شيء غريب غير زيت القير وخربت سيارته انتبهوا

غير صحيح لا يوجد زيت يعيش لمدى الحياة، أنا موضوع تغيير زيت القير متابعه بدقة من عام ٢٠١٤،وتواصلت مع الشركة الأم وقالو زيت القير يتغير، واصلا زيت القير موجود من ضمن جدول الصيانة، لكن تغيير زيت القير له عددة نقاط مهمة تسويها. ١-زيت القير تشتريه اصلي من الوكالة تعطيهم رقم الهيكل يعطونك زيت القير المناسب. ٢-تغيير زيت القير بعد مايكون الممشى قليل، مثلا بعد ٧٠ الف كيلو، ولكن تمشي عليه ٢٠٠ الف ثم تجي تغير، مباشرة بدون اتباع طريقة تغيير الزيت على دفعات راح يطق عليك. ٣-فك زيت القير وترك القير يبرد ،ثم يصب الزيت الجديد،يعني السيارة تكون عند الورشة من الليل ويغيرون زيت القير الصباح. ٤-يكون تغيير الزيت على دفعات،بحيث ينزل نصف كمية زيت القير القديم، ومن ثم يضاف نصف الجديد، وفي الاخير تركب فلتر زيت القير. ٥-فصل البطارية قبل التغيير، حتى لا يتأثر الحساس،التبديل في القير من ال p r d n الخ… بعد صب الزيت مباشرة.

ياشيين الي يتفلسفون السبب انه غير زيت بغير درجة السيارة نفسها مثلا الامريكي يوجد درجات ٣/٤/٥ الخ .. وهذا يبدو انه غير بزيت تجاري وهذا السبب خرافة خراب القير بعد تغيير الزيت هذي سوالف مجلس الاستراحة وفصفص وشاهي ..ويبي يعطي معلومات افضل من مصنع السيارة 😅

❌❌❌❌❌ كلامه خطأ وتظليل حرام تنتشر مثل ها السوالف غير زيت قير السيارة بأنتظام والا بتخسر قيرك

حسبي الله ونعم الوكيل اولاً سيارة صينية سيئة ثانياً قير cvt اسوأ انواع القيور واللي يحتاج حرص شديد وغيار زيت في بعض الاحيان على 40-50 الف تزر على الموتر وقومات وتمغطه بيروح عليك القير واللي سمع كلامك وماغير زيت القير ؛اذا انفقع القير بيجي يدعي عليك اذا ماتعرف هندسة cvt لاتفتي

انا مغير لسيارتي ٧ مرات .. كل ٤٠ الف اغير اكورد ٢٠١٧ واللي في #الجبيل #الجبيل_الصناعية #الشرقية انصحه بورشة مستر توب

انا عندي فور شنر ماشي 70000 غيرت زيت القير ولفلاتر اكثر من عشر مرات وحمد الله ماعندي مشكله مافيه زيت لاا بعد وقت تروح الماده المانعه الاحتكاك ويصير زي المويه معصو بغير ونت خلك علاءرايك

لازم يغير زيت القير اصلا حاجة بالعقل الزيت يتلف مع الوقت والحرارة ولكن وهذه النقطة الذهبية (لا تستخدم غسيل ضغط قوي) (او زيت غير مناسب) (او تمشي عليه 200 الف كيلو وتقول ابغير مرة واحدة) انتظم بتغيير زيت القير كل 70 الف كيلو غير زيت قير وكالة لا تستخدم غسيل ضغط قوي ابدا

كلامه غير صحيح استخدمت ٣ سيارات كلهم ابدل لهم زيت القير بانتظام و كلهم غيرت لهم اكثر من مره ولا واجهت اي شي ابداً هذا ممكن حاط نوعيه خطأ لقيره و مع الوقت ضرب

من عام٢٠١٨ اغير زيت القير كل ٥٠الف حسب كتيب السيارة الى الان مغيره ٥ مرات تقريباً و ما واجهت الا العافيه قير هادي تبديلات مريحه مافي لاق و حنه المشكله بالي يبدل ولا هو عارف وش يبدل على باله صب القديم و عبي زيت جديد و خلاص ما يدري فيه فلاتر تتغير و بعض السيارات فيه اكثر من فلتر

لا تقسم بالله من ايام الكابرس والجمس وحنا نغير زيت القير ولا ضره شي حتى بالسيارات الجديده ما صار شي هذا يصيح ولا يدري عن شي

للفائدة إذا غيرت زيت القير قبل لاتتحرك لازم تمرر القير على السرعات طالع نازل مرتين ثلاث والسيارة واقفة وبعدها توكل على الله

انا مغيره ثلاث مرات والحمدلله كل شي تمام والحلف مادري وش عليه ولاتحلفون اذ خربت معاك او مع شخص تعرفه ترا يفرق الي يغير لك القير اذ كان خبره او عندي بنشري 👍

