ايش رايكم في كلامه ؟؟👇👇

كلامه صحيح وهشي موجود مسلسل واقعي على منصة نتفلكس امريكي طبعا ما احكي لكم عن قوة الصفقات الي يسويها الوسيط وقوة العمولة الي تجيه ترفعه بشهر واحد لمبلغ خيالي طبعا المسلسل ممتع ومفيد لابعد درجة زائد كم حبة دراما وحبكة من نتفلكس ✍️

لاتصدقون ترا المسوق لازم يكون موظف لدى مكتب عقاري وتلقاء معك داخلين بالقروب ١٠٠ شخص اذا انباع بيت عن طريقك بمليون تاخذ 1% نقول ١٠ الاف بس يقسمونها علي القروب اللي معك وتطلع ب10 ريال .. لو فيه مليون ماكان تلقاء مسوق عقاري لدى بنك وراتبه 4500 بالشهر

من سنه اخذت دورات بالعقار وطلعت رقم معلن ولا عرفت وش اسوي ومن وين ابدأ . احس المسوق العقاري لغز كل احد يبسطها لك وبالواقع تنصدم ماتدري من وين تبدأ

٤٠٠ الف في شهر يعني لازم يكون مسوق لعقارات بمجموع اكثر من ١٥ مليون كيف توصل للعقارات هذي وانت شاب جديد على السوق؟ كلامه جميل والاكيد نيته طيبه ولكن بلاش تحميس فاضي. تحسس الناس انهم زلايب لأنهم في وضع سيء دام كل شيء سهل مثل ما تقول. اكره مثل هالكلام لأثره السلبي على النفس.

الكلام ببلاش ٣ سنوات تسويق عقاري ماصرت مليونير 😂 وغيري كثير عروض مباشرة وكذلك طلبات مباشرة لكن اذا الله ماكتب لك رزق ماتاخذه لو تطلع الفضاء وسلامتك

التسويق العقاري فن لايُجيده الشخص الا بعد الممارسة العملية في ميدان العقار ، شاب بعمر صغير لايمكن ان ينجح بذلك الا بالممارسة والتجربة ، العقار أساسه مبني على علاقاتك ومعارفك وقبلها أسلوبك في التسويق 👌

الكلام سهل . ولكن لكل مجتهد نصيب

مافيه اسهل من السواليف! الميدان مختلف تماماً عن الكلام الي يقوله وكيف جالس يسطح الفكرة ويخليها سهله .. التسويق يبيله مهاره وعلاقات ويحتاج الى جهد كبير ، ولو الموضوع بهذي السهوله كان كل المسوقيين العقاريين مليارديريه الحين!

فكرة وجود الوسطاء هي من عقبات حل مشكلة العقار وشو له الوسطاء طيب دام فيه منصة !! تتم المخالصة بين البائع والمشتري بدون وسيط او مسوق وانتهينا

اللي يبغى ينجح في التسويق العقاري يتخصص في شي معين وباذن الله ينجح اما يتنطط كل مره يسوق شغله مختلفه مره اراضي مره عمائر مره فلل مره تاجير وادارة املاك مره اراضي ملياريه هذا ماظن معاه الا التعب والدوشه ، التخصص في هكذا قطاع اساس النجاح