Yaman يمان
@YamanAmouri • 10,864 subscribers
“Independent Journalist 📰| Syrian 🇸🇾 - German 🇩🇪 | Damascene 🌸| Uncovering the stories behind the headlines to reveal the full story”
Shorts
Videos
على اعتبار إنو تغيّر العلم السوري 🇸🇾 بدون أي إجراءات دستورية، اليوم تغيّر النشيد الوطني 🎼 بالعجقة كمان. وغالباً السوريين من لاعبين ومشجعين ومشاهدين، تفاجأوا بالنشيد اللي انعزف بالمباراة بين سوريا وتونس، واتغنى بحفل الافتتاح بكأس العرب. كنت بتمنى كمواطنة سورية أعرف شو الآلية اللي اعتُمدت لاعتماد هادا النشيد، بس الإدارة الجديدة بتعرف مصلحتنا أكتر منا، وما بتعمل شي إلا لما فيه خير البلاد والعباد 🙂 #سوريا #العلم_السوري #النشيد_الوطني #كأس_العرب2025 #سوريا_تونس
Yaman يمان717,166 次观看 • 6 个月前
نشرت قناة الجزيرة القطرية Video لشاب من مخيم الهول، يقول فيه أنه "مدني" سوري لا ينتمي لداعش، وظهر الشاب في Video آخر على منصة صدى+ السورية، ذكر فيه أنه "طبيب". إلا أن الشخص نفسه، سبق وأن ظهر في تسجيلات قديمة تعود لشبكة الفرات ضمن صفوف تنظيم داعش. هذا ليس استسهالاً في نشر المعلومات، بل سياسة تحريرية مقصودة لدى القنوات الإعلامية الناطقة بالعربية. والحديث هنا عن الذراع الإعلامي لـ قطر "كفيل" السلطة الانتقالية، التي تقدم قاطني مخيم الهول كـ "ضحايا"، وتنفي صفة "التطرف" عنهم، وترسخ لسردية "مظلوميتهم"، بهدف جرّ المشاهدين سوريين وعرب لتعاطف غير مشروط معهم، في خطوة تحضيرية لإعادتهم إلى مجتمعاتهم دون قيود وكأن شيئاً لم يكن! اللافت أن قناة الجزيرة القطرية دأبت، خلال سنوات صعود داعش، على استخدام التسمية الرسمية للتنظيم "الدولة الإسلامية في العراق والشام"، وكانت تنفرد في بثّ رسائلهم إلى العالم، ما يُعيد طرح سؤال قديم منذ بروز تنظيم القاعدة، حول دور الخطاب الإعلامي في إعادة إنتاج التطرف، لا مجرد نقله. #سوريا #مخيم_الهول #قناة_الجزيرة
Yaman يمان258,028 次观看 • 4 个月前
انتو متخيلين إنو كَلِمة من قلب "جامع" الإمام الشافعي بـ #المزة، ومن رجل ذو خلفية إسلامية "سلفية"، يكون خِطاب "وطني" لا "أُممي"!!! كل كلماتو كانت عن #سوريا و #السوريين، لا في مسلمين ولا أمة إسلامية، ولا قادمون يا أقصى ولا مهلاً يا غزة. وتركيزو ع الوجه "الحضاري" للعاصمة #دمشق، والحكي عن #الشام متل مو لازم ينحكى عليها، كان تأكيد تاني ع فكرة "الوطنية". أتعبت التقدميين من بعدك يا أبو حميد 😇 #أحمد_الشرع
Yaman يمان573,429 次观看 • 1 年前
خلال لقاء الرئيس الانتقالي أحمد الشرع مع "وجهاء دمشق" بمناسبة الذكرى السنوية الأولى لـ "التحرير"، وجه نصايحو للشوام لتقبّل ما سمّاه "إقبال الناس على دمشق"، وقال: "المجتمع السوري فيه لبت لبت، وفيه اللي بيعرف يشرب متة ع الطريق، وفيه اللي بدو يروح ع الـ Four Seasons ياكل بالشوكة والسكينة". أنا مالي فهمانة ليش رسالة الشرع كانت موجهة للشوام، بالوقت اللي لازم تتوجه فيه لجماعة "لبّت… لبّت" وجماعة "نحنا حررناكن"، اللي المفروض هنن يتركوا الشامي يمارس حقو الطبيعي بالأكل بالشوكة والسكينة، وهنن يغمسوا بالخمسة قد ما بدن! مو ضروري كلنا نغمس غصبن عنا لأنن "حررونا"! وبالنسبة لـ "لبّت… لبّت" الله لا يحرما لحدا، بس كل واحد يروح ع أرضو ويدبك بين جمهورو… #سوريا #دمشق #أحمد_الشرع
Yaman يمان97,090 次观看 • 5 个月前
