
Yaman يمان
@YamanAmouri • 10,878 subscribers
“Independent Journalist 📰| Syrian 🇸🇾 - German 🇩🇪 | Damascene 🌸| Uncovering the stories behind the headlines to reveal the full story”
Shorts
Videos

على اعتبار إنو تغيّر العلم السوري 🇸🇾 بدون أي إجراءات دستورية، اليوم تغيّر النشيد الوطني 🎼 بالعجقة كمان. وغالباً السوريين من لاعبين ومشجعين ومشاهدين، تفاجأوا بالنشيد اللي انعزف بالمباراة بين سوريا وتونس، واتغنى بحفل الافتتاح بكأس العرب. كنت بتمنى كمواطنة سورية أعرف شو الآلية اللي اعتُمدت لاعتماد هادا النشيد، بس الإدارة الجديدة بتعرف مصلحتنا أكتر منا، وما بتعمل شي إلا لما فيه خير البلاد والعباد 🙂 #سوريا #العلم_السوري #النشيد_الوطني #كأس_العرب2025 #سوريا_تونس
Yaman يمان723,822 görüntüleme • 11 ay önce

حتى تيم حسن طلع عندو معاناة، وطالع بمقابلتو الجديدة يتبكبك وعلى "اهئ اهئ"! خير! ليش؟! يعني ليش شرط مشوار النجاح يكون معبّد بالآلام؟! ما بيصير تكون قصة نجاح تيم حسن بالمقابلات، متل قصة نجاح تيم حسن بالحقيقة؟! شب فاشل دراسياً، انرفض من المعهد المسرحي أول مرة، وانقبل بالتانية. وقع واستلئاه حاتم علي، وصار إيمان حاتم علي فيه، وتبنيه لموهبتو، بوابتو لكل شي أخدو من فرص، وهادا كلام تيم نفسو مو كلامي! تيم فعلاً كاريزما وموهوب، بس الله عطاه حظ أكبر من موهبتو بكتير، ومقابل سعي وجهد أقل من غيرو بكتير بلّش نجم وكمّل نجم ورح يضل نجم بالشام، بمصر، بلبنان، ووين منكان الدرب السهل والفرص الدهبية بالحياة، ذكا وحظ وتوفيق من الله، وبتستاهل إنو يفرح فيها الواحد بدون ما يحس بالذنب! بس تعى قنعن لجماعة المنصات والـ Podcastـات والـ Trendـات والـ Views، اللي ما بيقتنعوا بـ "قصص النجاح"، غير إذا اتبهدل فيها الواحد، ونام كل يوم ومخدتو غرقانة دموع 🙃 #سوريا #تيم_حسن #قصتي #محمد_قيس
Yaman يمان23,139 görüntüleme • 12 gün önce

الصور القادمة من #دمشق فيها فوضى مُفزعة، سرقة لمقتنيات القصور الرئاسية، سذاجة في التعامل مع الإذاعة والتلفزيون، واعتباطية بإفراغ السجون! من ترك العاصمة وحدها؟! فِرق مكبلة على تخومها، وفِرق لم تصلها بعد. العاصمة تغرق بفوضى شعبوية غير مؤذية حتى الآن، لكن من يعرف إلى ماذا تتطور؟!
Yaman يمان610,380 görüntüleme • 1 yıl önce

نشرت قناة الجزيرة القطرية Video لشاب من مخيم الهول، يقول فيه أنه "مدني" سوري لا ينتمي لداعش، وظهر الشاب في Video آخر على منصة صدى+ السورية، ذكر فيه أنه "طبيب". إلا أن الشخص نفسه، سبق وأن ظهر في تسجيلات قديمة تعود لشبكة الفرات ضمن صفوف تنظيم داعش. هذا ليس استسهالاً في نشر المعلومات، بل سياسة تحريرية مقصودة لدى القنوات الإعلامية الناطقة بالعربية. والحديث هنا عن الذراع الإعلامي لـ قطر "كفيل" السلطة الانتقالية، التي تقدم قاطني مخيم الهول كـ "ضحايا"، وتنفي صفة "التطرف" عنهم، وترسخ لسردية "مظلوميتهم"، بهدف جرّ المشاهدين سوريين وعرب لتعاطف غير مشروط معهم، في خطوة تحضيرية لإعادتهم إلى مجتمعاتهم دون قيود وكأن شيئاً لم يكن! اللافت أن قناة الجزيرة القطرية دأبت، خلال سنوات صعود داعش، على استخدام التسمية الرسمية للتنظيم "الدولة الإسلامية في العراق والشام"، وكانت تنفرد في بثّ رسائلهم إلى العالم، ما يُعيد طرح سؤال قديم منذ بروز تنظيم القاعدة، حول دور الخطاب الإعلامي في إعادة إنتاج التطرف، لا مجرد نقله. #سوريا #مخيم_الهول #قناة_الجزيرة
Yaman يمان259,371 görüntüleme • 9 ay önce