كلام فاضي وهذا دايم يقول لا تغيرون زيت القير انا بدلت زيت القير بسيارتي 3 مرات ومشى الى 260 الف بدون مشاكل وكانت طريقتي استخدم الزيت الاصلي المطلوب حسب كتيب المالك مع الفلتر الاصلي كل 70 الف ابدل واغير الزيت والقير شبه بارد وسلامتكم

ممكن من البنزين ترا واحد من الشباب عبى بنزين وسيارته وكالة كانت، بعدها بساعات ما عاد اشتغلت ابدا، شالها بسطحة للوكالة عشان الضمان، قالوا له البنزين مخلوط معه ديزل ورفع قضية على المحطة

ياخي هذولا وش يحسون فيه لا المتحدث ولا صاحب السياره!! قير cvt يتبدل ٣٥-٤٠ الف كم بالضبط ، تتعداها بشي بسيط بيودع القير وتبدله وثم يخبط معك ويجي شخص زي هذا يقول لاتبدل !! - معك موتر قيره CVT غيره بين ٣٥-٤٠ الف كم ، وانتهى

لا أحد يصدقه يدخلكم في صبه قير cvt لازم تغير الزيت كل 40 الف مره بفلتر ومره بدون لان النوع هذا من الجيربكسات حساس لو ماغيرت يحصل انسداد في مجرى الزيت من الشوائب ويخبط

ياخوان قير اتوماتك نغير زيته ولا لا والله الحيرة هذي متعبة والواحد يخاف على حلاله والمشكلة الاكبر مو لاقيين احد يفيدنا اذا حتى الوكالة توقعك على اخلاء مسؤولية ناخذ العلم من مين على كذا

الزيت يتأثر، ولزوجته تنخفض مع الاستعمال. فكرة "مدى الحياة" تسويقية. معظم المتخصصين في CVT (خاصة نيسان، تويوتا، هوندا) ينصحون بتغييره بانتظام لأن تكلفة تغيير الزيت رخيصة نسبيًا مقارنة بتكلفة استبدال القير كاملاً. أعتمد على توصية الشركة الصانعة ولا تعتمد على "حسن عمر قللي"

آنا كانت عندي آلنترا وغيرة زيت القير وخرب من مركز معتمد قبل سنتين تقريباً..كانت آول وآخر مره من بديت آسوق قبل ٢٠ سنه …البعض يغيره وآموره ماشيه والبعض لا

غيرت زيت القير ٣ مرات سي في تي ولا فيه شيء ومشيت عليها مسافات كبيره وطلعات ونزلات

انا معي اكورد 2016 وكل 50 الف اغير زيت القير وماشيه 200 الف ومافيها شي كلام فاضي

امشوا على كتيّب السيارة ولا عليكم بأحد كثير يغيرون زيت المكينه وتخبط المكينه هل هذا يعني ان المشكلة بتغيير الزيت؟ او انها مجرد صدفه وكذا ولا كذا مكينته كانت بتخبط

@grok هل يجب تغيير زيت قير السيارة او ممنوع تغييره ؟

نعم صحيح لا يجب إفراغ كامل زيت الجير وإلا فإن الجير سوف يخرب

وضبت قير قال لي بعد 40000 غير زيت غيرته ما كمل شهرين إلا وضرب والله على اقول شهيد

ويمكن غير الزيت بزيت قير غلط ممكن غير زيت والموتر توه واقف وحار الزيت ممكن غلط من اللي غير اي كان الغلط

الحياة كل مالها تتطور نظام اسحب علبتين وحط علبتين كلام فاضي غير بالجهاز وغير فلتر حط معالج وسو برمجة وتوكل على الله مافيه زيت بالحياة يدوم للابد

اللي يصفي زيت الغير وبعدها يحط الجديد طبيعي الغير تخرب والصحيح انا اعلمكم اي احد يبي يغير زيت الغير اذا سيارته يحتاج زيت ٣ او ٤ علب حطه علبتين مع الزيت القديم وانتبه تصفي الزيت كله وبعدها تحط اول شي صفي الزيت شوي وبعدها حط علبتين وبعد شهور ارجع صفي شوي وارجع حط علبتين وبس والله

كل أنواع الجربكسات زيت القير يتغير لكن اهم نقطة تتابع الكيلو مترات يعني يبداً تغيير الزيت كل 60 الف لا قبل ولا بعد ولابد ان يكون الجربكس بارد ويكون الزيت اصلي مع تغيير فلتر زيت الجير وبلاشي الضحك علي الناس

كلام غير صحصح ومضلل قد يكون الزيت غير مناسب او ماغير زيت قير CVT غير نوع عادي من كتيبات الوكالة يتغير الزيت على 80 او 50 الف الجهل مصيبة

زيت القير ما ينغير اذا نقص زيده بس

كان عندي تورس 2015 وبعته 2025 كل سنتين اغير زيت القير على ممشى 80.000 وبعته وهو شبه جديد

كلام فاضي المفروض هذا يتحمل مسؤوليه تصريحاته

لو ماغيرت زيت القير بعد ممشى 150 الف كيلو في اي لحظة بيخبط القير