المتحدث بالـ video حوراني، من المحافظة اللي كانت خزان بشري لنظام الأسدين، وإيدن الضاربة بالجيش والأمن، لدرجة إنو كتير محللين للوضع السوري، قالوا إنو لولا "الثورة" بلّشت من درعا، كانت رح تكون آخر محافظة ممكن تنضم لإلها. ولسى ما نسينا شو عملت غرفة عمليات الجنوب يوم 8 ديسمبر 2024، وقت استعجلت الفوتة ع الشام، وأتلفت وحرقت وسرقت سجلات الأفرع الأمنية ووسائل التوثيق الرقمية، وسهّلت اقتحام المواقع الحيوية ومقرّات أفراد عصابة بشار، ليحطو إيدن ع اللي بدن ياه. وفعلياً الشوام اللي عم يتهمن الشب -بمنتهى الغلاظة وقلة الحيا- إنن كتيبة تقارير وعندن صِلات مع مسؤولي النظام السابق، كانوا أول مين قاطع نظام آل الأسد: لا بيتوظفوا بالدولة، ولا بروحوا ع سلك الشرطة، ولا بيطوعوا بالأمن، ولا بيخدموا بالجيش، ولا بشبحوا بالإعلام! بالوقت اللي كانت فيه محافظات تانية عاملة إغراق لمرافق الدولة الأمنية والعسكرية والإعلامية… بعدين شو هالمقياس اللي عم تقيسوا عليه ولاد العالم والناس! ومين وكّلك إنت وغيرك بفحص منسوب الوطنية عند العباد؟! أي وما بدو يشارك بـ "الثورة"، وبدو يضل رمادي، أخو مراقو إنت شي! سعرو بسعر تسويات الحوارنة بدرعا. خلوا الطابق مستور، لأنو دافنينو سوا… للشيخ زنكي! #سوريا #الشام #دمشق #حوران #درعا
Yaman يمان67,901 次观看 • 4 个月前
العشاير… البدو… الشوايا بيستنوا "السلطة" -أي سلطة- ليبايعوها، وليلبسوا "القائد" -أي قائد- عباية حتى لو بالدين، ويدبحولوا الدبايح حتى لو مسروقين. بهالـ 15 سنة بدّلوا ولاءاتن شي 5 - 6 مرات: النظام السوري السابق، داعـ..ـش، قسد، الميليشـ..ـيات الشيـ..ـعية، السلطة الانتقالية. الـ "لبّت… لبّت" والـ "هبوااا" و "عليهن" لـ "التطوع بالجيش" -على اعتبار إنو ما عاد في "تجنيد إلزامي"-، هي مو "حبّاً بالوطن" متل ما عم يقولوا الرومانسيين بالتعليقات على هادا الـ Video، هي لأنو منفعتن المادية ومصلحتن بالحماية والنفوذ هلأ هون… ما بعرف شو شكلو هـ "الجيش السوري" اللي بدو يكون قوامو هي المساطر! #سوريا #دير_الزور
Yaman يمان67,908 次观看 • 4 个月前
بين هالتسجيلين سنة ومجزرة! الأول ضمن احتفالات السويدا بـ "تحرير" سوريا والتاني اليوم خلال مظاهرة بالسويدا للمطالبة بـ "حق تقرير المصير" تحوّل مُحزن، واللي بزعّل أكتر هو حالة الإنكار اللي عم تعيشا "الأكترية"! الدروز ما انقلب حالن لأنن عُملاء، أو لأنن بحبوا يعيشوا بدون باقي السوريين! هنن تغيّروا لأنن تعرضوا لإبادة، لأنن انقتلوا بسبب هويتن الدينية، انقتلوا لأنن دروز. ولأنو إنت وغيرك يا ابن "الأكترية" البريئة المظلومة، قررت تسكت عن دماتن، أو تشتغل بتبرير إراقتها. قد ما حاولت تتحجج باللي صار بتموز، بتخوين الدروز أو إنك تقول عنن انفصاليين، بتضل الحقيقة الواضحة إنن تغيروا بسبب قتلن وتهجيرن واحتلال ضيعن. وهلأ مو مطلوب منك تتقبل خياراتن، المطلوب بس تعترف بالسبب، وتبطل تزاود عليهن بشعارات وطنية، كنت إنت أول مين تخلى عنها… #سوريا #السويداء
Yaman يمان63,911 次观看 • 4 个月前
"طلاق دروز… طلاق دروز… طلاق دروز" الجملة التي جاءت على لسان السيدة الدرزية في مظاهرة السويداء اليوم، ورددتها ثلاث مرات، تشرح ما آلت إليه الأمور تماماً في المحافظة، فالطلاق في العقيدة الدرزية هو طلاق قطعي نهائي لا رجعة فيه. موضوع السويداء انتهى، حتى أبناء الطائفة الذين اتخذوا موقف "الحياد الإيجابي" تجاه "السلطة الانتقالية"، أو صُنفوا كـ "موالاة ناعمة"، وكانوا على خلاف مع الشيخ الهجري، باتوا اليوم في صف المعارض الصريح الرافض كليّاً للإدارة الجديدة. أهالي السويداء اليوم، هم كالسوريين الذين خرجوا ضد بشار في الـ 2011، لا يمكن أن يقبلوا بالسلطة الحالية بأي حالٍ من الأحوال. والسويداء اليوم هي إدلب.2، خارج سلطة "الدولة" وقبضتها وحكمها. الحل الأمني في السويداء كان خيار السلطة الكارثي، وخطاب التحريض الطائفي (الدروز ضد السنة) هو خيارها الانتحاري… #سوريا #السويداء
