قسمة اللحم أيام الأولين قبل يعرفون المفاطيح "الذبيحة كاملة على الصحن" "المفطحات على الصحون عادة دخيلة علينا"

خلوا عنكم نشر الكذب هذي عادات أهل الجنوب فقط نجد والشمال مايعرفون يقسمون اللحم على الضيوف مئات القصائد تذكر المفاطيح وهذه قيلت في عبدالكريم الجربا تقريباً 1865 (عيبك إلى من قالوا الناس بك عيب للسمن فوق مفطح الحيل صبّاب) عند البدو عيب تقسم اللحم على الضيوف كنهم قطاوة

سبحان الله كانت فيها بركه الكل ياكلون منها الرجال والنساء والاطفال والأجنبي ويغرفون لكبار السن الي طايحين ماعندهم مقدره بالخروج .

صدقت

❗️القسمه لم تكون في نجد او الشمال ابد وهي عادات ⛔️اهل الجنوب واليمن لاعاد تفسرون من روسكم قصائد اهل نجد واهل الشمال قديماً كلها تذكر ((((ظهور الحيل )))) اما من لم يكن اجداده يعرفون المفطح وهم في نجد فهم دخلاء على نجد حتى على وقت النبوه

شلون المفاطيح عاده جديدة والقصيده يمكن قبل اكثر من ١٧٠ سنة ياما حلا والشمس باد شعقها من حدر الزرقا على نقرة الجوف يسقي بها عينٍ ظليل ورقها اللي نماها للمسايير وضيوف كم حايل للضيف نرمي شنقها يقلط حثث ماهو على الزاد مردوف أحسن من البلقا وصافي مرقها مقلطة للضيف كرعان وكتوف

ترى بيزعلون عليك 😊 مايدرون ان القدور الكبيرة غير موجوده وكأنو يطبخون في اكثر من قدر للذبيحة الواحدة وحتى الملح ماهو مثل بعض في القدور

أحسنت ما كان عند الاولين قدور ذبايح

ماعرفنا تقطيع وتفصيل الا من الحضارم واليمن وأهل الجنوب بشكل عام.. المفاطيح موجوده من أيام الفقر ومن أيام أجداد أجدادنا وعيب تكون الذبيحه ناقصه عند أهل الوسطى والشرق والشمال وحتى عند بدو وقبايل الخليج.. إذا هي دخيله على بعض المناطق فلايكون التعميم فالسعودية قارة وليست منطقة..

خلوكم صريحين واسردو الاحداث على حقيقتها ترى موب عيب ماكان فيه مفاطيح ولابطيخ للخطار كانو من الفقر ياالله يلقون اللحم وان لقوه ينشفون اللحم وياكلونه لمده سنه لين. يستطيعون يذبحون ذبيحه بعد مده زمنيه طويله

مقحم النجدي العنزي قبل اكثر من ١٠٠ سنة يقول ، يا الله يالمطلوب يا وال الاقدار إنت الذي مدات جودك لطيفه يا الله يالمعبود عاون هل الكار تحل شطاتٍ عليهم كليفه اللي مجالسهم بها بن وبهار ونجرٍ يصوّت للهجافا رجيفه مكارمٍ للضيف أصيلات وكبار ومفطحاتٍ في صحونٍ نظيفه

دخيلة عليكم، ماهي دخيلة علينا.

لا يا أبو محمد ماهي دخيلة لكن ما تنحط لكل أحد بيوتهم مفتوحة واللافي الله يحييه واللي يجنبهم مايدورونه شواهدها كبار السن الذين تواترت رواياتهم بأنهم يخطرون ويذبح لهم وتحط كاملة وشواهدها مثل بيت ابن سبيل الى تريض يذبحون الخرافين ومن زاد بيت الله تفرش عصوبه والشواهد كثيرة

ابوى الله يرحمه شيخ قبيله يحط على صحون الرجال الراس والظهر ويدين الذبحة

المفاطيح معروفة من أيام آبائنا الله يرحمهم لكن ما كانت معروفة عند الأجداد

@eman_12222 منهم اجدادك الله يعافيك ☺️

@abdullah91194 اكبار القوم

عادة عثمانية دخيلة على اهل نجد العرب تفصل الذبيحة تفصيل

تختلف عادات الحاضرة عن عادات البادية، لكن المفاطيح عادة قديمة جدًا وليست دخيلة.خاصة في شمال المملكة

قبايل الحجاز يقسمون الذبيحة على الصحون، بحيث تكون عدد الصحون على عدد الحاضرين ويكون الظهر كاملاً مع راس الذبيحة على صحن الضيف، المهم أن الجميع يأكل من طعام نظيف غير مأكول منه، ويستعيبون ما يسمى (بالدور الثاني)

ماعرفته إلا قبل كم سنه من احد المطابخ ..( تقاطيع حضرمي ) الذبيحه يوزعها بالتساوي على 4 صحون او اكثر .. وكل صحن مثل الثاني بكمية اللحم. .ومناسبه جداً للجمعات الغير رسميه .. وللولائم الكبير ه مثل الزواجات.. فيه توفير وبركتها اكثر من المفطح ..!