لما بدك تحكي عن #طل_الملوحي لازم تاخد بعين الاعتبار سياق قصتا، بنت فاتت ع السجن ما طبقت الـ 18 سنة، أخدت حكم قضائي 5 سنين، بس بسجون عصابة #الأسد صاروا 15 سنة! عاشت مراهقتا وشبابا وتكوين شخصيتا بين حيطان المعتقل، شافت تحقيق ومنفردات وتعذيب وعاشرت كل أنواع السجينات، ولما طلعت بعد التحرير كانت ردة فعلا الفورية هيه "الإنكار" (Denialism)، لهيك كان ظهورا الأول بهالقوة وبهالقدرة ع التعبير عن حالا والدفاع عن نفسا، مع غصّة ما قدرت تخبيها بين كل كلمة وكلمة. اتهاما بكتابة التقارير بالنزيلات السياسيات بدّو بيّنة، والبيّنة على من ادعى، بدنا شهادة الشهود، وإبراز الأدلة ما بدو عزيمة، بس كب البلا والافترا هو اللي ما لازم يكون بهالاستسهال! إطلاق الإشاعات ضمن السجن، جزء من الأذى النفسي اللي بيستخدموه هدول المجرمين لتعذيب المعتقلين والمعتقلات، ونادرين الناس اللي بينفدوا منو وبيقدروا يتعاملوا مع هيك واقع بطريقة عقلانية، كلكن بالأخير ضحايا هالعصابة، فلا تكونوا انتوا كمان على بعضكن… #سوريا #سجن_عدرا
Yaman يمان331,181 görüntüleme • 1 yıl önce

من كم يوم "رئيس تشخيص مصلحة النظام" موسى العمر حكى عن توقّف المنحة القطرية، واليوم "وزير" الطوارئ والكوارث -هيك اسم وزارتو مو تأفيل- رائد الصالح عم يحكي عن خذلان العالم لسوريا بموضوع إعادة الإعمار! الجماعة باعوا السوريين أوهام قريب السنتين، وبعدا طلعوا يشكوا ويبكوا ويقولوا "خذلونا"! أيمتى جاية دور "المؤامرة الكونية"؟! #سوريا
Yaman يمان35,032 görüntüleme • 1 ay önce

أخبروا الكابتن #محمد_أبو_تريكة أن العاصفة التي ضربت Dortmund اليوم، متوقع حصولها منذ أسبوع، وستكون غداً في مدينة ألمانية أخرى، وأن الأمر متعلّق بطبيعة الطقس في #أوروبا، ولا علاقة له أبداً بالرسائل الإلهية دعماً لـ #قطر، وانتقاماً من #ألمانيا. #أبو_تريكة #يورو_2024
Yaman يمان375,439 görüntüleme • 2 yıl önce

اللي بشوف الوفد الإماراتي الطويل العريض اللي جاية ع لبنان لعقد الملتقى الاقتصادي اللبناني - الإماراتي، واللي ضم وزير التجارة الخارجية بالإمارات مع أكتر من 80 شخصية من كبار رجال الأعمال والمستثمرين الإماراتيين، بيعرف إنو كل شي صار بسوريا كان مجرّد حفلات استقبال واستهبال وضحك ع اللحى. الإماراتي إجى ع الشام لأنو أميركا قالتلو يجي ليمثّل دور بهالمسرحية، ولأنو في إلو شغل تاني غير الاقتصاد والاستثمار، واللي هو شغلو مع الإسرائيلي بشري العقارات بالشام القديمة، متل ما سبق وعمل بأورشليم. الاستعراض اللي قدمو وزير الصناعة اللبناني جو عيسى الخوري ضمن فعاليات الملتقى، بيخلي الواحد يفهم ليش الإماراتي رح يستثمر بلبنان -رغم كل البلاوي اللي فيه- بشكل جدي، ورح يجي ع الشام ليضحك علينا ويمشي. حكي قاسي، ومو طالع من قلبي إني قولو، بس هادا الواقع بدون ماكياج اللي وصلتنا لإلو سلطة غارقة بعجزا وقلة حيلتا وتدبيرا، وقبلانة تكون رهينة عند اللي اسمو سعودي وقطري وإماراتي، واللي ما رح يحطو قرش بالبلد إلا إذا دفشتن أميركا عليه، وهنن رح يسمعو كلمتا بس ليضمنوا وجودن على كراسين. سلطة من بقايا مجموعات إرهابية، عم تدير البلد بعقلية ميليشياوية، وعايشة بغير زمن، لساتا عم تحكي فيه عن بيت مال المسلمين وديوان المظالم وجهاز الحسبة والأنفال و… رح تكون بأحسن أحوالا سمسار رخيص. واللبناني عم يحكي بـ "التكنولوجيا الصناعية"، ويقلك: أنا فرصة دهبية للاستثمار… #سوريا #لبنان #الإمارات
Yaman يمان37,097 görüntüleme • 2 ay önce