Yaman يمان112,773 次观看 • 9 个月前
"وزير العدل" بقلك (خطاب الكراهية دخيل ع الشعب السوري)، ووزير الإعلام بقلك (60% من خطاب الكراهية اللي بيجي على سوريا يصدر من سوريين يعيشون في سياقات ديموقراطية). يعني وزيرين بحكومة وحدة، بـ "تقريباً دولة" وحدة، واحد بقول ما في خطاب الكراهية والتاني بقول لاء في، وتنيناتن بنفس الجلسة وع نفس الطاولة وبذات السياق! بس معن حق الشبيبة، خطاب متل: "بدنا نبيد الدرزية" و "** اخت العلوية" و "سلحونا سلحونا وع الساحل ودونا" و "بويجية" و "حانن لأبو الكلاسين"، هي مناغشة مع الأقليات الكافرة يا مفتريين! #الملهاة_السورية #سوريا #وزارة_الإعلام #وزارة_العدل
Yaman يمان42,074 次观看 • 3 个月前
مسؤول الأمن العام بـ #داريا عم يقول إنو استخدام السيارة Hummer المصادرة (المعفشة) من #أشرفية_صحنايا كانت من "عنصر لم يُخبر مسؤوله"، متلو متل اللي بيلحش عمليات القتل خارج إطار القانون بضهر "مجهولون"،… وهيك ممضينها الشبيبة تبريرات. لاء بس هلأ مع تهديد مُبطن، إنو السيارة ليكا جاهزة وموجودة، بس إذا بدك تستلما رح نفتح عليك بواب قضايا تانية، ما ضل غير يقلو إذا كنت رجال تعى خدا! بتذكر كان بدنا دولة قانون، مو دولة هات إيدك والحقني… #سوريا
Yaman يمان99,925 次观看 • 11 个月前
مين بصدق إنو اللي بيفصل بين هدول التسجيلين كم شهر بس! الأول من السويدا ضمن احتفالات "تحرير" سوريا والتاني من شهبا من يومين خلال وقفة تأبينية لضحايا المدينة كيف صار هادا التحوّل الحزين؟! كيف انقلبت هي الأفراح لمآتم وجنازات؟! شو عملولكن الدروز؟! طالبوا بالحرية متلكن ما قبلوا يبعتوا ولادن على جيش بشار الأسد لحتى ما يحملوا خطية دمكن ولما ضاقت الدنيا فيكن سكنتوا بيناتن معززين مكرمين ضلوا سنة ونص يتظاهروا بساحة الكرامة، بوقت كان تمن كلمة الحق الوحدة من جوّات سوريا بـ 1000 كلمة من برّاتا شو عملولكن الدروز؟! يا حرام شو رخيص الإنسان بهالبلد… #سوريا #السويداء #شهبا #الدروز
Yaman يمان83,382 次观看 • 9 个月前
أنا لو محل أحمد الشرع بعتبر من "المظاهرة المؤيدة" اللي طلعت اليوم عند مبنى الأركان بساحة الأمويين بالشام. مظاهرة هزيلة ما فيها ميتين تلاتمية زلمة، جرى الحشد لإلا من أكتر من أسبوع، وهيك كانت النتيجة. هادا دليل إضافي على انقضاء شهر العسل -اللي كان قصير أصلاً- بين الشرع والشوام إلى غير رجعة. 🔴 استباحة أهالي المنطقة الشرقية للمدينة وساحاتا الرئيسية خصوصاً الأمويين والمرجة 🔴 محاولتن فرض أزياءن ونمط معيشتن ع الشوام بالشوارع والمطاعم والمناطق السكنية 🔴 تصدر الغربتلية لكل الهيئات والمؤسسات اللي بالشام، واللي كانوا الشوام يتوجهنوا فيها 🔴 السلوك العدائي من شبيبة الأمن العام للشوام، واللي بيقفل كل مرة بملاسنات مناطقية، ومسبات ع كل الشوام 🔴 هشاشة الوضع الأمني بالشام وريفا، من جرايم جنائية لجرايم ضد الإنسانية (القتل أثناء الاعتقال والمداهمات) عدا عن اللي عم ينغصّ عيشة كل السوريين ومنن الشوام 🟢 الوعود الكاذبة اللي عشّمت الإدارة الجديدة فيها كل السوريين وما تحقق منها شي، ولا يبدو رح يصير شي 🟢 عدم قيام "السلطة الانتقالية" بأي خطوة انتقالية بتخفف الاستعصاء السياسي بالبلد 🟢 الفشل بإدارة ملفات هامة بتتعلق بالسلم الأهلي (الساحل السوري والسويدا) هادا الحكي مو عنصرية… هادا واقع… توصيف الواقع مو عنصرية، التوصيف قد ما كان قاسي، المفروض يكون أولى خطوات الحل، إذا كان حدا حابب يلاقي حل‼️ #سوريا #دمشق #الشام #أحمد_الشرع #الساحل_السوري #السويداء
Yaman يمان80,761 次观看 • 10 个月前