المفاطيح اتمنى أن تمنع بقوة النظام وأن تشرف على أي مناسبة تقام لجان مشتركة من الإمارة والشرطة والجمعية الخيرية لضبط التجاوزات في بعض العادات مثل صب السمن على اليد أو الإسراف في الأكل بحيث يحال المخالف إلى مركز الشرطة تقوم الجمعية الخيرية بتوزيعه وفرض غرامة مالية على من يتجاوز

ابومحمد والصور هذي وش رايك فيها ؟

اركد!!! وش اللي دخيلة علينا؟! اذكر دخيلة علىك وذكر منطقتك؟! اما تقول دخيلة علينا وتعم المملكة فانت مخطي فهي من عهد جدانا وجدانهم قبلهم الى يومنا هذا! في نجد حاضرتها وباديتها من جنوب نجد الى حدود المملكة مع دول الجوار ، والضيف مايقلّط إلا على مفطح "خروف" وليس تيس!

المفاطيح ماهي دخيله لكن انتقلت لكم من قبائل أخرى في العصر الحديث وهي عادة قديمه جداً عند قبائل أخرى ، أما التقطيع هذا عند قبائل محدده فقط . أنا ضد تصدير السلوم والثقافات بالقوة

عاداتنا وتقاليدنا نقلط الذبيحه كامله ايام ابانا واجدادنا ولانقطعها ولا شي هذي عاده عند اهل اليمن واهل الجنوب يمكن بعض منهم

انا لحقت على جيل جدي رحمة الله ورحم الاولين و من لحقهم الى جوار ربهم كانوا لا يعرفون شي اسمه ذبيجة او مفطح على الصحن وخاصة بالجنوب قبل اكثر من 50 عام لانهم كانوا في عوز وكانوا يقسمون اللحم على الصحون سواء ضان او حسلان كانت نفوسهم طيبة وقلوبهم نظيفة

هذا السلم يتدرج من اليمن حتى يقف على أطراف الحجاز ويسمى تقطيع حضرمي ويختلف حجمه بارتفاع المنطقة ونجد وشمال المملكة سلمهم يختلف في اكرام الضيف ويقدمون الضيفة مفطح وكأن العرب هم وباقي العرب دخيلة لأنها اختلفت مع سلمهم !!!! عجيب

البعض كاتب انا من عرفة نفسي واحنا نسوي المفاطيح كم عمرك انت وياه 30 سنه 40 سنه 😅 الأخ عبدالله يتكلم عن الأولين يكلمك عن السبعينات والثمانينات جايني انت مواليد 95 وتقول ماعرف نفسي إلا بالمفطح 🤣

تمريس بتمريس خل الرجال تدرع باللحم مهوب يعزمني ثم يذلني

سألت امي وتقول المفطح من سلومهم من قديم الزمان ، امي من اهل القرى من نجد

قبايل نجد والشمال ، مفاطيح قبايل الحجاز و الجنوب ، تقاطيع

المفطح ما كان موجود عند الجنوب والحجاز ونجد كانت تقسم الذبيحه والضيف له القسم الجزل واعتقد انه ماجاء إلا مع الرز اللي كان موجود قبل 60 سنه وجاء تصدير

يعطيك ويعطيهم العافية على المعلومة

آمين وإياك

@lubna_saud22 المفطح دخيل علينا في الحجاز. نحط الذبيحة ك ان كامله في الصحن الارباع و الفطحه. لكن انه الربعين الاخيره في الذبيحة لاصقه ما منا نقدمها كذا. و أنا ما أعيب على اي منطقة أو قبيلة في عاداتهم و لكن نذكر العادات المتوارثة في منطقتنا

صحيح ماكانت معروفة عند سكان جزيرة العرب بالعموم في عصر الاجداد على الاقل من 150 عام. وكانت الذبيحة تقسم مثل الذي بالصورة او مشابه له. المفطحات او المفاطيح لا تعرف إلا في مجالس الحكام او شيخان القبايل والزعماء والاثرياء وبعدها انتشرت لدى العامة. من يقول غير ذلك فقد كذب على نفسه.

طالما الحسم بين الذبيحة والمقسم لايوجد في القرآن ولا السنة الصحيحة فاعملوا ما طابت له نفوسكم، أنا عن نفسي أفضل أن تُقَدَّم الذبيحة كاملة: ١- لأنها واضحة للضيوف أنها ذبيحة كاملة ويعرفون نوعها لا اشتباه فيها. ٢- بعض الناس إن لم يكن أغلبهم لايحب أن يلمس أحد الأكل قبله.

أهل البادية يقدمون الذبيحة كاملة للضيف وتكون مناسبة واحدة وحضورها قليل عادة تقتصر على الضيف وبعض أهل المكان، أما تقسيم الذبيحة فيكثر في المناطق الحضرية وخصوصاً في مناسبات الزواج لأن الدعوة تكون عامة غالباً والحضور كثيف، فيصعب تقديم الذبيحة على مائدة لكل ضيف، وهذا ما رأيناه مذ كنا صغاراً ومستمر لدينا في الشرقية حتى اليوم..

هذي عادات الجنوب مب عندنا في نجد

اللي انا اعرفه ان ربعنا في نجد ما كانوايعرفونه بينما كان يُعرف في الشرقية وكانوا هناك يفصلونها تفصيل