وش رايكم بالموضوع ⁉️

انتم مافهمتو على الرجال الرجال ماعنده مشكله لو يعزم مية رجال لكن زعله على شان انه ماعلمه عشان يزين او يزيد او يحسب حسابهم وهذا من طيبه الرجال مايبي الضيوف الا ياخذون كرامتهم مو فجاه يدخلون وهو بيحط عشاه هو وربعه وهذاك ماخبره المفروض ان اي واحد يعزم يبلغ المعزب عشان يحسب

المعزب ابو نظاره كلامه صحيح ١٠٠٪ ... لازم تعطيه خبر عشان يحسب حسابهم بالعشاء لان المنقود يبي يصير عليه ... الشي الادهى والأمر وهاذي صارت معاي .. اذا انهم قاطين بالعشاء والرجال الثاني يعزم ويتجمل على حساب اخوياه وهاذي عيب وشق جيب ... لاصارت عزيمتك وانت اللي متكلف اعزم على كيفك ..

فيه مقولة عند عبيدة قحطان يقولون ضيف المطاليق .. يعزم.

سواء كان المشهد حقيقي او تمثيلي لكن اللي يعزم على محل خويه ولا يعطيه خبر هذا أنسان مايفهم واللي يسوي هالحركه اشطبه مباشره من قروب الشبه

الناس صارت تفتعل احداث ومواقف عشان الترند .. الناس صار ماعاد في وجيههم حيا لا من جماعه ولا من ضيوف .. الناس صارت تطارد الترند حتى لو بالكذب وحتى لو بالشرهه والافعال والاقوال التي ليست من عاداتنا ولا من شيمنا وقيمنا وماتربينا عليه … الترند صار وسيله لافساد الناس والاداب والاخلاق ..

المعزب شرهته في محلها على خويه تبي تعزم ناس اعزمهم على محلك لا تسحبهم معك وأنت منت معزبهم أو علمهم من بدري بالضيوف اللي مطبح بهم على معازيبك لجل ماتحرجهم وتعرضهم المنقود من الضيوف

اللي صور ما له حق يرسل للعالم ...هذا المفروض ينصح جالس في مجلس ويصور و يرسل ...وحتى لوكان هو مزح او هم خوافقين انه يرسله ...انا اشوف ما هو طيب فعله...المفترض يرسل شيء طيب

كلهم كذابين و مسوين فلم علشان جذب المتابعين و لاحظ كل فترة يطلعون بموضوع جديد

كل شوي طالع لنا ردي بيوصل رساله الضيف حياه الله في اي وقت انقز اقرب مطعم وكمل عشاك فيه واذا قلطتهم قل ماهم حقكم ولزم عليهم اليوم الثاني

دادي بادي .. حركة مفتعلة بس زاد العيار شوي .. اذا اردت ان توصل رسالة فأعد لها اعداد جيد حتى توصل ويستفاد منها .

You might want to hear this