وقت بدن بيعملوا فزعات ونفير عام ولبّت لبّت قال مشان يحافظوا ع "الدولة" -أو اللي تقريباً دولة-! ووقت بدن بيصير عندن تارات، وبدن يشتغلو بدراعن، وببيعوا "الدولة"، وبكبّوا مي باردة لـ "الاندماج". مع الشوايا اللي كانوا مع قسد ما عندن تارات، مع شيوخ العشاير اللي كانوا مع النظام السابق هدول بيستقبلون استقبال الأبطال. سلاحن معن، بيحكموا ع اللي بدن ياه بالموت أو الحياة، وهنن بقرروا إذا هادا عنصر سابق بـ قسد، أو صار هلأ عنصر بـ "بوزارة الدفاع". لاء! وما بيحكوا إلا بـ "هيبة الدولة"… العشاير ما منن أمل، ما رح ينفع معن لا إندماج ولا اتفاق ولا مرسوم…. الخيانة بدمن، وقتل القتيل عندن متل شربة المي! #سوريا #دير_الزور #العشاير_العربية #الحسكة #عامودا #الأكراد
Yaman يمان30,004 görüntüleme • 2 ay önce

مع إني ما شفت أي "حملات تنمّر" ع الشب (وسيم الحمام)، بس شفت (المؤسسة العامة للإعلان) عاملتلو لافتة "ترحيب" بنص ساحة الأمويين، قال شو! رداً على "حملات التنمّر" -المشكوك بوجودا أصلاً-. لاء ومدير منطقة راس العين (سري كانيه) -اللي جاية منها الشب- وقائد الأمن الداخلي عاملينلو "تكريم" رسمي! إذا بدي إحسن الظن بهيك تصرفات، بقول: "ولدنة ومراهقة سياسية"، وإذا بدي كون صادقة مع حالي، بقول: "استعراض ونفاق"… يا أوباش، ما حدا قدكن مارس العنصرية والفوقية ع الدروز بموضوع قص الشوارب وتحدى ثقافتن وتراثن، وما حدا قدكن تعصب ضد الكراد واستهزأ فيهن وقال عنن "بويجية". هي Propaganda مكشوفة، ومحاولة لتسجيل نقاط إعلامية رخيصة. التعاطف الحقيقي ما بكون انتقائي… ولا بكون جاية من عقد النقص! #سوريا #دمشق #الحسكة #رأس_العين #سري_كانيه
Yaman يمان32,543 görüntüleme • 2 ay önce

لما زرت استانبول آخر مرة بالـ 2022، كان جنبي بالطيارة رجل وابنو ألمان إسرائيليين، عم يحكوا عبري طول الطريق. ولما رحت على Eminönü و Beyazit، كانت أغلب المجموعات السياحية إسرائيلية. وحتى بالاوتيل اللي نزلت فيه، كان في چروبات إسرائيلية جاية للسياحة الطبية. كنت شايفتو مشهد مثالي لـ سوريا اللي ببالي بس نخلص من بشار وممانعتو ومقاومتو الخرطي. ليش تغيّروا التراك بهالكم سنة كل هالقد! ليش بلّشوا من محل ما نحنا علقانين من 80 سنة! ليش صاروا بيشبهوا أغلب الناطقين بالعربية! قطيع راكد ورا شعارات، وناس عاملة حالا متدينة، وهيه جماعة غشيمة أسهل شي الضحك عليها واللعب بعواطفا. ناس كان بدا تحرر اللي اسما "فلسطين"، وتنفي "اليهود" لأوروبا وأميركا، راحت من إيديهن غزة والضفة وجنوب لبنان، وصرنا خايفين ليوصل الإسرائيلي ع الشام. رح يدفعوا التراك تمن اللي عم يعملوه غالي كتير… ورح يكونوا ندمانين، بس بعد فوات الأوان. #تركيا #إسرائيل
Yaman يمان14,351 görüntüleme • 27 gün önce

يوم اللي وقف واحد علوي باستوديو منصة الجزيرة (سوريا الآن)، وقال إنو "الجيش طائفي"، اعترض أحمد الفاخوري وقلو "ما رح اسمحلك تمرّق معلومة مغلوطة"… هلأ شو رأي الفاخوري بأسئلة وزارة الدفاع لإعلان توظيف؟! وشو رأي الحضور بالاستوديو اللي صفق للفاخوري تشجيعاً وتأييداً؟! #سوريا #وزارة_الدفاع
Yaman يمان29,819 görüntüleme • 2 ay önce