka hapa , nayo ni HAKI.
Godbless E.J. Lema64,363 views • 6 months ago
Hii ni kauli mbaya sana. Nafikiri kuna tatizo kubwa sana. Nasikitika kuwa imetolewa na Kiongozi kutoka ktk Chama changu. Nashindwa kupuuza maneno haya kwa namna yoyote ile. Maneno haya yanajengwa na mikakati wa siri ambayo wengi tunanaweza kuwa tunaiona lakini tunaogopa kuchukua hatua. Siasa zenye misingi ya udini sio za bahati mbaya ktk Nchi hii. Kauli chafu kabisa hii wala sio ya bahati mbaya. Siri zikiwa nyingi moyoni huwa zinatoka zenyewe.
Godbless E.J. Lema172,785 views • 2 years ago
Kitu gani hiki ? Na serikali iko kimya ? Kwamba mtu haruhusiwi kula Zanzibar wkt wa mfungo wa mwezi Ramadhan ? Na sauti inasikika ikisema kuwa hapa sio Bara !!! Haya mambo sio madogo hata kidogo,yana chochea chuki ktk jamii haijalishi anayetendewa ni nani na wa dini gani.Hii ni hatari kubwa sana.Anyway Mama anaupiga mwingi.
Godbless E.J. Lema202,771 views • 2 years ago
Huu sio uwekezaji hata kidogo. Nilisema hapo nyuma na ninarudia tena hapa Coco Beach panahitaji brain power. Ni ufukwe bora kabisa katika Jiji la Dar es Salaam na mipango yake haiwezi kuendeshwa kwa mjadala uliobeba poverty mentality. Jitihada yoyote ya kurekebisha Coco Beach ili kubeba quality standard mimi nitakuwa mshirika wake ktk jitihada hizo. Nafurahi kwamba ukweli ktk eneo hili umeanza kusikika. Mindset transformation is bigger than voting collection.
Godbless E.J. Lema58,057 views • 6 months ago